Aktualitatea

Urdaibaiko Biosfera Erreserbearen gaineko erakusketa ibiltaria Amorebieta-Etxanora heldu da

Eusko Jaurlaritzako Ingurumen, Lurralde Plangintza, Nekazaritza eta Arrantza Sailak antolatuta, 'Urdaibai Bizigai - Urdaibai Fuente de Vida' izeneko erakusketea urriaren 14ra arte ikusgai dago Amorebieta-Etxanon, Zelaieta Zentroko sarrera-aretoan.

'Fosbury', Inoren Ero Ni taldearen 3. diskoa zuzenean entzuteko hitzorduak

Inoren Ero Ni taldeak hirugarren diskoa dauka plazan Bidehuts-en eskutik eta aurrekoan [Gronhölm BH 004] bezela biniloa eta CDa alkarregaz banatzen dira.

Euskalerriko Eskautak Bizkaiko alkarteko 27 taldeek urrian hasiko dabe ikasturte barria

'Euskalerriko Eskautak Bizkaia' irabazteko asmorik bako alkartea da eta, eskaut metodologia tarteko dala, ume eta gazteen aisialdian egiten dauen lan hezitzailearen eta ebanjelizatzailearen bidez, Bizkaiko herri eta auzoen hobekuntzearen alde lan egiten dau.

Bilboko Euskera Sailak eta Nontzeberri atariak euskerazko blogen 'Bilboglari' Lehiaketea abiarazo dabe

Bilboko Udaleko Euskera Sailak eta nontzeberri.com Interneteko kultura atariak 'Bilblogari' euskarazko blogen lehiaketea martxan jarri dabe. Ekimen honen helburua da euskerearen erabilerea Internet eta euskarri digitalen esparruan egonkortzea eta sustatzea.

Elorrioko errebonbiloen ganeko liburu bat idatzi dau Iñaki Irigoienek

Argitalpen barri honetan egileak ohitura honen eta Durangaldeko eta Bizkaiko beste arma-erakustaldi batzuetan sorreran sakontzen dau eta Lepantoko bataila eta Amandotar anaien legendaren inguruan ezaupideak be emoten ditu. Ikerketeagaz batera, liburuak 1900 eta 1965. urteen artean Errebonbiloei egindako argazki batzuk batzen ditu.

Zerbitzua euskeraz emoten daben akademien gida bat editau dau Getxoko Udalak

Getxoko Udalak zerbitzua euskeraz emoten daben akademien gidea kaleratu dau eta umeen eta gazteen familiei bialduko deutse, gurasoek eskolatik kanpo euskeraz dagoan eskola-laguntzinoaren eta beste gai batzuen eskaintzea (musikea, pinturea, esku-lanak) ezagutu dagien. Ekimena, Getxon euskera sustatzeko hitzarmen-egitasmoaren (GEHI) barruan dago, Udalak uste baitau garrantzitsua dala umeek eskolatik kanpo egiten dituen jarduerak euskeraz be egin ahal izatea.

Lan-praktikak Guggenheim Museoan egiteko aukerea izango dabe 63 ikaslek

Guggenheim Bilbao Museoak beken programea antolatu dau beste urte batez BBKren babesagaz eta Euskal Herriko Unibersidadeagaz (EHU) eta Deustuko Unibertsitatearekin alkarlanean. 2009-2010 ikasturtean, programa honen bitartez, unibersidadeko eta Goi Mailako Heziketa Zikloetako 63 ikaslek eta tituludunek aukerea izango dabe euren laneko praktikak Guggenheim Bilbao Museoan egiteko, lau hiletik 12 hilera arteko epean.

EOSeko musikari-talde bat izango da Arriagako Gelatxoak egitarauaren lehenengo protagonista urriaren 4an

Izai Kamara taldeak, Euskadiko Orkestra Sinfonikoko kide diran Juan Navarro, klarinetejoleak, Sara Zufiaurre, klarineteak eta Marco Caratto, fagotak osotutako taldeak ekingo deutso Arriagako Gelatxoak egitarauaren 2009-2010 denporaldiari.

Bide Ertzeanek bere hamar urteak batu ditu 'Leidor Sessions' lanean

'Disko benetan berezia da. Lehen aldia da zuzenean grabetan doguna. Eta nahi genduan bi lengoia buztartu, guretzat oso buztargarriak diranak, musikearen lengoaia eta zinearena, eta horretarako Modus Operandi produkzino etxea aukeratu genduan, film laburretan eskarmentua daukana'.

Kubatarrak, senegaldarrak, galiziarrak eta andaluziarrak euskaldunokaz bat Pirritx eta Porrotxen lan barrian

‘Irrien lagunak’ abestia, diskoari eta ikuskizun barriari izena emoten deutsena, Kaki Arkarazok orain zortzi urte sortutakoaren bertsino ska bat da, eta geugaz batera kantauko dabe Betagarri taldeko Iñaki Ortiz de Villalbak eta Bilboko Konpartsetako lagunek.

Mungiako toponimia zaharra berreskuratuko dau Labayruk

Mungiako Udalak lekuen izen zaharrak berreskuratzeko lana emon deutso Labayru Ikastegiari. Lehenengo fasean artxiboetan agertzen diran toponimia guztiak batu ditue Asier Bidartek eta Izaskun Magrok; orain, ahoz manteniduten diranak aztertuko ditue. Horretarako, auzoetako alkarteko kideakaz batuko dira Gabonak baino lehenago inkesta batzuk egiteko amesagaz.

Mikel Urdangarinek 'Zubia' izeneko zortzigarren bakarkako lana kaleratu dau

Hamar kantak osotzen dabe akaso aurrekoak baino pop ikutu gehiago daukan disko barria. Musikea Urdangarinek sortu dau baina, letrakaz, laguntzinoa izan dau: Unai Iturriaga ('Itzi geuntsan'), Karmele Jaio ('Infinitua') eta Kirmen Uribe ('Munduari begiratzeko modu bat').

Bertsolari Txapelketa Nagusia datorren zapatuan hasiko da, Zestoan

Euskal Herriko Bertsolari Txapelketa Nagusia 2009 datorren zapatuan, urriak 3an, hasiko da, Zestoan (Gipuzkoa). Sei bertsolarik kantauko dabe Txapelketa Nagusiko lehen final laurenean: Iñaki Gurrutxaga oriotarra, Jone Uria algortarra, Miren Artetxe hendaiarra, Oihana Bartra bilbotarra, Uxue Alberdi elgoibartarra eta Odei Barroso barakaldoarra.

Euskerea, gazteak eta parte-hartzea izango ditue berbagai Durangon urriaren 8an

Euskera, gazteak eta parte-hartzea, horrexek izango dira 'EuskaraGAZ parTE hartuz' jardunaldiko hiru ardatzak. Izan be, Elhuyar Aholkularitzak alor horreetan izandako bizipenak partekatu nahi ditu ganerako eragileakaz.

Arrantza-ontziak ala gerra-ontziak? Seguridade pribatua ala militarrak? Arraina ala okelea?