BizBAK-ek telebistaren eta artearen arteko loturea aztertuko dau 'Artists killed media starts' mintegian
2012-01-11 13:01 jardunaldiak
Artists killed media starts mintegian telebistaren, zinemaren, bideoaren eta artearen arteko hartu-emon konplexu eta aldakorrak jorratuko dira. Ekimena ElectroClass proiektuaren barruan sartzen da. Proiektua María Ruido artistak zuzentzen dau, 80ko hamarkadatik aurrera telebista autonomikoa oinarri hartuta eregitako lanaren iruditeriaren inguruan.
Merkealdietan itsu-itsuan ibili ezkero, behar ez dan gauzeagaz joango zara etxera...
2012-01-11 11:58 Begi betegarri
Donejakue bidea kultur ondasun izentau dau Eusko Jaurlkaritzeak
2012-01-11 11:36 kulturbiz
Araba, Bizkaia eta Gipuzkoatik pasetan dan Donejakue bidearen zatia Kultur Ondasun Sailkatua izentetako dekretua onartu dau Eusko Jaurlaritzeak. Donejakue bidea moltso historiko-artistikoa izentau eben 1962an, eta kultura-ondasun, 2000. urtean, monumentu-moltso kategoriagaz. Dekretuak bideari lotutako 700 elementu babesten ditu.
Pedro Almodovar eta Enrique Urbizuren pelikulak, 2012ko Goya sarietako faboritoak
2012-01-11 10:19 Barriak
Pedro Almodovarren La piel que habito eta Enrique Urbizu bilbotarraren No habrá paz para los malvados pelikulek ditue izendapen gehien 2012ko Goya sarietan; hain zuzen be, lehenengoak 16 eta bigarrenak, 14. Zezeilaren 19an egingo dabe sarien banaketea, Madrilen. Mateo Gilen Blackthorn eta Benito Zambranoren La voz dormida be film onenaren eta zuzendari onenaren sarietarako hautagai dira.
Eibarko Usartza txistu taldeak 75. urteurrenea ospatuko dau Bilbon emongo dauen kontzertuagaz
2012-01-11 10:12 Musikea
75. urteurreneko ospakizunetan sartuta, taldea osotzen daben hamar musikarik, errepertorio tradizional bat eskainiko deutsie bilbotar publikoari. Hitzordua gaur, eguaztena, hilak 11, 20:00etan, Euskalduna Jauregiko A3 aretoan. Sarrerea librea da edukierea bete arte. Usartza Txistu Taldea, Bilboko Udal Txistularien neguko denporaldiko kontzertuen egitarauan, urteko lehen talde konbidatua da, BilbaoMusikak antolatuta.
'Euskaraz seguru' gidaliburua kaleratu dau EHUk
2012-01-10 17:36
Euskaraz seguru gidaliburua kaleratu barri dau EHUko Euskera eta Eleaniztasuneko Errektoreordetzeak. Liburua sarean konsultagai dago, hemen. Liburua ezinbesteko lagungarria izango da idazkaritzetako, sailetako, dekanotzako eta bestelako bulegoetan lanean dabilzan administrazino eta zerbitzuetako langileentzat, saileko iturriek adierazo dabenez.
Bilboko Aratusteak 2012 iragarteko sei kartel finalistak aurkeztu ditue
2012-01-10 16:50
Sei kartel finalistak Zabalgune Eraikinean, Udalaren webgunean eta komunikabide laguntzaileetan jarriko dira ikusgai urtarrilaren 16tik 20ra bitartean. Denporaldi horretan herritarrek botoa emoteko aukerea izango dabe.
Zuhar Iruretagoienak 'Vexations' proiektua aurkeztu dau Bilboko Rekalde aretoan
2012-01-10 14:54 Kulturea
2011ko Rekalde bekearen emoitzea erakutsi dau Zuhar Irutegoienak, Vexations izeneko proiektua, hain zuzen be. CPIE Littoral Basque-Euskal Itsasbazterra alkarteak eta Bilboko Institutu Frantsesaren lankidetzeagaz, artista zarauztarrak Hendaiako Nekatoenea Domaine d´Abbadie egoitzan hiru hile emon ditu lana sortzen. Erakusketea ikusgai izango da Bilboko Rekalde aretoan, zezeilaren 12ra arte.
Kulunkan ikas-jolas gunea jaio da
2012-01-10 14:42
Jolas, dinamika eta tailerren bidez gozatuz personearen gaitasunak garatzea eta balioetan heztea da ekimenaren helburua. Jolasa, jokoa ez bezela, garapenerako, ondo pasau, hartu-emonak izan, errespetu ohiturak bereganatzeko, irudimena eta fantasia lantzeko, barre egiteko eta alkarrengandik ikasteko egiten dan jarduerea da.
Jenaro Perez Villaamilen Sevillako katedraleko lan bi ikusgai, Bilboko Arte Eder Museoan
2012-01-10 14:40 Kulturea
Bilboko Arte Eder Museoak Jenaro Perez Villaamilen lan bi aurkeztu ditu, Sevillako katedrala protagonista dabenak biak, Obra konbidadua izeneko programearen barruan. Koadro biak 1835ekoak dira; bata Sevillako katedrala, harmailen aldetik da, eta bestea, Gorpuzti-eguneko prozesinoa, Sevillako katedralaren barruan.
Ume eta gazteen parte-hartzea bultzatzea dau helburu Ikusi eta Ikasi programeak aurten
2012-01-10 13:52 Euskerea berbagai
Familia barruan, euskerearen erabilerea bultzatzeko asmoz antolatzen dogu zirkuitua, azaldu dau Sabin Anuzita Bilboko Udaleko Euskera Zinegotziak. Holan, ikuskizun guztiak euskeraz dira eta gurasoentzat antolatutako tailerrak be, etxean euskerearen erabilerea zabaltzeko izaten dira.
10 urte Literatur Emailuak zabaltzen
2012-01-10 13:26
Armiarma, literaturearen sarean atariaren barruan, 2002ko urtarrilaren 10ean hasi ziran Literatur Emailuak bialtzen, zabaltzen... Ordutik hamar urteotan, literaturearen inguruko albisteak, efemerideak, liburuak, aldizkariak, ekitaldiak iragarten Ibili dira. http://www.armiarma.com/emailuok gunean dagoz urteotako albiste guzti guztiak.
The Doors taldearen 'L.A. Woman' diskoaren berrargitalpena, argitaratu bako materialagaz
2012-01-10 10:45 Musikea
The Doors taldeak orain 40 urte grabau eban bandaren estudioko azken diskoa izan zan L.A. Woman. Rhino zigiluak lana berrargitaratu egingo dau, urteurrena gogoratzeko, Warner Music etxeko iturriek jakinarazo dabenez. Urtarrilaren 24an kaleratuko dabe.
EHUk unibersidade-orientazinorako azokak egingo ditu hiru campusetan
2012-01-10 10:33
EHUko iturriek jakinarazo dabenez, lehenengo hitzordua Gasteizen izango da, Farmazia Fakultadean, urtarrilaren 21ean; ondoren, urtarrilaren 28an, Donostiako campuseko Ignacio Mª Barriola eraikinean izango da azokea; azkenik, Bilbon, Ekonomia eta Enpresa Zientzien Fakultadean egingo da, zezeilaren 4an.
Hilebeterik bizienean sartu da Euskadiko Filmategiak antolatutako Alex de la Iglesiaren atzera-begirakoa
2012-01-09 18:00 Barriak
Urtarrila izango da atzera-begirakoaren hilebeterik beteena eta biziena, honako sesino honeek izango diralako: Baionan bi (Cinéma l’Atalante), Gasteizen hiru (Aula Fundación Caja Vital Kutxa-CC Dendaraba), Bilbon bost (AlhondigaBilbao) eta beste bost Donostian (Antzoki Zaharra).
Johnny Cashen omenezko 'Beltza' diskoa kaleratu dau Gaztelupeko Hotsak etxeak
2012-01-09 17:49 Musikea
Beltza. Bye, bai, Cash Johnny Cash musikariaren omenezko diskoa kaleratu dau Gaztelupeko Hotsak etxeak. Hogei talde batu dira baltzezko gizonaren kanta ezagunak jasoteko, tartean Zarama, Ratzinger, Petti eta Carniceros del Norte. Euskal Herrian kantari estatubatuarrari egin jakon lehenengop omenezko diskoa, diskoetxeko iturriek adierazo dabenez.
Hiru euskal surflari, kirol honetan oinarritutako lehenengo telebista saioko partaide, Zarautzen
2012-01-09 17:39
Aritz Aranburu eta Ibon Amatriain dira kirol zuzendaria eta entrenatzailea, hurranez hurran. Danetara, Espainia osoko 10 surflari sartu dira Zarauzko Akademian.
'Jesü Kristen Imitazionea' testua Euskaltzaindiaren webgunean irakurgai dago
2012-01-09 16:43
Euskaltzaindiak Jesü Kristen Imitazionea liburua Akademiaren webgunean ipini barri dau. Argitalpen digitala hemen konsultau daiteke. Jean-Louis Davant euskaltzain emerituak gaur egungo euskal grafiara egokitu dau testua.
Alex Txikon barriro ahaleginduko da Gasherbrum-I mendia neguan igoten
2012-01-09 14:50
Asteon, urtarrilaren 12an abiatuko da Alex Txikon Pakistanera, Carlos Suarez, Nisar Husein, Darek Zaluski eta Hahlen Cederic taldekideakaz batera.
Fritz Langen film mutuei eskainitako zikloa, Bilboko Alondigako Zinematekan
2012-01-09 12:30 Barriak
Bilboko Alondigako Zinematekeak Fritz Lang zuzendaria izango dau protagonista urtarrilean. Danetara, zinemagile austriarraren hamaika film proiektauko ditue, tartean Metropolia eta Mabuse doktorea. Zikloa urtarrilaren 11n hasiko da eta zezeilaren 16an, amaitu. Langek epealdi mutuan egin zituan lan garrantzitsuenak izango dira ikusgai. Pelikula bakotxeko emonaldi bi egingo dira.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...