Aktualitatea

Herri mailako 'Beldur Barik' lehiaketea gaztetxuen artean egingo da Berrizen

Eudelek sustatuta bigarren urtez antolatu da Beldur Barik lehiaketea, neskakanako indarkeriaren kontra gazteria inpliketako lehiaketea. Udalerrietan eta ikastetxeetan prebentzino jarduerak egitea da asmoa. Berrizko Udalak, aurten lehenengoz, gazteei zuzendutako herri mailako lehiakeeta egingo dau. Lanik onenak 500 euroko saria jasoko dau Berrizko dendetan gastetako.

Kotxe hibridoa, elektrikoa... Holakoa beharko ete dogu ala onena bizikletea hartzea izango da?

Elias Kerejetak Zinemira saria jasoko dau Euskal Zinemearen galan

Euskal Herrian produzidutako zinemearen eguna dau gaur Donostiako Zinemaldiak. Viktoria Eugenia antzokian egingo da, 20:30ean, Euskal Zinemearen Galea, eta bertan Elias Kerejeta produktoreak aurtengo Zinemira saria jasoko dau. Horrezaz gan, martitzenean estreinau zan Imanol Rayoren Bi anai filma be eskainiko dabe jaian, eta Gregorio Muroren Zeinek gehiago iraun film laburra be emongo dabe.

Marco Canalek 'Arte eszenikoak eta ekintza politikoa' tailerra emongo dau BAD jaialdiaren barruan

Marco Canale antzerkigile eta zuzendari argentinarrak Arte eszenikoak eta ekintza politikoa tailerra emongo dau BAD Antzerki eta Dantza Garaikideko Jaialdiaren barruan, Bilbon. Mintegia urriaren 24tik 27ra izango da, eta sorkuntza eszenikoan interesa dabenei, esperientziadunei zein hasten dagozanei zuzenduta dago. Canalek, ganera, La puta y el gigante lan barria aurkeztuko dau.

Karneta eta pasaportea euskeraz atara dodaz

Donostian ateko poliziak ez deust ulertu euskeraz karneta eta pasaportea barritzera ninoiala. Nhaikoa aztoratu esan deust espainolez, berehala ekarriko deustala itzultzailea. To! Baina itzulian zuzenean bialdu nau 9. mahaira. Han, euskeraz polito, barritu deustie Espainiako nortasun-agiria.

Zinema garaikide esperimentala aztertuko dabe Bilboko BIZBAK ikastaroetan

Andres Duque zinemagileak eta Los Hijos kolektibokoek BizBAK (Bizkaia Bilbao Arte eta Kultura) udako ikastaroen barruan Espainiako zinema dokumental barria aztertuko dabe. Mintegia irailaren 21ean eta 22an egingo da, Bilboko Bizkaia Aretoan (Abandoibarrako Paraninfoan).

Lip dub bategaz hasiko dabe aurtengo Euskerearen Eguna Igorren, hilaren 24an

Igorreko Euskera Planak 9. Inbiu jaialdia antolatu dau, hilaren 24an. Lip dub baten grabazinoagaz hasiko dabe jaia, 10:30ean, udaletxeko plazan. Euskera Planeko kideak buru-belarri dabilz beharrean ibilbidea, gidoia, parte-hartzaileak eta abar antolatzeko.

Eskelak etxetik on-line egiteko aukerea emoten dauen enpresa barria sortu da Bilbon

Bilboko Lan Ekintza udal soziedadearen 2011 Bilbon ekin enpresa-ekimenen lehiaketeak Otra Dimensión enpresea sortzea ahalbidetu dau. Enpreseak egunotan aurkeztu dau bere proposamen barria, eskelak etxetik on-line egiteko aukerea emoten dauena, diseinu personalizatu, argazki eta bisita-liburua eta guzti.

Elssie Ansareo, Mabi Revuelta eta Eduardo Sourrouilleren lanak ikusgai, 'Bosteko 11' erakusketa ibiltarian

Bizkaiko Foru Aldundiko Kultura diputadu Miren Josune Ariztondok eta Arrigorriaga, Getxo, Leioa eta Basauriko Udalek Bosteko 11 erakusketa ibiltaria aurkeztu dabe. Elssie Ansareo, Mabi Revuelta eta Eduardo Sourrouille artisten lanak jasoko ditue aurten. Lehenengo erakustaldia daborduko edegi dabe Arrigorriagako Kultur Etxeko erakusketa aretoan, abendura bitartean. Ostean, Getxon, Leioan eta Basaurin izango da.

Abadiñoko Bizkai txakurrak irabazi dau Euskal Herriko Artzain Txakur Txapelketea

Abadiñoko Jose Urien artzainak eta Bizkai bere txakurrak irabazi eben domekan 45. Euskal Herriko Artzain Txakur Txapelketea, Axpen. Gerediaga alkarteak izan zan antolatzailea. Lehenengoz hartu dau aurten parte Bizkaik txapelketetan, eta aurreko astegoienean Bizkaiko txapelketan be bera izan zan onena.

Euskal haur eta gazte literatureak emondakoa batu dabe liburu baten

Euskal Herriko Unibersidadearen ekimenez martxan jarritako Euskal Literaturaren Historia bildumako laugarren alea da, izatez, haur eta gazte literatureari eskeinitakoa. Aurretik, poesiari, nobeleari eta zinema eta eleberriaren arteko hartu-emonei buruzko lanak be atara ditu Jon Kortazarrek gidatutako lan taldeak.

Euskaltzaindiak egoitza barria dauka Gipuzkoan

Euskaltzaindiak egoitza barria dauka Gipuzkoan, Donostiako Tolare baserria, hain zuzen be. Akademiaren Gipuzkoako ordezkaritzeaz gan, Jagonet Zerbitzua, Joanes Etxeberri egitasmoa (Euskararen Historia Soziala) eta Euskaltzaindiaren Hiztegigintzan lan egiten daben taldeek Tolaren jardungo dabe aurrerantzean.

G-9 taldeko unibersidadeetako erretoreak Bilbon batzartu dira

G-9 taldeko unibersidadeetako erretoreen Batzar Nagusia egingo dabe irailaren 19an, Euskal Herriko Unibersidadearen Bizkaia Aretoan, Bilbon. Iñaki Goirizelaia EHUko erretorea G-9ko sei hileko presidentea da, bera da batzarraren burua.

Glenn Close aktoreak txalo artean jaso dau Donostia Saria

Glenn Close aktoreak Zinemaldiko Donostia Saria jaso eban domekan, hain zuzen be bere ibilbide profesionala saritzen dauen lehenengoa. Gabon, pozten nau Donostian egoteak esanez hasi eban berbaldia aktore estadubatuarrak, eta Kursaal jauregian batutakoek txaloka hartu eben. Jaialdiari eskerrak emon eutsozan, saria jasotea ohorea dala adierazoz.

Zinemaldiak Gotzon Elortzaren hiru dokumental zaharbarrituen proiekzinoa eskainiko dau

Zinemaren historian euskeraz egindako lehenengoak dira datorren martitzenean, irailaren 20an, Donostiako Zinemaldian, proiektauko diran Gotzon Elortzaren lanak, Getxoko auzokideak 60. hamarkadan, euskeraz berba egitea galazota egoan garaian, egindako hiru dokumental zaharbarritu.

Asier Altunaren 'Bertsolari' filma Donostiako Zinemaldian ikusgai

Film hau egitea oso garrantzitsua izan da niretzat, pelikuleagaz batera hazi egin nazelako neu be. Mikrofono baten aurrean jarri eta bihotz-bihotzez kantau dodala sentiduten dot.