Aktualitatea

'Bilbo Hiria' XXI. Pop Rock Lehiaketako finalak izango dira gaur eta bihar Bilborock aretoan

Gaur, 20:00etan hasita, Metal kategoriako hiru talde finalistek hartuko dabe parte: Rise to Fall (Bilbo), Mendeku Itxua (Usurbil) eta Akatu (Iruñea). Kategoria honetako aurtengo irabazlea euskal talde bat izango da, hiru finalistak Euskal Herrikoak baitira. 'Horrek adierazoten dau metal estiloan euskal taldeak maila altuan dagozala eta gorantz egin dabela', adierazo dabe.

Elekak Matxin gaztelania-euskera itzultzaile automatikoaren bertsino hobetua garatu dau

Matxin gaztelania-euskera sistemearen balio erantsi garrantzitsuena da Opentrad kode edegiko sistemearen barruan dagoala. Ondorioz, gaztelania-euskera motorra behin garatu ondoren, komunidadearen esku geratzen da. Holan, edozeinek bere beharretara egokitu leike lizentzia pagau beharrik barik.

Gipuzkoako parrokoen gehiengo zabalak idatzia sinatu dau Munilla Gotzain barriaren izendapenagaz desadostasuna adierazoz

Gipuzkoako Parrokoen % 77k (horreen artean 14 Artzipresteetatik 11) kontsentsu zabal bat lortuta beren kezka agertzen dabe idatzi hau sinatuz. Gipuzkoako Elizaren ordezkariek bat eginda dinoe Jose Ignazio Munilla 'ez dala inondik be pertsona egokia Eleizabarrutiaren Gotzain-eginkizuna beteteko'.

Arrigorriagako VIII. Umorea Labur jaialdiak Loli Astoreka omenduko dau

Lanbarri Kultura Alkarteak antolatuta, Arrigorriagako Umorea Labur jaialdian 20 film labur lehiatuko dira abenduaren 15etik 19ra bitartean. Lehiaketaz kanpo, Loli Astoreka aktoreari omenaldia egingo jako eta Ohorezko Txantxarria saria jasoko dau. Emonaldiak Arrigorriagako Lonbo Aretoan egingo dira.

Pete Cenarrusak bere memoriak aurkeztuko ditu gaur Boisen

Liburuaren salmentatik atarako dan diru guztia Idahoko eta AEBetako euskal ondarea ikertu, ezagutu eta zabaltzeko asmoa dauen 'Cenarrusa Foundation for the Basque Culture' erakundearentzat izango dira. Liburua 20 dolarretan ipiniko da salgai.

Aitor Mendiluzek eta Jone Alberdik irabazi dabe IX. Balendin Enbeita Bertsopaper Lehiaketea

Aitor Mendiluze bertsolari irurarraren 'Nork ez du lorerik entzun?' lanak Balendin Enbeita Bertsopaper Lehiaketearen 9. edizinoko gailurra jo dau. BECen zazpigarren postua lortutako bertsolaria ispiluagaz izandako alkarrizketa batean oinarritu da sorta saritua osotzeko. Gazteen mailan, barriz, Jone Alberdi urretxuarraren 'Bizitzaren bila' lana izan da onena.

Bizkaiko 16 sukaldari omendu ditue

Bizkaiko 16 sukaldarik Slow Food nazinoarteko mobimentuaren 'Km 0' jatetxeen sarearen plakak jaso ditue Bilboko udaletxean, Iñaki Azkuna alkatearen eskutik. Sari horreen lehenengo edizinoa izan da, eta Bilbon egin da mobimentuak Bizkaian dauen onarpen eta jarraipen handia dala eta.

Nafarroako Gobernuaren aurrekontuak euskerearen normalizazinoan traba izango dirala salatu dau Kontseiluak

'Euskerea normalizetako beharrezkoa dan hizkuntza-politika eragingarria baztertu eta euskal hiztunen hizkuntza-eskubideak modu sistematikoan zapaltzea ahalbidetzen dauen politikea dauka indarrean UPNren Gobernuak', azaldu eban Iñaki Lasak, Kontseiluko ildo politiko-instituzionaleko arduradunak.

La ventana

Sorinen filmak soseguz eginda dagoz eta soseguz ikusi behar dira. Bere erritmoan eta tempusean sartu behar zara. Izan be, zahar gaixo baten egun bat ezin baita filmau erritmo biziagaz. Baina, nahiz eta geldoa izan, nahiz eta a priori argudioa ez iruditu interesgarriegia, La ventana gustura ikusten da.

Sei euskal etxe barri ofizialdu ditue Argentina, Alemania, Brasil, Frantzia, AEB eta Japonian

Eusko Jaurlaritzako Gobernu Kontseiluak sei euskal etxe barriren onarpena sinatu dau oraintsu, horreetatik bi orain arte euskal etxeen mapan agertzen ez ziran herrialdetan, Alemanian (Berlin) eta Japonian (Tokyo). Ganerako laurak Argentinan (Buenos Aires), Frantzian (Paue), Brasilen (Itapevi) eta AEBetan (Santa Fe) onartu ziran.

Izotza urtu, itsasoaren maila gora eta munduaren azkena gero eta hurrago ei dago

'Basque Culinary Center'-en lehen harria jarri dabe asteon Donostian

2011ko udatik aurrera Mondragon Unibersidadearen Gastronomia Fakultadea eta Ikerkuntza eta Barrikuntza Zentroa egongo dira hor. Era horretako Europako bigarren zentroa izango da. Danetara, 7.000 metro koadro izango ditue instalazinoek eta 17,1 miloe euroko inbersinoa beharko da Basque Culinary Center eregiteko.

V. Kameratoiak 115 gazte batuko ditu zapatuan Bermeon

Erlojuaren kontrako lehiaketea da Kameratoia, eta lehiakideek hamar orduko epea dabe gehienez hiru minutuko bideo baten gidoia idatzi, irudiak grabau eta edizino lanak egiteko. Lana egunean egiten dela ziurtatzeko, egunean bertan jakingo daben gaia eta herriko zenbait ezaugarri sartu beharko ditue bideoetan.

Pearl Jam da 2010eko Bilbao BBK Live jaialdirako baieztatutako lehenengo talde nagusia

Pearl Jam talde estadubatuarrak Bilbon joko dau 2010eko garagarrilaren 9an, BBK Live jaialdiaren bosgarren edizinoaren barruan, Last Tour International-eko eta Bilboko Udaleko ordezkariek prentsaurrekoan gaur iragarri dabenez. Datozen egunetan talde gehiago jakinarazoko dituela gaineratu dabe antolatzaileek.