Jon Casenave Unibersidadeen Arteko Euskal Ikasketen Saileko zuzendari izentau dabe

| Ikusi handiago | Argazki originala

Jon Casenave Unibersidadeen Arteko Euskal Ikasketen Saileko (UAEIS)- Département Interuniversitaire des Etudes Basques-eko (DIEB) zuzendari izentau dabe. Casenave euskaltzain urgazlea eta Euskaltzaindiko Literatura Ikerketa batzordeko kidea da.

UAEIS-DIEB, Paueko eta Aturri Herrialdeetako Unibersidadekoa (Université de Pau et des Pays de l’Adour - UPPA) dan Errobiko campuseko diziplina anitzeko Fakultadean (Faculté Pluridisciplinaire) kokatzen da. Bi unibersidadeen partaidetzan egituratua da 1986tik, eta Bordeaux 3ko irakasle eta ikertzaile emeritu eta euskaltzaina dan Jean Haritschelhar-i zor jako egitura horren sorrerea. Bi urterik behin barritzen da UAEIS-DIEB unibersidade-egiturearen kudeaketea. Horren arabera, Jon Casenavek Xarles Videgainen lekua hartu dau orain.

UAEIS-DIEBen, Frantziako Estaduan (Ministère de l'Enseignement Supérieur et de la Recherche, section 73 du CNU) euskal hizkuntza, literatura eta zibilizazinoan espezializatuak diran ondoko lau irakasle-ikertzaile honeek dira: Ur Apalategi (UPPA), Jon Casenave (Bordeaux 3), Xarles Videgain (UPPA) eta Aurelia Arkotxa (Bordeaux 3).

Lau irakasle-ikertzaile horreek kudeatzen dabe Lizentziako 3 urteren, Masterretako 2 urteren eta Doktoretzako 3 urteren formakuntza osoa. Horrezaz gan, unibersidade-formakuntza horreetako ikasleakazko hartu-emonak be zaintzen ditue, bai eta ondoko arloak be: prestakuntzan parte hartzen daben ganerako irakasleen kudeaketa pedagogikoa; bi unibersidadeetako arduradun pedagogikoakaz eta administratiboakaz diran hartu-emonak eta bi unibersidadeetako errektoretzakaz diran hartu-emonak.