Aktualitatea

'Inbidia' erakusketa kolektiboaren inaugurazinoa

Zemendiaren 4an, 20:00etan, La Brotxa galeria izandakoan (Conde Mirasol 1, Bilbo) Inbidia izeneko erakusketa kolektiboa osotzen daben hamaika bakarkako erakusketetatik lehenengoa inaugurauko da, Iñaki Imazena, hain zuzen be.

Greziaren hondamendiak ez dau gauza onik ekarriko ingurukoontzako...

Nazinoartean euskerea sustatzeko hitzarmena sinatuko dau Jaurlaritzeak Argentina, Uruguai eta AEBetako erakundeakaz

Eusko Jaurlaritzako Hizkuntza Politikarako Sailburuordetzeak nazinoartean euskerea sustatzeko helburua dauen hitzarmena sinatuko dau bihar, zemendiaren 4an, Argentinako FEVA, Uruguaiko FIVU eta AEBetako NABO erakundeakaz Donostiako Kursaal Jauregiko Ganbera aretoan, Kanpoko Euskal Gizataldeen V. Mundu Batzarren barruan.

Rafa Ruedak etenbako aldeketen ganeko gogoetea egin dau 'Enaren geometria' disko barrian

Etxeko garajean, urtero-urtero etorten ziran elaiak habira, baina ezin jakin udabarriro txori berberak ziran. Jazoereak gogoeta egiteko bidea emon eutson Rafa Ruedari, eta abiapuntu horretatik Enaren geometria diskoa sortu dau. Hamaika kanta sortu ditu Ruedak, berak idatziak danak, Hasier Rekondoren Inor bagina izan ezean. Atoan hasiko da diskoa jentaurrean aurkezten, zemendiaren 4an dauka lehenengo hitzordua, Tolosako Bonberenean, hain zuzen be.

Susak 142 e-book plazaratu ditu

Susa argitaletxeak poesia eta narratiba bildumetako liburuak e-book moldean aurkeztu ditu. Bi formatutan eskaini ditu liburuok: epub eta pdf. Danetara, 66 idazleren 142 literatur liburuko bildumeagaz abiatu da proiektua, deskarga librean.

Bizkaiko Aldundiak eta Abokatuen Elkargoak euskerearen erabilerea sustatuko dabe erakunde judizialen aurrean

Akordioak lau urterako konpromisoa eskatzen deutse bi alderdiei eta, haren bidez, bi erakundeek konpromisoa hartu dabe administrazinoaren arloko jurisdikzino eskudunen aurreko prozedura penal eta zibiletan euskerearen erabilerea bermatzeko.

Emakumeek sare sozialak erabilteko ekimena abiatu dabe Getxon

Getxoblog alkarteak Sarean sartu ekimena martxan ipiniko dau zemendiaren 4tik aurrera, Getxoko Udalaren laguntzinoari esker. Udalerriko emakumeen artean sare sozialen erabilerea bultzatzea da kanpainearen helburua. Berbaldi bat, tailer bi eta amaierako saio praktikoa eskainiko ditue.

Euskal diasporea aztergai egunotan, Euskal Gizataldeen 5. Mundu-Batzarrean

Euskal Gizataldeen 5. Mundu-Batzarra egiten dabilz egunotan Donostian euskal etxe eta alkarteen ehun bat ordezkarik. Hain zuzen be, munduko 24 herrialdetako eta 178 euskal etxetako ordezkariak batuko dira. Hiru egunez, hainbat berbaldi, dokumental eta liburu-aurkezpen izango dira Kursaalen. Batzarra lau urterik behin egiten da; aurtengo edizinoak euskal diasporearen inguruko hainbat alde aztertuko ditu.

Alex de la Iglesia zinemagile bilbotarraren atzera begirakoa antolatu dau Euskadiko Filmategiak

Zemendiaren 2an hasi eta zezeilera arte, zuzendari ezagunaren pelikulak emongo ditue Gasteiz, Baiona, Bilbo eta Donostian. Ganera, Euskadiko Filmategiak Alex de la Iglesiaren ibilbideari buruzko argitalpen monografikoa argitaratuko dau. Atzera begirakoan, bilbotarraren jardun osoa batu dabe, abiatu zanetik gaur egunera arte, pantaila handirako ez eze, telebisinorako egindako lanak be aintzat hartuta.

Bilboko zezen-plazea, 'Itineris Apur BAD'en eszenatoki

Itineris Apur BAD programea aurkeztu dabe BAD Bilboko Antzerki eta Dantza Garaikide Jaialdiko arduradunek, site specific edo leku jakin batzuetako esperimentazino ikuskizuna, hain zuzen be. Aurtengo eszenatokia Bilboko zezen-plazea izango da, eta hitzordua zemendiaren 3an da, arrastiko seiretan, zazpiretan eta zortziretan.

Galizia, Katalunia eta Euskal Herriko doinuak entzungai Getxon, Nazinoarteko Trikitixa Jaialdian

Nazinoarteko Trikitixa Jaialdia Getxon egingo da aurten, Areetako Andres Isasi eskolan, zemendiaren 19an, 19:00etatik aurrera. Galizia, Katalunia eta Euskal Herriko musikariek trikitixa jotzeko modu eta estilo desbardinak eskainiko ditue; horrezaz gan, trikitixa musika-tresnea bera munduko hainbat lekutan beste tresna batzuekaz zelan buztartzen dan ikusteko aukerea izango da.

Mila Musika Haria II. gitarra topaketak Bilbon

Bilboko Udaleko Kultura eta Hezkuntza Sailaren programea datorren barikuan, zemendiaren 4an, hasiko da, gitarra garaikidearen kontzertua eskainiko dauen Alberto Goicoecheagaz.

Musikea, jantzea eta ekintza artea BizBAKen udagoieneko programazinoaren protagonista

BizBAK Bizkaia Bilbao Arte eta Kulturak ikasturte honetarako preparautako programazinoan alkarlanak izango dira nagusi. UPV/EHUren Bizkaiko Campuseko kultur jarduerak ondo finkatutako bi jaialdigaz bat egingo dau udagoieneko proposamena egiteko, hain zuzen be, BAD Bilbao Antzerkia Dantza eta MEM jaialdiakaz.

'Etorkizulan', ikasleen artean kultura ekintzailea bultzatzeko ekimena EHUn

Euskal Herriko Unibersidadeak eta Emprendedores Zitek-ek Etorkizulan ekimenaren hirugarren edizinoa egingo dabe, zemendiaren 2tik 8ra bitartean, Leioako campusean. Unibersidadeko ikasleen artean kultura ekintzailea bultzatzatzea da helburu nagusia. Aurreko urte bietan 700 bat ikaslek parte hartu eben.

Mariano Ferrer kazetariaren artikuluak liburu batean batu ditu Ttarttalok

Mariano Ferrer kazetari ezagunak Lo que dije y digo kaleratu barri dau, Ttarttalo argitaletxearen eskutik. Imanol Murua Uria kazetariak aukeratu ditu liburuan jasotako artikuluak; 1991 urtetik 2010era bitartean idatzitako ehun bat testu, hain zuzen be.