Aktualitatea

Euskaltzaindiak Euskerearen Ikergunea inaugurau dau Donostian

Euskaltzaindiak Euskerearen Ikergunea inaugurau dau Donostian, eta bertan Akademiak Gipuzkoan dituan zerbitzu, egitasmo eta lantalde guztiak batuko dira: ordezkaritzeaz gan, Jagonet zerbitzua, Joanes Etxeberri egitasmoa (Euskerearen Historia Soziala) eta Euskaltzaindiaren Hiztegigintzan lan egiten daben taldeak. Ikerguneari Luis Villasante 1970etik 1988ra euskaltzainburua izan zanaren izena jarri deutse.

BAD-ek, jantza garaikideko Seydou Boro konpainia afrikarraren 'Le tango du cheval' lanaren estadu mailako estreinaldia jasoko dau

Seydou Boro, jantza garaikideko nazinoarteko zirkuituan ospe gehien dauen koreografoetakoak, emonaldi bakarra eskainiko dau, zemendiaren 1ean (19:30ean), Campos Antzokian, Espainian egingo dauen bireagaz jarraitu aurretik.

Euskal Herriko historian zeresana euki daben emakumeak, Euskerearen Nazinoarteko Egunaren ardatz nagusia

Euskerearen Nazinoarteko Egunaren (ENE) seigarren edizinoa aurkeztu dabe Donostian. Aurten, Euskal Herriko historia, modu batean edo bestean, markau daben emakume guztiei omenaldia egingo jake. Zemendiaren 25ean amaituko da hautagaiak aurkezteko epea. Euskararen Nazioarteko Egunean, 2011eko abenduaren 3an, jakinarazoko da epaimahaiaren erabagia.

Donostiako Fantasiazko eta Bildurrezko Zinemearen 22. Astea barikuan abiatuko da

Donostiako Fantasiazko eta Bildurrezko Zinemearen XXII. Astea zapatuan hasiko da, urriaren 29an, eta zemendiaren 4an amaituko da. Aurreko edizinoen lez, urteko film labur eta luze entzutetsuenak izango dira ikusgai. Alexander Bustillok eta Julien Mauryk zuzendutako Livide lanagaz hasiko da aurtengo edizinoa.

Antxinako eta okasinozko liburuen azokea Bilbon egongo da zemendiaren 13ra arte

Finkatutako hitzordua da azoka hau, urte asko daroaguz Bilbon, adierazo dau Josu Legina Euskal Liburuaren Ganbarako presidenteak. Izan be, aurten 33. ekitaldia dau Bilboko Liburu Zahar eta Aukerakoen Feriak. Helburua irakurzaletasuna bultzatzea da, herritarrei liburuak eskuartean erabilteko aukerea emotea, liburu zaharraren zirrararen barri emotea, azaldu dau Asier Muniategi antolatzaileak.

Ruper Ordorikak hodeien azpian eta sasien ganean kantetan dau disko barrian

Hamaika kanta barri ditu Ruper Ordorikaren Hodeien azpian diskoak, berak sortuak dira ganera doinu eta berbak guztiak. Azken urte biotan egindako abestiak dira. Bakarka landu ditu oraingoan abestiak oñatiarrak, eta ordu asko emon ondoren joan zan Brooklyneko Bedford Studiora, Andy Tommasirengana, diskoa grabetan

Atzerrian jaio eta euskal arbasoak dituen 30 gaztek Euskadi ezagutuko dabe lehen aldiz Gaztemundu 2011 programeari esker

Aurten sei herrialdetako zazpi mutil eta 23 neska aukeratu ditue programan parte hartzeko. Euskal Etxe gehiago izanik, Argentinatik 23 lagun etorriko dira, eta kopuru horretatik urrun, Uruguaik eta Txilek bina ordezkari izango ditue. Azkenik, Venezuelatik, Kolonbiatik eta Brasiletik ordezkari bana etorriko dira. Programeak bi aste inguru iraungo dau eta gazteek euskal geografiaren zati handi bat ezagutzeko aukerea izango dabe.

Borraskak nozonoz helduko dira gurera, egon ardura barik!!!

Urriak 27, Ikusentzunezko Ondasunaren Munduko Eguna

Ondasun kulturalaren berreskurapenerako eta balioan jarteko Txoke! Europear Alkarteak (EE) UNESCOren Ikusentzunezko Ondasunaren Munduko Eguna antolatu dau urriaren 27rako. Goizeko 10:00etan izango da inaugurazinoa Foru Aldundiaren Kultura Ondasun Zerbitzuaren hitzaldi aretoan (Maria Diaz Harokoa, 11, Bilbo). Sarrerea dobanekoa izango da baina lekua mugatua.

Zientzia.net webguneak itxurea barriztu dau

Elhuyar Fundazinoak publiko orokorrarentzat produziduten dituan edukiak batuko dituan plataformea izango da Zientzia.net –Teknopolisen, Norteko Ferrokarrillaren eta Elhuyar aldizkariaren edukiak batuko ditu besteak beste–. Gainera, edukiak baloretako, eretxia emoteko eta iruzkinak egiteko aukerea izango dabe erabiltzaileek.

Euskaltzaindiak hilaren 28an edegiko dau Euskerearen Ikergunea Donostian

Barikuan, urriaren 28an, Euskaltzaindiak Euskerearen Ikergunea inaugurauko dau Donostian. Igaz, martian, Donostiako Udalak Tolare baserria Euskaltzaindiaren esku ixtea erabagi eban, eta Akademiak bertan batuko ditu Gipuzkoan dituan zerbitzu guztiak. Ekitaldia 11:30ean izango da.

Pirritx, Porrotx eta Marimotots pailazoek euren kantarik ezagunenak grabau ditue Bonberenea txarangeagaz

Pirritx, Porrotx eta Marimotots pailazoek euren kantarik ezagunenak Bonberenea erara atondu ditue Tolosako Bonberenea txarangeagaz batera. Diskoa urriaren 29an aurkeztuko dabe prentsaurrean, Bonberenean bertan, eta ostean, 11.00etan kalejirea egingo dabe.

Aiora Jakak eta Itziar Diez de Ultzurrunek irabazi ditue 2011ko Vitoria-Gasteiz Sariak

Haur eta gazte literaturearen arloan euskerara egindako itzulpen lanik onenak saritzeko sortu zituan Gasteizko Udalak Vitoria-Gasteiz Sariak.

Zinebi 53K Ohorezko Mikeldiak banatuko deutseez Xabier Elorriaga eta Liliana Cavani zinemagile italiarrari

Urtean zehar, Zinebik, 82 herrialdetik etorritako 3.021 film jaso ditu, eta horreetatik, 33 herrialdetako 73 aukeratu ditu, Nazinoarteko Lehiaketan parte hartzeko, gehienak estreinaldiak Estadu Espainiarrean.

Euskadiko Soinuak Womex eta Monkey Week nazinoarteko azokatan izango da

Euskadiko Soinuak ekimenak Womex nazinoarteko azokan eta Monkey Week indie topaketan parte hartuko dau egunotan. Triz3ps, Cápsula, Elkano Browning Cream, Korrontzi eta Makala taldeak izango dira euskal ordezkariak Kopenhagen eta Cadizen. Euskadiko Soinuak Eusko Jaurlaritzako Kultura Sailaren programea da, eta EAEn egindako musikea zabaltzea eta indartzea dau helburu.