Euskal Onomastikearen Datutegia eta Euskaltzaindiaren Argitalpen Katalogoa, ingelesez

| Ikusi handiago | Argazki originala

Euskeraz, gaztelaniaz eta frantsesez gan, Euskal Onomastikearen Datutegia (EODA) eta Akademiaren Argitalpen Katalogoa ingelesez be konsultau daitekez daborduko Euskaltzaindiaren webgunean.

EODA deitutako datu-basean, Akademiaren Onomastika batzordearen lanak batzen dira. Lanok lau multzo nagusitan banatzen dira: persona-izenak, deiturak, toponimia (leku-izenak) eta exonimia (Euskal Herritik kanpoko leku-izenak).

Argitalpen katalogoa liburuz eta aldizkariz osotuta dago. Konsultea egiterakoan, liburu guztien oinarrizko informazinoa eskaintzen da: egilea, bildumea, editorea, hizkuntzea, prezioa eta gaia. Katalogoa gaika antolatuta dago: Euskaltzaindiaren agerkari ofiziala: Euskera; euskal literatura klasikoa; Linguistikea; Soziolinguistikea; Onomastikea eta Toponimia; hiztegiak eta izendegiak; Gramatika arloa; euskeraz trebatzeko irakurgaiak; Dialektologia; Euskaltzaindiaren lan instituzionala; sarituriko literatura lanak (BBK-Euskaltzaindia); katalogoak; euskal aditzaren ganeko ikerketak (Pedro Irizar); eta bestelakoak.