'3.szn' Siroka bizkaitarren hirugarren diskoa plazan dago

Siroka talde bizkaitarrak disko barria aurkeztu dau gaur Bilbon, DDT Banaketak Dendan.

Urtarrila eta zezeilean zehar Andoaineko Garate Studiosetan grabau dabe Kaki Arkarazoren gidaritzapean eta honezkero taldearen hirugarren disko luzea da. Sirokan rock-a da oinarria. Berba gitxitan, ahots melodikoa, jantzarako erritmoak eta sinpletasuna. Bidebakokerien salaketak eta inponidutako sistemearen aldaketarako pasinoak gidatzen dabe taldekideen ideologia.

Eszena barri bat, soinu barriak, irudi barriak, herrialde barriak, lagun barriak. Sano erabarritua agertzen jaku Siroka taldea hirugarren disko honetan.

Sei kantuz osotutako diskoa da, soinu aldetik helduena eta zorrotzena Sirokaren ibilbidean eta maila musikalean estilo zehatzagoan.

Diskoa erosten dauenak Alain Urrutiaren margo bat daukan posterra be topauko dau barrualdean. Urrutiak berak egin ditu diskoko diseinu guztiak.

Siroka zuzenean

Disko barria aurkeztu eta berehala hasiko dira kontzertuak emoten; lehenengoa martiaren 1ean, Bilboko 7 Katu Gaztetxean izango da.

2013/03/01 7 Katu Gaztetxean - Bilbao (Bizkaia).
2013/03/02 Erandioko gaztetxean (Bizkaia).
2013/03/08 Laudioko gaztetxean (Araba).
2013/03/09 Donazaharren (Behe Nafarroa).
2013/03/23 Larrabetzun (Bizkaia).

Ikusi argazki guztiak handiago