Martiaren 21ean abiatuko da Fermin Muguruza eta Kontrakantxaren 'No More Tour'

Bizkaie! 2013-03-05 11:00 Musikea

Musikaren munduan 30 urte bete dituala ospatzeko, mundu mailako kontzertu birea egingo dau Fermin Muguruzak Kontrakantxa taldeagaz batera. No more tour izena izango dauen birea bi zatitan banatuko dau. Lehenengoan, Ondarroan, Durangon, Bilbon, Zarautzen, Gasteizen, Iruñerrian, Tuteran eta Lekornen joko dau. Gainera, Euskal Herritik kanpo be ibiliko da abeslari irundarra: Ramallahn, Santiagon (Txile), Bogotan, Mexiko Urian, Berlinen, New Yorken, Los Angelesen...). Kurdistanen emongo deutso hasierea bireari martiaren 21ean eta abuztuaren 31n amaituko da.

Bigarren zatia, barriz, garagarrilean eta abuztuan izango da eta hitzordu gehiago izango badira be, besteak beste, Tokio, Sydney eta Londres bisitauko ditu.

Zuzenekoetan, Kontrakantxako zortzi lagun izango ditu alboan, Mikel Txopeitia, Negua Gorriak taldean bateria izandakoa, Fino, Jontron, Lonbi, Zigor DZ, Oskar Benas, Xabi Solano eta Victor Navarrete kubatarra.

Beste alde batetik, Fermin Muguruzak musika munduan egin dauen 30 urteko ibilbidea jasoten dauen bilduma lana plazaratu dau: Fermin Muguruza Radar FM 1999-2013; danetara, 18 kantu dira, horreetako bi orain arte ezagutzen ez genduzanak.

No More Tour 2013 birako kontzertuak:

- Lehenengo zatia

Martia

21: Diyarbakir/Amed - Newroz Celebration

23: Bonn - Newroz Demonstration

Apirila

6: Ondarroa - Kafe Antzokia

11: Ramallah - Ramallah Cultural Palace

19: Durango - Plateruena

20: Bilbo - Kafe Antzokia

26: Manresa - Stroika

27: Valentzia - Burjasot