Martxan da Nontzefilm zinema eta animazinoko film laburren lehiaketea

| Ikusi handiago | Argazki originala

Nontzefilmak Zinema eta Animazinoko Film Laburren Lehiaketea martxan da, lanak bialtzeko epea edegi barri dabe. Zinema edo animazinozko lanak parte hartu ahal dabe. Azkenengo eguna apirilaren 12a izango da.

Nontzeberri.com kultura webguneak, Bilboko Zinema Fantastikoaren Jaialdiagaz (FANT) lankidetzan, abiatu dau sariketea. Parte-hartzaileek zinemako zein animazinoko beharrak egin behar ditue. Animazinokoei jagokienez, teknika guztiak onartuko dira: 3D, Flash, stop-motion eta abar. Gura dauen edonork parte hartu ahalko dau, eta gura beste behar bialdu leikez.

Lanak ondoko formatu bakarrean aurkeztuko dira: .flv. artxiboak 20 Mb eta 3’30 minutuko iraupena (kredituak barne), gehienez be. Zabalera 600 pixelekoa izan behar da. Horrezaz gan, filmearen irudi adierazgarri bat be bialdu behar da .jpg artxibo batean (100 x 82 pixel, -zabalera x altuera-), irudi honek 50 kb-ko pisua euki leike, asko jota. Gaia librea izango da, baina lan guztiak originalak izan behar dira. 2012ko urtarrilaren 1etik aurrera egindakoak izango dira danak derrigor.

Aurtengo sarietan, bertoko zinemagintzea sustatzeko asmoz, nobedadeak egongo dirala aurreratu dabe antolatzaileek. Bost sari banatuko ditue edizino honetan: Nontzefilmak Zinema Saria lan onena, Nontzefilmak Zinema Saria Euskal Herriko lan onena Nontzefilmak Animazioko Saria lan onena, Nontzefilmak Animazioko Saria Euskal Herriko lan onena eta Euskaraz eginiko lan onena. Kategoria bakotxean, irabazleak 1.0000 euroko saria jasoko dau.

Lehiaketan izena emateko, oinarriak konsultetako eta bestelako argibide guztiak, hemen.