Euskerea berbagai

Urduñako Udalak 23 programa jarri ditu martxan euskerearen normalizazinoa sustatzeko

Urduñako Udalak 23 egitasmo jarri ditu abian herrian euskerearen sustapena, zabalkundea eta normalizazinoa lortze aldera. Horretarako, Bizkaiko Foru Aldundiak 34.157 euroko diru-laguntzinoa emon dau.

Ikastolen ikasturte-hasiera ekitaldia egin dabe Zamudion

Berrehun lagun baino gehiago batu dira Zamudioko Teknologia Alkartegian zapatuan goizeko hamaiketan urte akademiko barriari hasierea emoteko ekitaldian. Ganera, 'SAIOKA, 30 urte, urrats bat baino gehiago euskarazko ikasmaterialetan’ aurkeztu dabe.

Kilometroak 2006ko pregoia irakurriko da zapatuan Oiartzunen

'Kilometroak 2006' jaialdiaren pregoia irakurriko da zapatu honetan, irailak 16, arratsaldeko 20:30etan Oiartzungo Elorsoro Kiroldegian eta leku berean baina egun bat aurretik pregoi honen entsegua egingo da komunikabideentzat. Jaialdia urriaren 1ean ospatuko da.

AEK-k ikasturte barriko matrikulazino kanpainea aurkeztu dau

Ikasturte honetan, AEK-k badakar barrikuntzarik zenbait herritan. Inbersinorik handiena Nafarroan egin dau, Iruñeako Donibane auzoan euskaltegi barria egin dau eta. Bizkaian Barakaldoko euskaltegia handitu eta barritu egin dau, eta Zornotzako (Bizkaia), eta Soraluzeko (Gipuzkoa) euskaltegiak lekuz aldatu ditu.

Lanerako 2.000 lagun behar ditu 'Nafarroa Oinez'-ek

Nafarroako ikastolen aldeko 'Nafarroa Oinez', ‘Baietz oraingoan’ lemapean egingo da Beran aurtengo urriaren 15ean. Berako Labiaga Ikastolako arduradunek lanerako 2.000 persona behar dabezala zabaldu barri dabe eta irailaren 22a baino lehen izena emotea eskatu.

Osatuz aldizkaria, irratsaioak eta web gunea abian

Osatuz egitasmoaren helburua euskerea ikasten dabizan osasun-arloko langileentzat ikasmaterialak sortzea da. Ikasmaterialok HABEren eta Osakidetzaren ekimenez gauzatuko dira.

Euskarabidearen aurkezpena Belfasten

Euskarabidea egitasmoa Belfasten aurkeztu dau Paul Bilbaok, euskalgintzearen ekimen honen sinatzaileetako batek. Izan be, Belfasteko Euskal Batzordeak eta ‘An Chultúrlann McAdam Ó Flaich’ erakundeak euskereariburuz antolatutako berbaldira konbidau dabe Hizkuntza Eskubideen Behatokiko zuzendaria.

Berrizen, hainbat aukera euskerea ikasteko

Berrizko Udaleko Euskara Sailak aurten urteroko udal euskaltegiko euskera ikastaroez gan, bigarren urtez etorkinentzat beren-beregi preparautako AISA programea eta Berbalagun proiektua jarri ditu martxan.

Bermeoko Udalak gurasoentzako, ostalaritzako langileentzako eta etorkinentzako euskera eskolak antolatu ditu

Bermeoko Udalaren Euskera Sailak etorkin, guraso eta tabernarientzako euskera ikastaro bereziak antolatu ditu. Guraso eta seme-alaben arteko hizkuntzearen trasmisinoa, ostalaritzan zerbitzua euskeraz emotea eta etorkinen integrazinoa bultzatzea da ikastaro honeen helburua.

Etxepare Euskal Institutua: euskerea eta euskal kulturea munduan zabaltzeko

Euskeraz argitaratutako lehenengo liburuaren egilea, Beñat Etxepare, omendu gura izan dabe, Etxepareren ‘Euskara, jalgi hadi mundura’ esaldiagaz bat eginik.

Etorkinak euskerara zelan hurreratu diran erakusteko 'Etorkinak Getxon' DVDa kaleratu dabe

Etorkinak euskerara modu integratzaile batean erakarri nahi izan dabez, batetik, seme-alabak eredu euskaldunetan matrikulau dagiezan eta bestetik, etorkin helduek eta gazteek oinarrizko ezagutzea eskuratu dagien.

‘Kuadrillategi’, lagun arteko euskaltegia

Bermeoko Udaleko Euskera Sailak datorren ikasturterako 12 eta 14 urte bitarteko herriko gazteei zuzendutako ‘Kuadrillategi’ egitasmoa jarriko dau martxan. Tailerrak, ikastaroak edota jaiak antolatuz, gazteen aisialdian euskerearen erabilerea bultzatzea da egitasmoaren helburua.

Kontseiluak postontzien konpromisoa kaleratu dau, ‘Publizidadea euskeraz’ lemapean

‘Publizidadea euskeraz’ kanpainearen bidez, Kontseiluak herritar guztiei euskereagazko konpromisoa eskatu gura deutse, hau da, propagandea euskeraz jasoteko eska dagiela.

Lekeitioko Udalak lehiaketea deitu dau Euskara Zerbitzuaren logoa bilatzeko

Euskara Zerbitzuaren irudia izango dan logo baten bila dabil Lekeitioko Udala eta horretarako lehiaketea antolatu dau. Lanak aurkezteko epea abuztuaren 31ra arte egongo da zabalik, eta aukeratutako logoaren egileari 250 euroko saria emongo jako.

Eusko Jaurlaritzeak eta BFAk euskerearen aldeko hitzarmen bat barritu dabe Labayrugaz

Getxoko Udalak euskeraz gai didaktikoak sortzeko ekimen bat abiarazo dau Labayrugaz

Oraintsu Getxoko Udalak eta Uribe Kostako Mankomunidadeak inguruko hizkuntz-ondarea berreskuratzeko eta zabaltzeko sinatutako hitzarmenaren barruan dago ikerketea.

Euskaltzain urgazle barriek diplomak jaso ditue

Atzo, garagarrilak 13, Bilbon, Euskaltzaindiaren egoitzan egindako ageriko bilkura berezian, euskaltzain urgazle barriek diplomak jaso zituen. Danetara, 35 euskaltzain urgazle barri izentau zituan Euskaltzaindiak maiatzaren 26an, Elantxoben eginiko osoko bilkuran.

Euskerea bizibarritzeko prozesuan, BFAk 1274 egitasmo diruz lagundu ditu

Bizkaiko Foru Aldundiko Kultura Sailak 4,5 miloe euro baino gehiagoko diru-laguntzinoa emon dau alkarte, enpresa, komunikabide zein teknologia barrietako egitasmoetarako.

Fernando Muniozguren goian bego

Aspaldian makalik egon ondoren, Fernando Muniozguren (Eibar, 1950) euskaltzale eibartarra astegoienean hil da bizienak jota. Fernando Muniozgurenen gorpua gaur, garagarrilak 10 erraustuko dabe.