Zemendiaren 18an ekingo jako 'Kuadrillaz kuadrilla euskeraz' ekimenari
2009-11-12 10:19 Euskerea berbagai
Arabako kuadrilla guztietara euskerearen erabilera sozialaren aldeko mezua zabaltzeko 'Kuadrillaz kuadrilla euskeraz' ekimena jarriko dau martxan Ziurtagiriaren Alkarteak Arabako Foru Aldundiaren laguntzinoagaz.
Behatokiak bere proiektua aurkeztu dau Bretainian
2009-11-11 17:27 Euskerea berbagai
Ondorio bat atara dabe Bretainian diran Behatokiko ordezkariek: 'Asko gara hizkuntza gitxiagotuetako kide, lan handia egiten ari gara geure hizkuntzen berreskurapenerako, eta batasunak indar handiagoa emongo deusku geure hizkuntza-eskubideen defentsan'.
Adorez 11 hiztegia didaktikoa izateko jaio da
2009-11-11 14:40 Euskerea berbagai
Bostak Bat kultura taldeak Adorez 11 Hiztegia argitaratu dau, urteko hamaikagarren hilabetearen hamaikan, goizeko hamaiketan, Bilboko Elkar Megadenda liburudendan.
Euskerearen Jaia ospatuko da zapatuan Bakion
2009-11-11 10:59 Euskerea berbagai
Bakiok Euskerearen Jaia ospatuko dau datorren zapatuan. Egun osoan zehar hainbat ekitaldiz horniduta izango dan jaialdiko unerik biziena eta herrikoiena Zubiaurreko pabiloian egin ohi dan herri bazkaria izango da, edade guztietako euskaltzaleak batuko baitira bertan.
Juan Jose Zearreta euskaltzain urgazle eta Euskaltzaindiaren kudeatzailea hil da
2009-11-09 10:25 Euskerea berbagai
Auto-istripuz hil zan zapatuan, zemendiak 7. Hilbeila Euskaltzaindiaren egoitzan egongo da gaur, 10:00etatik 17:00etara. Ondoren, 19:00etan izango da hileta-eleizkizuna Zornotzan, Larreako Karmengo Santutegian.
UEUk 'Aldiri. Arkitektura eta abar', arkitektureari buruzko euskerazko lehen aldizkaria argitaratu dau
2009-11-05 17:47 Euskerea berbagai
Udako Euskal unibersidadeak (UEU) Donostian egin dau gaur aldizkariaren aurkezpena. Euskerea bide eraginkortzat hartuz, argitalpen barri honek kultura eta jakintza arkitektonikoaren zabalkundea dau helburu. Dagoeneko 0 alea kalean da, 'Hasiberriak. Arkitekto gazteon komeriak' izenburupean.
Hizkuntza ergatiboei buruzko nazinoarteko mintegia zemendiaren 4tik 6ra Bilbon
2009-11-05 13:01 Euskerea berbagai
Jardunaldiotan hizkuntza ergatiboak deitzen diranak aztertuko dira, munduko hizkuntzen % 25 diranak, hain zuzen be, euskereari arreta berezia eskainiz edizino honetan.
Bilboko 'Berbalagunak', praktiketan hasteko prest
2009-11-04 10:25 Euskerea berbagai
'Berbalagunak' egitasmoak helburu bi ditu: Bilboko auzo desbardinetako euskaldunok alkar ezagutzea eta, bestetik, ikasten ari diran ikasleek praktiketako aukera gehiago izatea. Horretarako ekimen nagusi bi antolatu dira: berbataldeak eta euskerearen agendea. Bilboko kasuan, Bilboko AEK-k, Mahatserriko Asapala euskara alkarteak, eta Deustuko Berbaizu euskara alkarteak alkarlanean egiten daben lanaren emoitzea da.
Aurelia Arkotxa euskaltzaina da Euskaltzaindiaren buruorde barria
2009-11-04 09:34 Euskerea berbagai
Orain arte buruordea izan dan Beñat Oihartzabalek dimisino-gutuna aurkeztu dau, osasun arazoak dirala-eta. Modu horretan, hauxe da Euskaltzaindiaren Zuzendaritza barria: euskaltzainburua, Andres Urrutia; buruordea, Aurelia Arkotxa; idazkaria, Xabier Kintana; diruzaina, Jose Luis Lizundia; Iker sailburua, Andoni Sagarna; Jagon sailburua, Andres Iñigo.
Erosketak euskaraz egitera animau nahi dauen 'Euskara Ahora' erakusketea ikusgai Algortako Azokan
2009-11-03 13:03 Euskerea berbagai
Erakusketea datorren zemendiaren 28ra arte egongo da zabalik, azokearen ordutegian. Hurreratzen diran guztiek koadernotxo barri bat jasoko dabe, zenbakiak euskeraz, agurrak, alkarrizketa errazak, hiztegia eta abar dira, bezero eta dendariaren arteko hartu-emonak euskeraz bideratzeko laguntzeko.
Joan Mari Torrealdaik euskaltzain oso kargua hartu dau Forun
2009-11-02 10:21 Euskerea berbagai
Asteburu honetan izan da Joan Mari Torrealdai euskaltzainaren sarrera ekitaldia Foruko Frantziskotarren eleizan. Euskaltzaindiak 2007ko zemendiaren 30ean izentau eban euskaltzain oso Joan Mari Torrealdai.
'Elhuyar zientzia eta teknologiaren hiztegi entziklopedikoa', euskeraz argitaratutako era horretarako lehenengoa
2009-10-30 09:48 Euskerea berbagai
Danetara, 23.000 kontzeptu batzen ditu, definizinoakaz eta jagokezan erdal terminoakaz (ingelesezkoak, gaztelaniazkoak eta frantsesezkoak); erderea-euskerea termino-zerrendak eskaintzen ditu: ingelesa-euskerea, gaztelania-euskerea eta frantsesa-euskerea; 607 artikulu entziklopediko ditu, eta 1.500 irudi. CD-ROM euskarria banatzen da liburuagaz batera.
Bilboko Juan Mateo Zabala euskaltegiak bere 25. urteurrena ospatuko dau
2009-10-26 10:20 Euskerea berbagai
Bilboko Juan Mateo Zabala euskaltegiak 25 urte beteko ditu aurten eta urteurren hori ospatzeko ekintza batzuk antolatu ditu Bilboko Udaleko Euskara atalaren eta Ipar Kutxaren laguntzaz urriaren 27, 28 eta 29an. Ekitaldiak Bilboko La Casilla plazan jarriko dan karpa batean izango dira.
Joan Mari Torrealdai euskaltzain osoaren sarrera-ekitaldia Foruan
2009-10-23 15:21 Euskerea berbagai
Urriaren 31n, Joan Mari Torrealdai euskaltzain osoaren sarrera-ekitaldia egingo da Foruan (Bizkaia), Frantziskotarren eleizan, goizeko 11:00etan.
Getxoko Egizu euskera alkarteak Sendi eta Berbalaguna egitasmoak jarriko ditu martxan
2009-10-16 15:37 Euskerea berbagaiZemenditik aurrera, gurasoek euskerea erabiltea eta familia euskerazko jardueren inguruan alkartzea helburu dauen Sendi egitasmoak hainbat tailer antolatu ditu eta, hile horretan baita, Berbalaguna egitasmoari esker euskeraz berba egiteko aukerea izango dabe mintzapraktika landu gura dabenek.
Mintzakide euskerearen erabilerea sustatzeko programea abiarazoko dabe Bilboko Udalak eta Ulibarri euskaltegiak
2009-10-15 15:54 Euskerea berbagai
Nobedade moduan, Mintzakide programearen bigarren edizinoak urte bateko iraupena izango dau. Halan da be, lehen edizinoaren egitureari eutsiko jako, eta bikoteek hamar astean zehar ordubeteko zitak izateko konpromisoa hartu behar dabe eta programea amaitu arte, hau da, 2010eko urrira arte, konpromiso hori barrituz joan.
'Orotariko Euskal Hiztegia' Sareratuz amaitu ditu Euskaltzaindiak 90. urteurrenaren ekitaldiak
2009-10-15 10:51 Euskerea berbagai
Orotariko Euskal Hiztegiak euskerearen aro eta euskalki guztietako lexikoa jaso eta antolatzea dau helburu. 1987an argitaratu zan paperean lehen liburukia eta 2005ean 16.a eta azkena. Euskaltzaindiak bere webgunean eskaintzen dauena hiztegiaren oinarrizko bertsino elektronikoa da eta Creative Commons lizentziapean banatzen da.
Udal euskaltegiak finantzietako sistema barria onartu dau Eusko Jaurlaritzeak
2009-10-14 10:54 Euskerea berbagaiEusko Jaurlaritzako Gobernu Kontseiluak Udal Euskaltegiek edo euren menpeko entidadeek (udal titularidadea daben euskaltegi publikoek) 2009-2010 ikasturterako diru-laguntzinoak jasoteko bete beharreko baldintzak arautzen dituan agindua onartu dau bart.
'EuskaraGAZ par TE hartuz' jardunaldia esperientziak konpartiduteko eta hausnartzeko erabili dabe
2009-10-13 14:46 Euskerea berbagai
Euskerea, gazteak eta parte-hartzea; hiru alor horreetan izandako esperientziak konpartidu zituen pasa dan astean Durangon alkartu ziran 40 lagun inguruk, Elhuyar Aholkularitzeak antolatutako 'EuskaraGAZ parTE hartuz' jardunaldian.
Nafarroako Euskerazko Hedabideok eretxi publikoari
2009-10-09 11:50 Euskerea berbagaiNafarroako Gobernuak bigarren urtez blokeau dau euskerazko hedabideontzako diru-laguntzetarako gordeta egoan partidea. Euskarabideak garagarrilean agindutako 240.000 euroko diru-partidea ezerezean gelditu da, Nafarroako Gobernuaren barruko Institutuak ez dauelako deialdia garaiz argitaratu.
Nabarmenak
Sinatu edozer egin leiteke, baina neurriak... Prentsaburu erdalduna izentau barri dabe. País!
»» San Mamesen be 'Lehenengo berbea ...