'Zabaldu euskerearen atea' kanpainea abiarazo dau Getxoko Udalak
2010-05-19 11:54 Euskerea berbagai
Jarduerako testuak euskeraz ipini nahi dituen establezimenduei eta langile autonomoei erraztasun eta abantaila gehiago eskaintzeko helburuagaz, Getxoko Udalak 'Zabaldu euskerearen atea' lelopeko kanpainea jarri dau martxan.
Gernika-Lumoko Udalak eta Kontseiluak lankidetza hitzarmena barriztau dabe
2010-05-18 18:50 Euskerea berbagai
Gernika-Lumoko alkate Jose Maria Gorroñok Kontseiluagaz urte honeetan egindako lana nabarmendu dau: 'urte bi daroaguz Kontseiluagaz alkarlanean eta emoitzak begi-bistakoak dira herrian. Bi puntu azpimarratuko neukez: batetik, euskerearen normalizazinoaren aldeko lana herriko euskalgintzeagaz batera egiten gagozala. Eta bestetik, gizarte-eragile eta entidadeen hizkuntza-normalizazinoa bizkortzeko tresna barriak proponidu deuskuzala Kontseiluak'
Nafarroan euskerearen alde inoiz egin dan manifestazinorik jentetsuena
2010-05-17 12:05 Euskerea berbagai
Euskararen Gizarte Erakundeen Kontseiluak egindako deialdiari erantzunez, aurreikuspen guztiak gaindituz, ‘Nafarroan euskaraz bizitzeko eskubidea' lelopean, milaka lagun batu ziran Iruñeako kaleetan pasa dan zapatuan. Nafarroan euskerearen alde inoiz egin dan manifestazinorik jentetsuena.
Euskal Toponimia ardatz Euskerearen Jatorriaren V. Biltzarra
2010-05-13 17:53 Euskerea berbagai
Toponimiak hizkuntzalaritzearen barruan dauen garrantzia azpimarratu nahi da, maiatzaren 15ean Arteagan egingo dan biltzar honetan, beraren bidez, orain milaka urte sortu ziran berben esanahia ulertuz, hizkuntzearen sorrerea aditzeko gakoak eskuratu daitekezalako.
1.200 ikaslek parte hartuko dabe Getxoko VIII. Euskal Egunean
2010-05-11 13:54 Euskerea berbagai
Datorren barikuan, maiatzaren 14an, Getxoko Udalak antolatutako VIII. Euskal Eguna ospatuko da Fadurako Kiroldegian (Algortan) eta Andres Isasi Musika Eskolan (Areetan), ikasturtean umeek ikasitako jantza, kanta eta bertsoen erakustaldia eskaintzeko helburuagaz.
'Korrika' ekimena egingo dabe Irlandan eta Bretainian, bertako hizkuntza gitxituen alde
2010-05-06 15:12 Euskerea berbagai
Euskerearen alde AEK-k antolatzen dauen Korrika ekimena mundu zabalera zabaltzen dago, eta hainbat hizkuntza gitxituk hartu dabe adibidetzat. Aurten egin dabe lehenengoz gaelikoaren aldeko Korrika Irlandan, 'Rith 2010' dalakoa.
Eskualdeko euskerearen berezitasunak eta bizimodu tradizionalak batzen dituan eskola materiala aurkeztu dabe Getxon
2010-05-05 18:22 Euskerea berbagai
Uribe Kostako azpieuskalkiaren aberastasun guztia jaso eta zabaltzea eta euskaldun zaharren hizkuntza ondarea (lexikoa, fonetikoa…) eta ondare etnografikoa (bizimodu tradizionalak, kantak, bertsoak, ipuinak…) zabaltzea helburu dituan 'Zer ikusi, ha ikasi' proiektuaren eskola materiala aurkeztu dabe gaur.
Euskereagazko atxikimendutik konpromisora igarotzeko deia egin dau Paul Bilbaok
2010-05-05 11:12 Euskerea berbagaiPaul Bilbao Kontseiluko idazkari nagusi barriak euskereagazko atxikimendutik konpromisora igarotzeko deia egin deutse herritarrei, eragile sozial, politiko eta sindikalei eta erakundeei, hizkuntz normalizazioaren prozesuan aurrerapausu bat emon eta bizkortzeko.
Euskerearen aldaerak jasoten dituan atlasa aurkeztu dabe Bilbon
2010-04-30 15:24 Euskerea berbagai
Euskararen Herri Hizkeren Atlasak (EHHA) ahozko euskerearen aldaerak mapetan jasotea dau helburu. Euskaltzaindiak 1983an onartu eban egitasmo hau, Markina-Xemeinen egindako Dialektologia Barne Jardunaldietan, eta gaur aurkeztu dira lehenengo liburuki biak.
‘Nafarroan euskeraz biziteko eskubidea’ manifestazinorako deialdiagaz bat egin dabe honezkero 1.600 lagunek
2010-04-29 11:31 Euskerea berbagai
Ekimenaren aurkezpena Kontseiluko bazkideakaz batera 80 bat lagunek egin dabe. Ordutik, atxikimenduak gehitzen joan dira etenbarik. Momentu honetan 1.600 atxikimendu batu dira ekimenerako sortutako blogaren (www.blogak.com/maiatzak15) bitartez.
Euskerearen Herri Hizkeren Atlasa-ren I. eta II. Liburukiak aurkeztuko ditu Euskaltzaindiak
2010-04-28 12:24 Euskerea berbagaiHizkuntzaren ahozko aldaera desbardinak mapetan agirian emoteko egiten dira hizkuntza atlasak. Beraz, Euskerearen Herri Hizkeren Atlasak (EHHA) ahozko euskerearen aldaerak mapetan jasotea dau helburu. Euskaltzaindiak 1983an onartu eban egitasmo hau.
Normalizazinoan pauso bat harago joateko deia egin dau Paul Bilbaok Kontseiluaren idazkari nagusi kargua hartu ondoren
2010-04-26 11:58 Euskerea berbagai
'Funtzino sozial guztiak euskeraz garatzeko aukerea ahalik eta azkarren lortzea ezinbestekoa da eta horretarako euskalgintzearen eta eragile sozial, politiko eta sindikalen arteko sinergiari eutsi behar deutsagu', esan dau Bilbaok.
'Nerabeen aisia eta lagunartea' gaiaren harian, abian Udaltop Udaletako Euskara-Zerbitzuen II. Topaketak
2010-04-21 18:36 Euskerea berbagai
Udaltop jardunaldien bigarren edizino honetan 'Nerabeen aisia eta lagunartea' gaia jorratzen dabilz eta 'Zer eta zelan egin daiteke udaletatik nerabeek aisian eta lagunartean euskera gehiago erabilteko?' galdereari erantzuna emoten ahaleginduko dira. Danetara, 120 lagun inguru dagoz parte hartzen topaketetan.
EHUko Zientzia eta Teknologia Fakultadeak euskerazko ahots itzulpenerako sistema bat garatu dau
2010-04-19 15:53 Euskerea berbagaiAlicia Perez Ramirez ikertzailearen doktore-tesia idatzizko testuen itzulpenetik harago doa eta, lehenengoz, ahots-itzulpen automatikoko sistemea martxan jarri ahal izan da metodo estadistikoetan oinarrituta.
Alkarte gehiago batu dira Topagunera
2010-04-19 12:22 Euskerea berbagai
Federazinoan bazkidetza eskatu daben lau alkarte barriri be emon deutse ondo etorria Batzarrak: Euskara Añanan Mingainean (Añanako kuadrila); Goierriko Euskal Eskola (Lazkao); Txirritola (Aramaio); eta Gutxisolo (Trebiñu).
Mendebalderen eskutik, Bilbok izan dauen bilakaerea eta bilakaera horren eragina euskerearen erabileran aztertzeko jardunaldiak
2010-04-15 15:34 Euskerea berbagai
Jardunaldion izenburua 'Bilbon mundua ikusi' da eta gaia, barriz, Bilbok izan dauen bilakaerea eta bilakaera horren eragina euskerearen erabileran. Berbaldiak maiatzaren 7an eta 8an izango dira Euskaltzaindiko aretoan.
Galdakaoko Udalak familian euskerearen transmisinoa sustatzeko tailerrak antolatu ditu
2010-04-15 11:24 Euskerea berbagai
Herriko hiru udal ludotekakaz batera antolaturiko tailerrak maiatzaren 5ean eta 6an egingo dira, eta izena emoteko epea apirilaren 23an amaituko da.
Patxi Baztarrikak 'Babeli gorazarre' izeneko liburua argitaratu dau
2010-04-13 12:24 Euskerea berbagai
Liburuko 426 orrialdeetan Araban, Bizkaian eta Gipuzkoan garatutako hizkuntza politikak aztertu ditu Baztarrikak eta Espainiako eta Europako politikei be erreparau deutse. 'Auzi honen gakoa, azken batean, Babel madarikazinotzat hartu beharrean bedeinkaziotzat hartzea da, hizkuntza aniztasuna baita gizakioi alkarren artean ulertzeko bidea emoten deuskuna.
Enpresa eta erakundeentzako Bikain Euskerearen Kalitate Ziurtagiriaren edizino barria martxan da
2010-04-07 11:12 Euskerea berbagai
Bikain ziurtagiriaren bitartez, euskereak enpresa edo erakunde batean dauen presentzia, erabileran eta kudeaketan neurtzen da, Bikain Ebaluatzaileen Klubeko kide kualifikatuen eskutik egindako kanpo-ebaluazinoaren bidez.
Gernika-Lumoko alkarteen % 76 da 'Geure berbie euskeraz' hitzarmeneko kide
2010-04-06 15:23 Euskerea berbagaiGernika-Lumoko Udaleko Gazteria, Kultura, Ongizate, Kirol arloetako eta Gobernuz Kanpoko Erakundeetako 75 alkartetik 57k sinatu dabe 'Geure berbie euskeraz' hitzarmena Udaleko Euskera Sailagaz, hau da, herriko elkarteen % 76 da hitzarmenaren kide.
Nabarmenak
Sinatu edozer egin leiteke, baina neurriak... Prentsaburu erdalduna izentau barri dabe. País!
»» San Mamesen be 'Lehenengo berbea ...