Bostak Bat alkarteak definizinozko 'Euskal Hiztegia' lanaren argitalpen barria aurkeztu dau
2011-06-02 13:09 Euskerea berbagai
Bostak Bat kultur alkarteak definizinozko Euskal Hiztegia barriztua aurkeztu dau, lehenego huztegia argitaratu zala hogeita bost urte beteten diran honetan. Ekitaldian, besteak beste, taldeko kide Juan Luis Goikoetxea eta Patxi Uribarren izan ziran.
Itziar Aramaiok, 'Berriatuko euskararen zenbait alderdi' liburua nahiz 'Ze dinozu?' dokumentala aurkeztuko ditu Berriatuan
2011-06-02 12:19 Euskerea berbagai
Berriatuko euskararen zenbait alderdi liburua orain 14 urte hasi zan bere lehen hatsak hartzen, egilea, Deustuko Unibersidadean euskal filologiako ikasle zala. Atsotitzak herrian batu eta unibersitateko lan xume bat izatekoa zana, ia 2000 atsotitz batzen zituan lan handi bilakatu zan.
Okondoko toponimiarean mapea aurkeztu dabe
2011-05-31 17:31 Euskerea berbagai
Okondoko toponimiaren mapea kaleratu barri dabe, zazpi urtetako ikerketearen emoitzea jasoten dauen mapa topografiko-toponimikoa, hain zuzen be. Lanaren aurkezpenean izan ziran Itziar Kastrexana Kultura zinegotzia, Mikel Gorrotxategi Euskaltzaindiaren Onomastika batzordeko idazkaria eta Felix Mugurutza ikerketaren egilea.
Zeregin barriak Torrealdai eta Azkaraterentzat Euskaltzaindiaren barruan
2011-05-30 15:38 Euskerea berbagai
Euskaltzaindiaren osoko bilkureak izendapen barriak egin zituan barikuan: Joan Mari Torrealdai izango da Euskaltzaindiko Bibliotekari akademikoa eta Azkue Bibliotekako batzordeko burua, eta Miren Azkarate Argitalpen batzordeko kidea izango da.
Euskaltzaindiak Euskararen Herri Hizkeren Atlasaren III. liburukia aurkeztu dau
2011-05-27 15:53 Euskerea berbagai
Euskararen Herri Hizkeren Atlasa-ren III. liburukia aurkeztu dau Euskaltzaindiak. Aurreko biak legez, liburukia Euskadiko Kutxaren babesagaz argitaratu dau Akademiak eta, oraingoz, euskarri bitan eskaintzen dau: papelean eta CD formatuan. Aurrera begira, sarean ipinteko asmoa dabe. Lan barrian 271 kontzeptu batu eta landu dira.
Mi'kmaq kanadiar tribuak Azkue Fundazinoaren Euskerearen Interpretazino Zentroa bisitau dau
2011-05-27 14:55 Euskerea berbagai
Bisita honen bidez euskal eta Mi'kmaw komunidadeen arteko loturak estutu eta bi herrien arteko belaunaldietako hartu-emonetan sakonduko da. Mi'kmaq tribuko ordezkariek euskereagaz lotutako gaiak ezagutu ditue Bilboko San Inazio auzoko Agoitz plazan kokatutako Euskararen Interpretazino Zentroan: jatorria, aberastasun dialektikoa, euskerearen presentzia munduan etab.
Alkarregaz Boga! egiteko hitzordua domekan, Ondarroan
2011-05-27 14:17 Euskerea berbagai
Boga! lemapean, jai giro ederrean Bizkaiko ikastolek Ondarroan ospatuko dabe urteroko jai handia domekan, maiatzaren 29an. Aurten be Ibilaldiak egitarau bete-betea izango da, ume, gazte zein helduentzako. Goizeko bederatziak eta erdietan zabalduko dabe ibilbidea Zubi Zahar ikastolan bertan.
Mintza Eguna berbalagunen jaia Elizondon egingo da aurten, bagilaren 4an
2011-05-27 11:52 Euskerea berbagai
Topagunea Euskara Elkarteen Federazioak 2011ko Mintza Eguna aurkeztu barri dau. Seigarren edizinoa izango da aurtengoa, eta bagilaren 4an, Elizondon egingo dabe. Mintza Egunean Euskal Herri osoko berbalagunek alkar ezagutzeko aukerea eukiko dabe.
Euskaltzaindia eta Bizkaia Irratia, alkarlanean 'Goizeko izarretan' saioan
2011-05-26 17:52 Euskerea berbagai
Goizero, astelehenetik barikura, euskal toponimiari buruzko lehiaketea egiten dabe Bizkaia Irratiko Goizeko izarretan irratsaioan. Euskaltzaindiagaz alkarlanean atondutako saioaren helburua euskal leku-izenak aztertzea eta zabaltzea da.
Badator 'Eman giltza - ¡Hablale, escuchale!' euskerea familia bidez transmitiduteko kanpainea
2011-05-26 12:50 Euskerea berbagai
Bizkaiko ia 16.000 familiak jasoko daben 'Eman giltza - ¡Hablale, escuchale!' lemapeko kanpainearen helburua, euskerea belaunaldiz belaunaldi transmitiduteak dauen garrantzia nabarmentzea da.
Etxepare Institutuak eta Ramon Lull Institutuak alkarlanerako hitzarmena sinatu dabe
2011-05-25 18:42 Euskerea berbagai
Etxepare Euskal Institutuak eta Ramon Llull Institutuak lankidetza hitzarmen markoa sinatu dabe Donostian. Itunaren helburu nagusia euskerearen eta katalanaren zabalkuntza ardatz daben programa eta ekintzetan alkarlanean jardutea da. Aizpea Goenaga Etxepare Euskal Institutuko zuzendariak eta Vicenç Villatoro Ramon Llull Institutuko zuzendariak sinatu dabe.
'Diserdit', gazteentzako sormen topaketak euskerearen erabilerea eta sormena sustatzeko helburuagaz
2011-05-24 18:25 Euskerea berbagai
Getxoko Udalak sormen topaketak antolatu ditu datorren bagilaren 28an eta 29an udalerriko gazteentzat, sormena landu eta aurrerantzean Izarren Distira Galan parte hartu ahal izateko.
Kaiku izango da ikastolen aldeko jai guztien babes ofiziala
2011-05-23 18:51 Euskerea berbagaiModu honetan, alde batetik, ikastolen aldeko jaien babesle ofiziala izango da, eta bestetik, umeek eurek diseinautako jokoen gune bat jarriko dau martxan. Gainera, konpainiaren produktuak modu esklusiboan eskainiko dira jai bakotxean.
Getxoko Udalak 'Mertzerian ere euskaraz' kanpainea jarri dau martxan
2011-05-23 15:51 Euskerea berbagai
Gehi Euskara Merkataritzara egitasmoaren harira dator kanpaina hau. Orain urte batzuetatik hona udalerriko merkataritzearen hainbat sektoretan euskerearen erabilerea bultzatzeko asmoz dago martxan egitasmoa, harategi, arrandegi, okindegi eta kirol-dendetan, besteak beste.
Bizkaiko udalerrietako hizkuntza-politiken ganeko datuak aurkeztu ditu Kontseiluak
2011-05-20 12:13 Euskerea berbagai
Euskal Herriko 116 udalerritako hizkuntza-politikak aztertu ostean, Kontseiluak Bizkaian neurtutako udalerrien irakurketa orokorra eta Bilboko Udalaren datuen barri emon eban prentsaurrekoan.
Arabako Mendialdeko II. Euskerearen Eguna ospatuko da maiatzaren 21ean Kanpezun
2011-05-20 10:45 Euskerea berbagai
Kanpezuko Mintzalagun taldeak, XVII. Mendea Kultur Alkarteak, Maeztuko Amezti Euskera Alkarteak eta Urbisuko Biharra Kultur Alkarteak Arabako Mendialdeko II. Euskerearen Eguna antolatu dabe maiatzaren 21erako.
Dana prest Ondarroan Boga! egiteko
2011-05-19 14:44 Euskerea berbagai
Ondarroan ospatuko da aurtengo Ikastolen Ibilaldia, maiatzaren 29an, eta adin eta gustu guztietako jentea erakarriko dabelakoan dagoz antolatzaileak, Bilbon egindako aurkezpenean azaldu dabenez: Era guztietako parte-hartzaileak asetuteko jarduerak eratu doguz, adierazo dau Jaione Peña 2011ko Ibilaldiko dinamizatzaileak.
Juan Mari Lekuona zanaren liburutegia Oiartzungo herriarentzat izango da
2011-05-19 14:29 Euskerea berbagai
Daborduko, Oiartzungo Udala Juan Mari Lekuona zanaren liburutegiaren jaubea da, Udaleko Kultura sailak eta Lekuonaren familiaren arteko hitzarmenari esker.
Etxepare Institutuak eta Euskaltzaindiak lankidetza-hitzarmena sinatu dabe
2011-05-17 17:32 Euskerea berbagai
Hitzarmenak Etxepare Euskal Institutuaren eta Euskaltzaindiaren arteko alkarlana sortzea dau helburu. Besteren artean, bi erakundeak batera jatdungo dabe, batez be EAEtik kanpo, euskerearen sustapenari, zabalpenari, ikerketeari eta oro har normalizazinoari buruzko proiektu partekatuak gauzatzeko, besteak beste, jardunaldiak eta ikastaroak antolatuz.
Euskerazko hedabideek erakundeekaz izandako batzarren emoitzak aurkeztu ditue
2011-05-17 15:45 Euskerea berbagai
Euskera hutsez jarduten daben 86 hedabide ez publikok gizartean dauken papela azpimarratu eta erakunde publikoen babes handiagoa eskatzeko kanpaineari ekin eutsoen zezelaren 1ean. Gaur, alkarrizketen balorazinoa egin dabe Donostian.
Nabarmenak
Sinatu edozer egin leiteke, baina neurriak... Prentsaburu erdalduna izentau barri dabe. País!
»» San Mamesen be 'Lehenengo berbea ...