Euskerea berbagai

Jagonet Euskaltzaindiaren kontsulta eta aholku zerbitzuak 10 urte bete ditu

Jagonet Euskaltzaindiaren kontsulta eta aholku zerbitzuak 10 urte bete ditu. 2001eko martian abian jarri zanetik, 835.517 bisitarik kontsultau dabe Jagoneteko galde-erantzunen datu-basea. Bestalde, hamar urteotan, posta elektronikoz galderak bialdu dituen 10.513 lagunek hartu dabe erantzuna.

Euskerazko bideo laburren BBKklip lehiaketea martxan dago honezkero

Gaur eguneko joerak ezagutzea eta gazteen interesetara hurreratzea ezinbestekoak dira euskerearen etorkizunerako, BBKklip lehiaketako antolatzaileen esanetan, eta horregaitik aukeratu dabe bideo laburren formatua eta Youtuberen bitartekaritzea; bideokamereagaz zein eskuko telefonoagaz grabau daitekez lanak.

Bilboko Udaleko telefonozko aldi bereko itzulpen zerbitzuak 5.000 minutu kudeatu ditu hizkuntza-bitartekaritzan

Aldi bereko dobako itzulpen zerbitzu hau telefono-terminal baten bidez egiten da. 2007ko amaieran abian ipini zan Bilboko Udalaren barruti-zentro guztietan, hasieran 32 hizkuntza erabiliz, eta gaur egun 50 baino gehiago.

Korrika Bartzelonan

Hilaren 16an helduko da Korrika 2011 Bartzelonara, hamaika ekitaldi kulturalegaz batera. Egitarau ederra antolatu dau Bartzelonako Euskal Etxeak: kontzertuak, berbaldiak, jaiak eta abar.

Etxepare Institutuak bere espiritua eta filosofia erakutsiko ditu Bilbon, 'At!' ikuskizunaren bitartez

Etxepare Euskal Institutuko zuzendari Aizpea Goenaga and.ak esan dau bihar Arriagan protagonismoa sortzaileek izango dabela, Etxepare Euskal Institutua Euskal Herrian egiten dan lana munduari erakusteko bitartekoa baita. Era berean, kulturearen inguruan eta guztiona dan helburu baten inguruan ahots desbardinak alkartzeko ahalegina azpimarratu dau.

Boga! Ikastolen Ibilaldian parte hartzeko deia egin dabe ondarrutarrek

Maiatzaren 29an ospatuko da aurtengo Ibilaldia Ondarroan, Lea Artibaiko ikastolek antolatuta eta, gaur, Bilboko Kafe Antzokian, hitzordu horri begira egindako bideoklipa eta kantea aurkeztu ditue. Lelo nagusia Boga! da, euskaldun guztiei parte hartzeko deia.

Euskararen Aholku Batzordea Ekintza Mapa Berriaren diseinuaren lanketea hasi dau

Joan dan zezeilaren 22an egindako batzarrean, Euskara Biziberritzeko Plan Nagusia (EBPN) berrikusten eta Ekintza Mapa Berriaren diseinua lantzen hasi zan Euskararen Aholku Batzordea.

21 dendek parte hartzen dabe 'Ospatu eta Oroitu Euskaraz' kanpainearen laugarren edizinoan

Getxoko Udalak Ospatu eta Oroitu Euskaraz kanpainearen laugarren edizinoa jarri dau martxan, ekitalditarako konbidapenak euskeraz egin nahi dituen personei lana errazteko helburuagaz.

Gizarte Segurantzaren DIE sisteman euskeraz, katalanez eta galegoz egitea debekatuta dagoala salatu dau UEMAk

RED-DIE, Dokumentuen Igorpen Elektronikoak Gizarte Segurantzaren Diruzaintza NagusiaK enpresei eta kolegiatutako profesionalei eskaintzen deutsen zerbitzua da, bitarteko telematikoen bidez erakundeen arteko informazino trukea errazteko.

Zerbitzu honek honako jarduera alorrak hartzen ditu: Kotizazinoa, Afiliazinoa eta Aldi Baterako Ezintasunaren Alta eta Baja parteen bialketea.

Euskaltzaindiaren 'Euskera' agerkaria ISOC-eko datu-basean

Euskera Euskaltzaindiaren agerkari ofiziala ISOC-eko datu-basean indizatuko da. CSIC (Consejo Superior de Investigaciones Científicas) erakundeak kudeatzen dau ISOC. Estadu espainiarrean ikerketara dedikauta dagoan erakunde publikorik handiena da CSIC eta Zientzia eta Barrikuntza Ministerioari atxikita dago.

Euskaraz Bizi Eguna Gernika-Lumon egingo da, martiaren 19an

Martiaren 19an, Gernika-Lumon, egingo da aurtengo Euskaraz Bizi Eguna, Euskal Herrian Euskaraz alkarte antolatzaileak iragarri dauenez. EHEk egitarau zabala atondu dau: egun osoan umeentzako txokoa, tailerrak, kale-animazinoa, bertso-bazkaria, kontzertuak (Betagarri eta Sarkor), erromeria (Joxpa taldea) eta abar.

Eresbilek V. Juan Zelaia Letamendia beka deialdia egin dau, ikerketa musikaletan euskerea sustatzeko asmoz

Kulturearen aldeko Euskal Fundazinoaren babesa dauka bekeak eta 9.000 euro emongo ditu. Proiektuak maiatzaren 9a arte aurkeztu ahal izango dira.

Korrika 17ren unitate didaktikoa honezkero eskuragai

Unitate didaktikoa edade tarte guztietako ikasleei zabaldutako (haur hezkuntzatik 18 urtetara) eta 10 egunerako preparautako Korrikari buruzko materiala da, Euskal Herriko eskola eta ikastoletan Korrikaren mezua zabaltzeko balio dauen tresnea.

Gazte getxotar batek irabazi dau 'Gidabaimena euskeraz' kanpainan zozketatutako bidaia

Joseba Legarreta González 19 urteko gazte getxotarrak irabazi dau Gidabaimena euskeraz kanpainan zozketatutako Interrail lau personentzako bidaia. Kanpainea hainbat udalek antolatu eben igaz, gidabaimena euskeraz preparetea eta azterketea egitea bultzatzeko helburuagaz.