Ainhoa Arregi bilbotarrak irabazi dau Euskal Herriko Hitz Gurutzatuen V. Txapelketea
2011-11-29 13:21 Euskerea berbagai
Ainhoa Arregi bilbotarra, nagusitu zan finalean, akatsik bako lana egin ostean. Haren ondotik sailkatu ziran Ibon Zaldua donostiarra, Xabier Azkue zumaiarra eta Txipi Ormaetxea arrasaterra, lehiaketa ederra egin ostean.
Badator Euskerearen Nazinoarteko Eguna
2011-11-28 14:42 Euskerea berbagai
Azken urteotan, Bizkaiko udalerri gehienetan makina bat ekintza antolatu dira Euskerearen egunari lotuta; hori dala eta, Bizkaiko Foru Aldundiak lurralde mailako ikuspegia emon gura izan deutso egunari eta, aurten be, ekitaldi horreek guztiak josteko asmoz, Euskerearen Eguna iragarteko kartela jarri dau Bizkaiko euskera zerbitzu guztien esku eta ekimenon agenda bizkaia.net atarian argitaratuko dau.
Bermeon 2010ean jaiotakoen liburua aurkeztu dabe
2011-11-28 13:27 Euskerea berbagai
Gure txikirrikirrintxuek trankil egon daitekez, seguru nago zuek gurasoek, umearen belarri zein bihotzak euskerearen bitartez laztantzen jarraituko dozuezala. Halantxe egin dozue bermeotarrok historian zehar. Ez dozue orain atzera egingo ezta? Modu sinple eta gozo honetan bizirik iraun dau euskereak orain artean milaka urteetan eta halantxe jarraituko dau zeuei esker.
'Euskal Gramatika. Lehen Urratsak – VII (Perpaus jokatugabeak)' lana aurkeztu dau Euskaltzaindiak
2011-11-25 15:39 Euskerea berbagai
Euskal Gramatika. Lehen Urratsak – VII (Perpaus jokatugabeak) liburukia Euskaltzaindiaren Gramatika batzordeak egin dauen lanaren emoitzea da eta amaierea emoten deutso Euskal Gramatika. Lehen Urratsak izeneko bildumeari.
Itxaropena ikastoleak musika sortzaileei zuzendutako lehiaketea abiarazo dau 2012ko Ibilaldiaren abestia egin deien
2011-11-15 14:31 Euskerea berbagai
Ibipuntuzero lemapean, 2012ko maiatzaren 27an egingo da Ibilaldia Trapagarango Itxaropena Ikastoleak antolatuta eta kantua aukeratzeko lehiaketea abiarazo dabe.
Euskereak Araban bizi dauen egoerea aztergai, XVI. Jagon Jardunaldietan
2011-11-09 14:54 Euskerea berbagai
Euskaltzaindiaren Sustapen batzordeak antolatuta, XVI. Jagon Jardunaldiak egingo ditu Euskaltzaindiak, Gasteizeko Artium Museoan, Arabatik Arabara euskaraz izenburupean. Arabako alkarte eta erakundeekaz batera, eta Foru Aldundiaren laguntzinoagaz atondu da ekimena.
Murrizketa gehiago Nafarroako euskerazko hedabideentzako
2011-11-09 12:57 Euskerea berbagai
Nafarroako euskerazko hedabideek eta Topaguneak, Euskara Alkarteen Federazinoak, salatu nahi dogu beste behin be Euskarabideak murrizketak ezarri deuskuzala.
Euskaltzaindiak ikerkuntzarako erakunde izateko izena emon dau Espainiako Zientzia eta Barrikuntza Ministerioan
2011-11-08 10:00 Euskerea berbagai
Euskaltzaindiak ikerkuntzarako erakunde izateko izena emon dau Espainiako Zientzia eta Barrikuntza Ministerioan. Akademia sorreratik bertatik ikerkuntza lanetan dabil buru-belarri, baina azken urteotan areagotu egin dau arlo horretan egiten dauen ahalegina.
Bizkaiko Aldundiak eta Abokatuen Elkargoak euskerearen erabilerea sustatuko dabe erakunde judizialen aurrean
2011-11-03 12:17 Euskerea berbagai
Akordioak lau urterako konpromisoa eskatzen deutse bi alderdiei eta, haren bidez, bi erakundeek konpromisoa hartu dabe administrazinoaren arloko jurisdikzino eskudunen aurreko prozedura penal eta zibiletan euskerearen erabilerea bermatzeko.
Euskerearen erabileraz hausnartzeko World Kafe arrakastatsua Elorrion
2011-11-02 13:09 Euskerea berbagai
Elorrioko merkataritza eta ostalaritzan gaztelania da nagusi, eta alor sozioekonomikoan hizkuntzeak dauen egoera eta estatusa ganerako erabilera-eremuetan dauenaren antzekoa da. Edozelan be, herritarren gogoa aurrera begira euskerearen presentzia eta erabilera areagotzea da.
Euskaltzaindiak Euskerearen Ikergunea inaugurau dau Donostian
2011-10-28 16:47 Euskerea berbagai
Euskaltzaindiak Euskerearen Ikergunea inaugurau dau Donostian, eta bertan Akademiak Gipuzkoan dituan zerbitzu, egitasmo eta lantalde guztiak batuko dira: ordezkaritzeaz gan, Jagonet zerbitzua, Joanes Etxeberri egitasmoa (Euskerearen Historia Soziala) eta Euskaltzaindiaren Hiztegigintzan lan egiten daben taldeak. Ikerguneari Luis Villasante 1970etik 1988ra euskaltzainburua izan zanaren izena jarri deutse.
Euskal Herriko historian zeresana euki daben emakumeak, Euskerearen Nazinoarteko Egunaren ardatz nagusia
2011-10-27 18:56 Euskerea berbagai
Euskerearen Nazinoarteko Egunaren (ENE) seigarren edizinoa aurkeztu dabe Donostian. Aurten, Euskal Herriko historia, modu batean edo bestean, markau daben emakume guztiei omenaldia egingo jake. Zemendiaren 25ean amaituko da hautagaiak aurkezteko epea. Euskararen Nazioarteko Egunean, 2011eko abenduaren 3an, jakinarazoko da epaimahaiaren erabagia.
Euskaltzaindiak hilaren 28an edegiko dau Euskerearen Ikergunea Donostian
2011-10-26 18:35 Euskerea berbagai
Barikuan, urriaren 28an, Euskaltzaindiak Euskerearen Ikergunea inaugurauko dau Donostian. Igaz, martian, Donostiako Udalak Tolare baserria Euskaltzaindiaren esku ixtea erabagi eban, eta Akademiak bertan batuko ditu Gipuzkoan dituan zerbitzu guztiak. Ekitaldia 11:30ean izango da.
Getxoko II. Euskara Sarirako hautagaiak aurkezteko epea zabalik
2011-10-20 18:43 Euskerea berbagai
Datorren zemendiaren 2ra arte zabalik egongo da Getxoko Udalak antolatutako Argia Ereiten Getxoko Euskara Saria-ren bigarren edizinorako hautagaiak aurkezteko epea. Helburua euskerearen gizarte erabilerea babestu, sustatu edo zabaltzeko zereginetan nabarmendu diran erakunde, alkarte edo persona fisiko nahiz juridikoak goraipatzea da.
Euskerea Londresko Language Show hizkuntzen azokan izango da urriaren 21etik 23ra
2011-10-19 10:40 Euskerea berbagai
Etxepare Euskal Institutuak, Eusko Jaurlaritzearen ordezkari, Londresko The Language Show 2011 hizkuntzen azokan hartuko dau parte datorren barikutik domekara, urriaren 21etik 23ra, euskerea beste herrialdeetako hizkuntzakaz batera nazinoartean erakusteko.
'Hamaika 11n' lemapean, Nafarroako ikastolen jai handia egingo dabe Tafallan, hilaren 16an
2011-10-11 11:41 Euskerea berbagai
Tafallako Garces de los Fayos ikastolea da aurtengo Nafarroa Oinez jaiaren arduraduna, Hamaika 11n lemapean milaka euskaltzale batzeko asmoa dauke domekan, urriaren 16an. Bost kilometroko ibilbidea atondu dabe, bost gunetan banatuta. Jasotako diruagaz DBHko eraikin barria egin gura dabe, orain daukena lar txikia da-eta 400 ikasleentzat.
IbiPuntoZero lemapean, 2012ko maiatzaren 27an egingo da Ibilaldia
2011-10-06 18:48 Euskerea berbagai
IbiPuntoZero lemapean, 2012ko Ibilaldia, Bizkaiko ikastolen aldeko jaia Trapagarenen egingo da, eta Meatzaldean ikasle kopurua nabarmen hazi dala gogoan hartuta, beste ikastetxe bat eregiteko dirua batzea izango dau helburu.
Arratierea ikasteko aukerea Igorren
2011-10-03 15:42 Euskerea berbagai
Zertu Kultur Alkartearen ekinbidez, Ganoraz Arratiako Euskara Taldearen eta Igorreko Udalaren babesagaz, Arratiera tailerrean parte hartu gura izan ezkero, izena emoteko epea zabalik dago; horretarako azken eguna urriaren 12a izango da.
Domekan, Kilometroak jaia Azpeitian, Ikasberri ikastoleak antolatuta
2011-09-30 12:18 Euskerea berbagai
Domekan, urriaren 2an, Kilometroak Gipuzkoako ikastolen jaia egingo dabe Azpeitian, Ikasberri ikastoleak antolatuta. Zirkuitua 9:30ean edegiko dabe, eta egun osoan musikea, jantzea, umeentzako jokoak eta beste makina bat jarduera izango dira. Aurtengo lemea Klik! da.
Euskaltzaindiak Nafarroa Oinez jaiagaz bat egingo dau Tafallan
2011-09-29 13:03 Euskerea berbagai
Urtero lez, Euskaltzaindiak bat egingo dau Nafarroa Oinez jaiagaz. Irailaren 30an, El movimiento de las ikastolas. Un pueblo en marcha liburua eta Euskaltzaindia eta Nafarroa lanaren bigarren argitaraldia aurkeztuko ditue Tafallan. Aurtengo Nafarroa Oinez Tafallan bertan egingo da, urriaren 16an, Garces de los Fayos ikastolak antolatuta.
Nabarmenak
Sinatu edozer egin leiteke, baina neurriak... Prentsaburu erdalduna izentau barri dabe. País!
»» San Mamesen be 'Lehenengo berbea ...