Euskerea berbagai

Sasi guztien gainetik, euskaldun eta burujabe!

Euskal Herrian Euskaraz-ek manifestazino nazionala deitu dau zezeilaren 12rako, Donostiako Bulebarretik 17:00etan abiatuko dana, Sasi guztien gainetik, euskaldun eta burujabe lemapean.

Bizkaiko Diputazinoak euskerearen arloan asoziazionismoa sustatzeko batzordea sortu dau

BFAko Gobernu Kontseiluak Euskara Bizia batzordea sortzea erabagi dau, lurraldean euskerearen alde lan egiten daben alkarteak laguntzeko eta euren jarduerak koordinetako. Batzorde hori kide anitzeko erakunde aholku-emoilea izango da, Bizkaiko Foru Aldundiko Kultura Sailari atxikita.

Topaguneak 'Euskara aniztasunean' jardunaldia egingo dau Durangon urtarrilaren 25ean

Topagunea Euskera Elkarteen Federazinoak Euskara aniztasunean jardunaldia antolatu dau urtarrilaren 25erako, Durangoko Landako Elkartegian. Helburu nagusia egungo testuinguru eleanitzean euskereak dauen eta izan beharko leuken lekuaz hausnartzea da, eta arlo horretan garatzen dagozan esperientzien barri be emongo da. Izen-emotea dobanik egin daiteke hilaren 20ra arte.

Arabako Mintza Eguna ospatuko da Gasteizen urtarrilaren 15ean

Arabako Mintza Eguna egingo da Gasteizen urtarrilaren 15ean, Topagunea euskera alkarteen federazinoak eta Gasteizko GEU alkarteak koordinauta. Lehenengo aldia izango da Araba mailako jaiegun hau antolatzen dana, eta horretarako arrazoia azken bizpahiru urteetan Mintzalaguna lako egitasmoek herrialdean hartu daben indarra izan da.

Sustraiak-Erroak Pariseko alkarteak jaso dau 2010eko ENE saria

Sustraiak-Erroak elkartea 1981ean sortu eben euskerea eta euskal kulturea sustatzeko, eta Pariseko Eskual Etxean dago haren egoitzea. Jarduera katalogo zabala dauka kideen lan boluntarioari esker eta euskaltasuna uriaren bizitzan txertatzeko ikuspegi zabaletik abiatzen da.

Jaurlaritzeak eta Eudelek 2010-2011 ikasturterako udal euskaltegien finantzazino-akordioa sinatu dabe

Akordioaren helburu nagusia da udal euskaltegi bakotxean dagoan euskerazko eskolen 'eskari errealari' erantzuten saiatzea. Horrek dakar, alde batetik, aldez aurretik neurririk ez jartea udal euskaltegi bakotxaren finantzazinorako, eta bestetik, finantzazino publikoaren eraginkortasuna bermatzea, euskaltegi bakotxeko giza baliabideak eskari errealera egokitzeko ahalegina eginez.

Zuzenbide Kanonikoaren Kodea euskeraz kaleratu dau Idatz argitaletxeak

Kode hori 1983an atara eban, latinez, Joan Pablo II.ak, Vatikanoko II. Kontzilio Ekumenikoaren ildoari jarraituz. Berehala emon ziran argitara hainbat hizkuntzetako bertsinoak, baina orain arte ez egoan euskerazkorik. Zuzenean latinetik euskeratu dau Sebastian Uria Donostiako Eleizbarrutiko Bikario Judizialak.

Unescok euskerea galtzeko arriskuan dagoala azpimarratu dau

Erakundeak hizkuntza gitxituak babesteko beharra aitatu dau, eta aholku hau emon dau hizkuntzen desagertzeari aurre egiteko: 'Berbadunek berba egiteko eta seme-alabei erakusten jarraitzeko baldintzak sortu behar dira. Horretarako, hizkuntza gitxituak babestuko dituan estadu politikak behar dira, eta ama-hizkuntzan erakustea bermatuko daben hezkuntza sistemak ezarri'.

Xaramela, karaoke herrikoia euskerearen alde Bilbon eta Donostian

Abenduaren 21ean, martitzenean, Santo Tomas azokea karaoke jentetsua izango da, izan be, ekimen berezia tarteko dala, milaka lagunek EtxE abeslari bizkaitarrak egin dauen Guk Euskaraz abesti ospetsuaren bertsinoa kantauko dabe. Proposamenari Xaramela izena jarri deutsie eta aldi berean egingo da Bilboko Arenalen eta Donostiako Boulevardeko kioskoan 13:00etatik 15:00etara.

UEMAk, Kutxak eta Euskadiko Kutxak hitzarmena sinatuko dabe finantza-arloan euskerearen erabilerea sustatzeko

Ekitaldia Debako udaletxean egingo da, eguerdiko 12:00etan, eta UEMAko partaideak diran udalen izenean, bertako alkateek, Kutxaren izenean, Marta Madinabetiak eta Euskadiko Kutxaren izenean, Josu Arraizak parte hartuko dabe.

Euskaltzaindia Zarautzen, bertako Frantziskotarren 400. urteurrenean

Bilkurako egitarauan, Aguirre Asteasukoaren erakusaldiak: Sermoia ikuspegi sozio-diskurtsiboaren argitan liburuaren aurkezpena izango da, Agirre Asteasukoari buruz Arantza Ozaeta andreak egindako tesia.

GetxOnegin II. Pintxo Lehiaketea egingo da asteburuan

Getxoko 33 ostalaritza-establezimentuk parte hartuko dabe asteburu honetan, abenduak 18 eta 19, Getxoko Udalak ostalaritzan euskerea sustatzeko antolatutako GetxOnegin II. Pintxo Lehiaketan, Euskal Kulturaren XII. Jardunaldien barruan.

Euskaraz atseginez Sopelanan

Euskaraz Atseginez egitasmoa Sopelanako merkataritza eta ostalaritzan euskerearen erabilerea sustatzeko eta normalizetako helburuagaz sortu zan.

Fernando Artola Bordari-ren omenezko bilkurea egingo dau Euskaltzaindiak abenduaren 10ean

Abenduaren 10ean, Hondarribiko udaletxean, Fernando Artola Bordari-ren omenezko bilkura egingo dabe Euskaltzaindiak eta Hondarribiko Udalak.

Fernando Artola Bordari Hondarribian jaio zan, 1910eko zezeilaren 14an. Beraz, bere jaiotzaren mendeurrenean, Euskaltzaindiak eta Hondarribiko Udalak omenaldia eskainiko deutse.

Gero eta hurrago Herri Urrats 2011

2010eko Herri Urratsen etekinak, Itsasu eta Lekorneko ikastola barriak edegiteko erabili zituen. 2011n, bere egoitzea barrizteko baitezpadako laguntzino ekonomikoa ekarriko deutso Herri Urratsek Xalbador Kolegioari. Gogoratu Herri Urrats Xalbador Kolegioko 'Nere pentzea' etxea erosteko sortu zala.