Euskerearen eta Europa iparraldeko samierearen arteko loturea ikertu dabe
2010-08-03 12:34 Euskerea berbagai
Linda Wiechetek ikerlari alemana Euskal Herriko Unibersidadeko (EHU) Gipuzkoako campusean dago EHUko Informatika Fakultadeko IXA ikerketa-taldeagaz lan egiteko. Lankidetzearen helburu nagusia euskerea eta Norvegiako, Finlandiako, Suediako eta Errusiako iparraldean berba egiten dan samierearen aditzei buruzko informazinoa lantzen daben programak sortzea da.
Ibai izenen erabilera zuzenaz
2010-07-26 15:42 Euskerea berbagaiEuskaltzaindia Euskal Herriko ibai nagusien izenak arautzen dabil. Osoko bilkurearen azkeneko bi bileretan Bizkaiko mendebaldeko mugatik hasi eta Gipuzkoako ekialdekoraino Kantauri itsasoan isurtzen diran ibaienak eta berauen erreka-adar nagusienenak onartu ditu.
Gasteizko Udalak euskerearen erabilerea sustatzeko kanpainea abiarazo dau
2010-07-23 10:29 Euskerea berbagai
Maite Berrocal Gasteizko Udaleko Euskera, Kultura eta Kirol zinegotziak adierazo dau euskereak balio erantsia emoten dauela, eta horregaitik, euskerea erabilteak aukera eta garapenerako esparru gehiago eskaintzen dituala, bai eremu familiarrean zein lanean edo aisialdian.
Fagorrek euskerea, katalana eta galegoa sartu ditu bere webgunean
2010-07-16 10:32 Euskerea berbagai
Fagor konpainiaren webgune barria (www.fagor.com/es) lau hizkuntzatan dago, bertara sartzen diran pertsona guztiek errazago erabil daien. Euskerea, katalana eta galegoa dira eguneratutako webgunean sartu diran hizkuntzak, gaztelaniagaz batera, hasieratik dagoan hizkuntza baita, konpainiak jakinarazo dauenez.
Okzitanierearen Akademia sortu nahi dauen Aporlòc alkarteko kideek Euskaltzaindia bisitau dabe
2010-07-14 15:41 Euskerea berbagai
Aporlòc 'Associacion prefigurativa de l'organisma de regulacion de la lenga d'Òc' izeneko alkarteak Euskaltzaindia bisitau eban joan dan garagarrilaren 9an, Bilbon. Alkarte hori Okzitanierearen Akademia sortzeko asmotan dabil, eta Euskaltzaindiaren barri euki nahi izan dau.
'Bagare' lemapean, Laudioko ikastoleak antolatuko dau 2011ko Araba Euskaraz
2010-07-12 02:00 Euskerea berbagai
2011ko bagilaren 19an, Laudion ospatuko da Arabako ikastolen aldeko jaialdia. 1983, 1993 eta 2000. urtekoen ondoren, Laudiok laugarrenez jasoko dau Araba Euskaraz eta data gogoangarrian, Laudioko Ikastolearen 40. urteurrenean, hain zuzen be.
Gu ez gara izango Nafarroako Yaakuak
2010-07-07 16:55 Euskerea berbagaiKeniako ipar-erdialdean, yaakueraz berba egiten ebenak bilera publiko bat egin eben, euren etorkizunaz erabagiteko. Bilera haretan, bi ideia nagusitu ziran: batetik, masaien hizkuntzak eta ohiturek yaakuenak baino prestigio handiagoa ebela, eta, bestetik, masaiera yaakuera baino egokiagoa zala etorkizuneko erronketarako.
'Aittamak': seme-alabei lagunduz euskerea landu Gernika-Lumon
2010-07-07 11:25 Euskerea berbagai
Aurten, 25 urte beteten ditu Gernika-Lumoko Aita Villasante Udal Euskaltegiak, eta, besteak beste, Aittamak izeneko 12 ikastunitateko materiala preparau dau. Material hau guraso euskaldunei zuzenduta dago, alfabetatze-bidean erdi galduta dabilzanei eta euren seme-alabei laguntzeko orduan traba itzelak topetan dituenei.
Euskarazko zinpeko itzulpenak eta interpretazino lanak egiteko profesionalaren figurea sortu dau Eusko Jaurlaritzeak
2010-07-01 12:40 Euskerea berbagaiEHAAn, 2010eko bagilaren 28an argitaratu da zinpeko itzultzaile nahiz interpreteen habilitazinoa eskuratzeko deialdia. Deialdi honetan habilitazino zuzena eta meritu bidezkoa ahalbidetuko dira. Bestetik, probak gaindituta be lor daiteke habilitazinoa, eta probetako deialdia aurtengo irailean argitaratzea aurreikusten da.
Justizia Administrazinoaren hizkuntza-normalizazinoari buruzko dekretua onartu dau Eusko Jaurlaritzeak
2010-06-30 10:31 Euskerea berbagaiDekretu horren helburua da Euskal Autonomia Erkidegoan indarrean dagoan koofizialtasun erregimena praktikara eroatea Justizia Administrazinoagaz hartu-emonetan dagoan edozein herritarrek euskeraz nahiz gaztelaniaz egiteko aukerea izan daien.
'Helduen euskalduntzea eta etorkinak Ipar Euskal Herrian' lana argitaratu dau Euskaltzaindiak
2010-06-28 14:27 Euskerea berbagai
Herritarrentzat motibazino nagusiak dira euskaldunen arteko komunikazinoa (% 29), nortasunaren adierazpena (% 22) eta euskal kulturea bereganatzea (% 16). Etorkinen motibazino nagusiak dira euskaldunakaz komuniketea (% 25), euskal kulturearen jabekuntza (% 22) eta integrazinoa (% 18).
Euskerearen erabilerea sustatzeko esperientzia pilotu aintzindaria egin da Berrizen udal beharginen artean
2010-06-28 12:34 Euskerea berbagaiBerrizko Udalak indarrean daukan euskerearen erabilerea sustatzeko planaren barruan, esperientzia pilotu aintzindaria egin da udal beharginen artean. Danetara, 21 lagunek parte hartu dabe. Helburua, udal langileek euren arteko egoera informaletan euskera gehiago erabiltea izan da.
Zuia Euskaraz Eguna ospatuko da domekan
2010-06-23 12:19 Euskerea berbagai
Zuiako Udalak (Araba) Zuia Euskaraz Eguna antolatu dau datorren domekarako, bagilaren 27rako, Bidabarri euskera alkartearen eta Zuiako gau eskolearen laguntzinoagaz. Egun hau antolatzearen helburua, urtero gai desbardin bat aukeratuz Zuian euskereari bultzada bat emotea da.
Alkarteetan euskerearen erabilerea sustatzeko metodologia eskuliburua aurkeztu dau Topaguneak
2010-06-22 17:25 Euskerea berbagai
Eskuliburu honek, era guztietako alkarteetan euskerearen erabilerea sustatzeko metodologia garatzen dau. Euskera alkarteek 20 urtetan gizarteko eremu sozioekonomiko desbardinetan landutako hitzarmengintza egitasmoen metodologia dau oinarrian gaur aurkeztutako proposamenak.
Euskal Herriko Unibersidadeak eta Euskaltzaindiak datozan bost urteotarako lankidetza-hitzarmena sinatu dabe
2010-06-21 15:31 Euskerea berbagai
EHUren izenean Iñaki Goirizelaia erretoreak sinatu dau eta, Euskaltzaindiarenean, Andres Urrutia euskaltzainburuak. Hitzarmen horrek EHUren eta Euskaltzaindiaren arteko alkarlana sendotzea dau helburu.
Portugeleten euskereak egun bizi dauen egoerearen analisia eta erabilerea sustatzeko plana abian
2010-06-21 02:00 Euskerea berbagai
Portugaleteko Udalak Ahize-AEK kontratau dau, datozen hilebeteotan euskereak urian dauen egoerearen diagnosia egin daian. Azterketa horren emoitzak oinarri hartuta, bai udalerrian eta bai udaletxean euskerearen erabilerea sustatzeko plana preparauko dau.
Bai Euskarari Ziurtagiria enpresa, merkataritza eta alkarteetan bultzatzeko hitzarmena sinatu dabe Gernika-Lumon
2010-06-15 17:54 Euskerea berbagaiGernika-Lumoko Udalak (Bizkaia) eta Bai Euskarari Ziurtagiriaren Alkarteak 2010eko hitzarmena sinatu dabe, Bai Euskarari Ziurtagiria herriko enpresetan, merkataritzan eta alkarteetan bultzatzeko asmoagaz eta horrek ekarriko dauen gastua onartuz.
Eusko Jaurlaritzaren hizkuntz politikea salatzeko manifestazinoa deitu dabe 100 bat eragileek
2010-06-11 15:55 Euskerea berbagaiEuskal Herriak behar dauen hizkuntzearen alde agiria sinatu dabe 100 bat eragilek Ipar eta Hego Euskal Herrian, euskereak bizi dauen egoerea salatuz. Era berean, Jaurlaritzaren hizkuntz politikea salatzeko manifestazinoa deitu dabe eragileek Donostian, bagilaren 26rako
'Berbaditza Txapelketea' antolatu dau bagilaren 17rako Bilboko AEK-k
2010-06-11 12:25 Euskerea berbagai
Bilborock aretoan egingo dan lehiaketearen helburuetako bat euskerearen praktika euskaltegietatik ataratea da, eta ikasgune desbardinetan dabizan ikasleak alkar ezagutzea. Bestalde, euskal fonetika eta ortografia lantzeko aukera parebakoa izango dabe ikasleek.
Gaztelania inposatzen daben 500 xedapen
2010-06-11 11:37 Euskerea berbagaiFranko hil osteko demokrazia-aldian, 2009ko abenduaren hogeita hirua arte, askotan isilpean eta etenik barik, 500 Agindu, Errege Dekretu, eta abar jarri dira indarrean Espainian jardun-eremu desbardinetan, gaztelaniaren presentzia ez eze, haren erabilerea be ziurtatzeko, behartzeko.
Nabarmenak
Sinatu edozer egin leiteke, baina neurriak... Prentsaburu erdalduna izentau barri dabe. País!
»» San Mamesen be 'Lehenengo berbea ...