Zinebi 56 jaialdian izena emoteko epea edegi dabe
2014-02-04 10:26 Barriak
Zemendiaren 14tik 21era bitartean egingo da 2014ko Zinebi Bilboko Zinema Dokumental eta Film Laburren Nazinoarteko Zinemaldia, eta daborduko hasi dira martxan. Izan be, 56. edizinoan parte hartzeko epea zabalik dago fikzinozko eta animazinozko film eta dokumentalentzat.
MUn euskaraz! bideo-lehiaketea antolatu dau Mondragon Unibersidadeak
2014-01-29 10:07 Barriak
Unibersidadeko eguneroko hartu-emonetan euskerearen erabilerea sustatzea dau helburu Mondragon Unibersidadeak martxan ipini barri dauen MUn euskaraz! lehieaketeak. Parte-hartzaileek bideo bat sortu behar dabe, gehienez be hiru minutukoa, eta ostean Youtubera igon.
Hiru sari jasota Diederick Ebbinger-en 'Matterhorn' filma XI. Zinegoak jaialdiko irabazlea izan da
2014-01-27 12:59 Barriak
Matterhorn, Diederick Ebbinger-ena, da XI. Zinegoak, Gay, Lesbo Trans Nazinoarteko Zinemaldiko irabazle nabarmena, izan be hiru sari eskuratu ditu: Fikzinozko Luzemetrairik onena, Fikzinozko luzemetraiaren gidoirik onena (Ex aequo Tom à la ferme) eta, azkenik, Fikzinozko luzemetraian gizon-antzezpenik onena Ton Kas-entzat.
'Tormeseko itsumutila' animazinozko pelikulea aurkeztu dau Juanba Berasategik
2014-01-23 14:20 Barriak
Orixek 1929an egindako itzulpena dau oinarri Elkar etxeak aurkeztu barri dauen Tormeseko itsumutila DVDak. Juanba Berasategi zuzendaria bersino hori erabili dau animazinozko pelikulea egiteko. Gaztelaniaz eta ingelesez be produzidu dabe filma.
Lankidetza hitzarmena sinatu barri dabe Donostia Zinemaldiak, IBAIA alkarteak eta FIPAk
2014-01-22 09:59 Barriak
Donostia Zinemaldiak, IBAIA Ikus-entzunezkoen Euskal Ekoizle Burujabeen Elkarteak eta Miarritzeko FIPA Ikus-entzunezko Saioen Nazinoarteko Jaialdiak ikus-entzunezko industria sustatzeko lankidetza hitzarmena sinatu dabe Miarritzen bertan.
FIPA ikus-entzunezko saioen nazinoarteko jaialdia martxan da Miarritzen
2014-01-21 10:44 Barriak
Gaur hasi eta domekara bitartean ehundik gora behar aurkeztuko dira 27. FIPA jaialdian. I. Mundu Gerrea hasi zala ehun urte dirala-eta, Europa osoa astindu eban gatazka hori izango da saioen ardatz nagusia. Georges Gachot suitzarraren O Samba produkzinoak edegiko dau jaialdia, Gare du Midin, 19:45ean.
'American Hustle' eta 'Gravity' pelikulak, 86. Oscar sarietako faboritoak
2014-01-17 10:27 Barriak
Hamarna izendapen jaso ditue David O. Russelek zuzendutako American Hustle eta Alfonso Cuaronen Gravity pelikulek, horrek biak dira beraz 86. Oscar sarietako faboritoak. 12 Years a Slave film historikoak bederatzi izendapen izan ditu. Martiaren 2an banatuko ditue sariak, AEBetako Los Angeles uriko Dolby antzokian.
Zinegoak 2014 jaialdiak LGTB kolektiboaren eskubideak eta gazteak izango ditu ardatz
2014-01-15 14:49 Barriak
Nerabezaroak eta gaztaroak garrantzi berezia izango dabe 11. Zinegoak Bilboko Gay-lesbo-trans Nazinoarteko Zinemaldian. Danetara mundu osoko 86 behar egongo dira ikusgai jaialdian, urtarrilaren 20tik 27ra bitartean, Bilboko hainbat aretotan. Ostean, Zinegoak Hedapena egitarauak hamaika herritara zabalduko dau zinemaldia, inoizko gehien.
Zinemaldia.cat, Bartzelonako euskal zinema jaialdi barritua
2014-01-14 10:46 Barriak
Euskal Etxeak Katalunian euskal kulturea ezagutarazo eta zabaltzea dau helburutzat. Orain zortzi urtetik hona euskal zinema mostra antolatzen dau eta aurten aurrepausu bat emotea erabagi dabe, mostra Jaialdi bihurtuz eta Bartzelonarako aretoetara zabalduz.
'La Gran Estafa Americana' filmak 3 sari eroan ditu Urrezko Globoetan
2014-01-13 11:34 Barriak
Bart izan da Los Angeleseko Beverly Hilton hotelean 71. Urrezko Globoen sari banaketa ekitaldia eta irabazle nagusia La Gran Estafa Americana izan da; danetara, zazpi izendapen zituan eta hiru irabazi ditu: komediako film onena, komediako emakumezko aktore onena (Amy Adams) eta bigarren mailako aktore onena (Jennifer Lawrence).
'Munich 1962' dokumentalaren proiekzinoa eta Euskal Herriaren momentu historikoa berbagai Bilbon
2014-01-13 10:45 Barriak
Orreaga taldeak egindako Munich 1962 dokumentala proiektauko dabe eta Euskal Herriak bizi dauen momentu historikoari buruzko mahai-inguru bat izango da Bilboko Bizkaia Aretoan urtarrilaren 16an, Euskal Herriko Unibersidadeko (EHU) Bizkaiko campuseko programazino kulturaleko Memoria(z) tartean proiektuaren barruan.
Alex de la Iglesiaren 'Las Brujas de Zugarramurdi' filmak Goya Sarien hamar izendapen jaso ditu
2014-01-07 17:11 Barriak
Alex de la Iglesia zinemagile bilbotarraren Las Brujas de Zugarramurdi pelikuleak 2014. urteko Goya Sarietarako hamar izendapen jaso ditu. Sariak zezeilaren 9an banatuko dira, Madrilgo Auditorium hotelean.
Zinegabonak ekimenak pelikulak euro batean eskainiko ditu urtarrilaren 4an eta 5ean
2013-12-30 16:24 Barriak
Euskadiko Filmategiak eta Zineuskadi alkarteak Zinegabonak egitaraua antolatu dabe Bilbo, Donostia, Gasteiz eta Iruñean, urtarrilaren 4an eta 5ean. Euro bakar baten truke ikusle gazteenek zinema pantaila handian ikusteko aukerea izango dabe.
Donostiako Dock Of The Bay musika dokumentalen jaialdiak 18 film eskainiko ditu
2013-12-26 16:46 Barriak
Donostiako Dock Of The Bay musika dokumentalei buruzko jaialdiaren zazpigarren edizinoa urtarrilaren 6tik 12ra izango da, eta 14 film eskainiko ditu lehiaketan eta beste lau lehiaketatik kanpo, Trueba zinema aretoetan eta Antzoki Zaharrean. Filmak ez eze, kontzertuak eta erakusketa bat be izango dira, antolatzaileek prentsaurrekoan jakinarazo dabenez.
'Beyond the Edge' pelikulea, VI. Mendi Film Festivaleko irabazle
2013-12-23 12:52 Barriak
Leanne Pooleyk zuzendutako Beyond the Edge pelikuleak irabazi dau Mendi Film Festivaleko Bilbao Hiria Sari Nagusia. Edmund Hillaryk eta Tenzing Norgayk 1953ean egindako Everest mendiaren igoerea kontetan dau. Urrezko Eguzkilorea eta 6.000 euroko saria jaso dabe lanaren egileek.
Etxepare Euskal Institutuak frantsesez be kaleratu dau 'Euskal Zinema' liburua
2013-12-20 10:10 Barriak
Kattalin Totorikak itzuli dau Euskal Zinema frantsesera, Euskadiko Filmategiko zuzendaria dan Joxean Fernandez donostiarraren jatorrizko testua. Zinemeak Euskal Herrian izan dauen historiara hurreratze sintetikoa egin dau egileak, eta zinemagilerik garrantzitsuenei erreparetan deutse, euskal zinemeak hasieratik gaur arte egin dauen mende oso batetik gorako ibilbidean zehar.
Begoña Vicariok 'Haragia' aurkeztuko dau eguenean Bilbon, desagertutakoez egin dauen film laburra
2013-12-18 16:26 Barriak
Begoña Vicarioren Haragia film laburra aurkeztuko dabe eguen honetan, abenduaren 19an, 20:00retan, Bilbon, Bizkaia Aretoan, eta ondoren Euskal Herriko Unibersidadeko (EHU) irakasle eta filmaren zuzendariak desagertutako personez eta euren familiek eta lagunek biziten daben egoeraz berba egingo dau.
Fant zine fantastikoaren Bilboko jaialdiak 2014ko edizinoan filmak aurkezteko epea zabaldu dau
2013-12-18 10:19 Barriak
Bilboko Udaleko Kultura eta Hezkuntza Sailak 20. Fant zinemaldi fantastikoaren lehiaketan parte hartu nahi daben filmak aurkezteko epea zabaldu dau, eta kopiak aurkezteko azken eguna 2014ko martiaren 15a izango da.
'Ernest & Celestine' animazinozko pelikulea estreinauko dabe barikuan
2013-12-17 10:23 Barriak
Benjamin Renner, Vincent Patar eta Stephane Aubierek zuzendutako Ernest & Celestine animazinozko film frantsesa euskeraz estreinauko da barikuan, abenduaren 20an. Zineuskadi alkarteak sortutako Zinema Euskaraz programearen ekimena da.
'Messner der film' alpinismoaren mitoaren ganeko filmak zabalduko dau gaur Bilboko VI. Mendi Film Festivala
2013-12-13 09:28 Barriak
Bilbao VI. Mendi Film Festival nazinoarteko mendiko zinema jaialdia abenduaren 13tik 22ra izango da Bizkaiko uriburuan, eta hasierarako, jaialdiaren inaugurazinorako aukeratutakoa lan aparta izango da: Reinhold Messner italiarra, alpinismoaren mito handienetako bat, leial irudikatzen dauen filma, kondaira bizi horren ibilbideari buruzko behin betiko lana.
Nabarmenak
BizkaiFilma egitarauan badagoz helduentzako pelikulak be
»» Euskerazko pelikulak zine-aretoetara eroateko egitasmo ...