Euskerazko zinema ikustea sustatzeko ekimen bat abiarazo dabe Donostiako Udalak, Zinemaldiak eta Euskalbideo alkarteak
2014-07-01 11:08 Barriak
Nahi dauenak euro baten truke eskuratu ahal izango dau Euskalbideo klubaren bazkide karneta, eta hemendik urte amaierara arte bakotxa 0,50 euroan nahi beste film alokatu ahal izango dira, euskeraz bikoiztutako nahiz azpitituluak dituen filmak. Bideo klubaren webgunean (www.euskalbideo.com) nahiz saltokian bertan konsultau ahal izango da eskura dagozan 133 filmen zerrendea.
'The young and prodigious T.S. Spivet' euskeraz zinema aretoetan
2014-06-30 18:23 Barriak
Datorren barikuan, garagarrilaren 4an, helduko da euskeraz Gazte harrigarria, T.S. Spivet film luzea aretoetara Zineuskadi Alkarteak kudeatzen dauen Zinema Euskaraz programeari esker.
Pablo Bergerren 'Blancanieves' emongo dabe Bilbon, zuzendariak berak aurkeztuta
2014-06-27 12:37 Barriak
Pablo Berger zinemagile bilbotarraren Blancanieves filma emongo dabe bariku honetan, bagilaren 27an, Bilboko Olabeaga auzoko udaltegian, iluntzeko 21:30ean, zuzendariak berak aurkeztuta. Gainera, aurretik, Mama izenburuko bere lehen film laburra be izango da ikusgai.
Donostiako XXV. Fantasiazko eta Bildurrezko Zinemaren Astean lanak aurkezteko epea zabalik dago
2014-06-17 15:06 Barriak
Donostiako Fantasiazko eta Bildurrezko Zinemaren XXV. Astean lanak aurkezteko epea zabaldik dago honezkero. Jaialdia urriaren 25etik zemendiaren 1era izango da, eta lanak aurkezteko epea abuztuaren 15ean amaituko da, antolakuntzako iturriek jakinarazo dabenez.
Filmazpit programea sustatzeko hitzarmena sinatu dabe Zineuskadik eta Donostia Kulturak
2014-06-13 10:45 Barriak
Zineuskadi alkarteak eta Donostia Kulturak lankidetza hitzarmena sinatu dabe Filmazpit 2014 programea antolatu eta garatu ahal izateko lan esparru bat sortzeko helburuagaz. Programaren helburu nagusia da Euskal Autonomia Erkidegoan (EAE) euskerazko azpitituluak dituen filmen emonaldiak ahalbidetzea.
Aitor Arregi oñatiarraren 'Zarautzen erosi zuen filma' be Kimuak zigilupean banatuko dabe
2014-06-10 14:35 Barriak
Kimuak 2014 katalogoa honako film laburrek osotzen dabe: Aitor Gutiérrezen Anomalo, Lander Camareroren A Serious comedy, Kote Camachoren Don Miguel, Koldo Almandozen Hubert Le Blonen azken hegaldia, Artelekun produzidutako Sailor's grave proiektu kolektiboa, Asier Altunaren Soroa eta Aitor Arregiren Zarautzen erosi nuen.
Zinebiklubek 23 filmez osotutako aukeraketea aurkeztuko dau bagilean Bilbon Zorrotzako eta Otxarkoagako udaltegietan
2014-06-05 11:07 Barriak
Aurten 14. edizinoa egingo dauen ZINEBIren eta Udaleko Kultura eta Hezkuntza Sailaren ekimen honek 16 nazionalidadetako 23 film aurkeztuko ditu danetara hilaren 5etik 26ra bitartean, horreen artean Bilboko lehiaketan saritutako bost film. Proiekzinoak Zorrotzako eta Otxarkoagako Udaltegietan izango dira bagilaren 5, 10, 11, 12, 13, 19 eta 26an.
Kubako eta Euskal Herriko eskolen artean eginiko film pedagogiko bat aurkeztuko dabe Bilboko Kafe Antzokian
2014-06-03 10:52 Barriak
Kurkuluxetan eta Zenbat Gara kultur alkarteek Kubako eta Euskal Herriko hainbat eskolen artean egindako Keinuka mugaz gaindi... Un guiño, un sueño izenburuko filma aurkeztuko dabe bagilaren 4an, goizeko 11:00etan, Bilboko Kafe Antzokian.
Kimuak 2014 deialdiak 63 film labur jaso ditu
2014-06-03 10:37 Barriak
Eusko Jaurlaritzearen eta Euskadiko Filmategiaren laguntzinoa dauen proiektuko arduradunek gogorarazo dabenez, hurrengo pausua epaimahaiari jagoko orain, eta datorren bagilaren 9an batuko da film laburren behin betiko aukeraketea egiteko.
Bilbon saritua izan zan 'High Tension' filmak irabazi dau Coloradoko Mountain Film Jaialdiko Charlie Fowler Saria
2014-05-30 12:13 Barriak
Pelikula sarituak Ueli Steck, Simone Moro eta Jonathan Griffith alpinista entzutetsuek Everesteko 2. kanpalekuan jasandako erasoaren barri emoten dau. Erabat sumindutako sherpa talde batek harrika eta kolpeka egin eutsen eraso hiru mendizaleei, eta jazoereak eztabaida eta zalaparta handia sortu eban mundu osoan eta batez be mendi giroan.
'Dragoi Bola Z' filma euskeraz helduko da astegoienean
2014-05-29 13:43 Barriak
Dragoi Bola Z euskeraz ikusteko aukerea izango da Zineuskadi Alkarteak kudeatzen dauen Zinema Euskaraz programeari esker. Estreinaldia gainera, Platform estilo amerikarreko aste amaiera bateko ekitaldia izango da maiatzaren 30, 31 eta bagilaren 1ean.
Martxan da 12. Caostica Film Laburren jaialdia
2014-05-29 12:31 Barriak
Zapatura bitartean, Caostica film labur eta bideoklipen jaialdiak 39 lan erakutsiko ditu Bilbon. Lan sarituak astelehenan, bagilak 2, ikusi ahal izango dira EHUren Bizkaia Aretoko Paraninfoan, 20:00etan. Emonaldi guztiak debalde dira.
Zinebik 'GMO: Genetikoki Eraldatutako Organismoa' eskainiko dau eguenean Bilbon
2014-05-29 10:58 Barriak
Zinebi Bilboko Zine Dokumentalaren eta Film Laburren Nazinoarteko Jaialdiak GMO: Genetikoki Eraldatutako Organismoa dokumental estadubatuarra eskainiko dau eguen honetan, maiatzaren 29an, urte osoan programazinoari jarraipena emoteko antolatzen dauen Hileko Dokumentala estreinaldi zikloaren barruan.
'El Mayorazgo de Basterretxe' filmaren soinudun bersinoa Bilboko Euskal Museoan aukeztuko dabe maiatzaren 29an
2014-05-26 14:01 Barriak
Mario Azkonak 1928. urtean zuzendu eban El Mayorazgo de Basterretxe film luze mutuaren proiekzinoa izango da maiatzaren 29an Bilboko Euskal Museoan, eta, lehen aldiz, soinudun bersinoan aurkeztuko da. Emonaldia arratsaldeko 19:30ean hasiko da eta sarrerea doban izango da.
Nuri Bilge Ceylanen 'Winter Sleep', Cannesko Urrezko Palma
2014-05-26 11:12 Barriak
Cannesko sari nagusia irabazten dauen lehenengo zinemagile turkiarra da Nuri Bilge Ceylan. Anatoliako hotel txiki bateko ugazabaren istorioa kontetan dau hiru ordu pasautxu daukan Winter Sleep lanak. Emakumezko aktore onenaren saria Julianne Moorek irabazi dau, eta gizonezkoetan, Timothy Spall izan da onena.
'Euskal zinema: zinemagileen hiru belaunaldi' biltzarra antolatu dabe Euskadiko Filmategiak eta EHUk
2014-05-19 14:04 Barriak
Zinemagile ezagunek hartuko dabe parte EHUko Udako Ikastaroen barruan, egingo dan kongresuan, besteak beste, Montxo Armendariz, Victor Erice, Julio Medem, Helena Taberna, Borja Cobeaga eta Koldo Almandoz zuzendariek. Donostiako Miramar jauregian batuko dira, garagarrilaren 2tik 4ra.
'Coherence' filmak irabazi dau XX. FANT jaialdiko sari nagusia
2014-05-16 15:47 Barriak
Zinta originala izateagaitik eta zinema fantastikoaren topikoetatik urrun ibilteagaitik, epaimahaiak James Ward Byrkit iparramerikarraren Coherence saritu dau, FANT jaialdiko 20. edizinoan. Suediako Lights out da zinemaldiko film laburrik onena eta euskal film laburrik onenaren saria, barriz, Aritz Morenoren Colera lanarentzat izan da.
Malik Bendjelloul zinemagile suediarra hil da
2014-05-14 12:28 Barriak
Malik Bendjelloul zinemagilea bart hil da Stockholmen, 36 urte zituala, Sony Pictures Classics etxeak jakinarazo dauenez. Bendjelloulen heriotzea zerk eragin dauen ez dabe oraindino argitu, baina dagoeneko Poliziak ukatu egin dau hilketa baten ondorioz hil danik.
Olivier Assayasen 'Clouds of Sils Maria' pelikuleak abiatuko dau gaur Cannesko Zinemaldia
2014-05-14 11:30 Barriak
Hamazortzi pelikula izango dira lehian eguaztenetik aurrera Cannesen, Urrezko Palmea lortzeko. Edizino honetan izen ezagunak batuko dira, besteak beste, Jean-Luc Godard, David Cronenberg, Kean Loach, Michel Hazanavicius, Atom Egoyan eta Naomi Kawase. Zapatuan jakinarazoko dabe palmaresa.
'Cortometrajes de Kimuak. Semillas del cine vasco' liburua kaleratu barri dabe
2014-05-13 12:06 Barriak
Ainhoa Fernandez de Arroyabe, Nekane E. Zubiaur eta Iñaki Lazkano EHUko Gizarte eta Komunikazino Zientzen Fakultadeko irakasleek Kimuak programearen ganeko ikerketea argitaratu barri dabe, Salamancako Comunicacion Social argitaletxeagaz. Cortometrajes de Kimuak. Semillas del cine vasco Euskadiko Filmategia Fundazinoak sustatutako ekimenaren 15 urteak batzen ditu.
Nabarmenak
BizkaiFilma egitarauan badagoz helduentzako pelikulak be
»» Euskerazko pelikulak zine-aretoetara eroateko egitasmo ...