Zinebi 56 jaialdian izena emoteko epea edegi dabe

| Ikusi handiago | Argazki originala

Zemendiaren 14tik 21era bitartean egingo da 2014ko Zinebi Bilboko Zinema Dokumental eta Film Laburren Nazinoarteko Zinemaldia, eta daborduko hasi dira martxan. Izan be, 56. edizinoan parte hartzeko epea zabalik dago fikzinozko eta animazinozko film eta dokumentalentzat. Abuztuaren 15a izango da azkenengo eguna.

Beharrek 45 minutuko iraupena eukiko dabe gehienez be, 2013ko urtarrilaren 1etik aurrera produzidutakoak. Izen-emotea produktoreek edo euren lege ordezkariek egin beharko dabe. Izen-emote orria, lanari buruzko informazino osogarria eta filmearen kopia bat (DVD formatuan edo plataforma digital bitartez) bialdu behar dira, ondoko helbidera: Colon de Larreategui kalea, 37 - 4. esk. 48009 Bilbo. Jaialdiko webgunearen bitartez be egin daiteke bialketea.

Zinbiko zuzendaritzeak izentautako nazinoarteko epaimahaiak honek sariak emongo ditu: Zinebi Sari Nagusia (7.000 euro);Euskal Zinemearen Saria (5.500 euro); Zinema Espainiarraren Saria (5.500 euro); Zinema Latinoamerikarraren Saria (4.000 euro); Fikzinozko lanen Urrezko Mikeldia (4.000 euro); Fikziozko lanen Zidarrezko Mikeldia (3.000 euro); Lan Dokumentalen Urrezko Mikeldia (4.000 euro); Lan Dokumentalen Zidarrezko Mikeldia (3.000 euro); Animazinozko lanen Urrezko Mikeldia (4.000 euro); eta Animaziozko lanen Zidarrezko Mikeldia (3.000 euro).

Zinebi 56 zinemaldian parte hartzeko oinarriak, hemen.