Etxepare Euskal Institutuak frantsesez be kaleratu dau 'Euskal Zinema' liburua

| Ikusi handiago | Argazki originala

Joxean Fernandezek idatzitako Euskal Zinema dibulgazino lanaren bersino hirueledun barria -euskeraz, frantsesez eta inglesez- kaleratu dau Etxepare Euskal Institutuak, Euskal Kultura bildumearen barruan, eta Euskal Kultur Erakundearen (EKE) partaidetzeagaz. Kattalin Totorikak itzuli dau frantsesera.

Hirugarren aldia da Etxepare Institutuak sortutako Euskal Kultura saileko liburu bat frantsesera itzulia dala, aurten bertan, bildumako beste bi liburu eskuragarri jarri baitziran euskera -frantsesa-inglesa bersino hirueledunean: Oier Araolazaren Euskal Dantza eta Jon Eskisabelen Euskal Kantagintza dibulgazino lanak, hain zuzen; horreek be Euskal Kultur erakundearen eta Etxepare Institutuaren arteko lankidetzeari esker argitaratu dira.

Euskal Kultura sailaren helburua euskal sorkuntzeari buruzko informazino eguneratua, erakargarria eta sendoa eskaintzea da. Euskal kulturaz jakin nahi dabenakana era errazean heltzea dau helburu bildumeak, eta 12 liburu monografikok osotzen dabe (hizkuntzea, musikea, jantzea, literaturea, zinemea, bertsolaritzea eta abar), berez euskeraz, gaztelaniaz eta ingelesez idatzitako testuakaz.

Kattalin Totorikak itzuli dau Euskal Zinema frantsesera, Euskadiko Filmategiko zuzendaria dan Joxean Fernandez donostiarraren jatorrizko testua. Zinemeak Euskal Herrian izan dauen historiara hurreratze sintetikoa egin dau egileak, eta zinemagilerik garrantzitsuenei erreparetan deutse, euskal zinemeak hasieratik gaur arte egin dauen mende oso batetik gorako ibilbidean zehar. Etxepare Euskal Institutuko argitalpen guztiak legez, Euskal Zinema be doban deskargau daiteke bere webguneko argitalpenen atalean eta EKEren webgunean.