Aktualitatea

Euskal Ilustrazinoaren sasoiko doinuak disko baten batu ditu Khantoria hirukoteak

XVIII. mendearen amaieran eta XIX.aren hasieran Euskal Herrian idatzitako ganbera-musikearen partiturarik ez da gorde, baina sormen handiko sasoia izan zala badakie adituek. Hortik abiatuta, Khantoriako musikariek euskal Ilustrazinoaren sasoiko klaberako partiturak hartu, biolinerako zein biolarako zatiak gehitu eta orduko ganbera-musikearen doinuen parekoak sortu ditue.

XIII. Caostica, Nazioarteko Bideoklip eta Film Labur Jaialdia Bilbon bagilaren 3tik 8ra

Aurreko urteetako erantzun onari eutsiz, danetara, 650 lan jaso ditue aurten Caosticaren antolatzaileek eta horreetatik 51 izango dira lehian, besteak beste, Koldo Almandozen Darwinismo, Ibon Belandiaren Psycho eta Joseba Elortzaren Zerbait asmatuko dugu.

Gerardo Markuletak 'Denbora bere lekura' poema liburua kaleratu dau

Denporearen pisua, umezaroa eta nerabezaroa ditu gogoetagai Gerardo Markuletak Denbora bere lekura (Erein) beharrean. Azkenengo hamar urteotan idatzitako olerkiak batu ditu, 50 danetara, lau ataletan banatuta.

Bizkaiko Bertso Eskolen eguna eta Eskolarteko finala bagilaren 6an, Igorren

Ondorengoak izango dira bagilaren 6ko finalean bat-batean kantauko daben 8 bertsolariak: Iker Garitagaitia Astigarraga, Igor Galartza Intxausti, Lur Ziarrusta Intxaurtza, Lurdes Ondaro Mallea, Paule Loizaga Legarra, Peio Azkarate Elejabarrieta, Txaber Altube Sarrionandia eta Unai Mendiburu Valor.

Mariasun Landa idazlea omenduko dau Excellence in Basque Studies V. Udako Ikastaroak

Etxepare Euskal Institutuak, aurten be, Atzerriko Unibersidadeetan Euskerea eta Euskal Kulturea Irakasteko Prestakuntza Ikastaroa antolatu dau, EHUko Udako Ikastaroekaz lankidetzan. Ikastaroak Excellence in Basque Studies V. Mariasun Landaren omenez" dauka izena, eta Mariasun Landa ume eta gazte literaturako idazlea izango dau protagonista. Ikastaroa Donostiako Miramar jauregian egingo da, garagarrilaren 8tik 10era.

Liburu Azokearen harian, Petros Markaris, Almudena Grandes edo Yasmina Khadra lako idazleak izango dira Bilbon

Aurrerapen moduan, Bidebarrieta Kulturguneko ekitaldi aretoak, Azokeak emoten dauen Zilarrezko Luma 2015 saria jaso dauen Petros Márkaris idazlearen berbaldi bat jasoko dau bagilaren 3an.

Jazz musikea, rocka, klasikoa edo herrikoia, 'Euskerazko musika lehen(a)' zikloan

Kontzertuak bagileko eguen guztietan izango dira, Deustuako eta San Inazioko hainbat eszenatokitan. Jazz musikatik rock-era, klasikoa edo herrikoia… Danak dauka bere lekua bagilaren 4an, 11n, 18an (eta 19an) eta 25ean egingo diran dobako kontzertu horreetan.

Espainiako Gabonetako loteriaren iragarkia irabazle, Bilboko El Sol jaialdian

Igazko azkenengo hilean arrakasta itzela izna eban El mayor premio es compartirlo iragarkiak irabazi dau egunotan Bilbon egin dan El Sol publizidade jaialdian. Santiago Zannou zinemagilearena da iragarkia. Kanpainea, barriz, Leo Burnett agentzia madrildarrak egin eban.

Oraintsu dohaintzan jasotako artelan batzuk jentaurrean aurkeztu ditu Bilboko Arte Eder Museoak

Danetara, 30 artelan inguru erakutsi ditu museoak, joan diran hileotan jasotako obren lagin txiki baina adierazgarri bat. Margolanak, eskulturak eta kartelak dira. Besteak beste, 20. mendeko euskal artista esanguratsuenetako batzuen piezak ikusi leitekez, esate baterako, Ricardo Baroja, Gonzalo Chillida, Vicente Ameztoy eta Andres Nagelenak.

Luisa Etxenike idazlea eta Nicola Molinaro zientzilari italiarra protagonista 'Eztabaidak literatureagaz' ekimenean

Bilboko Udaleko Kultura eta Hezkuntza Sailak Luisa Etxenike idazlearen eta Nicola Molinaro zientzialariaren arteko barriketaldia atondu dau bagilaren 2rako; bertan, literaturearen eta neurozientziaren arteko hartu-emonen ganean berba egingo dabe. Topaketea 19:30ean hasiko da eta Arte, literatura y ciencia blogaren egilea dan Gustavo A. Schwartzek gidatuko dau.

Milaka lagun eta giro ezin hobea, Ibilaldian

Milaka lagun batu ziran atzo Bilbon, Ibilaldian, Bizkaiko ikastolen jaian, Harro ibili lemapean. Harrobia ikastolea izan da aurtengo antolatzailea, Lanbide Heziketako ikastetxea. Antolatzaileak gustura dagoz: Ibilaldiaren lekukoa hartu zanetik jakin bagenkien erronka handia zala, Bilbon holango ekimena antolatzeak zailtasun bereziak daukaz, eta harro esan geinke horreri danari aurre egin jakola. Zorionak, Ibilaldia!.

Emile Larre euskaltzain emeritua hil da

Kanbon hil zan, zapatuan, Emile Larre euskaltzain emeritua, 89 urte zituala. Abadea, bertsolaria, kazetaria eta idazlea zan Larre. Bertsolaritzearen sustatzaile eta eragile nagusienetakoa izan da Ipar Euskal Herrian, Herria astekariaren zuzendaria be izan zan. Bere aldeko hileta eleizkizuna martitzenean egingo dabe, bagilaren 2an, Baigorrin, 15:30ean.

Kopea, bestelakoa beharko baina Athletic zalea izatea lakorik ez dago. Inoiz baino gehiago: Aupa Athletic!!!

Eusko Jaurlaritzeak kitxua hizkuntzea bizibarritzeko lankidetza protokola sinatu dau

Kitxua hizkuntzea bizibarritzeko lankidetzea berbatu barri dabe Eusko Jaurlaritzako Hezkuntza, Hizkuntza Politika eta Kultura sailak, Cuzkoko Udal Gobernuak (Peru), Euskal Herriko Unibersidadeak eta Agirre Lehendakaria Centerrek. Jaurlaritzeak aholkularitza eta laguntza lana eskainiko dau.

Oier Santosek 'Txanpaina, mesedez' nobela baltza kaleratu dau

Markel Aizpurua ertzain-burua da Txanpaina, mesedez Oier Santosek idatzitako polizia nobelako protagonistea. BETA izeneko talde armatu ekologiestearen ekintzak, alde batetik, eta etxean daukan giro eskasa, bestetik; protagonistea larri dabil azkenaldion. Erein argitaletxeak plazaratu dau liburua, Bioleta sailean.

21.000 ikaslek landu dabe bertsolaritzea ikastetxeetan

Hezkuntza arautuko lanketeari jagokonez, danetara, 410 ikastetxeetan gauzatzen da Gu ere Bertsotan proiektua: 38 irakaslek gauzatu dabe jarduna, 21.000 ikaslegaz bertsolaritzea landuz. Azken asteotan ikasturteko lana erakusteko hainbat jaialdi eta topaketa egiten dabilz ikastetxeetan eta ikastetxeen artean.