Arrate Egaña idazleak Mikel Zarate saria irabazi dau
2015-05-28 15:11 Kulturea
Leire Bilbaok, Miren Agur Meabek eta Antxiñe Mendizabalek osotutako epaimahaiaren ebatziaren arabera, Arrate Egañak idatzitako Patioan kontakizunak irabazi dau 2015eko Mikel Zarate ume literatura saria. 3.000 euroko saria jasoko dau Egañak. Liburua Elkar etxeak argitaratuko dau udagoienean.
Unai Aranzadiren 'Jambo Amani?' dokumentalak nazinoarteko laugarren saria jaso dau
2015-05-28 14:55 Barriak
Unai Aranzadi getxotarrak, Getxoko Udalaren sentsibilizazino eta garapenerako heziketako deialdiaren barruko diru-laguntzinoagaz eta Unesco Etxearen kolaborazinoagaz egindako Jambo Amani? dokumentalak beste sari bat lortu barri dau. Oraingoan FINI, Mexikoko Irudiaren Nazinoarteko Jaialdiaren maila profesionaleko bideo-dokumentalaren lehenengo saria eskuratu dau.
Koldo Izagirrek 'Lorea Gernika, andrazko bat' nobelea plazaratu dau
2015-05-28 14:39 Kulturea
Hasieran prentsarako txatalak ziran Lorea Gernika, andrazko bat (Susa) nobelea osotzen daben 53 pasarteak. Idazten hasi zan Koldo Izagirre, eta personaiak gero eta garapen handiagoa eskatzen eutsonez, liburua egin behar izan eban. Egilearen berbetan, emakumezkotasunaren topikotik iges egiteko Lorea Gernika personaiak egindako ahaleginen moltsoa da liburua.
Nazinoarteko 239 publizidade agentzia Bilbon izango dira asteon 30. El Sol jaialdian
2015-05-28 12:08
Nazinoarteko 239 publizidade agentzia Bilbon izango dira asteon 30. El Sol Jaialdian, 2.303 pieza eta kanpaina aurkezten. Parte-hartzaileen kopurua % 11 handitu da, igazko datuakaz konparauta. Agentzia horreetatik guztietatik bi baino ez dira Euskal Herrikoak izango: Arabako Wiko eta Gipuzkoako Dimension.
Makala Jazz Funk Bandek 'Xake!' diskoa zuzenean aurkeztuko dau gaur Bilboko Kafe Antzokian
2015-05-28 11:33 Musikea
Jazza eta rhythm’n’rlues doinuak ekarriko ditu Makala Jazz Funk Band talde zarauztarrak gaur, 21:30etik aurrera, Bilboko Kafe Antzokiko eszenatokira. 50 eta 60. hamarkadako musikea abiapuntu, 70.eko groove funk eta disco souleraino eroango ditu entzuleak Mikel Unzurrunzaga Makala musikari eta DJaren taldeak.
'El Batallón Gernika' dokumentala irailaren 15ean estreinauko dabe
2015-05-28 11:02 Barriak
El Batallón Gernika dokumentalaren grabazinoa dala eta, 50 antzezlek eta figurantek baino gehiagok gaur arte inoiz egin ez dan jazoera historikoen berreraiketea egin dabe Frantzian, Capbretonen, Labenneko kostaldean, atzo, hilak 27, Cota 40 izeneko ingurunean.
Ber2Tek, hizkuntza, ahots eta multimedia-teknologiak hizkuntzen industriaren zerbitzura
2015-05-27 18:35 Euskerea berbagai
Ber2Tek proiektuaren helburu nagusia izan da hizkuntza- eta hizketa-teknologiak ikertzea eta ikerketearen emoitzak aplikazino bihurtu eta jentearen eskura jartea.
PEN Internationalen biltzarra martxan Amsterdamen
2015-05-27 15:53 kulturbiz
Urte birik behin batzen da PEN Internationaleko Idazle Jazarrien Batzordea, munduko kazetari zein idazle jazarri eta kartzeleratuen defentsa egiteko batzordea. Aurten, Amsterdamen da hitzordua, gaurtik barikura bitartean. Teresa Toda Egineko kazetari ohia bere testigantzea dago eskaintzen mundu osotik etorritako dozenaka kazetari eta idazleren aurrean.
Sortzaile, programatzaile eta ikusleek bat egingo dabe ACT 2015 jaialdian, bagilaren 3tik aurrera
2015-05-27 15:44 Kulturea
_Alex_Brenner%2C__K0zwaoa_profile_sidebar.jpg)
ACT Lan Laburren Nazinoarteko Antzerkialdia laster da martxan. Hamabost proposamen eszeniko taulareatuko ditue aurten parte hartuko daben 70 artistek, eta horreetako hamabi, ganera, lehian izango dira. Euskal Herria, Korea, Irak, Belgika, Kuba, Alemania eta Erresuma Batuko artisten lanik barritzaileenak ikusgai izango dira, bagilaren 3tik 6ra, Bilbon eta Barakaldon.
Gaztemundu 2015 programearen deialdia onartu dau Jaurlaritzeak
2015-05-27 15:32 Euskaldunak munduan
Gaztemundu 2015 egitasmoaren aurrekontua 50.000 eurokoa da. Aurten euskal etxeetako 15 gaztek (18 eta 31 urte bitartekoak) parte hartuko dabe, eta irailaren 25etik urriaren 9ra bitartean Euskadira etorri eta kultura erakundeen kudeaketearen ganeko prestakuntzea jasoko dabe.
'Literatura hiztegi tekniko laburra' liburua aurkeztu dau Karlos Linazasorok
2015-05-27 11:51 Kulturea
Literaturea ikusteko daukan moduaren laburpen bat dala esan eban Karlos Linazasorok aurkezpenean. Orain arte landu dituan genero guztiak batu ditu Literatura hiztegi tekniko laburra (Elkar) beharrean.
Ainara LeGardon, Jaime de los Ríos eta Eneko Gilek egonaldi artistikoa egingo dabe Wroclaw urian
2015-05-27 11:40 kulturbiz
Ainara LeGardon musikariak, Jaime de los Ríos media artisteak eta Eneko Gil jantzariak Poloniako Wroclaw urian egonaldi artistiko bana egiteko aukerea izango dabe uda partean, Donostia 2016k eta Etxepare Euskal Institutuak bigarren urtez sustatutako deialdiari esker.
Vicente Aranda zinemagilea hil da
2015-05-26 18:54 kulturbiz
Vicente Aranda zinemagile kataluniarra gaur goizean hil da, 88 urte zituala, Espainiako Zinemaren Akademiak jakinarazo dauenez. Aranda Bartzelonan jaio zan, 1926ko zemendiaren 9an, eta ibilbide luze eta emonkorrean 20 filmetik gora egin ditu.
Bilboko Itsasadarra museoak 'Itsasadarraren magia. 35 urte bizia sortuz" erakusketea aurkeztu dau
2015-05-26 15:45 Kulturea
Erakusketeak antxinako argazkiak, uraren zikloa ezagutzeko bideoak eta ingurumen-berreskuratze prozesua jasoten ditu, bertan bizi diran espeziei buruzko informazinoa bere bai, eta Europako ubide kutsatuenetakoa izan zanaren inguruneko aztarnak bere. Urriaren 31ra arte egongo da zabalik, Bilboko Itsasadarra museoan.
Bilbao Arteko sei artistak Bilbobusen autobusak apaindu ditue euren diseinuakaz, Athletic animetako Kopako finalean
2015-05-26 15:43 Kulturea
Ruth Juan, Ismael Iglesias, Zaloa Ipiña, Juan Carlos Arango, Elisabeth Pérez eta Kepa Peñil dira ekimen honetan parte hartu daben artistak. Toki bateko eta besteko artistok, bakotxak bere estiloan, diseinu berezia sortu dabe datozen egunetan Bilbon zehar errubera gainean ibilteko.
Luis Gardek 'Ehiztariaren isilaldia' nobelea plazaratu dau
2015-05-26 15:14 Kulturea
Iruñea ondoko Ezkaba mendian egoan kartzelan 1938an izandako igesaldian parte hartutako preso biren historia jaso dau Luis Gardek Ehiztariaren isilaldia beharrean. Orduko istorioa gaur egungo gogoetetatik kontau dau. Pamiela etxeak argitaratu dau.
UEUk prest ditu 43. Udako Ikastaroak
2015-05-26 15:04 Kulturea
Eibar, Baiona eta Iruñean izango dira hitzorduak 2015eko bagilaren 29tik garagarrilaren 22ra. Aurten 34 ikastaro eta 6 jardunaldi antolatu ditu UEUk, pasa dan urteko erantzun onari eusteko helburuagaz. Aurtengo leloa Jardun izango da, Udako Ikastaroak lan egin, ikasi eta ideiak trukatzeko foro ezin hobea dala azpimarratzeko asmoz.
Antzerkia, jantzea eta soinua gogoetagai, Bilboko 3, 2, 1 Forma Eszeniko Barrien Nazinoarteko Topaketan
2015-05-26 12:57 jardunaldiak
Euskal Herriko eta kanpoko sortzaileek forma eszeniko barriak izango ditue ardatz maiatzaren 27tik 30era bitartean, Bilboko 3, 2, 1 Forma Eszeniko Barrien Nazinoarteko Topaketan, Bilboko Azkuna Zentroa-Alondigan. Orain hiru urte sortu zan ekimena, eta aurten izango da azkenengo aldia.
60 gaztek parte hartu dabe Nafarroako Bertso Eskolen Egunean
2015-05-26 10:33 Bertsolaritzea
Lesdakako Kultur Etxean 10-15 urte bitarteko 60 gazte batuta, bertso-eskola bakotxaren agurrakaz emon jakon hasierea eguneko ekitaldiari. Bertan izan ziran Lesaka, Bera, Igantzi, Etxalar, Iruñea, Barañain eta Sakanako kideak. Ondoren, Nafarroako Bertsopaper Lehiaketako saridunen lanak entzun eta sari banaketa ekitaldia egin zan.
Elustondo neba-arrebek euren lehenengo diskoa kaleratu dabe
2015-05-25 18:35 Musikea
Agurtzane eta Jon Elustondo neba-arreba legazpiarrek makina bat urte daroe trikitia joten, baina orain arte ez dabe diskorik grabau. Zaleek behin eta barriz diskoa eskatu ostean erabagi dabe hamalau kantako Elustondo grabetea, Elkar etxeagaz. Bagilaren 13an, Elgoibarren joko dabe, eta 14an, Aisterrazun.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...