Aktualitatea

Euskal Pilotaren 2007-2010 Plan Estrategikoa onartu da

Euskal pilotaren egoerea hobetzeko asmoz, ondoko helburu zehatzak ezarri dira: Euskadin euskal piloteak bizi dauen egoerea zehaztu; datozen erronkak eta aukerak identifikau erantzunak emon ahal izateko; etorkizunerako estrategia parte-hartzailea sortu eta garatu; lan-ildo eta helburuak ezagutu; lan-ildo zehatzak gauzatzea ekarriko daben ekintza eta proiektuak diseinau.

Jaurlaritzeak ezohiko diru-laguntzinoak emongo ditu musika-arloa sustatzeko

Kultura sailburuak aurkeztuta, Eusko Jaurlaritzako Gobernu Kontseiluak danetara 27.000 euro banatuko ditu; Euskal Promotoreen Alkarteari 20.000 euro emongo deutsoz eta Euskal Herriko Diskoetxeen Alkarteari 7.000 euro.

Ken Zazpi puntaren puntan ‘Argiak’ diskoaren 15.000 kopia salduta

Amaitu barri dan Durangoko 42. Euskal Liburu eta Disko Azokan, Ken Zazpi taldearen ‘Argiak’ diskoa izan da izarra, bertan 5 egunetan, 3.500 diskotik gora saldu baitira, hau da, minutuko disko bat baino gehiago saldu dau taldeak.

‘Getxotik Mundura-Mundutik Getxora’ aste solidarioak 10 urte beteko ditu

Abenduaren 10etik 16ra bitartean hainbat ekitaldi izango dira udalerriko gune desbardinetan, ‘geurea bezelakoa ez dan errealidadea eta oso baldintza gogorretan bizi daben beste persona eta herrialdeen ganeko hausnarketea egiteko eta konpromisoa hartzeko helburuagaz’.

EAEk, Kataluniak eta Galiziak alkarlanean sustatuko dabe kulturea

Euskadiko, Kataluniako eta Galiziako Kultura sailburuek 'Konpostelako Adierazpena' sinatu dabe Santiagon. Adierazpenaren helburua 2008ari begira kultur ondarerari, arteari, kultur industriei eta kultura herrikoiari jagokezan gaietan alkarregaz lan egitea da.

Film laburrak izango dira ikusgai Donostiako Animatoon jaialdian

Animazinoko hiru film luze eta 18 labur emongo ditue bariku honetan hasi eta domekara bitartean Donostiako Animatoon jaialdian. Ekitaldia La crisis carnívora filmak zabalduko dau eta Free Jimmy lanak zarratu.

Pereza BECen izango da abenduaren 21ean

Taldeak Aproximaciones azken lana, bosgarrena, aurkeztuko dau Barakaldon, 21:00etatik aurrera. Taldeak 2001ean kaleratu eban lehenengo diskoa, Pereza izenekoa; 2003an, Algo para cantar; 2005ean, Animales; eta, 2006an Los amigos de los animales.

Tramankulu teknologikoak: txarrenen artean, txarrenak

CNET webguneak historian izan diran produktu txarrenen zerrendea egin dau. Zerrenda horretan, besteak beste, Tamagochi eta Windows Vista produktuak dagoz.

Jaurlaritzeak eta Topaguneak 'Mintzalaguna' bultzatzeko hitzarmena sinatu dabe

'Mintzalaguna' egitasmoa euskerea ikasten dabilenari laguntzinoa emateko sortutako ekimena da: euskera ikasle bi euskeraz berba egiten dakian borondatezko laguntzaile bategaz batzen dira astean behin, ikasleek euskeraz berba egiteko erraztasuna eta ohiturea hartzeko.

Nafarroako aurrekontuetan, ‘espektatibak ez dira bete’

‘Aurkeztu jakuzan aurrekontuak guztiz eskasak dira eta inondik inora ez dabe ahalbidetuko euskerearen normalizazinoan pauso sendoak emotea’, adierazo dau idazkari nagusiak, Xabier Mendigurenek.

Petrolioa gora-goraka eta boltsikoan mobimentu gitxi

Andrée de Jongh, emakume ausarta

Andrée de Jongh oraintsu hil da, urriaren 13an, Bruselan, 91 urte bete hurran. Betiko atsedenean gera daitela emakume adoretsu eta eskuzabala, bere lanean euskaldun prestu eta bulartsuak izan zituana totalitarismoaren kontra gatazkakide.

Idazten laguntzeko CDa kaleratu dabe Bermeoko alkarte eta txokoentzako

'Geurien be bai' egitasmoaren barruan kaleratutako CDan, hainbat eredu jasoten dira: batzar-deiak, aktak, ziurtagiriak, zerrendak, esaldi erabilgarriak, txokoetako hileko erreserbak...

EHUko % 0,7 Funtsak ‘Munduaren beste aurpegia’ Zine Solidarioaren Astea antolatu dau

Euskal Herriko Unibersidadeko (EHU) % 0,7 Funtsak ‘Munduaren beste aurpegia’ Zine Solidarioaren Astea antolatu dau, eta astelehenean, abenduak 10, hasiko da, 16:00etan, Leioako campuseko Liburutegi Nagusiko hitzaldi aretoan.

Jean-Louis Davant Iratzabalek jasoko dau ‘Agusti Xaho Saria 2007’

Idazle, euskaltzain oso eta euskera urgazle honek, datorren abenduaren 15ean jasoko dau saria, Atharratzen, Zuberoan egin behar dan sari banaketan.

Azokearen balorazinoa: jente kopurua erosketakaz lotuta egon da

Jente kopurua erosketakaz lotuta egon dala nabarmendu dabe bai editoreen alkarteko ordezkari Jorge Gimenezek zein diskoetxeen bozeroale Angel Valdesek. Biek ala biek 'urte ona' izan dala azpimarratu dabe 'urte polita izan da liburugintzeari jagokonez eta espektatibak bete dira' esan dau Gimenezek. 'Eskaintzea zabala da, arlo askotariko lanak izan dira aurten eta aniztasuna oso garrantzitsua da gurea lako literaturan'.

Umorerik ez daitela falta azoka egunetan eta ganerakoetan be

‘Koblakari’ topaketeak nazinoarteko 800 artista inguru batuko ditu Bilbon

Koblakari, malabarista eta zirku artisten topaketeak Bilboko Errekalde auzoa izango dau eszenatoki, Euskal Herri osotik, Estaduko automomia erkidego desbardinetatik eta Argentina, Txile, Frantzia eta Italiatik etorritako 800 artista ingururentzat.