Aktualitatea

Euskerearen 'oreka hauskorra' taula ganera eroango dau Kontseiluak

'Euskereak egun bizi dauen egoerea irudikatzeko zirkoko zenbait numero erabiliko doguz. Orekeagaz jokatzen daben numeroak dira nagusi, hain zuzen be. Orekea galtzeko arriskuan egonda be orekearen bila dabilzen artistak eta eszenaratzeak izango dira ardatz'.

Euskaltelek web orriaren diseinua barritu dau

'Euskaltelek leiho barria edegi deutso gizarteari, Interneten bidez, eta ekintza barri hau martxan jarteak bultzadea eta konpromiso barria ekarriko deutsez eguneratzeari eta funtzionalidade, diseinu eta edukien garapen barriei', azaldu dabe konpainiatik.

Stephane Hessel giza eskubideen defendatzaileak jasoko dau Parisen, Unesco/Bilbao saria

Giza Eskubideen Aldeko Kulturea Sustatzeko Unesco/Bilbao saria Stephane Hessel giza eskubideen defendatzaile historikoak jasoko dau. Ekitaldia Parisen izango da abenduaren 10ean eta kulturearen eta politikearen munduko Europa osoko jentea alkartuko dau, adierazpen horrek nazinoartean dauen garrantzia gogorarazoteko.

Azukerea, bai ala ez?

Azukerearen osogai nagusia karbohidrato sinpleak dira eta eraldatzeko findu behar diranez, oso pobreak dira bitamina eta mineraletan. Sakarosea (glukosa eta fruktosea) baino ez dauka, % 99 hain zuzen be, eta ez dauka beste ezelako nutrienterik; horregaitik esaten da bere ekarpena 'kaloria hutsak' dirala.

Finalaurreko ederrean Unai Iturriagak finalerako txartela eskuratu dau

Getxon, Erromoko Santa Eugenia plazako karpan, 1200 bat bertsozaleren aurrean, saio ederra eginaz, zuzenean finalera sailkatzea lortu eban Unai Iturriagak. Getxoko saioan 575,5 puntu batu zituan durangarrak. Finalean Igor Elortza, Xabi Paya, Etxahun Lekue, Fredi Paia, Onintza Enbeita, Iratxe Ibarra eta Arkaitz Estiballes izango ditu arerio.

Durangoko Azokeak ez dau krisirik igarri

Azokea hasi aurretik krisiak zelan eragingo ete eutson jakinahia azaldu eban Gerediaga Elkarteak. Gerediagak, antolatzaile dan aldetik, ez dauka salmenten gaineko datu zehatzik. Baina, Azokan izan diran argitaletxe eta diskoetxe garrantzitsuenakaz berba egin eta gero, helburuak beteta doazela aurten esan daiteke. 'Azoka ona izan dabe orokorrean eta krisiak ez dau izan espero zan eragin esanguratsurik'.

'Peru Tximaluze' liburua Durangoko azokan salgai

Jürgen Lange alemaniar jatorrizko zeberioztarrak itzuli ditu txikitatik ezagutzen zituan ipuinak. Marrazkiak lortzeko be bera jarri zan kontaktuan Frankfurten liburuak daukan museoagaz eta liburuak alemanieraz daukan grazia ez galtzeko, bertsolari bati eskatu eutsan itzulpena bertsotan ipinteko. Bertsolari hori Zeanuriko Jurek Ziemkiewcz dogu.

Euskaltzaindia Durangoko Euskal Liburu eta Disko Azokan

Urtero legez, aurten be Durangoko Azokan izango da (Abenduaren 5etik 8ra) Euskaltzaindia. Urte osoan argitaratutako liburuak izango ditu salgai. 'Piriniotako hizkuntzak: lehena eta oraina' erakusketea be zabalik egongo da Durangon, Elkartegian (Landako etorbidea 4), Azoka egunetan.

Kosher ardaoa

Judutarren erlijinoko erritualetan erabilten daben ardaoa da kosher ardaoa. Ez da bariedade zehatz bategaz egiten dan ardaoa, ezta leku zehatz batekoa be, egiteko erea da berezi egiten dauena. Izan be, juduen eskuakaz egindakoa izan behar dau eta euren erlijinoak ezarritako pausuak jarraituta.

'Euskaraz bai', Durangotik Barakaldora

Bihar, abenduak 6, sortu zaneko 11. urteurrena beteko dauen egunean, beren konpromisoa berretsi eta euskerearen aldeko lanean 'Pauso bat harago' joateko eskatuko deutse Kontseiluak herritarrei Durangoko Liburu eta Disko Azokaren barruan.

Iñaki Goirizelaia izango da EHUko erretore datozen lau urteotan

Iñaki Goirizelaiak Juan Ignacio Perez orain arte erretore izan danari eskaini deutso garaipena, izan be, 'azken hileotan kritika askoren jomuga izan da, bidebakoak gehienetan', Goirizelaiak adierazo dauenez. 'Danon erretore izango naz' esan eban jentaurrean emoitza ofizialak ezagutu osteko prentsaurrekoan.

Gose taldeak hiru bideo batzen dituan edizino berezia kaleratu dau

Durangoko Azokearen harian, Gose taldeak GOSEII bere diskoaren edizino berezia aurkeztuko dau. Edizino horretan bere zuzeneko ikuskizunetan grabautako 3 bideo batu ditue, Bartzelonako Sala Apolon grabautako bi (Eutsi eta Hey Boy) eta Bilboko Kafe Antzokian grabautako bat (Bondage).

Liburu on bat irakurtea lako plazerrik ba al dago?

'Izarren hautsa' kantea doban eskura daiteke Interneten

Mikel Laboaren heriotzea dala-eta erakutsi dan samurtasuna eta gozotasuna eskertu gura izan dau Elkar Musika argitaletxeak eta 'Izarren hautsa' kantea doban jarri dau eskuragarri webgunean.

Arrasate Euskaldundu Dezagun alkarteak irabazi dau Ukan 2008 saria

Euskerearen Nazinoarteko Egunaren harian, bart Gasteizen egindako ekitaldian, Arrasate Euskaldundu Dezagun alkarteak jaso dau Ukan 2008 saria. Era berean, hiru aitamen berezi jaso ditue Eroski, Ikea eta Microsoft enpresek.