Aktualitatea

The curious case of Benjamin Button

Film honetan emakumezko bat hil aginean azaltzen jaku, alboan alabearen laguntzinoa daukala. Atsoak beretzat oso garrantzitsua izan zan persona baten egunerokoa irakurteko eskatzen deutso, agure jaio baina ume hil zan persona batena. Testuaren orrialdeek aurrera egiten daben neurrian, Benjamin Button-en bizitzearen gorabeheren barri eukiko dogu.

Irakurketea sustatzea helburu, Foru Liburutegirako 2009. urterako kultur programa barria

Josune Ariztondok komunikabideen aurrean egindako agerpenean, aurtengo 2009. urterako programazinoaren barruko barrikuntza legez aitatu dau 'Bibliolagunak-Amigos de la Biblioteca' ekimenaren sorrerea; ekimen horrek irakurteko ohiturea sustatzea eta Liburutegiaren erabilerea eta Liburutegiko edukien eta erabileren ezagutza zabaltzea ditu helburu.

Lankidetza hitzarmena sinatuko dabe HAEEk eta Labayru Ikastegiak

IVAP-HAEEk eta Labayru Ikastegiak lankidetzarako hitzarmena sinatuko dabe, erakunde biok hizkuntza arloan, eta administrazinoan erabilteari begira batez be, alkarregaz egin leikien bidea bateratzeko. Hitzarmena urtebeterako da, alde biak ados egon ezkero, urtez urte barritzeko aukereagaz.

'Brazos cruzados', Linea2 bizkaitarren 3. diskoa kalean

Basaurin, 2001ean sortutako taldeak hirugarren diskoa aurkeztu dau Bilbon Baga-Biga musika ideiak diskoetxearen eskutik. Rock kaletarra eta rock uritarra buztartuz, rockaren espirituari eta jarrereari uko egin barik, indartsu datoz rockaren indarra leuntasunez eskainiz.

Jabier Muguruza eta Alvaro Rabelliren barriena plazan

Jabier Muguruzaren 'Laura kanpoan da'- 'En ausencia de Laura' liburuaren gaztelaniazko itzulpena, Miren Ibarluzeak egindakoa eta Alvaro Rabelliren 'Euskera para Hispanohablantes / Espainoldunentzako Euskara' euskera metodoa aurkeztu ditue gaur Bilboko Fnac dendan, Atenea eta Euskal Liburutegi Elebidunaren eskutik.

Idoia Beratarbideren 'Cassamance Likine' pintura erakusketea ikusgai Ondarroan

Martiaren 8an ospatuko dan Emakumeen Nazinoarteko Egunaren inguruko egitarauari hasierea emoteko, bihar, martiak 13, 19:00etan, Idoia Beratarbideren 'Cassamance Likine' ('Cassamancen bizi naiz') pintura erakusketearen inaugurazinoa egingo da Ondarroako Kofradia Zaharrean. Danetara, 16 koadrok osotzen dabe erakusketea, teknika mistoan egindakoak.

XIV. Udabarriko Kontzertuek musika klasikoa eroango dabe Getxora datorren astean

Getxoko musika klasikoko zikloa datorren astean helduko da Getxora, martiaren 10etik 14ra, hain zuzen. Ohikoa danez, Udabarriko Kontzertuek musika mota horren aniztasuna eta aberastasuna erakustea dabe helburu nagusi eta aurten talde eta errepertorio zabala preparau dabe antolatzaileek.

Gizon eta emakumeen arteko bardintasuna helburu

EAEko hiru unibersidadeetako 400 ikaslek parte hartuko dabe Euskadiko IX. Unibersidade arteko Kirol Txapelketan

Txapelketea Eusko Jaurlaritzearen Kultura Saileko Kirol Zuzendaritzeak babesten dau, eta Mondragon Unibersidadeko (MU), Deustuko Unibersidadeko (DU) eta Euskal Herriko Unibersidadeko (EHU) ikasleak 16 kirol modalidadetan lehiatuko dira, Euskadiko txapeldun titulua lortzeko.

'Basque Audiovisual' markea egongo da Cannes-eko ikus-entzunezkoen azokan

Erakusmahaiak MIPTV Ikus-entzunezko Edukien eta Eduki Digitalen Nazinoarteko Azokan parte hartuko daben 12 euskal enpresak batuko ditu. Azoka hau munduko garrantzitsuenetakoa da arlo honetan, eta martiaren 30etik apirilaren 3ra bitartean egingo da Frantziako Cannes urian.

EHUk 'honoris causa' doktore izentauko ditu Tony Peters eta Reynald Ottenhof

Tony Peters Kriminologiako Nazinoarteko Erakundeko presidentea da eta Reynald Ottenhof Zigor Zuzenbideko Nazinoarteko Erakundeko presidenteordea. Ekitaldia gaur, martiak 4, izango da, Donostiako Miramar Jauregian, 12:00etan hasita.

Enkarterrik lehenengoz parte hartuko dau bertsolari gazteen BBK sariketean

'Orain dala hamazazpi urte, Busturialdea, Arratia, Lea-Artibai eta Durangaldea eskualdeetako bertsolari gazteakaz jarri zan martxan BBK bertsolari sariketea. Ondoren, Bilboaldea eta Ipar Uribe gehitu jakozan', azalduz hasi dau prentsaurrekoa Joserra Bilbaok. Baina hutsune bat egoan: Bizkaiko eremu erdaldunenean taldetxoa osotzea. Ekinaren ekinez, aurten, Enkarterrik be parte hartuko dau ekimenean.

Kontseiluak atxikimendua adierazo deutso Korrika 16ri

Kontseiluak Korrika 16ren 'Ongi etorri!' goiburuaren egokitasuna nabarmendu dau, mezu interesgarri asko ditualako bere barruan. Esangura horretan, urrunetik nahiz hurretik datozenei egiten jaken ondoetorria dala azpimarratu dau, eta kanpotik etorritakoak gure inguruan euskeraz txertatu dirala ikustea oso eragingarria izan daitekeela aitatu.

Ia berrehun lan jaso dira astegoienean amaitu dan Nontzefilmak lehiaketan

Jasotako ia berrehun lanen artean kalidadea azpimarra daiteke, izan be, teknika desbardinez landutako lan eder asko jaso dira. Herrialde askotatik etorri dira lanak: AEB, Argentina, Mexiko, Japon, Kroazia, Italia, Ekuador, Txile, Peru, Marroko eta beste herrialde batzuetatik. Nabarmentzeko da Euskal Herritik jaso dan lan kopuru handia.

Euskerearen gaitasun tituluak alkarregaz baliokidetzeko Dekretua onartu dau Eusko Jaurlaritzeak

Baliokidetza sistema honen bitartez, euskera-agiri guztiak Hizkuntzen Europako Markoagaz homologauta geratu dira, eta alkarregaz baliokidetuta, hau da, danetara 34 titulu desbardin. Euskerearen egiaztagirien arteko baliokidetzak euren artean eta honeek Europako Erreferentzia Markoagazko ezarri dira.