Munduko Kontu Kontalariak'09 gure artean apirilaren 22tik 25era

| Ikusi handiago | Argazki originala

Berbea dabe lanerako tresna Bizkaiko eta Gipuzkoako zenbait herritan jardungo daben ipuin kontalariek. Munduko Kontu Kontalariak jaialdiaren barruan, Amorebieta-Etxano, Arrasate, Arrigorriaga, Bermeo, Berriz, Durango, Elorrio, Markina eta Mungian eskainiko ditue saioak apirilaren 22tik 25era.

Argentinatik, Kataluniatik, Valentziatik, Kolonbiatik, Libanotik, Paraguaitik eta Venezuelatik helduko dira eta herrialde horreetako ipuin, esaunda eta bestelakoetan oinarritutako ahozko tradizinoa hurreratuko dabe. Munduko zazpi txoko gurean zazpi ahotsen eskutik. Egitasmo honen helburua herri desbardinetako kulturak ezagutarazotea da, bitartekoa ahotsa dalarik. Ahotsa bidelagun. Euren erraietatik bidaiatzeko aukerea.

Herrien sinismen-siniskeriek ahotsa dabe, berbea, euren eskuek mintzairea, euren amesek doinua eta euren mitoek ... kontu kontalariek mundu globalizatu eta uniformatu honetan euren mundu magikoa helarazoko deuskue. Nork berea defendidu eta ezagutarazoteko aukera parebakoa.

Nazinoarteko ekimen honek bederatzigarren edizinoa beteko dau eta Euskal Herriko bederatzi herrik hamaikatxu aukera izango dabe gozetako, apirilaren 22tik 25era bitartean. Antzoki, liburutegi, kulturgune, areto ... ahotsaren magiarako leku guztiak dira aproposak. Edozein lekuk balio dau disfrutetako. Hemen daukazu ba, kultura eta ohitura desbardineko ipuinez gozetako hitzordu parebakoa.

Egitaraua

* Amorebieta–Etxanoko Zelaieta zentroan:

Apirilak 22, 20:00etan: MARCO FLECHA + INÉS GRIMLAND
Apirilak 23, 20:00etan: JOTA VILLAZA + THERESA AMOON

* Arrasateko Kultur Ateko areto nagusian:

Apirilak 24, 11:00etan: MARCO FLECHA + ALBERT ESTRENGE
Apirilak 24, 19:00etan: THERESA AMOON + INES GRIMLAND

* Arrigorriagan:

Apirilak 23, 17:00etan, Abusuko Udal Bibliotekan: ISABELA MÉNDEZ + JOTA VILLAZA
Apirilak 23, 19:30ean, Kultur Etxean: MARCO FLECHA + ISABELA MÉNDEZ

* Bermeoko Nestor Basterretxea aretoan:

Apirilak 24, 21:00etan: THERESA AMOON + MARCO FLECHA

* Berrizeko Kultur Etxean:

Apirilak 22, 19:30ean: THERESA AMOON + JOTA VILLAZA

* Durangoko Liburutegian:

Apirilak 25, 20:00etan: INES GRIMLAND

* Elorrioko Arriola Antzokian:

Apirilak 23, 12:00etan: MARCO FLECHA
Apirilak 24, 13:00etan: INES GRIMLAND
Apirilak 24, 22:00etan: EMMA LOPEZ + JOTA VILLAZA
Apirilak 25, 20:00etan: THERESA AMOON + ALBERT ESTRENGE

* Markina-Xemeinen Herri Liburutegian:

Apirilak 24, 22:00etan: ISABELA MÉNDEZ + ALBERT ESTRENGE

* Mungiako Mugire Txokoan:

Apirilak 25, 20:00etan: EMMA LOPEZ + JOTA VILLAZA