Logoa

Oskorrik Madrileko Udal Musika Bandeagaz joko dau abenduaren 2an

Bizkaie! 2008-11-20 10:41   Musikea

Kontzertua 2008ko abenduaren 2an izango da Madrileko Teatro Monumental aretoan. Kontzertuaren nondik norakoak Madrilen aurkeztuko ditue, zemendiaren 25ean, komunikabideen aurrean.

Badator IX. FIOP-PNZJ Portugaleteko Nazinoarteko Zortzikote Jaialdia

Bizkaie! 2008-11-19 11:00   Musikea

Gaur, zemendiak 19, hasi eta datorren domekan amaituko da Portugaleteko IX. Nazinoarteko Zortzikote Jaialdia bertoko zein kanpoko taldeakaz.

Jaularitzeak 702.000 eurogaz lagundu dau Kepa Junkeraren 'Etxea' proiektua

Bizkaie! 2008-11-19 10:29   Musikea

Euskal musikea barritzea eta kanpora zabaltzea eta interkulturalidadea bultzatzea helburu dauen Kepa Junkera musikariak aurkeztutako egitasmoari babesa emotea erabagi dau Jaurlaritzeak. 'Junkerak euskal musikea buztartuko dau kontinenteen arteko bidaian, beste musika eta musikariakaz, sorkuntzea bultzatuz eta kultura, gizarte eta personen arteko hartu-emonak sustatuz'.

EiTBk eta EHUk 'Der Kaiser von Atlantis' operea eskainiko dabe

Bizkaie! 2008-11-18 13:20   Musikea

Euskaltelen eta Innobasqueren babesagaz, Viktor Ullmannen 'Der Kaiser von Atlantis' (Atlantidaren enperadorea) operea Euskadi Irratiak antolatutako 'Sormenaren gaua' ekitaldiaren bigarren edizinoan eskainiko da zemendiaren 20an, eguena, 19:00etan eta 22:00etan EiTBren egoitzan, Bilbon. Sarrerak eitbinfo@eitb.com helbidera mezu bat bialduta lor daitekez, doban.

Gernika-Lumoko Segundo Olaeta Musika Eskoleak hamar ikastaro berezi eskainiko ditu

Bizkaie! 2008-11-17 14:52   Musikea

Musika animazinoa, gitarra akonpainamentua, perkusinoa ume eta nagusientzako, panderoa, txalapartearen hasiera ikastaroa, ahots teknikak, ume antzerkia, gaitea eta batukadearen ganekoak izango dira ikastaroak.

Jabier Muguruza saritu dabe Vila-Secako Musika Azokan

Bizkaie! 2008-11-14 15:34   Musikea

Saria nori emon Kataluniako Musikaren Etxeetako arduradunek erabagi dabe, eta Jabier Muguruzak aukerea izango dau, horri esker, kontzertu bana emoteko momentuz aitatu sarea osotzen daben bost etxeetan, hau da, Terrassa, Mataro, Salt, L'Hospitalet eta Manresa urietan.

Hamahirugarren eta azken 'The Pub Ibiltaria' aurkeztu dau Oskorrik

Bizkaie! 2008-11-12 14:41   Musikea

Hamahirugarrena. Hamahirugarrena eta azkena. Oskorrik The Pub Ibiltaria abenturearen azken lana izango dana aurkeztu dau gaur Bilbon. Izango danaren aurrekari moduan, Santo Tomas egunaren bezperan (aurten egun bat lehenago ospatuko baita, abenduaren 20an hain zuzen be) taldeak hainbat herritako musikarigaz batera grabauko dituan kanten barri emon dau Natxo de Felipek, alboan Antton Latxa dauela.

»» Ikusi argazki guztiak (2)

Mikel Laboak Urrezko Domina jasoko dau abenduaren 23an

Bizkaie! 2008-11-12 10:03   Musikea

Gipuzkoako Foru Aldundiaren eskutik, Mikel Laboak Urrezko Domina jasoko dau. Domina horrek, Markel Olano Diputadu Nagusiaren ustez, autorpen eta omenaldi bat izan gura dau, 'gure ikur eta sinbolo nagusietako bat dan sortzaileari, euskal kulturearen biziraupenaren eta bilakaeraren lekuko izan dan persona bati egindako autorpena'.

'Kiribil', Zura taldearen lan barria plazan

Bizkaie! 2008-11-11 11:50   Musikea

'Kiribil' Bidasoaldeko Zura taldearen bigarren diskoa da, euskeraz egindako bossanova diskoa, hain zuzen be. Bertan, iturri desbardinetatik edaten dauen bossanova barritzailea topauko dogu: rocka eta funkaren tradizinoak brasildar samba eta bossagaz nahasten dira.

Getxoko Jazzaldiaren 2009ko Talde Lehiaketan izena emoteko epea zabalik dago

Bizkaie! 2008-11-10 14:51   Musikea

Getxoko XXXIII. Nazinoarteko Jazzaldiaren Talde Lehiaketan izena emoteko epea dagoeneko hasi da. Lehiaketea 2009ko garagarrilaren 1etik 5era egingo da eta horretan parte hartu nahi daben talde guztiek datorren urteko zezeilaren 14ra arte emon leike izena.

Nazinoarteko 121 ahotsek parte hartuko dabe Bilboko Kantu Lehiaketan

Bizkaie! 2008-11-10 14:34   Musikea

Zemendiaren 13tik 20ra bitartean, 26 herrialdetatik etorritako 121 ahots izango dira entzungai Bilboko Arriaga Antzokian urte birik behin egiten dan XII. Bilboko Nazinoarteko Kantu Lehiaketeari esker. Ahots horreek ahots lirikoak dira eta, tartean, baxuak, tenoreak, kontra-tenoreak, mezzo-sopranoak... dagoz.

»» Ikusi argazki guztiak (2)

Karidadeko Benta taldearen azken kontzertuen kronikea argitaratu da 'Lehengo munduaren azkena' DVDan

Bizkaie! 2008-11-06 18:11   Musikea

Karidadeko Bentamusika taldeak 2007ko udan eskainitako kontzertuakaz jarri eutson amaierea zazpi urteko ibilbideari, eta atzean, hiru disko eta 200dik gora zuzeneko emonaldi itxi zituen. Orain, azken kontzertuen kronikea argitaratu dabe DVD batean, Baleike Kultur Alkartearen eskutik.

Suganen bigarren diskoa pisu gehiagogaz dator

Bizkaie! 2008-11-06 14:54   Musikea

'Malko gorria' izeneko bigarren lana aurkeztu dau gaur Bilbon Sugan taldeak. Taldekideen esanetan, 'denporeak egonkortasuna emon deusku eta disko honetako kantak landuago dagoz'.

»» Ikusi argazki guztiak (2)

OST bermeotarrek metala eta melodia buztartu ditue

Bizkaie! 2008-11-06 14:42   Musikea

Laugarren disko hau, 'Inorena ez den lurrean', aurrekoa legez, metalaren eremuan dago: 'gure betiko metalari ikutu desbardinak ganeratu deutsaguz; izan be, hainbat estilotako musikea entzuten dogu', azaldu dau Jonik. Diskoak bitxikeriak be baditu, metaletik urrunduta. 'Dena den...' izeneko kantan, berbarako, Kataluniako runbaren ikutuak jatorkuz eta 'abesti berezia da guretzat'.

'The Dubliners' taldearen sortzaile Ronnie Drew omenduko dabe Bilbon

Bizkaie! 2008-11-05 10:46   Musikea

Ronnie Drew kantariari omenaldia egingo jako gaur, zemendiak 5, Bilboko Kafe Antzokian 20:30ean. Bertan izango dira Phelim Drew semea, musikari eta aktorea eta Antonio Breschi bere Nomadic Piano proiektuagaz. Konbidau moduan Consuelo Nerea, Joe McHugh, Gabin Dabiré, Sue Collins, Josu Zabala, Joxe Angel Irigaray eta Benito Lertxundi izango dira.

Zallako XXXII. Musika Astea zemendiaren 8an hasiko da eta bost kontzertu eskainiko ditu bi astegoienetan

Bizkaie! 2008-11-03 17:39   Musikea

Zallako (Bizkaia) Aste Musikalaren 32. edizinoa zemendiaren 8an hasiko da, eta herriko zine-antzokian izango dira aurtengo bost kontzertuak, 20:00etan eta bi astegoienetan.

AC/DC taldeak BECen joko dau apirilaren 4an

Bizkaie! 2008-10-31 15:44   Musikea

AC/DC talde australiarra Bartzelona eta Madrilen kontzertuak emon ostean, Barakaldora etorriko da apirilaren 4an. Hitzordua Barakaldoko BECeko Bizkaia Arenan izango da.

Itoiz talde klasikoa barriro protagonista

Saioa Torre Gereketa 2008-10-31 14:45   Musikea

Sasoi batekoak gogora ekarteko balio izan dau, besteak beste, Itoiz taldeko kideek hainbat kazetariren aurrean egindako agerraldiak. Aurkeztera etorri diran lanak, 'Itoiz: Antologia: 1978/1988 CD/DVD', hiru zati ditu: 18 kanta batzen dituan CDa, liburuxka bat eta, barrikuntza moduan, kontzertuetako irudiak eta alkarrizketak batzen dituan DVDa.

Salgai honezkero 'Asthmatic Lion Sound Systema', Fermin Muguruzaren lan barria

Bizkaie! 2008-10-31 10:54   Musikea

Fermin Muguruzak gaur, barikua, argitaratuko dau 'Asthmatic Lion Sound Systema' disko barria. Muguruzaren disko barrira munduko zenbait uritan egindako grabazinoak batu ditu eta uri horreetako zenbait musikarik eta kantarik hartu dabe parte kantuetan.

‘Kafea eta galletak’ Gernikan

Bizkaie! 2008-10-30 17:37   Musikea

Diskoen entzunaldiak egiteko asmoagaz jaio da ‘Kafea eta galletak’ izeneko proiektua. Hain zuzen be, hileko lehenengo zapatuetan izango da hitzordua Gernikako Gaztetxean (Seber Altube auditorioko eskoletan), disko bat entzun eta komentetako.