Kalesound Maketa Lehiaketako finalistak Bilborocken
2007-09-20 12:16 Musikea
Pasa dan bagilean Nontzeberri web guneak antolatutako Kalesound Maketa Lehiaketea egin zan. Ekimena on-line izan zan eta orain kontzertuak datoz. Hilaren 21ean eta 22an, Bilboko Bilborock aretoan, pop-rock eta metal ataletako finalistek joko dabe hurranez hurran. Kontzertuak iluntzeko 21:00etan hasiko dira. Sarrerea dobanekoa izango da.
Elkar estudioa Zinemaldian
2007-09-18 02:00 Musikea
Irailaren 20tik 29ra bitarteko Donostiako 55. Zinemaldian ikusiko diran honako filmek Elkar estudioa aukeratu dabe musikea grabetako eta nahasteko: 'La Torre de Suso', 'Siete Mesas de Billar Frances' eta 'Querida Bamako'.
Korrontzi eta Standard euskal taldeak Alemaniako Popkomm jaialdian
2007-09-17 02:00 Musikea
Korrontzi bizkaitarren trikitixeak Faltriqueira eta Berrogüetto galizarrakaz batera musika zeltiarragaz jantziko dau Berlin irailaren 19an, Alemaniako uriburuan egingo dan Popkomm lehiaketearen barruan (irailak 19-21).
Euskal musika-lan barritzaileak izango dira Washingtoneko ‘Sonic Circuits’ jaialdian
2007-09-14 02:00 Musikea
Irailaren 23an, Bilboko MEM jaialdia -musika, arte eta adierazmen barrien jaialdia- Ameriketako Estadu Batuetako Washington uriburuan egingo dan inprobisazino eta musika esperimentaleko jaialdirik garrantzitsuenean izango da.
‘Marjinalia’, Txuma Murugarrenen ‘zirku partikularra’
2007-09-13 02:00 Musikea
‘Marjinalaia’, Txuma Murugarren bakarlariaren bosgarren diskoa (Gaztelupeko Hotsak) ‘organikoa, naturala da, base programaturik bakoa, lurrarekin lotura handia dauena’.
‘Zertarako Amestu’, Berri Txarrak taldearen lehenengo DVD-Dokumentala
2007-09-12 02:00 Musikea
Berri Txarrak taldea egunotan bere lehenengo DVDa izango dana filmetan dabil, Ibon Antuñano euskal errealizadorearen zuzendaritzapean. ‘Zertarako Amestu’ dokumental edo rockumental bete-betea da; bertan hirukotearen ibilbidearen 26 hilebeterik emonkorrenak jasoten dira.
Portugaleteko Orfeón Jarrillerok emongo deutso hasierea Getxoko XXI. Habanera eta Itsas-Abesti Jaialdiari
2007-09-11 02:00 Musikea
Portugaleteko Orfeón Jarrillero taldeak emongo deutso hasierea hilaren 13tik 15era luzatuko dan Getxoko 21. Habanera eta Itsas-Abesti Jaialdiari. Kontzertuak Areetako Geltokia plazan izango dira 20:00etatik aurrera, doban.
Berri Txarrak taldearen urteko azken kontzertuak Gernikan
2007-09-11 02:00 Musikea
Kontzertu bi eskainiko ditue nafarrek, lehenengoa irailaren 13an, eguenean (19:00), berezia izango da, ‘Zertarako Amestu’ DVDa grabetako emonaldia izango dalako. Bigarrena irailaren 14an izango da.
Pavarotti hil da
2007-09-06 02:00 Musikea
Italiako tenore ezaguna 71 urte zituala hil da, pankreako minbiziak jota, Toskanako eskualdean.
215 musikari Kaleko Musikarien Nazinoarteko VII. Topaketan
2007-09-05 02:00 Musikea
Musikaleren VII. Edizinoan, irailaren 15tik 16ra, munduko herrialde desbardinetako 12 konpainia eta 215etik gora musikari izango dira Leioa, Basauri, Erandio eta Sestaoko kaleetan.
Manu Chaok disko barria kaleratu dau
2007-09-03 02:00 Musikea
Galiziar jatorriko musikari frantsesak ‘La Radiolina’ izenburupean kaleratuko dau lana.
Alberto Iglesias euskal konpositoreak irabazi dau Espainiako Zinema Saria
2007-09-03 02:00 Musikea
Zazpi Goya sari jaso ditu Alberto Iglesias donostiarrak eta Arteen eta Zinema Zientzien Akademiak gehien saritu dauenetariko bat da. Pedro Almodovarren film askoren eta Julio Medem donostiarraren ia guztien musikearen egilea da Iglesias. Orain bi urte Oscar sarietarako hautagai izan zan Fernando Meirellesen ‘El jardinero fiel’ pelikularako egindako musikeagatik.
Ken Zazpi taldea irailean hasiko da disko barria grabetan eta zemendian kaleratuko da
2007-08-30 02:00 Musikea
Ken Zazpi talde bizkaitarraren disko barria zemendiaren 10etik aurrera izango da musika-dendatan. Diskoa Oihuka diskoetxeak kaleratuko dau, eta irailaren 3an Donostiako Elkar estudioan sartuko dira grabetan. Urrian, barriz, Los Angelesera joango dira diskoa nahastau eta masterizetako.
Bruce Springsteen Bilbon, zemendiaren 26an
2007-08-29 02:00 Musikea
Springsteenen kontzertua Barakaldoko BECen izango da eta bertan ‘Magic’ disko barriko kantuak aurkeztuko ditu 58 urteko New Jerseyko musikariak.
Folk Getxo’07. XXIII. Nazinoarteko Folk Jaialdia
2007-08-29 02:00 Musikea
Aurtengo egitarauan, Karidadeko Benta taldearen agurra nabarmendu daiteke. Sei urteko ibilbidean hiru disko argitaratu ostean, Jon Maia buru dauen taldeak irailaren 5ean agur esango deusku. Kontzertua, Erromoko Santa Eugenia plazan izango da, 19:00etan hasita.
‘Oskorri Banda Band’ CD barriaren aurkezpena Catalunyan
2007-08-28 02:00 Musikea
Oskorrik bere ‘Oskorri Banda Band’ disko barria Frantzian, Italian, Galizian, Murtzian eta Euskal Herriko hainbat lekutan aurkeztu ondoren, Catalunyan gauza bera egiteko aukerea izango dau aste honetan.
REM taldearen zuzeneko lehen diskoa urrian kalean
2007-08-27 02:00 Musikea
Zuzeneko lehen diskoa atarako dau REM talde estadubatuarrak urriaren 16an. REM Live izeneko lanak CD bikotxa eta DVD bat batuko ditu. 2005ean egin eben munduko birearen barruan Dublinen eskainitako kontzertua jasoko dau DVDak.
Hogei taldek joko dabe Azkena Rock jaialdian
2007-08-22 02:00 Musikea
Gasteizko Azkena Rock jaialdiaren aurkezpen kontzertuetan, Xavier Ruddek eta Royal Canalek joko dabe gaueko 21:00etatik aurrera eta sarrerea dobanekoa izango da.
Irun, Hondarribia eta Hendaia batzen dituan Bidasoa Folk jaialdia ate joka
2007-08-21 02:00 Musikea
Abuztuaren 24tik 26ra arte, zazpi taldek joko dabe jaialdian. Tartean, Carlos Nuñez gaita-jotzaile galiziarra, Akli D musikari aljeriarra eta Ruper Ordorika izango dira, besteak beste.
Serrat eta Sabina alkarregaz Bilbon
2007-08-20 02:00 Musikea
Irailaren 29an Bilboko zezen plazan izango dan ‘Dos pájaros de un tiro’ kontzertuari esker Joan Manuel Serrat eta Joaquin Sabina elkarregaz ikusteko aukerea izango da.
Nabarmenak
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan