Euskerea, galegoa, katalana eta balearrerea IATE datu-base europarrean sartzea eskatu dabe
2011-06-20 13:56 Euskerea berbagai
Datu-base europarrak balioztaturiko zortzi miloe berba batzen ditu, eta bertan sartzea aurrerapausua izango litzateke euskerearen, galegoaren, katalanaren eta balearrerearen nazinoarteko autorpenean.
'Perpetua Saragueta: eskuidatziak eta hiztegia' lana kaleratu dau Euskaltzaindiak
2011-06-17 15:52 Euskerea berbagai
Perpetua Saragueta: eskuidatziak eta hiztegia liburua aurkeztu dau Euskaltzaindiak Iruñeako Euskarabidearen egoitzan. Liburua Andres Iñigo Euskaltzaindiaren Nafarroako ordezkariak atondu dau, eta Akademia eta Nafarroako Gobernuaren artean sustatutako Mendaur bildumaren 9. zenbakia da.
I. Gerardo López de Guereñu Sariak baditu irabazleak
2011-06-17 15:39 Euskerea berbagai
Gerardo Lopez de Guereñu sariketeak Arabako etnografia, folklore eta toponimiari buruz lan ugari egin dituan izen bereko arabar etnografoa omentzen dau. Era berean, euskereak historian zehar Arabako gizartean izan dauen presentzia jakinarazoteko asmoz sortu da aitatu saria.
Bagare! lemapean, Arabako ikastolen aldeko jaia, Laudion
2011-06-17 12:30 Euskerea berbagai
Domekan, bagilaren 19an, Arabako ikastolek jai handia egingo dabe Laudion, Bagare lemapean. Ikastolen aldeko egunaz gan, Laudioko ikastolearen 40. urteurrena be ospatuko dabe. Egitaraua goizeko hamarretan hasiko da.
Euskerearen familia transmisinoa lantzeko saio bereziak antolatuko ditue Berrizen
2011-06-16 14:29 Euskerea berbagaiUda ostean egingo dira saio bereziak, baina datozen egunetan Udalaren erroldatik abiatuz telefono bidez bat egingo dabe guraso eta bikote gazteakaz. Euskeraz egiten daben bikoteen jarrerea indartu, eta aldaketaren bat egiteko prest dagozan bikoteak identifikau, eta aldaketa hori emoten laguntzea da helburua.
Euskereak azken 12 urteetan izan dauen bilakaerearen gaineko ebaluazinoa egin dau Kultura Sailak
2011-06-14 11:58 Euskerea berbagai
Txosten horrek euskerearen egoerea eta azken urteotako eboluzinoa hurretik ezagutu eta jarraitzeko aukerea eskaintzen dau. Kultura sailburuak azaldu dauenez, txostenaren garrantzia erabilgarritasunean dago, berari esker edonoren eskura jarri baitira erabilerearen inguruko hainbat adierazle.
'Erabileraren GPSa' tresnea aurkeztu dabe Soziolinguistika Klusterrak, Urtxintxak eta Topaguneak
2011-06-13 15:50 Euskerea berbagai
Soziolinguistika Klusterrak, Urtxintxa Eskolak eta Topagunea euskera alkarteen federazinoak Erabileraren GPSa aurkeztu dabe; bertan, gazteen hizkuntza-erabileran eragiten daben faktoreen azterketea egin dabe. Gazteek eurek, gazteekaz lanean ibilitakoek eta gazterian adituek hartu dabe parte lanean.
Herri Urrats 2012ko logoa aukeratzeko lehiaketea martxan dago
2011-06-10 14:58 Euskerea berbagai
Herri Urratseko antolatzaileak datorren urteko jaia preparetan hasi dira, eta jentearen parte-hartzea eskatu dabe 2012ko logoa aukeratzeko. Horregaitik, logo lehiaketea atondu dabe. Lanak bialtzeko azkenengo eguna garagarrilaren 1a da.
Euskaltzaindiak Euskal Herriko udalen izendegia aurkeztu dau Bilbon
2011-06-09 15:35 Euskerea berbagai
Euskal Herriko Udalen Izendegia aurkeztu da Euskaltzaindiak Bilboko egoitzan. Akademiaren Onomastika batzordeak osotu dau izendegia, eta arau izaerea dauka. Ganera, Euskaltzaindiak sortu barri dauen Izenak bildumearen lehenengo zenbakia da.
Sopelanako toponimiaren mapea kaleratu barri dabe
2011-06-07 18:33 Euskerea berbagai
Hiru urteko lanaren ostean, Sopelanako toponimiaren mapea kaleratu barri dabe. Aurkezpena bagilaren 2an izan zan, Kurtzio Kultur Etxean. Ikerlanaren buruek herritarren partaidetzea nabarmendu dabe.
AEK-k Euskararen Bideak kanpaineari ekin deutso uda sasoiari begira
2011-06-06 12:32 Euskerea berbagai
Euskaltegietan eskainiko diran hiru, lau eta bost orduko euskalduntze ikastaroez gan, aurten 3. edo C1 mailea on-line egiteko aukerea be izango da AEKn, euskaltegira hurreratzerik ez edota opor lekutik ibili nahi dabenentzako. Ikastaro honen iraupena 100 ordukoa izango da.
UEMA Eguna Bergaran egingo da, bagilaren 4an
2011-06-03 13:01 Euskerea berbagai
Gure hizkuntzak har dezan arnas lemapean, Bergaran egingo da aurtengo UEMA Eguna, bagilaren 4an. Udalerri Euskaldunen Mankomunitateak berak, Bergarako Udalak eta Jardun euskera alkarteak antolatu dabe jaia. Egun osoko egitaraua atondu dabe, ume, gazte zein helduentzat.
Bostak Bat alkarteak definizinozko 'Euskal Hiztegia' lanaren argitalpen barria aurkeztu dau
2011-06-02 13:09 Euskerea berbagai
Bostak Bat kultur alkarteak definizinozko Euskal Hiztegia barriztua aurkeztu dau, lehenego huztegia argitaratu zala hogeita bost urte beteten diran honetan. Ekitaldian, besteak beste, taldeko kide Juan Luis Goikoetxea eta Patxi Uribarren izan ziran.
Itziar Aramaiok, 'Berriatuko euskararen zenbait alderdi' liburua nahiz 'Ze dinozu?' dokumentala aurkeztuko ditu Berriatuan
2011-06-02 12:19 Euskerea berbagai
Berriatuko euskararen zenbait alderdi liburua orain 14 urte hasi zan bere lehen hatsak hartzen, egilea, Deustuko Unibersidadean euskal filologiako ikasle zala. Atsotitzak herrian batu eta unibersitateko lan xume bat izatekoa zana, ia 2000 atsotitz batzen zituan lan handi bilakatu zan.
Okondoko toponimiarean mapea aurkeztu dabe
2011-05-31 17:31 Euskerea berbagai
Okondoko toponimiaren mapea kaleratu barri dabe, zazpi urtetako ikerketearen emoitzea jasoten dauen mapa topografiko-toponimikoa, hain zuzen be. Lanaren aurkezpenean izan ziran Itziar Kastrexana Kultura zinegotzia, Mikel Gorrotxategi Euskaltzaindiaren Onomastika batzordeko idazkaria eta Felix Mugurutza ikerketaren egilea.
Zeregin barriak Torrealdai eta Azkaraterentzat Euskaltzaindiaren barruan
2011-05-30 15:38 Euskerea berbagai
Euskaltzaindiaren osoko bilkureak izendapen barriak egin zituan barikuan: Joan Mari Torrealdai izango da Euskaltzaindiko Bibliotekari akademikoa eta Azkue Bibliotekako batzordeko burua, eta Miren Azkarate Argitalpen batzordeko kidea izango da.
Euskaltzaindiak Euskararen Herri Hizkeren Atlasaren III. liburukia aurkeztu dau
2011-05-27 15:53 Euskerea berbagai
Euskararen Herri Hizkeren Atlasa-ren III. liburukia aurkeztu dau Euskaltzaindiak. Aurreko biak legez, liburukia Euskadiko Kutxaren babesagaz argitaratu dau Akademiak eta, oraingoz, euskarri bitan eskaintzen dau: papelean eta CD formatuan. Aurrera begira, sarean ipinteko asmoa dabe. Lan barrian 271 kontzeptu batu eta landu dira.
Mi'kmaq kanadiar tribuak Azkue Fundazinoaren Euskerearen Interpretazino Zentroa bisitau dau
2011-05-27 14:55 Euskerea berbagai
Bisita honen bidez euskal eta Mi'kmaw komunidadeen arteko loturak estutu eta bi herrien arteko belaunaldietako hartu-emonetan sakonduko da. Mi'kmaq tribuko ordezkariek euskereagaz lotutako gaiak ezagutu ditue Bilboko San Inazio auzoko Agoitz plazan kokatutako Euskararen Interpretazino Zentroan: jatorria, aberastasun dialektikoa, euskerearen presentzia munduan etab.
Alkarregaz Boga! egiteko hitzordua domekan, Ondarroan
2011-05-27 14:17 Euskerea berbagai
Boga! lemapean, jai giro ederrean Bizkaiko ikastolek Ondarroan ospatuko dabe urteroko jai handia domekan, maiatzaren 29an. Aurten be Ibilaldiak egitarau bete-betea izango da, ume, gazte zein helduentzako. Goizeko bederatziak eta erdietan zabalduko dabe ibilbidea Zubi Zahar ikastolan bertan.
Mintza Eguna berbalagunen jaia Elizondon egingo da aurten, bagilaren 4an
2011-05-27 11:52 Euskerea berbagai
Topagunea Euskara Elkarteen Federazioak 2011ko Mintza Eguna aurkeztu barri dau. Seigarren edizinoa izango da aurtengoa, eta bagilaren 4an, Elizondon egingo dabe. Mintza Egunean Euskal Herri osoko berbalagunek alkar ezagutzeko aukerea eukiko dabe.
Nabarmenak
Sinatu edozer egin leiteke, baina neurriak... Prentsaburu erdalduna izentau barri dabe. País!
»» San Mamesen be 'Lehenengo berbea ...