Topaguneak 'Euskara aniztasunean' jardunaldia egingo dau Durangon urtarrilaren 25ean

Bizkaie! 2011-01-14 14:05   Euskerea berbagai

Topagunea Euskera Elkarteen Federazinoak Euskara aniztasunean jardunaldia antolatu dau urtarrilaren 25erako, Durangoko Landako Elkartegian. Helburu nagusia egungo testuinguru eleanitzean euskereak dauen eta izan beharko leuken lekuaz hausnartzea da, eta arlo horretan garatzen dagozan esperientzien barri be emongo da. Izen-emotea dobanik egin daiteke hilaren 20ra arte.

Euskerazko jarduerak Bilboko umeentzat, Ikusi eta Ikasi programeari esker

Dabi Piedra Robledo 2011-01-11 13:52   Euskerea berbagai

Ikusi eta Ikasi egitasmoaren helburua da, Ana de Castroren esanetan, 'umeen artean eta familia barruan euskerearen erabilerea bultzatzea, euskerea ikasketekaz lotzen dauen mitoa apurtzea'. Topaguneko Aritza Escandonek beste hiru ardatz be ganeratu ditu: 'Kulturea, heziketea eta ondo pasetea'.

»» Ikusi argazki guztiak (2)

Arabako Mintza Eguna ospatuko da Gasteizen urtarrilaren 15ean

Bizkaie! 2011-01-05 14:40   Euskerea berbagai

Arabako Mintza Eguna egingo da Gasteizen urtarrilaren 15ean, Topagunea euskera alkarteen federazinoak eta Gasteizko GEU alkarteak koordinauta. Lehenengo aldia izango da Araba mailako jaiegun hau antolatzen dana, eta horretarako arrazoia azken bizpahiru urteetan Mintzalaguna lako egitasmoek herrialdean hartu daben indarra izan da.

Sustraiak-Erroak Pariseko alkarteak jaso dau 2010eko ENE saria

Bizkaie! 2011-01-04 10:29   Euskerea berbagai

Sustraiak-Erroak elkartea 1981ean sortu eben euskerea eta euskal kulturea sustatzeko, eta Pariseko Eskual Etxean dago haren egoitzea. Jarduera katalogo zabala dauka kideen lan boluntarioari esker eta euskaltasuna uriaren bizitzan txertatzeko ikuspegi zabaletik abiatzen da.

Jaurlaritzeak eta Eudelek 2010-2011 ikasturterako udal euskaltegien finantzazino-akordioa sinatu dabe

Bizkaie! 2010-12-30 11:26   Euskerea berbagai

Akordioaren helburu nagusia da udal euskaltegi bakotxean dagoan euskerazko eskolen 'eskari errealari' erantzuten saiatzea. Horrek dakar, alde batetik, aldez aurretik neurririk ez jartea udal euskaltegi bakotxaren finantzazinorako, eta bestetik, finantzazino publikoaren eraginkortasuna bermatzea, euskaltegi bakotxeko giza baliabideak eskari errealera egokitzeko ahalegina eginez.

Zuzenbide Kanonikoaren Kodea euskeraz kaleratu dau Idatz argitaletxeak

Bizkaie! 2010-12-28 16:24   Euskerea berbagai

Kode hori 1983an atara eban, latinez, Joan Pablo II.ak, Vatikanoko II. Kontzilio Ekumenikoaren ildoari jarraituz. Berehala emon ziran argitara hainbat hizkuntzetako bertsinoak, baina orain arte ez egoan euskerazkorik. Zuzenean latinetik euskeratu dau Sebastian Uria Donostiako Eleizbarrutiko Bikario Judizialak.

Unescok euskerea galtzeko arriskuan dagoala azpimarratu dau

Bizkaie! 2010-12-22 14:39   Euskerea berbagai

Erakundeak hizkuntza gitxituak babesteko beharra aitatu dau, eta aholku hau emon dau hizkuntzen desagertzeari aurre egiteko: 'Berbadunek berba egiteko eta seme-alabei erakusten jarraitzeko baldintzak sortu behar dira. Horretarako, hizkuntza gitxituak babestuko dituan estadu politikak behar dira, eta ama-hizkuntzan erakustea bermatuko daben hezkuntza sistemak ezarri'.

Anaitasuna aldizkaria digitalizau dau Euskaltzaindiak

Bizkaie! 2010-12-21 14:57   Euskerea berbagai

Anaitasuna aldizkariaren ibilbide osoa -420 zenbaki eta 6.395 artikulu- sistematizau eta digitalizau ditu Euskaltzaindiak, eta, gaurtik aurrera, sarean kontsulta daitekez, bai Akademiaren webgunean (http://www.euskaltzaindia.net/anaitasuna helbidean) baita Bilboko Udalaren webgunean be (http://www.bilbao.net helbidean).

»» Ikusi argazki guztiak (2)

Xaramela, karaoke herrikoia euskerearen alde Bilbon eta Donostian

Bizkaie! 2010-12-17 15:49   Euskerea berbagai

Abenduaren 21ean, martitzenean, Santo Tomas azokea karaoke jentetsua izango da, izan be, ekimen berezia tarteko dala, milaka lagunek EtxE abeslari bizkaitarrak egin dauen Guk Euskaraz abesti ospetsuaren bertsinoa kantauko dabe. Proposamenari Xaramela izena jarri deutsie eta aldi berean egingo da Bilboko Arenalen eta Donostiako Boulevardeko kioskoan 13:00etatik 15:00etara.

UEMAk, Kutxak eta Euskadiko Kutxak hitzarmena sinatuko dabe finantza-arloan euskerearen erabilerea sustatzeko

Bizkaie! 2010-12-17 14:34   Euskerea berbagai

Ekitaldia Debako udaletxean egingo da, eguerdiko 12:00etan, eta UEMAko partaideak diran udalen izenean, bertako alkateek, Kutxaren izenean, Marta Madinabetiak eta Euskadiko Kutxaren izenean, Josu Arraizak parte hartuko dabe.

Euskaltzaindia Zarautzen, bertako Frantziskotarren 400. urteurrenean

Bizkaie! 2010-12-17 12:30   Euskerea berbagai

Bilkurako egitarauan, Aguirre Asteasukoaren erakusaldiak: Sermoia ikuspegi sozio-diskurtsiboaren argitan liburuaren aurkezpena izango da, Agirre Asteasukoari buruz Arantza Ozaeta andreak egindako tesia.

'Maitatu, ikasi, ari... Euskalakari' leloa dakarren Korrika 17 aurkeztu dabe Bilbon

Bizkaie! 2010-12-16 14:52   Euskerea berbagai

Maitatu, ikasi, ari... Euskalakari lemapean, 2011ko apirilaren 7tik 17ra, Trebiñutik Donostiarako bidea egingo dauen 17. Korrikak herritar bakotxaren protagonismoa, jarrera aktiboa aldarrikatu nahi dau.

»» Ikusi argazki guztiak (3)

GetxOnegin II. Pintxo Lehiaketea egingo da asteburuan

Bizkaie! 2010-12-16 11:51   Euskerea berbagai

Getxoko 33 ostalaritza-establezimentuk parte hartuko dabe asteburu honetan, abenduak 18 eta 19, Getxoko Udalak ostalaritzan euskerea sustatzeko antolatutako GetxOnegin II. Pintxo Lehiaketan, Euskal Kulturaren XII. Jardunaldien barruan.

Euskaraz atseginez Sopelanan

Bizkaie! 2010-12-15 13:00   Euskerea berbagai

Euskaraz Atseginez egitasmoa Sopelanako merkataritza eta ostalaritzan euskerearen erabilerea sustatzeko eta normalizetako helburuagaz sortu zan.

Fernando Artola Bordari-ren omenezko bilkurea egingo dau Euskaltzaindiak abenduaren 10ean

Bizkaie! 2010-12-10 14:46   Euskerea berbagai

Abenduaren 10ean, Hondarribiko udaletxean, Fernando Artola Bordari-ren omenezko bilkura egingo dabe Euskaltzaindiak eta Hondarribiko Udalak.

Fernando Artola Bordari Hondarribian jaio zan, 1910eko zezeilaren 14an. Beraz, bere jaiotzaren mendeurrenean, Euskaltzaindiak eta Hondarribiko Udalak omenaldia eskainiko deutse.

Gero eta hurrago Herri Urrats 2011

Bizkaie! 2010-12-10 11:11   Euskerea berbagai

2010eko Herri Urratsen etekinak, Itsasu eta Lekorneko ikastola barriak edegiteko erabili zituen. 2011n, bere egoitzea barrizteko baitezpadako laguntzino ekonomikoa ekarriko deutso Herri Urratsek Xalbador Kolegioari. Gogoratu Herri Urrats Xalbador Kolegioko 'Nere pentzea' etxea erosteko sortu zala.

Bilboko Udalak Bizkaia Irratiaren lana autortu dau, sortu zaneko 20. urteurrenean

Bizkaie! 2010-12-03 15:37   Euskerea berbagai

Omenaldi honen bidez, Udalak emisoreak egunero-egunero egindako lanaren onarpena agertu gura izan dau; izan be, hamarkada bi daroaz euskera hutsez emitiduten Bizkaiko uriburutik probintzia guztirako Bizkaia irratiak. 20 urte horreetan euskerearen alde egindako lana be nabarmendu nahi izan dau udalak.

Joan Mari Torrealdaik jaso dau 2010eko Lauaxeta Saria

Bizkaie! 2010-12-03 14:51   Euskerea berbagai

Bizkaiko Foru Aldundiaren izenean, Jose Luis Bilbao Ahaldun Nagusiak eta Josune Ariztondo Foru Diputaduak Joan Mari Torrealdairi emon deutse gaur 2010eko Lauaxeta Saria. Foruan 1942an jaiotako psikologo, kazetari eta idazlea, besteak beste, 2007. urtetik hona Euskaltzaindiako kide osoa da. Saria Euskerearen Nazinoarteko Egunaren ospakizunen barruan jaso dau.

Sustraiak-Erroak Alkarteak irabazi dau Eusko Ikaskuntzaren ENE Saria

Bizkaie! 2010-12-02 17:40   Euskerea berbagai

1981ean sortu zan Pariseko Euskal Etxean egoitza dauen Sustraiak-Erroak alkartea, euskerea eta euskal kulturea bultzatzeko helburuagaz. Jardueren katalogo zabala garatzen dau kideen lan boluntarioari esker eta euskaltasuna uriaren bizitzan txertatzeko ikuspegi zabaletik abiatzen da. Gainera, euskalduntze ikastaroak eskaintzen ditu.

Orhipean parke tematikoa Bilboko Erripa Kaian egingo da abenduaren 3tik 8ra

Bizkaie! 2010-12-02 11:58   Euskerea berbagai

Euskerearen Nazinoarteko Egunaren harian, feria honen helburua da euskerea eta euskal kulturea eta nortasuna bultzatzea, modu ludikoan eta persona guztientzat. Parkeak artisautzearen eta nekazaritzako elikagaien merkatu baten egiturea izango dau.