Aktualitatea

Alejandro Gomez Monteverderen 'Bella' filma nagusi Toronton

Pelikulan, sukaldari mexikar baten (Eduardo Verastegi) eta zerbitzari estadubatuar baten (Tammy Blanchard) arteko istorioa kontetan da.

Euskal Behatokia, kulturearen erakunde sustatzailea

‘Kulturearen ganeko informazino hutsunea betetea eta kulturea gizartearen eta ekonomiaren elementu nagusi legez ezartea’ dira Eusko Jaurlaritzako Kultura Sailak sortu gura dauen Euskal Behatokiaren helburu nagusiak.

Bapatean Bizkaia

'Bapatean Bizkaia'. Lelo hori aukeratu dabe antolatzaileak aurtengo txapelketearen ikur legez. Igerrian dago Txapelketa Nagusiko marketin arrakastatsuak ondorenik badakarrela, eta Bizkaian be, bertsozaleengana bereziki eta eretxi publikoarengana orokorrean, erakargarri izateko esperantzaz abiatu dala txapelketea.

Bilboko Udalak Miguel de Unamuno VIII. Saiakera sarirako deia egin dau

Edozein nazionalidadeko egileek gai libre, argitara bako eta gitxienez ehun orriko luzerako ipuinakaz parte hartzeko aukerea izango dabe. Aitatu epea 2006ko zemendiaren 30ean amaituko da.

Xanon arte-galeria inaugurauko dabe eguenean Bilbon

Xanon arte-galeria barriak eguenean, hilak 21, zabalduko ditu bere ateak Bilbon Cristina Gutierrez-Meurs (Madril, 1966) artistearen ‘Entre blanco y negro’ izenburuko erakusketeagaz.

Kinky Boots

Zapatagintzako lantegi zaharra salbetako ahaleginetan, film honetako protagonistek ‘drag queen’-entzako botak egiteko erabagia hartuko dabe eta hori guztiori Ingalaterrako herri txiki eta konserbadore baten testuinguruan.

Delorean Berlinen, merkadu diskografikoaren azokan

Delorean pop talde gipuzkoarra Euskal Herriaren izenean joango da irailaren 20tik 22ra Merkadu Diskografikoaren Nazinoarteko XVIII. 'Popkomm' Azokara. Azokea Alemaniako uriburuan, Berlinen izango da.

Tao ez eze, gora-goraka doa dana udako oporren ostean...

EAEn 1.093 ezkontza zibil egin dira urtarriletik apirilera, igazko aldi berean baino % 9,6 gehiago

Euskal Autonomia Erkidegoan, ezkontzen kopurua 2006ko lehen hiruhilekoan 1.093 izan zan. Hau da, 2005eko laugarren hiruhilekoan egin ziran 1.996 ezkontzen erdia baino gehiago, eta 2005eko lehen hiruhilekoan eginikoak baino %9,6 gehiago.

Ikastolen ikasturte-hasiera ekitaldia egin dabe Zamudion

Berrehun lagun baino gehiago batu dira Zamudioko Teknologia Alkartegian zapatuan goizeko hamaiketan urte akademiko barriari hasierea emoteko ekitaldian. Ganera, 'SAIOKA, 30 urte, urrats bat baino gehiago euskarazko ikasmaterialetan’ aurkeztu dabe.

'Volver', 'Alatriste' eta 'Salvador': Oscar sarietarako espainiar hautagaiak

Pedro Amodovarren ‘Volver’, Agustian Diaz Yanesen ‘Alatriste’ eta Manuel Huergaren ‘Salvador’ dira Hollywoodeko Oscar sarien 79. edizinoan, ingelesez ez diran filmen atalean, Espainia ordezkatzeko Zine Akademiak aukeratutako filmak.

Paloma Rojasen artelanak ikusgai Gorlizen

Pasa dan domekatik eta irailaren 16ra arte, Paloma Rojas artistearen lana dago ikusgai Gorlizko Udal Erakusketa Aretoan.

'Etorkizuna lehertu': Stupenda Jones taldearen bakarkako lehen diskoa

Stupenda Jones taldearen Etorkizuna lehertu izeneko diskoa (Gor) kalean da. Izenburuak berak argi dakarren legez, kantu gehienak protesta egitekoak dira, mezu zuzenak eta kritikoak.

Argia ikusi dau Ardotxiren ‘Mentxakaren aitorpena’ liburuak

Errealidade nobelatu legez definidu daiteke liburu hau: 1971n egile eta protagonistea atxilotzen dabenean hasten da, eta polizia-etxeko itaunketak irauten dauen bitartean garatzen da.

Kilometroak 2006ko pregoia irakurriko da zapatuan Oiartzunen

'Kilometroak 2006' jaialdiaren pregoia irakurriko da zapatu honetan, irailak 16, arratsaldeko 20:30etan Oiartzungo Elorsoro Kiroldegian eta leku berean baina egun bat aurretik pregoi honen entsegua egingo da komunikabideentzat. Jaialdia urriaren 1ean ospatuko da.

‘Azken olatua, azken arnasa’: Enrike Zubiaren azken eskulturea Bermeon

Enrike Zubiaren ‘Azken Olatua, Azken Arnasa’ izeneko eskulturea inaugurau dabe Bermeon. Bizkaiko herriko udalaren ‘arrantza mundua’ proiektuaren barruko azken ekimena izan da eskulturea. Proiektu horretan beste eskultura bi dagoz, bata San Juan Portalean eta beste bat Torronteron.