Aktualitatea

Kukaik, Joserra Senperenak eta Sabin Bikandik ikuskizun garaikidea eskainiko dabe Bilbon

Sabin Bikandik (Aiko) eta Joserra Senperenak inprobisazino ariketa bat egingo dabe musika bikote ez-ohiko batetik abiatuz, txistua pianoagaz alkartuz, eta barrikuntzan apostua egin dauen Kukai taldeak lagunduta.

Aurton 40.00 Kultura Bonu ipiniko ditu salgai Jaurlaritzeak

Eusko Jaurlaritzeak 600.000 euro erabiliko ditu aurtengo Kultura Bonua kanpainan. Danetara 40.000 bonu ipiniko ditue salgai. Abenduaren 10etik urtarrilaren 5era arte erosi ahalko dira.

Lur Epeldek, Izaskun Jurjok eta Eire Vilak irabazi dabe III. Bidaiari Dubi Dubi bideo lehiaketea

Lehiaketako hiru sariak honako bideo honeei emon jakez: Lur Epelderen (Bilbo), Andeak eskuz esku, Izaskun Jurjoren (Bilbo) Haciendo el indio eta Eire Vilak (Elgoibar) aurkeztutako Gautxo dubi-dubi.

Horrezaz gan, epaimahaiak akzesit bat emon deutso Maider Astigarragaren (Bilbo) Re-corriendo Estados Unidos bideoari.

Elhuyar Fundazinoak eta DIPCk bideo amateurren On Zientzia lehiaketea jarri dabe abian, hirugarrenez

Elhuyar Fundazinoak eta Donostia International Physics Center-ek (DIPC) antolatuta, zientziaren eta teknologiaren dibulgazinorako bideo amateurren III. On Zientzia lehiaketeari hasierea emon jako. Lehiaketa hau Teknopolis telebista-saioaren barruan antolatua da, eta bideorik onenak telebista-saio horretan ikusteko aukerea izango da.

Literatura Eskoleak Hendaian hasiko dau ikasturtea zapatuan

Literatura Eskoleak hilaren 27an abiatuko dau ikasturte barria, Hendaian. Aiora Jakak Joseba Sarrionandiaren itzulpenak izango ditu berbagai zapatuan. Maiatzera arte hilero eskola bat egingo dabe.

Elite mailako kirolean burua erakusten dabenak beti euki behar doguz susmopean???

EOSek eta Ken Zazpik urtebete atzeratu ditue KlasikAT kontzertuak

Euskadiko Orkestra Sinfonikoa eta Ken Zazpi taldea KlasikAT kontzertu sortea emotekoak ziran abenduan, baina EOSek jakinarazo dauanez, urtebete atzeratuko dabe proiektua. Beraz, 2013ko abenduan batuko dira orkestrea eta bandea zuzenean.

EH Sona 2012: proposamen gehiago, areto gehiago, estilo gehiago, kontzertu gehiago

Euskal Etxeak urtean zehar 120 ekitaldi baina gehiago antolatzen ditu eta kurrikulum honek dauen indarraz jaubeturik, prentsaurrekoak Euskal Etxea Bartzelonan eta Katalunian kontzertu-areto modura aurkezteko be balio izan dau.

Josean Alijak eta Ferran Adriák gastronomia eta sormenaz jardungo dabe Guggenheim museoan

Josean Alija eta Ferran Adrià sukaldariburuek berbaldi bana eskainiko dabe Bilboko Guggenheim museoan, Gastronomia eta Sormena izeneko jardunaldien barruan. Nerua jatetxeko arduraduna izango da lehenengoa, hilaren 23an, 18:30ean.

Patrice Chereau zuzendariak Ohorezko Mikeldi saria jasoko dau 54. Zinebin

Zinebi jaialdiak Patrice Chereau frantziar zuzendari eta produktoreari emongo deutso bigarren Ohorezko Mikeldia. Bilboko Zine Dokumental eta Film Laburren Nazinoarteko Jaialdia zemendiaren 16an hasi eta 23an amaituko da, amaiera ekitaldian bertan jasoko dau saria Chereauk, Arriaga Antzokian.

'Kafea eta galletak' ekimenak 'Kafe Aleak' dakarz liburu formatoan

Orain pare bat urte, Leire Lopez Ziluaga eta Ibon Rodríguez Kafe Aleak liburua sortzeko asmoagaz hasi ziran beharrean; oinarrian, 121 disko dagoz eta horreei buruz 121 lagunen testuak, bizipen personalak gehienak baina ipuinak, olerkiak, musika kritikak, zein kritika soziala edota iruzkin politikoak be agiri dira.

Kirmen Uriberen 'Bilbao-New York-Bilbao' nobelea japonieraz argitaratu dabe

Kirmen Uriberen Bilbao-New York-Bilbao lana japonieraz kaleratu barri dau Hakusui Sha argitaletxeak. Nami Kanekok itzuli dau zuzenean euskeratik. Nobelea zemendiaren 6an aurkeztuko dabe, Tokion.

Lazarraga Sarien bigarren edizinoa aurkeztu dabe

Lazarraga Sarien bigarren edizinoa aurkeztu barri dabe. Arabako arlo sozio-ekonomikoan euskerearen alde lan egin daben erakunde edo personak saritzea eta euron ahalegina autortzea da sarion helburu nagusia.

LexNavarra webgunean euskerazko edukiak sartzen hasi dira

LexNavarra izeneko Nafarroako gobernuaren webgune ofizialean euskerazko edukiak sartzen hasi dira. LexNavarra 2007an sortu zan, baina oraintsu arte gaztelaniaz besterik ez da egon.

Panta Rheik edegiko dau martitzenean Kulturalde programea Errekalden

Kulturalde programea martitzenean, hilak 23, abiatuko Bilboko Erreakalde auzoko udaltegian. Panta Rhei konpainiaren Txintxilipurdi… umeentzako euskerazko txotxongilo ikuskizuna izango da lehenengo emonaldia, 18:30ean.

Andres Urrutia euskaltzainburu izango da beste lau urtean

Euskaltzaindiak hurrengo lau urtetarako zuzendaritzea barriztu eban barikuan, Bilbon. Andres Urrutia izango da euskaltzainburua beste lau urtean.