Euskerearen Legearen 30. urteurrena ospatu dau Eusko Jaurlaritzeak
2012-11-26 14:51 Euskerea berbagai
Euskerearen Legearen 30. urteurrena ospatu eban Eusko Jaurlaritzearen Kultura Sailak zapatuan, Donostiako Miramar jauregian. Blanca Urgell Kultura sailburuagaz batera, legearen eztabaidan parte hartu eben politikari batzuk be izan ziran ekitaldian. Ganera, legearen edizino berezia aurkeztu eta banatu zan, euskeraz, gaztelaniaz, frantsesez eta ingelesez.
XVI. Cortada Film Laburren Jaialdiak inoiz baino lan gehiago erakutsiko ditu aurten
2012-11-26 11:51 Barriak
Aurten 62 lan izango dira lehian Gasteizko Cortada Film Laburren Jaialdian, zemendiaren 26tik 30era. Hamaseigarren edizino honetan inoiz baino lan gehiago aurkeztu dira, 587 behar, danetara. Ganera, lehenengo aldiz proiekzino guztiak doban izango dira.
Xabier Azkue zumaiarrak irabazi dau Euskal Herriko Hitz Gurutzatuen VI. Txapelketea
2012-11-26 11:28 Euskerea berbagai
Xabier Azkue nagusitu zan finalean, akatsik bako lana egin eta gero. Haren ondoren sailkatu ziran Oier Zulaika gazteiztarra, Javier Altuna getxotarra eta Beñat Muguruza irundarra, lehiaketa ederra egin ondoren. Zumaiako Udaleko euskara teknikaria da Xabier Azkue.
Ipar Euskal Herriko argitaletxeek 35 nobedade daroez Durangoko Azokara
2012-11-26 10:33 Kulturea
Ipar Euskal Herriko argitaletxeek txoko berezia izango dabe aurten Durangoko Liburu eta Disko Azokan, izan be erakusmahai berean batuko dira Agorila, ZTK, Gatuzain, Ikas eta Maiatz etxeek aurkeztuko dituen 35 nobedadeak, Gerediaga eta Euskal Kultur Erakundearen (EKE) arteko alkarlanari esker.
Euskal musikearen azken 50 urteetako ibilbideari buruzko erakusketa bat zabaldu dabe Bermeon
2012-11-26 10:17 Kulturea
Euskal Herrian musikeak izan dauen bilakaerea erakutsi nahi da, garai bakotxaren testuinguru politiko, soziala eta kulturala kontuan hartuz. Azaletatik sustraietara erakusketearen beste helburu bat da gazteei azken 50 urteetako euskal musikearen historiaren barri emotea, eta holan, bisita gidatuak egingo dira Bermeoko ikastetxeetako ikasleakaz.
Lehia handiaren ostean, Etxahun Lekue finalera zuzenean
2012-11-26 09:23 Bertsolaritzea
Bigarren eta hirugarrenagazko alde estuagaz Etxahun Lekuek irabazi dau bigarren finalaurrea eta zuzenean finalera pasauko da. Ganerako bostetatik Arrate Illaro eta Gorka Ostolaza dira momentuz txartel barik geratu diranak.
Estreinaldi ugari Kutxabank Mendi Film Festivalen bosgarren edizinoan
2012-11-23 14:52 Barriak
Bilbo lehenengo aldiz izango da Kutxabank Mendi Film Festival zinemaldiaren aterpe. Mendiko zinemagintzearen nazinoarteko lanik onenak ikusgai izango dira jaialdian, abenduaren 14tik 23ra, tartean makinatxu bat erabateko estreinaldi. Sail ofizialean 50 lanek hartuko dabe parte, eta beste hainbestek lehiaketaz kanpo.
Euskal Pizkundea Bizkaian bideoa plazaratu dau Labayruk
2012-11-23 14:25 kulturbiz
Euskal Pizkundea Bizkaian izeneko bideoa aurkeztu eban bart Labayru Ikastegiak Bizkaiko Batzar Nagusien egoitzan, Bilbon. Bideoa Bilboko Udalagaz daukan hitzarmenaren barruan egin eben Akaitze Kamiruagak eta Igone Etxebarriak, eta salgai dago gura dauenarentzat.
Arnaud Dufeysen 'Atomes' 54. Zinebi jaialdiko irabazle
2012-11-23 14:15 Barriak
Arnaud Dufeys zinemagile belgikarraren Atomes fikzinozko film laburrak irabazi dau Bilboko Zine Dokumental eta Film Laburren Nazinoarteko 54. Zinebi Zinemaldiko Sari Nagusia. Epaimahaiak aho batez hartu dau erabagia. Arriaga antzokian egingo dabe sari-emotea, 20:00etan, eta Patrice Chereau zinemagileak be orduan jasoko dau Ohorezko Mikeldia.
Ameba Kultur Alkarteak Bidebieta Irratiaren 15. urteurrena ospatuko dau Social Antzokian
2012-11-23 11:27
Gaur, zemendiak 23, ospatuko dau Ameba Kultur Alkarteak Bidebieta Irratiaren 15. urteurrena. Urteurrena ospatzeaz batera, Social Antzokian La Basconia fabrikeari eta Basauriko zine aretoei buruzko bi dokumental estreinauko dira eta Bidebieta Kultura proiektua aurkeztuko da, herriaren historia, folklorea, euskerea eta nortasuna landuko dituan webgune multimedia.
San Nikolas ikastoleak Argia Ereiten Saria jasoko dau bere 50. urteurrenagaitik
2012-11-23 10:31 Euskerea berbagai
Algortako San Nikolas Ikastoleak jasoko dau aurten Getxoko Udalak urtero antolatzen dauen Argia Ereiten Euskara Saria, aste batzuk barru 50 urte beteko ditualako. Sariak, bere hirugarren edizinoan, herrian euskerearen irakaskuntzan, normalkuntzan eta zabalkundean ikastoleak hainbeste urtetan egindako ekarpena nabarmendu nahi dau.
Marraz(i)Oak Ilustratzaile Barrien IV. Topaketek ilusionismoaren mundua landuko dabe
2012-11-23 10:15 jardunaldiak
Galtzagorri alkarteak eta Donostiako Artelekuk Marraz(i)Oak Ilustratzaile Barrien Topaketen laugarren edizinoa prestau dabe. Ilusionismoa: zinearen aurretik ilustratzen lemapean, zemendiaren 26tik 30era, Elena Odriozola ilustratzaileak eta Gustavo Puerta irakasle eta literatur kritikariak gidatuko ditue jardunaldiak Arteleku gunean.
'Nire gorputza, nire erabakia' bertso-paper lehiaketan parte hartzeko epea abenduaren 7an amaituko da
2012-11-22 17:39 Bertsolaritzea
Nire gorputza, nire erabakia lelopean, bertso-paper lehiaketea antolatu dau Medicusmundi Bizkaia alkarteak, ALBE, Gazte Asanblada Sopeloztarra eta Sopelako Udalaren lankidetzeagaz.
Capsula taldeak David Bowieren kanten bersino propioa kaleratu dau
2012-11-22 16:59 Musikea
Capsula taldeak Dreaming of the Rise and Fall of Ziggy Stardust and the Spiders from Mars (Gaztelupeko Hotsak) diskoa kaleratu dau, David Bowieren lanaren bersino propioa. AEBetako New Jerseyko Watermusic Studiosen grabau dabe, martian South by Southwest jaialdian hirugarren aldiz parte hartzeko egindako bidaia aprobetxauz.
Euskaldunek Kubako Independentzia Gerran izan eben parte-hartzea aztertu dabe
2012-11-22 14:52 kulturbiz
Hamar urte iraun eban Kubako Independentzia Gerreak, 1868tik 1898ra. Hango eta bertoko euskaldunek gerran izandako jarrerea eta parte-hartzea jorratu ditue Alexander Ugalde, Cecilia Arrozarena, Felix Julio Alfonso López eta Joseba Agirrezkuenaga historialariek Patria y libertad. Los vascos y las Guerras de Independencia de Cuba (Txalaparta) liburuan.
Koktel tropikalaren modukoa da Itziarren Semeak taldearen disko barria
2012-11-22 14:44 Musikea
Dale Candela izen latinoa ipini deutso talde bizkaitarrak bere lanari. Izan be, alde batetik, erritmo barrien bila Latinoamerikako musikeari begiratu deutsie eta, estetikan be, hango iraultza herrikoiak gogoan izan ditue.
2012 Euskadik ‘Gernika- Astra tailerrak: armak egitetik, kultura sortzera’ liburua aurkeztu dau
2012-11-22 14:31 kulturbiz
2012 Euskadik Gernikazarra Historia Taldearen laguntzinoagaz argitaratu dau aitatu liburua, eta ekimen horren bitartez aldaketa historiko baten metaforea egin nahi izan dau, arma-fabrika izandako Astra lantegiak kulturea sortzeko gune bihurtzeraino izan dauen eraldaketea, hain zuzen.
Bilbao Voz Project, ahots-pedagogia arloko hutsuneak beteteko egitasmo barria
2012-11-22 14:29
Juan Carlos Garaiazabalek eta Bettina Aragonek Bilbao Voz Project ekimena aurkeztu dabe Bilboko Alondigan. Ahotsaren inguruan, hainbat arlotan (irakaskuntzan, arte eszenikoetan, osasunean eta abar) beharrean dabilzan profesionalak batu dira plataforma honetan. Urtarrilean Ahots-entrenemandua Diplomea eta Terapeutentzako Ahots-adierazpen Diplomea ikasketak ipiniko ditue martxan.
Ia ehun proiektu eta webgune izango dira lehian 2012ko Buber sarietan
2012-11-22 13:33
Internet & Euskadi alkarteak antolatzen dituan Buber sarien hamargarren edizinoan 92 proiektu eta web-orrialde aurkeztu dira lehiaketan dagozan bederatzi kategorietan lehiatzeko. Sari-emote ekitaldia zemendiaren 29an izango da, Donostiako Kursaal Jauregian.
Berreginen Museoak Bilboko zubi historikoei buruzko erakusketea inaugurau dau
2012-11-22 13:02 Kulturea
Bilboko zubi historikoen 19 maketa jasoten dituan Bilbao Zubiz zubi erakusketan Jaime Gustavo Laítak gure uribilduan 1300 eta 1902 urteen artean eregitako zubiak maché papelean irudikatu ditu. Urtarrilaren 31ra arte zabalik egongo dan erakusketea, Pedro Telesforo de Errazquinek XIX. mendearen bigarren erdialdean Bilboko zubiei ataratako argazkiek osotzen dabe.
Nabarmenak
Sarrera behar da? Aurretik erosi behar da?
»» 'Erbestez erbeste', bertso saio literarioa