Gehibat Kultura Alkarteak jaso dau Lautan Hiru laguntzea

| Ikusi handiago | Argazki originala

Euskaltzaindiak antzerki-produkzinoa sustatzeko laguntzea 2020an sortu eban, Bilboko Udalaren babeseagaz. Sari horren helburu nagusia da euskerazko antzerkia sustatzea, batez be, lan laburren sorkuntzeari bultzadea emoteko.

Holan, aurtengo Lautan Hiru laguntza Gehibat Kultura Alkarteak irabazi dau, Zaku berekoak lan laburrari esker. Xabin Fernandezen proiektua da eta gidoia be, berak idatzi dau. Dana dan, Intujai Konpainiagaz alkarlanean sortu dabe proiektua eta antzezlana 2026ko zezeilean atonduko dan VIII. Lautan Hiru jaialdian estreinauko da.

Epaimahaiko kideen arabera (Tartean, Bira Kultura, 7Katu eta Euskaltzaindia), testuan ausardia erakutsi dau egileak eta txotxongiloak baliatuz indar handia har leikee lan ilun horrek.

Zaku berekoak

Gizon batek familiagaz ospatu gura dau urtebetetzea. Baina, zer pasetan da inork erantzuten ez deutsonean? Zaku berekoakek akorduaren eta eromenaren artean dabilen arimearen istorioa da. Odolekoa ez dauen haren familia, panpin erraldoien irudian jasoko dau ikusleak, bizitea antzeztua gura dauen gizon baten delirio poetiko moduan. Bakarrizketa dramatiko horretan, antzerkia eta txotxongilo-teatroa buztartzen dira, gizakiaren barneko hausturea erakusteko.