Aktualitatea

Bizkaiko Txakolinaren 1,8 miloe litro produziduko dira aurten

Bizkaiko Txakolina egiteko mahats-batzea laster hasiko da, mahasti txiki batzuetan hasi dira dagoeneko beren lehenengo lanetan, nahiz eta oro har datorren astean hasiko dan mahats-batzea Bizkaian dagozan 385 hektarea mahastietan. Aurten 50 hektarea barri hasi dira mahatsa emoten eta, ondorioz, produkzinoa 1.800.000 litrokoa izango da.

Ambrose Akinmusire tronpetisteak abiatuko dau 365 Jazz Bilbao zikloaren bigarren zatia

Urriaren 15ean, Ambrose Akinmusire tronpetista estadubatuarrak Bilboko Alkarte Filarmonikoan joko dau, 19:30ean. Kontzertu honek Bilbao 700 Fundazinoak antolatzen dauen 365 Jazz Bilbao zikloaren denporaldiko bigarren zatia zabalduko dau.

Edegi dabe .eus domeinu-izenak eskatzeko epea

Abiarazote aldia martxan dago, .eus domeinuak eskuratzeko lehentasunezko fasea, hain zuzen be. Zemendiaren 18an amaituko da epea, eta tarte horretan eskatutako domeinuak guztiak abenduaren 3an aktibauko ditue, Euskerearen Nazinoarteko Egunean. Josu Waliño puntuEUSen zuzendariak prozesuaren ganeko zehaztasunak azaldu zituan atzo Bilboko Kafe Antzokian egin eben prentsaurrekoan.

Udalbiltzak udaletan kudeatuko ditu Behatokiaren euskerearen telefonoan batutako kexak

Udalbiltzak eta Kontseiluak lankidetza hitzarmen bat aurkeztu dabe bart eta akordioaren ondorioz, Euskal Herriko Garapen eta Kohesino Fondoak 10.000 euro emongo deutsoz Kontseiluari, Hizkuntz Eskubideen Behatokiaren bitartez lana egin daian.

Ahotseneako programazinoa egun bakarrean bete da

Ahotseneako programazinoa izena emoteko epea zabaldu dan egun berean bete da. Nabarmentzekoa da, zuzenekoen kasua; ordubete eta erdian osotuta geratu zalako. Ondorioz, 15 talde baino gehiago zuzenean joteko aukera barik gelditu ziran. Era berean, hainbat idazle ere literaturzaleakazko barriketaldietarako leku barik gelditu dira.

Julian Barnes hizkuntza ingeleseko gaur egungo narrazinogilerik onenetakoak V. BBK Bilboko Barrea saria jasoko dau

Eleberrigile ingelesaren parte-hartzeaz gan, genero honetan parekorik ez dauen jaialdi honen bosgarren edizinoan, literaturea, umore grafikoa eta zinema arloetako maila goreneko egileen presentzia nabarmendu behar da, Jean Echenoz, Emmanuel Carrere, Luis Goytisolo, Isabel Coixet edota marrazkigintzan 50 urte egin barri dituan Forges marrazkilaria tarteko dirala.

Euskerearen zabalkundean gurasoen garrantzia azpimarratu dabe hezkuntzako eta euskaltegietako arduradunek

Umeen hezkuntzan eta helduen euskalduntzean jarduten diran eragileetako ordezkariek bat egin dabe, Zatoz euskaltegira aldarriaren inguruan. Batez be gurasoak animau nahi ditue euskerea ikastera edo euren euskerea hobetzera, horrek hizkuntzearen transmisinoan eragingo dauelakoan. Seme-alabak D ereduan sartzea ez dala nahikoa eta gurasoek umeak euskalduntzen jarrera aktiboa euki behar dabela azpimarratu dabe.

'Tunelak, izarak, mozorroak eta bafleak' liburua aurkeztu dau Josu Martinez bilbotarrak

Hamar igesaldi ahalegin batu ditu Josu Martinezek Tene Mujika bekearen laguntzinoagaz kaleratu barri dauen Tunelak, izarak, mozorroak eta bafleak beharrean. Istorio ezagunak dagoz tartean, berbarako, Segoviako igesaldia. Elkar etxeak argitaratu dau, Lekukoak izeneko bilduman.

'Goazen gudari danok…' liburua aurkeztu dabe

San Migeleko burrukea gai hartuta, Patxi Juaristi soziologoa, Aitor Esteban, Francisco Etxeberria auzitegi-medikua eta Josu Chueca eta Iñaki Goiogana historialariak dira dibulgazino historikoko liburua idatzi dabenak. Liburuak, Alfredo Etxeberria Elgoibarko alkateak idatzitako hitzaurreaz gan, bost kapitulu ditu, egile bakotxak bana eginda.

'Jazkerak Bizkaiko jantzetan' erakusketea ikusgai, Basauriko Pozokotxe kultur etxean

Euskal Herriko XLII. Jantza Agerketea dala eta, Jazkerak Bizkaiko jantzetan erakusketea edegi dabe Basauriko Pozokoetxe kultur etxean. Jantziekaz batera, erropa bakotxa ze jantzatan eta noiz erabilten dan azaltzen da. Bizkaiko Jantzarien Biltzarra federazinoak da antolatzailea. Urriaren 10era arte egongo da zabalik.

Aste erabagigarria Eskozian...

Badator barriro 'Eztabaidak Literatureagaz' ekimena Santiago Roncagliolo eta Juanjo Olasagarregaz

Eztabaidak Literatureagaz martitzenean, hilaren 16an, bueltauko da Bilboko Bidebarrieta Kulturgunera. Oraingo honetan, eztabaidea Santiago Roncagliolo idazle eta kazetari perutarraren eta Juanjo Olasagarre egile nafarraren artean izango da. Idazle biek literaturearen eta agintearen edo boterearen arteko loturearen ganean berba egingo dabe.

Unai Villenak 'Hauts haietatik' nobelea argitaratuko dau, Igartza Sariari esker

Elkar argitaletxeak, Beasaingo Udalak eta CAF enpreseak antolatzen dituen Igartza Sarien 17. edizinoko irabazlea Unai Villena elgoibartarra da. Uxue Alberdik, Igor Estankonak eta Danele Sarriugartek osotutako epaimahaiak Hauts haietatik proiektua aukeratu dau, hogeita bi lanen artean.

'Euskaraz bizi nahi dut' film labur lehiaketearen sari banaketa ekitaldia irailaren 22an izango da

Zinema munduan euskerearen normalizazinoaren alde egindako lanagaitik autortzea egingo jako aurten Lekeitioko Euskal Zine Bilereari 30 urte baino gehiago baitaroaz lan horretan.

Durangoko Azokako guneetarako aurkezpen-proposamenak online jasoko dira

Durangoko Azokako guneetan, Areto Nagusian, Ahotsenean, Kabi@n, Irudienean, Saguganbaran eta Szenatokian aurkezpen-proposamenak egiteko epea zabalduko da lehenengoz, eta online bideratuko dira. Guneez gan, Azoka TBn bideoklip emonaldiak izango dira. Diskoetxeek zein musika taldeek be online egin leikie bideoklipen aurkezpenetarako proposamena.

'Nor gara?' bildumako lau liburu barri argitaratu ditu Elkar etxeak

Uxue Alberdi bertsolari eta idazleak eta Julen Tokero ilustratzaileak Pirritx, Porrotx, Marimotots, Pupu eta Loreren istorioak kontetan dituan bildumako lau lan barri kaleratu ditue: Porrotx beldurtuta, Pirritx umore zakurra, Marimotots pozik eta Pupu eta Lore triste.

Bertoko eta kanpoko argazkilarien topaleku izango da Bilbo urrian

Bilboargazki ekimenaren zortzigarren ekitaldiaren barri emon dabe Udalak eta Euskal Herriko Argazkilari Taldeen alkarteak. Oraingo honetan, bertoko zein atzerriko argazkilarien zortzi erakusketa, tailerrak eta berbaldiak programau ditue. Ganera, igazko arrakastea ikusita, umeentzako argazkilaritza lantegia barriro egitea erabagi dabe. Erakusketak Bilboko hainbat lekutan egongo dira ikusgai urrian.