Aktualitatea

Unai Elorriagak eta Felipe Juaristik irabazi dabe 2014ko Espainiako Kritika Saria

Iazko hezurrak (Susa) Unai Elorriaga idazle algortarraren nobeleak, eta, Piztutako etxea (Erein) Felipe Juaristiren poema liburuak, irabazi ditue Espainiako Kritika Saria, narratiba arloan eta poesia arloan, hurranez hurran. AECL Espainiako Literatur Kritikarien Alkarteko kideek joan dan urtean kaleratutako lanen artean aukeratu ditue algortarraren eta azkoitiarraren beharrak.

Gaizka Zabarte zaldibartarrak 'Jende desegokia' nobelea argitaratu dau

Bigarren nobelea dau Jende desegokia (Susa) Gaizka Zabarte idazle zaldibartarrak. Mendekua, amodioa eta desamodioa ditu osogai nagusi istorioak. Egileak berak aurkezpenean esan ebanez, ibilera desegoki batzuen kontakizuna da eleberria.

Labayru Fundazinoa aurkeztu dabe

Aurrera begira dituan helburuak eta konpromisoak aurkezteko Bide barriak izeneko ekitaldia egin eban Labayruk atzo, hilak 16, Bilboko BBK Salan. Aurrerantzean ikastegi barik fundazino izango dala iragarri eben. Labayruko arduradun eta beharginez gan, erakunde publikoetako hainbat ordezkari izan ziran ekitaldian, besteak beste, Iñigo Urkullu lehendakaria, Miren Josune Ariztondo Kultura diputadua eta Patxi Baztarrika Hizkuntza Politikako sailburuordea.

Donostiako Giza Eskubideen XIII. Zinemaldia apirilaren 17tik 24ra bitartean izango da

Donostiako Giza Eskubideen XIII. Zinemaldian, 26 film luzek, 16 film laburrek, antzezlan batek, lau erakusketak eta hainbat jarduera paralelok osotzen dabe aurtengo programazinoa. Zhang Yimou zuzendariaren Coming Home (2014) film txinatarrak inaugurauko dau apirilaren 17an, barikuan, Victoria Eugenia antzokian, Donostiako Udaleko Giza Eskubideen Sailak eta Donostia Kulturak antolatutako Zinemaldia.  

Mikel Peruarenak irabazi dau 2014ko 111 Akademiaren Saria

111 Akademiako akademiakideek hautatu eta izentauta, Mikel Peruarenak idatzi eta Susa argitaletxeak plazaratutako Su zelaiak eleberriak jasoko dau 2014ko 111 Akademiaren Saria. Hiru bozketa txandetan garatu da aukeraketa prozesua, urtarrilean hasi eta apirilaren 12an amaitu dana. 

Governors taldeak 'Su garaian' zuzeneko lana argitaratu dau

Sasoi baten lekukoa da Su garaian (Baga-biga) zuzenekoa lana, Governors taldearen bederatzi urteko ibilbidearen laburpena, taldekideen esanetan. Hemeratzi kanta ditu diskoak, euren eta jarraitzaileen artean aukeratutakoak. Makinatxu bat zuzeneko ditue hemendik aurrera, baina 2016an deskantsau egingo dabe. Astegoienean Bizkaian joko dabe, barikuan, Ondarroako Beikozinin, eta zapatuan, Otxandion.

Literatura erotikoa egitea erronka gatxa dala uste dabe Gutun Zurian parte hartuko daben idazleek

Erotismoa izango da aurtengo jaialdiko ardatz nagusia. Javier Marias eta Harkaitz Canok, Gutun Zurian egongo diran idazleetako bik, erotismoaz gogoetea egin dabe goizean. Gaur egun tabuak apurtu diran arren eta literaturan gero eta eszena erotiko gehiago badagoz be, Cano eta Marias bat etorri dira, kalidadezko narrazino erotikoak ez dirala horren arruntak. Izan be, euren esanetan, idazkera sensuala lantzea erronka gatxa da. 

BizkaIdatz Txikia literatur lehiaketa barria martxan dago

Ume eta gaztetxuei zuzendutako sariketa barria da BizkaIdatz Txikia. Bizkaiko Foru Aldundiak antolatuta, helburu nagusia da literatur sorkuntzea bultzatu eta sustatzea. Maiatzaren 29an amaituko da lanak bialtzeko epea.

Donostia 2016k eta Etxepare Institutuak 'Itzultzaile barriak' proiektua abiarazo dabe

Donostia 2016k eta Etxepare Euskal Institutuak Itzultzaile barriak proiektua aurkeztu barri dabe; horren bidez, nazinoarteko literatur itzultzaileak aukeratuko dira euskerea ikasi eta, ondoren, euskal literatur obra bat euren ama hizkuntzara itzuli deien. 

'Futatsume no mado' (Aguas tranquilas)

Futatsume no mado ez da ikusle guztientzako egokia. Hasteko, geldoa da, oso geldoa. Eszenatokia ugarte japoniar bat da. Haizea, olatuak, noizean behin ekatxen bat. Berba gitxigaz eta begirada luze askogaz, gazteen arteko hartu-emona eta euren garapen personala ikusiko doguz. Film personala eta bitxia da, momentu eder batzuk dituana, baina aspergarria be izan daitekeena

Euskerea be 'On Kixote poliglota' lanean presente

Euskereak El Tobosoko Udalak bultzatutako proiektu barritzaile batean parte hartu dau, izan be, Toledoko udalerri honek, On Kixote poliglota lana osotu dau, Cervantesen maisulanaren (bigarren zatiaren) edizino eleanitz bat, hain zuzen be. Gogoratu behar da lan honek 400 urte bete dituala aurten eta, hau dala eta, El Tobosoko Udalak hainbat ekimen antolatu dituala ospakizun modura. 

Seiurte talde berriztarrak 'Ezpalak' estudioko seigarren lana aurkeztu dau

Zortzi kanta ditu Seiurte laukotearen Ezpalak disko barriak, aurrekoetan baino abesti gitxiago, baina indar eta energia beragaz. Laster hogei urte beteko ditu Berrizko taldeak, eta gogotsu dagoz behar barria jentaurrean aurkezteko. Lehenengo kontzertua maiatzaren 1ean emongo dabe, Tolosako Bonberenean.

Kirola egitea ez da beti osasuntsua...

The Predatorz talde errusiarra Bilboko BreakOnStage jaialdian, apirilaren 25ean

Munduko breakdance txapelduna The Predatorz zazpikotea eta Infamous talde europar onena Bilbao Arenan izango dira hilaren 25ean, BreakOnStage Nazinoarteko Kultura Urbano Eszenikoen Jaialdiaren 15. edizinoan. Agertoki bakarrean kultura urbanoaren espezialidade anitzak ikusteko aukerea izango da aurten be, 19:00etatik aurrera. Elorrioko Arriola Antzokia eta Logela Multimedia taldea dira antolatzaileak.