Keeling anaien 'The House on Pines Street' lan luzeak edegiko dau Bilboko Fant jaialdia
2015-03-30 15:44 Zinemea
Maiatzaren 8an abiatuko da 21. Fant Bilboko Fantasiazko Zinemaldia, eta Aaron eta Austin Keeling anaien lehenengo film luzea dan The House on Pine Streetpelikulea izango da lehenengo proiekzinoa, Campos antzokian. Antolatzaileek nabarmendu dabenez, Europako estreinaldia izango da ganera. Egileak eurak be inaugurazino-ekitaldian izango dira.
Ingurumen Kazetaritzearen I. Saria sortu dabe
2015-03-30 15:17 Kulturea
Eusko Jaurlaritzako Ingurumen eta Lurralde Politika Sailak, Ihobe soziedade publikoagaz batera, Ingurumen Kazetaritzearen I. Saria iragarri barri dau. Ingurumenaren inguruko baloreak herritarren artean zabaltzean kazetariek funtsezko eginkizuna betetan dabe, antolatzaileen esanetan. Saria irabazteko hautagai izango dira EAEko edozein hedabidetan euren izenagaz edo ezizenagaz kazetaritzako lanen bat argitaratu, bialdu edo zabaldu daben komunikazinoko profesionalak.
Ander Aldekoa Imaz: 'Etorkizuna hemen dago, etorkizuna gaur da'
2015-03-30 12:17 Barriketan
Nabari etxearen sortzailea
Madeleine Peyroux eta Stanley Jordan Getxoko 39. Jazzaldian izango dira
2015-03-30 11:51 Musikea
Getxoko 39. Jazzaldiaren saio nagusien eskaintzea dagoeneko osotuta dago, Madeleine Peyroux abeslariagaz eta Stanley Jordan gitarristeagaz. Bi izen handi horreek, iragarrita egozan Stanley Clarke, Joe Lovano eta Avishai Coheni gehitu jakez. Danetara, 18 saio izango dira garagarrilaren 1etik 5era Getxon, eta sarrerak eta bonuak maiatzaren 4an jarriko dira salgai.
Julio Sotok irabazi dau 2015eko Nafarroako Bertsolari Txapelketea
2015-03-30 10:18 Bertsolaritzea
Julio Sotok irabazi dau Elizondon joan dan zapatuan jokatutako 2015eko Nafarroako Bertsolari Txapelketako finala. 1.250 bertsozalek jarraitu dabe finala bertatik bertara. Bigarren postua Xabier Terrerosentzat izan da eta, haren ondoren, Eneko Lazkoz, Oskar Estanga, Eneko Fernandez, Ander Fuentes, Julen Zelaieta eta Aimar Karrika sailkatu dira.
Aiko taldeak umeen jolas eta kantu tradizionalak helduei erakusteko tailerra antolatu dau
2015-03-27 14:58 kulturbiz
Tailerra zapatuan, martiak 28, 12:00etatik 13:30etara bitartean egingo da, Bizkaia Aretoan (Abandoibarra 3, Bilbo). Matrikulearen prezioa 10 eurokoa da, eta plaza kopurua mugatua danez, izen-emotearen hurrenkereari jarraituko jako. Inskripzinoa 634 423 539 telefonoan egin daiteke dagoeneko.
Gaur-gaurko gaiak ardatz hartuta, Udako Ikastaroak antolatu ditu EHUk
2015-03-27 13:48 jardunaldiak
Bagilean hasi eta irailera arte, 124 jarduera eskainiko ditu aurten unibersidade publikoak. Dagoeneko, 34. ekitaldira heldu dira udako ikastaroak eta, urtero legez, gaurkotasuneko gaiak izango dira ardatz. Disziplina guztietako ikastaro, topaketa eta tailerrak eratu ditue eta, eleaniztasunaren bidean, ingelesezko eta euskerazko eskaintzea indartu dabe, gaztelaniazkoaren alboan. On-line kurtsoak be sendotu nahi ditue.
Euskaltzaindiak Azkoitian egingo dau osoko bilkurea, Euskalerriaren Adiskideen Elkartearen 250. urteurrenean
2015-03-27 11:47 kulturbiz
Azkoitiko Euskalerriaren Adiskideen Elkarteak 250 urte bete ditu, eta Euskaltzaindiak osoko bilkurea bertan egitea erabagi dau, Intsausti Jauregian. Batzarra goizean egin ostean, arrastian, Udalagaz batera, alkartearen omenezko agiriko bilkuran parte hartuko dabe. Amaieran, Peñafloridako kondearen Mozkorra barregarri operea komikoa antzeztuko da.
Krysztof Warlikowskik idatzitako testua irakurriko dabe gaur Bilbon, Antzerkiaren Nazioarteko Egunean
2015-03-27 11:18 Kulturea
Bilboko Arriaga plazan egingo dabe Antzerkiaren Nazinoarteko Egunaren adierazpenaren irakurketa antzeztua, 12:00etan. Aritza Rodriguez antzezle eta musikariak leiduko dau testua, eta alboan Shakti Olaizola bihurrikaria izango dau.
Uribe Kostak irabazi dau XXIII. Bizkaiko Bertsolari Gazteen BBK Sariketea
2015-03-27 09:12 Bertsolaritzea
Ariketa danak egin ostean, Uribe-Kostak 374 puntu lortu zituan; Lea-Artibaik, ostera, 370.
Bestalde, finalista gazteenari saria Aritz Landeta Terceñori egokitu jako, eta Txapelketako bizkaiera egokienari saria Leire Amenabar Larrañagari.
19. Korrikari ondoetorria emoteko jaia prest Bilbon
2015-03-26 14:51 Euskerea berbagai
Azken eguneko ibilbideari jagokonez, goizeko 07:16an sartuko da Bilbon Korrika 19, Enekuritik. Deustua, Zorrotza, Errekalde, Indautxu, Abusu, Alde Zaharra, Santutxu, Guggenheim aldea... euskahaldunduz, 12:25ak aldera helduko da San Nikolasera, Arenaleko zubia pasauta. Urepelen lekukoaren barruan sartu genduan mezua ezagutzeko momentua izango da orduan.
Ipar Euskal Herriko egileak dira protagonista 'Erlea' aldizkariaren zortzigarren zenbakian
2015-03-26 14:08 Euskerea berbagai
Bernardo Atxaga idazleak zuzendu eta Euskaltzaindiak argitaratzen dauen Erlea agerkariaren zortzigarren zenbakia aurkeztu dabe Bilbon, Euskaltzaindiaren egoitzan. Egile ugariren beharrak batu ditue 104 orrialdetan, tartean, Eneko Bidegain, Janbattit Dirassar, Julian Zabalbeascoa, Uxue Apaolaza, Iñigo Astiz, Irati Elorrieta, Josu Txueka eta Josemari Iturralderenak. Azala eta barruko ilustrazinoak Xabier Idoatek egin ditu.
Antzerkigintzako eragileak baikor dagoz, 2014ko datuak ikusita
2015-03-26 12:56 Kulturea
Euskadiko Antzoki Sarearen igazko memoria aurkeztu dabe Bilbon. Sarearen partaide diran 54 antzoki publikoetan, emonaldi gehiago egon ziran 2013an baino eta publikoaren gorakadea be nabarmentzekoa izan zan. Uri handietan zein herri txikiagoetan eskaintza zabala eta anitza dago eta, horri esker, krisi ekonomikoari sendo egin ahal izan deutso aurre arte eszenikoen sektoreak.
Manu Katché 365 Jazz Bilbao zikloan izango da martiaren 31n
2015-03-26 11:34 Musikea
Bilbao 700 Fundazinoak antolatzen dauen 365 Jazz Bilbao zikloaren zortzigarren denporaldiak Manu Katché perkusionista eta konpositore frantsesaren emonaldia eskainiko dau martiaren 31n, Campos Eliseos antzokian, arratsaldeko 20:00etatik aurrera.
Anne Sexton, Sophia de Melo eta Gabriel Ferrater poetak, 'Munduko poesia kaierak' bilduman
2015-03-26 11:01 Kulturea
Munduko poesia kaierak bildumako hiru antologia barri aurkeztu ditu Susa argitaletxeak, Anne Sexton, Sophia de Melo eta Gabriel Ferraterrenak, hain zuzen be. Harkaitz Canok, Iñigo Roquek eta Aritz Galarragak euskeratu ditue olerkiak.
‘Zelan bizi dogu euskeria Elorrixoko gaztiok?’
2015-03-26 10:02 Euskerea berbagai
Gazteen arteko euskera erabilerearen datu txarrak arduratuta, gazte talde bat dogu Elorrion, egoereari bueltea emoteko gogoz. Ebalixu da taldearen izena. Gure kezketatik abiatuta, herriko gazteakana jo dogu eurak euskerea zelan bizi daben galdezka. Batutako materialagaz ikus-entzunezko lan bat egin dogu, eta martiaren 28an proiektauko dogu Arriola kultur aretoan, arratsaldeko 18:00etan.
David R. L. irundarraren 'La noche del raton' filmaren estreinaldia eskainiko dau Fant 21 zinemaldiak
2015-03-25 14:41 Zinemea
Joan dan zezeilean Santa Barbara SBIFF (Los Angeles) Jaialdian estreinau ondoren, La noche del ratón Bilbon ikusi ahal izango da Espainian lehen aldiz, Fant 21 zinemaldiaren barruan, maiatzaren 21ean (gaueko 22:00etan), talde osoaren presentziagaz. David R. L. irundarrak zuzendu eta Asier Vázquezek produzidu dauen filmaren protagonistak Unai García eta Miriam Cabeza antzezleak dira.
Kepa Junkeraren ibilbide osoa batu dabe 'Hauspo bidaiaria' erakusketan
2015-03-25 14:22 Kulturea
Musikari eta produktore bilbotarraren lana ezagutzeko bidaia dakar Bilboko Azkuna Zentroan zabaldu barri dan Hauspo bidaiaria erakusketeak. 80. hamarkadatik gaur egunera arte Kepa Junkerak berak batutako erretratuak, diskoak, tresnak eta beste hainbat kontu dagoz ikusgai, maiatzaren 3ra arte. Topaketak eta kontzertuak be antolau ditue, eta danak dira debalde.
Gatazken inguruan idatzi dau Katixa Agirrek 'Atertu arte itxaron' bere lehenengo nobelan
2015-03-25 14:10 Kulturea
Euskal Herrian zehar kotxez egindako bidaia baten kontakizuna da Atertu arte itxaron (Elkar), Katixa Agirre gasteiztarrak idatzitako lehenengo eleberria. Uliak jaioterriko txokorik politenak erakutsi gura deutsoz Gustavo bikoteari, baina halako batean egoerea okertu egingo da, emakumearen sekretu bategaz topo egitean.
Rosa Maria Sarda 2015eko Ohorezko Max Saria
2015-03-25 13:05 Kulturea
Bizitza luze, oparo eta sari zein errekonozimenduz betea daroa antzerkigintzan eta zinemagintzan Bartzelonan 1941ean jaio zan artisteak. Bokazinozko jarrera autodidaktikoa izanik, hogeita lau urtegaz lehenengo aldiz taularatu zanez ez ditu oholtzak baztertzerik izan, antzerki, zinema, telebista baita zuzendaritza proiektuetan be lan egin izan dau.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...