Aktualitatea

Hemen da Zientzia Cluba, bakarrizketa zientifikoz, umorez eta musikaz beteriko ikuskizuna

Zientzia Cluba zemendiaren 5etik 9ra bitartean izango dan UPV/EHUren XIV. Zientzia Astearen aurrerapena izango da. Urriaren 27an zabalduko da XIV. Zientzia Asteko ekintzetan parte hartzeko izena emoteko epea. Helburu gazte eta nagusiak zientziaren eta teknologiaren mundura erakartea da, gaiok sorrarazoten dituen errezeloak eta bildurrak baztertuz.

Hesian talde nafarrak 'Hegoak astinduz' seigarren diskoa aurkeztu dau

Kontzertuak albo batera itxi, eta diskoa trankil lantzeko aukerea izan dau oraingoan Hesian bandeak. Horren emoitzea da hamalau kanta dituan Hegalak astinduz (Baga Biga) diskoa. Aurreko beharren aldean prozesua guztiz desbardina izan dala dinoe, eta igarriko dabela entzuleek. Zemendiaren 28an aurkeztuko dabe diskoa zuzenean, Bilborocken, Banden Lehia sariketearen finalean.

'Friends. Abentura munstroen uhartean' animazino film japoniarra euskeraz ikusiko dogu gure zinema-aretoetan

Friends: Mononokeshima no Naki (Friends: Naki on the Monster Island) barikuan estreinauko da, eta hemen, Friends. Abentura munstroen uhartean izenpean ikusi ahal izango dogu euskeraz. Oraingoz Cinesa Artea, Cinesa Max Ocio, Cinesa Zubiarte, Cinesa Urbil eta Niessen Zinemak aretoetan estreinauko da baina ondoren zirkuitua zabaldu egingo da.

'Cafe Bar Bilbao' Teatro Laburreko Sarien 12. edizinoa martxan dago

Formatu txiki edo kafe-teatro izeneko antzerki muetarako lanen lehiaketea antolatu dau Bilboko Cafe Bar Bilbaok. Euskerazko eta gaztelaniazko beharrak bialdu daitekez, eta gehienez be 30 minutuko antzezlanerako izan beharko dabe. Gidoiak bialtzeko azkenengo eguna abenduaren 31 da.

Ikusten dozue argirik inon?

Korrontzi, Oreka TX, DJ Makala eta Euskadiko Soinuak XX. Womex azokan izango dira

Womex munduko musikei eskainitako topaketa profesionala da, nazinoarteko azokaz gan, kontzertuak eta showcase saioak antolatzen dituana. Topaketeak 90 herrialdetako 2.500 ordezkari inguru eta 1.260 enpresa espero ditu aurten, horreen artean 800 programatzaile, 500 zigilu, editore eta banatzaile eta 300 kazetari inguru.

'Txotxongiloak igandero' zikloaren bosgarren edizinoa prest dago Bilboko Campos Antzokian

Zemendiaren 2tik urtarrilaren 4ra bitartean, domekero umeei zuzendutako txotxongilo emonaldiak antolatu ditue Bilboko Campos Antzokian. Danetara, bederatzi antzezlan programau ditue, goizez eta arrastiz. Saio gehienak 3-4 urteko ikusleentzako dira, baina badagoz nagusiagotxuentzako bere, 6 bat urtekoentzat.

'Iparra Galdu Gabe' jardunaldiak Getxon

Ipar Euskal Herriaren errealidadea Getxora hurreratzea da, Euskal Kultur Erakundeagaz lankidetzan eta udalerriko euskalgintzeagaz batera, bi urtean behin Getxoko Udalak antolatzen dituan Iparra Galdu Gabe Jardunaldien helburua. Aurten VI. edizinoa izango da, urriaren 23tik zemendiaren 4ra bitartean.

Lehenengo aldiz Nafarroa osoan euskeraz ikasi ahal izango da

Eremu ez-euskalduneko ikastetxe publikoetan D eredua ezarri ahal izateko, Nafarroako Euskerearen Legea aldatzeko proposamena aurkeztu dabe Nafarroako Parlamentuan PSNk, Geroa Baik eta Ezkerrak.

22 herrialdetako 123 pelikula izango dira ikusgai VII. Bilbao Mendi Film Festivalen

22 herrialdetako 123 pelikulek dabe aukerea Bizkaiko uriburuak abenduaren 12tik 21era hartuko dauen Bilbao Mendi Film Festivaleko, Mendi Zinemako Nazinoarteko Jaialdiko, 7. edizinoan parte hartzeko. Antolakuntzeak laster hautatuko ditu lehiaketan parte hartuko daben pelikulak, 40 inguru izango dira.

Kanadako belardien kulturea Bilbora dator Creative Saskatchewan plataformearen eskutik

Creative Saskatchewan enpresa aurrendaria da industria kulturalen garapenaren inguruan, izen bereko eskualdean, Kanadan. Iparramerikako komunidade honen mobimentu kulturala ezagutzera emotearren antolatutako ekitaldiak urriaren 29a eta zemendiaren 2a bitartean izango dira.

Urriaren 25ean, Zarautzen, hasiko da Literatura Eskolearen ikasturte barria

Alfabeto barri bat eskatu eban Amaia Lasak 1971n, eta alfabeto barri bat irakurri gura dabe 2014an Literatura Eskolako kideek. Gero eta beharrezkoagoa deritxogu irakurteko alfabeto barri bat ikasteari, gero eta preminazkoagoa alfabeto barri bat idazteari, dinoe.  Larraitz Ariznabarretak abiatuko dau egitaraua, Martin Ugalde. Deserriaren kartografia izenburuko berbaldia emongo dau zapatuan, 10:00etatik aurrera, Zarauzko Sanz Enea liburutegian.

100 persona baino gehiagok parte hartu dabe Otxarmetraje, Otxarkoagako Film Labur Lehiaketan

Otxarmetraje lehiaketearen helburua Otxarkoagako auzoa ezagutarazotea da ikus-entzunezko lan baten agertoki legez erabiliz. Lehiaketeak bi astetan zehar auzoaren leku eta denda desbardinak erakutsiz film labur bat egitea dau helburu.

Marta Cardenas: 'Ez dauka bizitza bera eskuz egindako irudiak edo ordenagailuan egindakoak'

Durangoko Azokako kartelaren egilea

Odei Barrosok Aiherrako saioa eta finalerdirako txartela irabazi ditu

Puntuazinoari jagokonez, Odei Barrosok 221 puntu jaso zituan; Eneritz Zabaletak 217, Ramuntxo Christyk 215, Patxi Iriartek 201, Ortzi Idoatek 196,50 eta Ortzi Muruak 178,50.