Aktualitatea

'Sukaldatu' proiektua, familietan elikadura osasungarria bultzatzeko

Basque Culinary Centerrek (BCC), Ikastolen Elkarteak eta Eroskik Sukaldatu/A Cocinar ekimena gauzatuko dabe ikasturte honetan, familiarteko sukaldaritzea sustatu eta elikadura osasungarria bultzatzeko. Martitzenean abiau zan egitasmoa, Oiartzunen. Hurrengon hileetan 16 ikastolak hartuko dabe parte, danetara, 10 eta 14 urte arteko 1.280 neska-mutilek eta 320 gurasok.

Escobar: Paradise Lost

Film hau ez da Pablo Escobarraren ganeko biopic bat, abenturazko film bat baino, akzinoa, amodioa eta azpijokoa tartean dituala. Produktu entretenigarria da, aldi berean droga trafikatzaile kolonbiarraren mundua zelakoa zan ezagutzeko balio deuskuna.

ZINEBIk berbaldi-barriketaldia eskainiko dau Guggenheim Museoan Ulrike Ottinger dokumentalgileagaz

Bilboko Dokumentalen eta Film Laburren Nazinoarteko Jaialdiak Ulrike Ottinger zinemagile eta dokumentalgile aleman handiaren bisitea jasoko dau aurtengo edizinoan. Saioa eguenean, zemendiak 20, izango da Guggenheim Museoaren auditorioan, 20:00retan, eta bere azken filma, Unter Schnee (Edurpean), eskainiko da. Emonaldiaren ondoren berbaldi-barriketaldia egongo da zinemagileagaz.

Xenpelar Dokumentazino Jardunaldien lehenengo edizinoa, zemendiaren 20an eta 27an

Euskal Herrian zehar sortutako dokumentazino gaiei buruzko gogoetak bultzatu eta plazaratzeko asmoz antolatu ditue jardunaldiok. Urtero izateko amesagaz sortu dira, eta lehenengo edizino honetan euskal antzerkiaren dokumentazino beharrak izango ditue berbagai zemendiaren 20an eta 27an.

FANT jaialdiko euskal film laburren aukeraketa bat izango da Bartzelonako Bildurrezko Zinemaldian

Bartzelonan sei film labur eskainiko dira: Yayos (Roberto San  Sebastián), Peter Pan (Imanol Ortiz López), Jako de Troy (Javier  Arriaga), Una mierda de slasher (Miriam Ortega Domínguez), Mirage (Aitor Arenas) eta Cólera (Aritz Moreno).

Pedro Maria Unanue Nazinoarteko Kantu Lehiaketeak mundu osoko 88 kantari batuko ditu Bilbon

Zemendiaren 22an hasi eta 29an amaituko da kantu lehiaketearen hamabosgarren edizinoa. Kanporaketa eta finalaurrekoak Juan Crisostomo de Arriaga Konserbatorioan egingo ditue, finala, ostera, Euskalduna Jauregian. Hainbat herrialdetako parte-hartzaileak izango dira, gehienak emakumeak, 54 danetara. Irabazleek 12.000na euro jasoko ditue.

46 ikertzaile euskaldunen tesiak txiokatu ziran atzo txiotesia2 lehiaketan

#txiotesia2 lehiaketeak 176.133ko audientzia izan dau. Danetara, 147 txiolarik 777 txio idatzi zituen: 332 originalak, 427 aitamen eta 18 bertxio.

Badator Bideo-Jokoen IV. Fun & Serious Game Festival

Fun & Serious Game Festival jaialdia 2011. urtean sortu zan, aisialdiko bideo-jokorik eta joko seriorik (Serious Games) onenak saritzeko helburuagaz. Dagoeneko, bideo-jokoen inguruko Europako jaialdirik garrantzitsuena da. Aurten, zemendiaren 28tik abenduaren 3ra bitartean izango da hitzordua Bilbon.

Bizkaian euskerazko irratiaren aitzindari izandakoek jasoko dabe 2014ko Lauaxeta Ohorezko Saria

Lehenengo irratsaioa Bizkaian euskeraz egin eben profesionalei emongo deutsie Bizkaiko Foru Aldundiak aurtengo Lauaxeta Ohorezko Saria, hain zuzen be, Juan Mari Iraolagoitia, Inmaculada Gallastegi, Adolfo Arejita, Angel Mari Unzueta, Jesus Eguzkitza, Pedro Mari Goikoetxea, Jesus Etxezarraga, Maria Pilar Muniozguren eta Sabin Barruetabeñari. Sari-emotea Euskerearen Egunean izango da, abenduaren 3an.

200 bazkide barri ditu Plateruenak

Kanpainearen erdian, behar dogunaren laurena lortu dogu; ez da gitxi, baina ez da nahikoa, azpimarratu dau Nerea Iriarte zuzendaritzako kideak. Bost urtean Plateruena diruz laguntzeko konpromisoa hartu dabe dagoeneko, 200 lagunek. Bazkide barri horreei eskerrak emon deutseez gaurko agerraldian, eta oraindino konpromisoa hartu ez dabenei luzatu deutsee konbita

Adierazpen askatasuna, memoria historikoa eta kultur aniztasuna berbagai Bilbon

EHUko Zuzenbide Fakultadeko Bizkaiko ataleko Administrazino Zuzenbidea Sailak Adierazpen askatasuna, memoria historikoa eta kultur aniztasuna jardunaldiak antolatu ditu datorren eguztenerako eta eguenerako, zemendiaren 19 eta 20rako, Bizkaia Aretoan, Bilbon. Topaketa hori Cartooning for Peace erakusketeagaz batera egingo da eta Paueko Unibersidadeko eta EHUko irakasleek parte hartuko dabe.

Euskerearen transmisinoari buruzko lan-jardunaldia egin dabe gaur Bilboko Foru Liburutegian

Alkarbide Bizkaiko Lurralde Historikoko udal eta mankomunitadeetako euskera zerbitzuen bilguneak bost orduko mintegia antolatu dau gaur goizean, Foru Liburutegian.  Soziolinguistikan doktore eta Nafarroako Unibersidade Publikoko irakasle Paula Casaresek gidatu dau jardunaldia.

Black and Brown txartelak... Spain is diferent

Garazi Kamiok 'Orube abandonatuak' nobelea aurkeztu dau

Augustin Zubikarai bekeari esker bere lehenengo nobelea kaleratu barri dau Elkar argitaletxeagaz. Alkar lotzen diran hiru kontakizun agiri dira liburuan, bakardade gordina bizi daben hiru personaiaren istorioak. Sasoi desbardinetan jazo arren, danak orube bera dabe eszenatoki.

Pako Aristik euskereari buruz esandako hamasei guzur aztertu ditu 'Euskararen isobarak' lanean

Nafarroako Erresumearen sasoia dau abiapuntu Pako Aristik Erein etxeagaz kaleratu barri dauen Euskararen isobarak Hamasei gezur handi eta koda bat beharrak. Euskerearen inguruko diskursoa kutsatzen daben guzurrak detektetan ahalegindu da idazle gipuzkoarra; euskerea politizauta dagoala, ez dala modernoa, erakargarritasuna falta jakola eta abar.

Canal + kateak euskerazko azpidatziakaz estreinauko ditu filmak abendutik aurrera

Akordio honi esker, Canal+ kateak jatorrizko bersinoan eta euskerazko azpitituluakaz eskainiko ditu bere estreinaldi gehienak (euskeraz eta gaztelaniaz sortutako lanak izan ezik beste guztiak azpititulauko dira). Holan, ikusleak puntako telesailak eta filmak konsumiduteko aukerea izango dau hemendik aurrera. Eusko Jaurlaritzearen ustez, emondako pausu hau oso garrantzitsua da euskerearen normalizazinoari jagokonez.

Linda Lê idazle vietnamdarra Bilbon izango da 'Emakume idazleen mundua' programan

Bilboko Udalak antolatzen dauen Emakume idazleen mundua progreamaren topaketa barria datorren eguztenean, zemendiaren 19an, arratsaldeko 19:30etik aurrera, izango da Bidebarrieta liburutegian, Frantzian bizi dan Linda Lê idazle vietnamdarraren parte-hartzeagaz.