Elene Etxaniz eta Eva Vidal, IV. Bizkaidatz lehiaketako irabazleak
2012-04-24 14:29 sariak-autortzak
IV. Bizkaidatz edizinoko sariak banatu zituan Bizkaiko Foru Aldundiak apirilaren 23an, Liburuaren Nazinoarteko Egunean. Elene Etxaniz Agirre izan da sariduna euskerazko atalean, Uxiaren tesia lanagaitik, eta Eva Vidal Alvarez gaztelaniazkoan, La diosa beharrari esker.
Lauaxeta Ohorezko Sariari poesiazkoa eta ikus-entzunezkoa gehituko deutsoz Bizkaiko Foru Aldundiak
2012-04-16 15:04 sariak-autortzak
Aurtengo Lauaxeta Sariak barrikuntza garrantzitsuak ditu, izan be Lauaxeta Ohorezko sariaz aparte, beste bi emongo ditue, bata poesiazkoa, eta bestea ikus-entzunezkoa. Josune Ariztondo Kultura diputaduak prentsaurrekoan gogoratu dauenez, aurten 75 urte beteko dira Esteban Urkiaga Basaraz Lauaxeta fusilau ebenetik, eta Bizkaiko Foru Aldundiak omenaldia egin gura deutso.
Harkaitz Canoren 'Twist' nobelea, 2011ko Beterriko Liburu
2012-04-12 13:01 sariak-autortzak
Twist nobelea da 2011ko Beterriko Liburua sariaren irabazlea, 111 Akademiak jakinarazo barri dauenez. Aurten inoiz baino lehenago erabagi da, izan be Harkaitz Canoren liburuak ez dau hirugarren bozketa-txandarik behar izan boto kopuru nahikoa lortzeko.
Jon Artetxe Artabe areatzarra, Donostiako 47. Heineken Jazzaldiko kartel lehiaketako irabazle
2012-03-21 16:56 sariak-autortzak
Jon Artetxe bizkaitarraren Chillida izenburuko lanak irabazi dau Donostiako 47. Heineken Jazzaldiko kartel lehiaketea. Artetxek 1.200 euroko saria jasoko dau; ganera makina bat jentek ikusiko dau bere beharra, lehiaketearen arduradunek nabarmendu dabenez. Danetara, 1.333 kartel aurkeztu ziran lehiaketara.
Ibon Sarasola hizkuntzalari eta idazleak Euskadi Ikerketa Saria irabazi dau
2012-03-15 13:43 sariak-autortzak
2011ko Euskadi Ikerketa Saria irabazi dau Ibon Sarasola (Donostia, 1946) hizkuntzalari, idazle eta euskaltzainak. Epaimahaiak Sarasolaren zintzotasun zientifikoa azpimarratzeaz gan, bizitza osoan euskerearen alde egindako lanaren garrantzia goraipatu dau
Miren Asiainek irabazi dau VI. Etxepare Saria
2012-03-07 11:50 sariak-autortzak
Miren Asiain iruindarrak sortutako Hara! albumak irabazi dau VI. Etxepare Ilustrazino Saria. Egileak berak egin ditu bai irudiak bai testua be. 6.000 jasoko ditu Asiainek, ganera lana aurton argitaratuko dau Pamiela etxeak. Edizino honetan 16 lan aurkeztu dira.
Marie de Jongh taldeak Feten 2012ko Ikuskizunik Onenari Saria jaso dau 'Alabatxo' antzezlanagaitik
2012-03-05 16:30 sariak-autortzak
Marie de Jongh (Tartean) euskal antzerki taldeak Feten 2012ko Ikuskizunik Onenari Saria jaso dau Alabatxo antzezlanagatik. Xixonen egiten dan umeei zuzendutako arte-eszenikoen Europako Azokea da Feten eta aurtengo edizinoan 67 taldek hartu dabe parte, Austria, Frantzia, Bulgaria, Belgika, Danimarka, Kuba, Espainia eta Portugaletik etorritakoak, besteak beste.
Rikardo Arregi Kazetaritza Sarien 24. edizinoa martxan dago
2012-02-27 12:20 sariak-autortzak
Rikardo Arregi Kazetaritza Sarien 24. edizinoa martxan dago. Euskerazko kazetaritzan edozein euskarritan urte osoan egindako lanen artean onenan nabarmentzea eta saritzea dau helburu. Andoaingo Udalak sortu eban sariketea, Eusko Jaurlaritzearen laguntzino eta babesagaz. Lanak aurkezteko epea maitzaren 14an amaituko da, eta sari banakea bagilaren 30ean egingo dabe.
Miren Agur Meabe idazle lekeitiarrak Rosalia de Castro saria irabazi dau
2012-02-24 13:27 sariak-autortzak
Miren Agur Meabe idazle lekeitiarrak Galiziako Pen Clubek emoten dauen Rosalia de Castro saria irabazi dau. Epaimahaiak beste lau egile saritu ditu: Esther Vázquez idazle argentinara, José Viale Moutinho poeta portugaldarra eta Enric Casasses antzerkigile katalana. Aurtengoa bederatzigarren edizinoa izan da.
Irene Gomez, Ivan Poyato del Rio eta Ana Maria de Miguel, Sopelako 'Maite-maitea' lehiaketako irabazleak
2012-02-16 10:56 sariak-autortzak
Irene Gomez, Ivan Poyato del Rio eta Ana Maria de Miguel dira Maite-maitea maitasun gutunen lehiaketako irabazleak. Sopelako Kurtzio kultur etxean egindako galan jakinarazo zituen saridunen izenak. Aurtengoa lehiaketearen zortzigarren edizinoa izan da.
Patziku Perurena idazleak irabazi dau Larramendi Ikerketa Saria
2012-02-15 16:33 sariak-autortzak
Patziku Perurena idazle eta euskaltzain urgazleak Manuel Larramendi Ikerketa Sariaren lehenengo edizinoa irabazi dau, Unaia galdu eta Artzaia ugaldu (1780-1810) izenburuko lanari esker. Manuel Larramendi Kultur Bazkunak antolatu dau sariketea.
Gernika-Lumoko BHI Institutuko Literatura Lehiaketeak baditu irabazleak
2012-02-13 14:46 sariak-autortzak
Programa hau Hizkuntzearen Normalkuntza proiektuaren barruan sartzen da eta arrakasta handikoa izaten da institutuan. Lanen artean, kalidade handikoak be izaten dira, beste lehiaketa batzuetan aurkezteko moduan.
Blas de Otero Fundazinoaren 'Imagenes para unos versos' III. argazki lehiaketearen sariak erabagi dira
2012-02-08 13:14 sariak-autortzak
Blas de Otero FundazioNak eta Bilboko Udaleko Kultura eta Hezkuntza Sailak, idazle bilbotar bikainaren poesia ezagutarazotea helburu dauen Imágenes para unos versos argazki lehiaketearen saria Álvaro Escriche sevillarrari emotea erabagi dabe. Datorren martiaren 15ean, 96 urte beteko dira idazlea jaio zanetik.
Juan Mari Agirreurretak irabazi dau Jokin Zaitegi saria
2012-02-06 13:31 sariak-autortzak
Juan Mari Agirreurretak irabazi dau Literaturako Nobel saridunak euskeratzeko AEDk eta Elkar-ek Kutxaren laguntzinoagaz antolaturiko Jokin Zaitegi itzulpen-lehiaketea; holan erabagi dau Luigi Anselmi, Santi Leoné eta Joseba Ossa idazle eta itzultzaileek osoturiko epaimahaiak, aurkezturiko hamahiru lanen artean.
Karlos Linazasorok irabazi dau I. Xabier Lete poesia saria
2012-02-02 10:37 sariak-autortzak
Karlos Linazasoro eta Miguel Sanchez Robles dira Xabier Lete eta Gabriel Celaya poesia sarien irabazleak, hurranez hurran, Gipuzkoako Foru Aldundiak jakinarazo dauenez. Sarien lehenengo edinizinoa da aurtengoa. Linazasororen Ezer gehiago behar gabe lana saritu dau epaimahaiak, eta Sanchezen, Treinta maneras de mirar la lluvia.
Tanttaka konpainiaren 'Ipar haizearen kontra', euskal antzezlanik onena, Ercilla sarietan
2012-02-01 14:41 sariak-autortzak
Julieta Serrano eta Carmelo Gomezek urteko aktore onenaren saria eskuratu dabe, emakumezkoen eta gizonezkoen alorrean, hurranez hurran. Ibilbide artistiko osoari saria Gemma Cuervori emongo deutsie. Martiaren 13an izango da sari-banaketea, Bilbon.
Euskaltzaindiak Sarkisian, Mendizabal, Gereño eta Arana Martija omenduko ditu urtarrilaren 27an
2012-01-25 16:28 sariak-autortzak
Euskaltzaindiak Vahan Sarkisian, Fernando Mendizabal, Xabier Gereño eta Jose Antonio Arana Martija omenduko ditu barikuan, hilaren 27an, Bilboko egoitzan egingo daben agiriko bilkuran. Omenaldia 12:00etan hasiko da.
Bertie Ahern-ek jasoko dau Donostiako Nazinoarteko Bake Konferentziari emondako 2011ko Sabino Arana Saria
2012-01-24 13:53 sariak-autortzak
Irlandako lehen ministro ohi Bertie Ahern, joan dan urriaren 17an Donostiako Aiete jauregian egin zan Nazinoarteko Konferentzian parte hartu eben sei bitartekarietako bat, Bilbon izango da datorren asteburu honetan, aitatu Nazinoarteko Bake Konferentziari emondako 2011ko Sabino Arana Saria jasoteko.
Aurten ez da Urruzuno literatur lehiaketarik antolatuko
2012-01-24 11:52 sariak-autortzak
Aurten ez da Urruzuno literatur saririk antolatuko, Eusko Jaurlaritzako Hezkuntza Sailak jakinarazo dauenez. Hain zuzen be, Hezkuntza Saileko iturriek adierazotakoaren arabera, sailak deitutako sari ia guztiak aurten bertan behera geratuko dira, krisi ekonomikoak eraginda.
Jagoba Astiazaran eta Tolosako CIT-a, XI. Donostiako Orfeoia-UPV/EHU Sariaren irabazleak
2012-01-24 11:20 sariak-autortzak
Jagoba Astiazaranek eta Tolosako CIT-ek irabazi dabe aurtengo Donostiako Orfeoia-UPV/EHU saria. Hamaikagarren edizinoa dauen saria bi helburugaz sortu zan: musika-sortzaileen ibilbide profesionala autortzea eta musika arloko ikerkuntzea bultzatzea.
Nabarmenak
Zure oharrari kasu eginaz moldatu dogu testua. Eskerrik asko, Adolfo
»» 2015eko R. M. Azkue Literatura ...