Blas de Otero Fundazinoaren 'Imagenes para unos versos' IV. Argazki Lehiaketearen sariak erabagi dira
2013-02-18 13:11 sariak-autortzak
Blas de Otero Fundazinoak eta Bilboko Udaleko Kultura eta Hezkuntza Sailak, idazle bilbotar bikainaren poesia ezagutarazotea helburu dauen Imágenes para unos versos argazki lehiaketearen saria Javier Martínez Navarro murtziarrari emotea erabagi dabe. Datorren martiaren 15ean, 97 urte beteko dira idazlea jaio zanetik.
Ibone Belaustegigoitiak jasoko dau euskal emakumeen olinpismoari emondako 2012 Sabino Arana Saria
2013-01-25 14:23 sariak-autortzak
XXIV. Sabino Arana Sariek euskal emakumeen olinpismoaz gan, beste zenbait persona eta erakunderen ibilbidea eta merituak autortuko ditue: Bart De Wever politikari flandestarra, Mari Puri Herrero bilbotar margolari eta grabatzailea, Gorabide adimen-urritasuna daben personen aldeko Bizkaiko alkartea, Euskal Herriko Txistulari Alkartea eta Idom enpresea.
Azken egunak Maite Maitea maitasun gutunen lehiaketearen IX. edizinoan parte hartzeko
2013-01-24 13:30 sariak-autortzak
Sopelako IX. Maite Maitea maitasun gutunen lehiaketan gutunak aurkezteko epea zezeilaren 1ean amaituko da. Eskutitzek honako gaia landu beharko dabe: maitasuna edo maitasun eza, eta persona errealei edo errealak ez diranei idatzi ahal izango jake.
Josu Martinezek irabazi dau Tene Mujika Saria 'Presoaren betebeharra' izeneko proiektuagaz
2013-01-23 14:40 sariak-autortzak
Josu Martinez zinemagile, idazle eta musikari bilbotarrak irabazi dau aurtengo Tene Saria, Presoaren betebeharra izeneko proiektuagaz; euskal presoek azken 50 urteetan kartzelatik egindako igesak edo igesaldi-saiakerak kontauko dira lan horretan.
Euskerazko Tesien III. Koldo Mitxelena Sariak banatu ditue
2013-01-17 14:25 sariak-autortzak
Euskaltzaindiak eta EHUk Euskerazko Tesien III. Koldo Mitxelena Sariak banatu ditue Bilboko Bizkaia Aretoan. Ekitaldi berean Aiora Jakaren Itzulpenari buruzko gogoeta eta itzulpen-praktika Joseba Sarrionandiaren lanetan liburua aurkeztu dabe. Sariak urte birik behin deitzen dira, eta bost-jakintza arlotan banatzen dira.
Shanghaiko Euskal Etxeak Urrezko Abakoa emon deutso Bilboko Udalari, nazinoarte mailan egindako lanagaitik
2012-12-27 17:26 sariak-autortzak
Iñaki Azkuna Bilboko alkateak Urrezko Abakoa jaso dau Shanghaiko Euskal Etxeko idazkaria dan Asier Estankonaren eskutik, Bilboko Udalak nazinoarte mailan egindako lanaren autorpen moduan.
Urrezko Kamerea saria Xanti Rodriguez eta Eugenio Hernandezentzat
2012-12-26 10:35 sariak-autortzak
Xanti Rodriguez azpeitiarrak eta Eugenio Hernandez bilbotarrak Urteko Europako Argazkilarien Txapelketako irabazleak izan dira. Urrezko Kamerea saria Europako argazkigintza arloko garrantzitsuena da. 30 herrialdetako 700 profesionalek hartu dabe parte lehiaketan.
Mari Puri Herrero, Gorabide, Euskal Herriko Txistulari Alkartea, Euskal emakumeen olinpismoa, Bart De Wever eta Idom dira 2012ko Sabino Arana Sariak
2012-12-20 13:49 sariak-autortzak
Sabino Arana Fundazinoaren sariek XXIV. aldia dabe aurtengo hau, eta urtero emoten dira, euskal nazionalismoaren sortzailearen jaiotzearen urteurrenaren zuzura. Sari horreen bidez, Fundazinoak bere esker ona eta goresmena agertzen deutsee, gizartearen aldeko eskaintza-gaitasunagaitik nabarmendu diran persona, erakunde nahiz gizataldeei.
Luis Garde nafarrak irabazi dau Blas de Otero-Bilboko Uribildua Poesia Saria
2012-12-11 16:27 sariak-autortzak
Luis Garde Iriarte nafarra izan da Blas de Otero-Bilboko Uribildua Poesia Sariaren bosgarren edizinoaren irabazlea, euskerazko modalidadean, Maizter arrotza liburuagaz. Ana Perez Cañamares idazle kanariarraren Las sumas y los restos lanak irabazi dau gaztelaniazko atalean.
Oihana Iguaranek eta Mikel Hervasek irabazi dabe UPV/EHUko Mikrokontakizun solidarioen lehiaketea
2012-12-11 10:34 sariak-autortzak
Lehiaketa hau UPV/EHUko % 0,7 Alkartasun Fondoak antolatu dau eta edizino honetan 69 idazlan aurkeztu ditue danetara, horreetatik 12 euskeraz eta 57 gaztelaniaz.
Benito Lertxundirentzat Argizaiola saria
2012-12-05 17:00 sariak-autortzak
Benito Lertxundik gaur jasoko dau Argizaiola saria, gaueko 20:30ean, San Agustin Kulturgunean izango dan ekitaldian. Jon Maiak ikuskizun berezia eskainiko dau Lertxundi beteranoa omentzeko.
Abel Enbeita bertsolaria, Cuadrabus enpresea, Gometegui bulego teknikoa, Assa ikastolea eta Villa Lucia upategia, 2012ko Lazarraga Sariak
2012-12-03 17:16 sariak-autortzak
Abel Enbeita bertsolaria, Cuadrabus garraio enpresea, Gometegui bulego teknikoa, Assa ikastolea eta Villa Lucia ardandegiak jaso ditue aurtengo Lazarraga Sariak. Arabako Foru Aldundiak eta Bai Euskarari Ziurtagiriaren Alkarteak lan-ingurunean euskerea txertatzeko egindako ekimenengaitik emoten ditue sariok.
Labayru eta Bilboko euskaltegiak omendu ditu Bilboko Udalak
2012-12-03 01:00 sariak-autortzak
Labayru Ikastegiak eta Bilboko euskaltegiek Bilboko Udalaren omenaldia jaso eben abenduaren 3an, Euskerearen Nazinoarteko Egunean. Urtero lez, harrera-ekitaldia izan zan udaletxean bertan.
Hasier Agirrek eta Bixente Serranok ‘Oihenart Aforismoen II. Lehiaketea ex aequo irabazi dabe
2012-11-28 11:29 sariak-autortzak
Saria jasoterakoan Hasier Agirrek azaldu dau aforismoa ez dago oso zabalduta gure literaturan baina beti egongo da modan, bai Oihenarten garaian bai gure garaian be, berba gitxigaz asko esatea beti modan egongo dalako.
Karmele Goñi, Egoitz Rodriguez eta Amaia Iturbide, 2012ko Lauaxeta Sariak
2012-11-21 09:20 sariak-autortzak
Karmele Goñi historialaria, Egoitz Rodriguez zinema-zuzendaria eta Amaia Iturbide idazlea dira 2012ko Lauaxeta saridunak. Bizkaiko Foru Aldundiak, sari honen bidez, Bizkaian euskerearen sustapen, zabalkunde eta normalizazinoan lan egiten daben erakundeak eta personak nabarmendu gura ditu. Sari-emotea zemendiaren 30ean egingo dabe, Foru Jauregian.
Txillardegi Gogoan omenaldi-ekitaldia egingo dabe gaur EHUren Donostiako Campusean
2012-11-09 09:57 sariak-autortzak
EHUk Jose Luis Alvarez Enparantza Txillardegi omenduko dau gaur, hilak 9, Donostian, Filosofia eta Hezkuntza Zientzien Fakultadeko areto nagusian. Ekitaldi akademikoa 12:00etan hasiko da. Xabier Etxague EHUko Filosofia eta hezkuntza Zientzien Fakultadeko dekanoak eta Gidor Bilbao EHUko Euskera eta Eleaniztasuneko errektoreordeak egingo dabe agurra eta ekitaldiaren edegitea eguerdian.
Arty Walks-Arte Zirkuitoa argazki lehiaketeak baditu irabazleak
2012-11-08 17:16 sariak-autortzak
Blv-Art programako Arty Walks-Arte Zirkuitoa izeneko bisita gidatuak dirala eta egindako argazki lehiaketearen irabazleen barri emon dau Bilboko Udaleko Kultura eta Hezkuntza Sailak. Maitane Quinteiro, Santiago Tabuyo, Ana Belén Llorente, Nerea Peña, Francesco Pagano eta Ainhoa Olanoren irudiak izan dira onenak, hain zuzen be.
Manuel Lekuona gogoratuko dabe zemendiaren 7an Oiartzunen
2012-11-05 10:56 sariak-autortzak
Manuel Lekuona euskaltzaina, antropologoa eta hizkuntzalaria hil zala 25 urte bete diran honetan (garagarrilaren 30ean), Oiartzungo Udalak omenaldia eskainiko deutso Etxetxikiko abadeari.
Harkaitz Canoren 'Twist', Euskadi Literatura Saria
2012-10-31 13:24 sariak-autortzak
Harkaitz Canok 2012ko Euskadi Literatura Saria irabazi dau Twist eleberriagaitik. Urteko euskerazko eleberri onena izentau dabe. Bestalde, Juan Carlos Marquezek eskuratu dau gaztelaniazko eleberri onenaren saria, Tangram lanagaitik.
Joxe Azurmendi idazleak jasoko dau 2012ko Dabilen Elea saria
2012-10-31 10:44 sariak-autortzak
Joxe Azurmendi idazleak 2012ko Dabilen Elea saria jasoko dau zemendiaren 5ean, Euskal Editoreen Alkartea (EEE), Euskal Idazleen Alkartea (EIE), Euskal Irudigileen Alkarte Profesionala (APIE-EIEP) Euskal Itzultzaile, Zuzentzaile eta Interpreteen Alkartea (EIZIE) eta Galtzagorri Haur eta Gazte Literaturaren Alkartearen eskutik.
Nabarmenak
Zure oharrari kasu eginaz moldatu dogu testua. Eskerrik asko, Adolfo
»» 2015eko R. M. Azkue Literatura ...