Txillardegi Gogoan omenaldi-ekitaldia egingo dabe gaur EHUren Donostiako Campusean

Bizkaie! 2012-11-09 09:57   sariak-autortzak

EHUk Jose Luis Alvarez Enparantza Txillardegi omenduko dau gaur, hilak 9, Donostian, Filosofia eta Hezkuntza Zientzien Fakultadeko areto nagusian. Ekitaldi akademikoa 12:00etan hasiko da. Xabier Etxague EHUko Filosofia eta hezkuntza Zientzien Fakultadeko dekanoak eta Gidor Bilbao EHUko Euskera eta Eleaniztasuneko errektoreordeak egingo dabe agurra eta ekitaldiaren edegitea eguerdian.

EHUk Jose Luis Alvarez Enparantza Txillardegi omenduko dau gaur, hilak 9, Donostian, Filosofia eta Hezkuntza Zientzien Fakultadeko areto nagusian. Ekitaldi akademikoa 12:00etan hasiko da.

Xabier Etxague EHUko Filosofia eta hezkuntza Zientzien Fakultadeko dekanoak eta Gidor Bilbao EHUko Euskera eta Eleaniztasuneko errektoreordeak egingo dabe agurra eta ekitaldiaren edegitea eguerdian. Ostean, Feli Etxeberriak eta Iñaki Pikabeak Txillardegi, irakasle eta lankide berbaldia emongo dabe.

Txillardegi, ikerlari eta pentsalari izenburupean, 12:30tik aurrera, Miren Azkaratek, Xabier Isasik eta Alaitz Aizpuruk Txillardegik hizkuntzalaritza, soziolinguistika eta pentsamenduaren arloan egindako lanak aztertuko dabe. Paulo Iztuetaren Txillardegi, intelektual engaiatua berbaldia izango da egitarauko azkenengoa. Saioen amaieran, Irene Prieto pianisteak kontzertu laburrak eskainiko ditu.

Jose Luis Alvarez Enparantza Txillardegi (Donostia, 1929-2012) injineru, saiogilea, euskaldun barria, ETAren sortzaileetakoa (1967an taldekidea izateari itxi eutson), euskal nobela garaikidearen sortzailea (Leturiaren egunkari ezkutua nobelea idatzi eban) eta euskera batuaren sustatzailetakoa izan zan.1961. urtean erbestera joan zan eta Parisen hizkuntzalaritzae ikasi eban. Euskal Herrira bueltan, 1977an, unibertsidadean irakasle hasi zan, EHUko irakaslea izan zen jubilau arte. 2012ko urtarrilaren 14an hil zan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu