Berri Txarrak taldeak South by Southwest jaialdi estadubatuarrean parte hartuko dau.
2009-12-22 10:43 Musikea
Jaialdi hori (Austin, Texas) Estadu Batuetako musika erakustokirik handienetakoa da eta urtero milaka zale eta musika arloko behargin batzen ditu. Jaialdia martiaren 17tik 21era bitartean izango da eta nafarrek Payola diskoa aurkeztuko dabe.
Musika-talde hasibarriek Bilborocken joteko aukerea izango dabe
2009-12-21 14:35 MusikeaBilborock aretoak eszenatokia itxiko deutse abenduaren 22an eta 23an bertako entseguetarako gelak erabilten dituen musika taldeei, jentearen aurrean jo daien. Ekimen honen bidez, aukerea emon gura jake musika arloko trebeziak eta teknikak jentaurrean agertzeko eta, aldi berean, entseguetan sartutako orduei zeozelako urtenbidea emotea da asmoa.
The Uski´s eta Etxe taldeek kontzertua eskainiko dabe Bermeoko Kafe Antzokian
2009-12-21 13:40 Musikea
Musikari bizkaitarren emonaldia 2010eko maiatzaren 30ean Bermeon 'Marigoran Kikunbera' lelopean egingo dan Ibilaldiaren aldekoa da. Sarrerak salgai dagoz Bermeoko Batzokiaren azpian dagoan Ibilaldiaren dendan, 5 euroan. Kontzertua 22:00etan hasiko da.
Malagako The Filetones eta Rise To Fall bilbotarrek irabazi dabe Bilbao Hiria XXI. Pop Rock lehiaketea
2009-12-18 14:20 Musikea
Pop-rock arloan, No Aloha talde madrildarra geratu da lehiaketako bigarren postuan eta La Banda del Yuyu gironarrak izan dira hirugarrenak.
Metal arloan, barriz, Bilbo Hiria XXI. Lehiaketearen irabazlea Rise To Fall talde bizkaitarra izan da. Bigarren Akatu iruñearrak izan dira eta hirugarren postuan, Mendeku Itxua usurbildarrak geratu dira.
Rammstein talde alemaniarrak 2010eko Bilbao BBK Live jaialdian joko dau
2009-12-18 10:44 Musikea
Talde alemaniarrak BEC bete eban zemendiaren 14an eta 2010eko garagarrilean, barriz, Kobetamendin izango dira. Bestalde, bart jarri ditue salgai Bilbao BBK Liveko 3 egunetarako bonu bereziak: 95 euroan dagoz eskuragarri BBK sarean.
Bizkaiko Txistularien Alkarteak Gabonetako kontzertua eskainiko dau abenduaren 21ean Getxon
2009-12-18 09:31 Musikea
Gabon-kantak eta herri-kanten moldaketak interpretautako ditu txistularien taldeak, beste musika tresna batzuez lagunduta. Algortako El Redentor eleizan egingo dan kontzerturako (19:00etan) sarrerea dobakoa izango da.
Bilboko Udal Musika Bandeak Gabonetako kontzertu berezia eskainiko dau Bilbon
2009-12-17 13:36 Musikea
Iñaki Urkizu Bandako zuzendariordearen agindupean joko dau Bandeak. Okasinorako aukeratutako errepertorioak, gure tradizioan errotutako doinu herrikoiak, beste kultura batzuetako doinu ezagunakaz buztartuko ditu. Holan, 'Gabonak Munduan' izenburuagaz aurkeztuko dan kontzertuan, James Pierpont-en 'Jingle bells' edo Irving Berlin-en 'White Christmas' ezagunak eta 'Hator, hator' eta 'Olentzero' entzun ahal izango dira.
Santo Tomas egunean, 'The Pub Ibiltaria'-ren modu barria, leku barrian
2009-12-16 17:23 Musikea
Oskorri talde beteranoak Euskal Herri osoko musika eskola, banda, fanfarre, koru eta abar tarteko dirala Bilboko Gas plazan egingo dau kontzertua aurten. Urtero legez, abenduaren 21ean, Santo Tomas egunean izango da hitzordua arratsaldeko 19:00etan.
'Bilbo Hiria' XXI. Pop Rock Lehiaketako finalak izango dira gaur eta bihar Bilborock aretoan
2009-12-16 11:01 Musikea
Gaur, 20:00etan hasita, Metal kategoriako hiru talde finalistek hartuko dabe parte: Rise to Fall (Bilbo), Mendeku Itxua (Usurbil) eta Akatu (Iruñea). Kategoria honetako aurtengo irabazlea euskal talde bat izango da, hiru finalistak Euskal Herrikoak baitira. 'Horrek adierazoten dau metal estiloan euskal taldeak maila altuan dagozala eta gorantz egin dabela', adierazo dabe.
'Zuzen-zuzenean' ekimenak kontzertuz beteko ditu euskal areto pribaduak
2009-12-14 14:35 Musikea
Kultur aktibidade eta kontsumoa bultzatzea helburu dauen 'Kultura bultzatuz' programearen barruan, Eusko Jaurlaritzako Kultura Sailak 'Kultura Live' alkarteagaz alkarlanean, 'Zuzen-zuzenean! izeneko kanpainea jarri dau martxan, euskal taldeen zuzeneko musikea areto pribaduetara eroateko eta programazinoa dinamizetako helburuagaz.
Pearl Jam da 2010eko Bilbao BBK Live jaialdirako baieztatutako lehenengo talde nagusia
2009-12-10 16:52 Musikea
Pearl Jam talde estadubatuarrak Bilbon joko dau 2010eko garagarrilaren 9an, BBK Live jaialdiaren bosgarren edizinoaren barruan, Last Tour International-eko eta Bilboko Udaleko ordezkariek prentsaurrekoan gaur iragarri dabenez. Datozen egunetan talde gehiago jakinarazoko dituela gaineratu dabe antolatzaileek.
Gabriel Anandak emongo deutso amaierea Art After Darken azken saioari Guggenheim Bilbao Museoan
2009-12-10 14:33 Musikea
Abenduaren 11n, Guggenheim Bilbao Museoak Art After Dark gaueko egitarau arrakastatsuaren azken saioa eskainiko dau. Bilboko Fever klubagaz lankidetzan diseinautako programa honetan artea eta estaduko nahiz nazinoarteko DJen saioak buztartzen dira.
Laia mutrikuarrek 'II' izeneko bigarren diskoa kaleratu dabe
2009-12-10 12:50 Musikea
Disko honi lehenengoari ('Izenbururik gabeko istorioak', Baga-biga, 2007) baino sentimentu gehiago jarri deutse, 'bihotzez eta astiro-astiro eginda dago'. Taldearen nortasunaren bila joan dira lan honetan eta diskorik zintzoena plazaratzea izan da euren helburua.
Itoizek Bilboko Orkestra Sinfonikoagaz eskainitako kontzertuen CD-DVDa kaleratu dabe
2009-12-02 12:49 Musikea
Itoizek eta Bilboko Orkestra Sinfonikoak alkarlanean abiarazotako ekimenaren azken txanpa aurkeztu dabe gaur Itoiz Suite CD-DVDaren argitalpenagaz. Lan horretan, orkestreak eta Itoizek bertsino sinfonikoan eskainitako kontzertuetako irudiak eta kantak jasoten dira eta, tarteka, Juan Mari Lazkano artistearen lanek borobiltasuna emoten deutse proiektuari.
Bandenlehia.com: euskal musika talde amateurrik entzutetsuena saritzeko asmoz
2009-12-02 10:42 Musikea
Euskeraren Nazinoarteko Egunaren harian, Azkue Fundazinoak antolatuta, Bandenlehia.com txapelketearen finala abenduaren 4an izango da Bilboko Rock Star aretoan, 19:00etatik aurrera. Orduantxe jakingo da finalean diran lau taldeetatik( The Hysteria, Haxotx, Bertan Bera eta Hotsak Hezurretan) zeinek eroaten dau 2.000 euroko saria.
Esne Zopak, iturrietatik edanez
2009-11-27 15:43 Musikea
Asteon plazaratu da Esne Beltza taldearen inguruan sortutako egitasmo barria CD eta DVD euskarrietan. Esne Zopak izenpean Xabier Solanok doinu akustikoakaz eukan zorra kitatu dau 16 kantu barri grabatuta.
Astindu barriak emon ditue Audience gernikarrek laugarren lanean
2009-11-26 14:54 Musikea
Orain arteko diskoen izenburu guztiek egiten deutse erreferentzia barruan entzuleak topauko dabenari eta, oraingoan be -'A shake in calm water'-, holan dala autortu dabe taldekideek. 'Betiko bidetik jo dogu baina astindu barriak emon deutsaguz, perkusino gehiago sartu dogu, musika-tresna barriak dagoz eta beste estilo batzuen -tangoa, latindar musikea...- eragina be igarten da'.
Zarama Zuzen!, talde santurtziarraren berpizkundea
2009-11-26 14:32 Musikea
'Zarama Zuzen!' CD-DVDa aurkeztu dabe gaur Bilbon Joseba eta Roberto taldekideek. Taldearen ikur diran kantuetako asko jaso ditue (Kostako bidea, Bostak bat, Dena ongi dabil, Gasteizko gaua...) eta hiru bertsino, horreetako bat Eskorbutoren 'Eskizofrenia', hain zuzen be.
Musikari ezagunak izango dira Arriaga Antzokian 2010ean
2009-11-26 11:34 Musikea
Paloma San Basiliok zezeilaren 28an abestuko dau, Itoiz talde mitikoak bere alderdi sinfonikoena aurkeztuko dau 'Itoiz Suite' ikuskizunagaz martiaren 11n, Raphaelek kontzertua eskainiko dau maiatzaren 26an eta Marlango eszenatokian izango da maiatzaren 27an. Kontzertuotarako sarrerak honezkero salgai dagoz.
Euskeraz eta ingelesez abesten dau Sexty Sexers-ek disko barrian
2009-11-25 14:49 Musikea
Urteek emoten daben lasaitasunaren eragina igarten jake Sexty Sexers taldeko kideei eta 'Hero mantra' izeneko diskoan Rock&Roll musikea landu arren, estilo aldaketea nabarmena da. Ganera, berbei jagokenean be, lan barriko zortzi kantatan be igarten da barrikuntza hori, izan be, euskeraz abesteaz gan, lan batzuk ingelesez entzun daitekez.
Nabarmenak
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan