Zuzen-zuzenean musika zirkuitua abian da, 40 kontzertu baino gehiagogaz
2011-09-27 15:32 Musikea
Urritik urtarrilera egingo dabe Zuzen-zuzenean zirkuitua, Euskal Autonomia Erkidegoko musika-aretoen eskeintzea hobetu eta euskal taldeei aukerak zabaltzeko. Aurten, ganera, Pettik zirkuituaren kantea egin dau eta musikari ezagunakaz batera abesten dau bideoklip baten.
Musikari, poeta eta bertsolariek Xabier Lete omenduko dabe Euskalduna jauregian, urriaren 8an
2011-09-26 15:54 Musikea
Xabier Lete gogoan kantaldia Bilbon egingo da Euskalduna jauregian, urriaren 8an. Kontzertuaren aurkezpena egin dabe gaur, Bilboko Foru Liburutegian, bertan izan dira omenaldian parte hartuko daben Petti, Jabier Muguruza eta Amaia Zubiria kantariak, eta Josune Ariztondo Bizkaiko Kultura diputadua eta A & M kultur promotorako Joxeanjel Arbelaitz.
We Are Standard taldeak emongo deutse ondoetorria EHUko ikasturte barriko ikasleei
2011-09-23 15:55 Musikea
Bizkaiko Campusak We Are Standard taldearen kontzertuagaz emongo deutse ondoetorria 2011-12 ikasturteko ikasleei. Emonaldia irailaren 26an izango da, 12:00etan, EHUko Areto Nagusian, Leioako campusean. Ekitaldi honegaz BizBAKen (Bizkaia Bilbao Arte eta Kultura) aurtengo kultur jarduerak be inaugurauko dira.
Marc Romboy DJ eta produktore alemana, Art After Dark saioen denporaldi barrian
2011-09-23 11:30 Musikea
Bilboko Guggenheim museoak Art After Dark programearen denporaldi barriari ekingo deutso barikuan, hilaren 23an. Uda osteko saioko izarra Marc Romboy produktore eta DJ alemana izango da, Systematic Records-en sortzailea, hain zuzen be. Museoko atrioan izango da emonaldia, gaueko hamabietatik aurrera.
Dedalo Esenblek abiatuko dau BBK Musika Garaikideen Jaialdiaren 31. edizinoa
2011-09-22 14:40 Musikea
BBK Musika Garaikideen Jaialdiaren 31. edizinoa urriaren 3an hasiko da, eta danetara zazpi kontzertu egingo dira, hilaren 4an, 10ean, 11n, 24an eta 25ean. Carlos Ruiz de Castro omenduko dau jaialdiak, eta lehenengo edizinotik festibalaren laguntzaile izan dan Carlos Villasol bere bai. XX. mendeko lehen erdiko obra handiak eta estreinaldiak tartekatu ditue antolatzaileek.
Marcos Coll blues musikariak disko bikotxa kaleratu dau Gaztelupeko Hotsak etxeagaz
2011-09-22 11:43 Musikea
Marcos Coll musikari madrildarrak Under the wings disko bikotxa kaleratu barri dau Gaztelupeko Hotsak etxeagaz. Lan barrian 1999tik 2011ra bitartean grabautako kantak jaso ditu. Bluesa osogai nagusia bada be, Collek argi erakusten dau musika baltzaren inguruko edozein estilogaz ondo konponduten dala, esaterateko, funka, hip hopa, soula, afrofunka eta abar.
XXIII. Bilbao Hiria Pop Rock sariketako talde aukeratuak, hilaren 22tik aurrera lehian
2011-09-21 15:33 Musikea
Pop-rock, Metal eta Beste Joerak ataletan, guztira 40 talde sailkatu dira jentaurreko kanporaketan eta, hilaren 22tik aurrera, Bilborock aretoan joko dabe txandaka. Bandarik onenak zemendiko finaletan lehiatuko dira. Bilbao Hiria Pop-rock lehiaketan 20.000 euro baino gehiago emongo ditue saritan.
The Brontës zuzenean, Artiumeko erakusketen denporaldi barria edegiteko
2011-09-21 15:02 Musikea
The Brontës taldeak Vender la sombra disko barria aurkeztuko dau urriaren 8an Artium museoko erakusketen denporaldi barriaren inaugurazinoan. Kontzertua 22:00etan hasiko da, Plaza aretoan, eta doban izango da.
Musikari, poeta eta bertsolariek bat egingo dabe Xabier Leteri omenaldia egiteko
2011-09-14 18:44 Musikea
Xabier Leteren heriotzearen I. urteurrenaren harian, musikariek, poetek eta bertsolariek bat egin dabe haren omenezko bira batean, jenteari musikari eta poeta oiartzuarraren doinurik ezagunenak gogorarazoteko asmoz, gaur egungo euskal artistarik ezagunenetako batzuen ahotik, besteak beste, Pier Paul Berzaitz, Eñaut Elorrieta (Ken Zazpi taldeko kantaria), Antton Valverde, Erramun Martikorena, Arantxa Irazusta eta Petti.
Euskadiko Soinuak Vic-eko musika merkatu erabarrituan
2011-09-13 17:17 Musikea
Euskadiko Soinuak sortu zanetik Vic-eko Musika Merkatuan parte hartu dau eta ehundaka profesionalen aurrean euskal musikea aurkezteko aukerea izan dau urtero. Aurten, irailaren 14tik 18ra, Gose, Split 77 eta Audience izango dira gure musikearen enbaxadore.
Badatoz Inoren Ero Ni, Jupiter Jon, Xabier Montoia eta Lisabö-ren lan barriak
2011-09-13 13:52 Musikea
Ondoko produkzinoak plazaratuko ditu Bidehuts-ek: urrian, Inoren Ero Ni taldeak Fregoli lana plazaratuko dau; zemendian, Jupiter Jon taldearen estraineko diskoak, Pleistozenoko Astelehenak lanak, ikusiko dau argia. Eta azken urteotan isilik egon dan Xabier Montoiak Montoiaren Mundu Miresgarria kaleratuko dau. Abenduan, barriz, Lisabören lana ezagutuko dogu.
XI. Musikalek 12 banda eta 100 musikari ekarriko ditu Basauri, Sestao, Erandio eta Leioara
2011-09-07 15:47 Musikea
Irailaren 16tik 18ra, Basauri, Sestao, Erandio eta Leioan egingo dan Musikale, Kaleko Musikarien Nazinoarteko XI. Topaketeak herrialde desbardinetako 12 banda eta 100 musikari ekarriko ditu.
Gose Vic-eko 'Mercat de Música Viva” jaialdian
2011-09-07 12:24 Musikea
Kataluniako Vic herrian urtero ospatzen dan Mercat de Musica Viva (MMVV) azokan hainbat kontzertu ikusteko aukerea izango da irailaren 14tik 18ra. Aurten 23. edizinoa izango da, eta bertan izango da talde arrasatearra. Gose taldeak irailaren 16an, barikuan eskainiko dau kontzertua El Sucre eszenatokian.
Zeintzuk ete dira Leihotikan taldearen kanturik onenak?
2011-09-06 16:36 Musikea
Gor zigiluak Leihotikan taldearen jarraitzaileek proposatutako abesti onenakaz CD bat kaleratzeko asmoa dauka. Taldeak diskoetxe nafarragaz emondako 14 urteen lagin hori urrian kaleratuko da. Taldeak berak zaleen inplikazinoa ezinbestekotzat jo dau kantuen aukeraketan eta horregaitik zabaldu da deialdia.
Ruper Ordorikak disko barriaren nahasketak amaitu ditu
2011-09-06 14:52 Musikea
Ruper Ordorika oñatiarrak 2009an kaleratu eban azken lana, Haizea garizumakoa, hain zuzen be. Disko barria, barriz, urriaren amaieran plazaratzeko asmoa azaldu dau musikari beteranoak.
Ermuko Folkez Blai irailaren 9an hasiko da
2011-09-05 16:23 Musikea
2011ko finalistak Tündra, Adarrots, La Banda Morisca, Lulavai, La Camerata Cervantina (Igazko irabazleak), Irtio eta Street Wings dira; talde konbidatuak, barriz, Adunia ermuarrak eta Las Migas Bartzelonako taldea.
Xabier Leteren omenezko zazpi kantaldi atondu ditue abendura bitartean
2011-09-01 14:35 Musikea
Zapatuan, hilaren 3an hasi, eta abenduaren 4ra arte, hainbat musikarik, poetek eta bertsolarik Xabier Leteren omenezko birea egingo dabe Euskal Herrian zehar, kantari ezagunaren heriotzaren lehenengo urteurrena dala eta. Kantaldiak Hondarribia, Iruñea, Baiona, Bilbo, Urnieta, Gasteiz eta Donostian izango dira. Xabier Lete eta bere musikea gogoratuko dabe emonaldietan. Bizkaian emonaldi bakarra izango da, Bilboko Euskalduna Jauregian, urriaren 8an.
Sete Sois Sete Luas jaialdiak Mediterraneoko doinuak hurreratuko ditu Sopelanara
2011-09-01 12:23 Musikea
Sopelanara ailegauko da Sete Sois Sete Luas jaialdi ibiltaria astegoienean, iraileran 2tik 4ra bitartean. Hiru emonaldi izango dira: Les Voix du 7 Sois, Mario Incudine eta Piccola Banda Ikona. Aurten hirugarren aldia dau festibalak Euskal Herrian, aurreko saio biak Deban izan ziran. Sete Sois Sete Luas Jose Saramago eta Dario Fo idazleen ekimenez abiatu zan 1993ean, kulturen arteko alkarrizketea bultzatzeko asmoz.
Igor Yebra, Dulce Pontes eta Josemi Carmona, aurtengo Getxo Folk jaialdiko protagonistak
2011-08-31 15:53 Musikea
Aurtengo GetxoFolk jaialdirako beren-beregi sortutako ikuskizun bategaz hasiko da festiba. Izan be, Korrontzi eta Oinkari taldeek, Igor Yebragaz batera, Urratsa lan barria aurkeztuko dabe. GetxoFolk irailaren 8an hasi eta 11n amaituko da.
Chris Kase-n emonaldia gaur 'Artea eta Jazza: Guggenheim Bilbao Gauak' egitarauaren barruan
2011-08-25 10:34 Musikea
Artea eta Jazza: Guggenheim Bilbao Gauak ekimenera bertaratzen direnek, jazz ikuskizun parebakoaz gan, honako erakusketak ikusteko aukerea izango dabe: Bitarte argitsua: The D.Daskalopoulos Collection, aldi baterakoa, eta Bilduma Iraunkorraren lanak dituan Pintura abstraktua, 1949—1969: Guggenheim Bilbao Bildumaren aukeraketak.
Nabarmenak
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan