Zura bidasoaldeko taldearen 'Kiribil' diskoa zuzenean
2009-11-04 14:42 Musikea
Taldekideak pozik dagoz, oso sentsazino onakaz eta disko barri batean lanean hasteko gogoz. Edozelan be, agur biratxu bat antolatu dabe Gipuzkoan, Nafarroan, Bizkaian eta Iparralden. Danetara, sei kontzertu izango dira.
Etxe rock ikutuagaz dator 'Heldu eskutik' diskoan
2009-11-03 14:46 Musikea
Orain dala lau urte lehenengo maketea plazaratu eta 2007ko udabarrian lehenengo diskoa ('Bidea eginez') atara ostean, bigarren lana aurkeztera etorri da gaur Bilbora Iñaki Etxezarraga'Etxe' berriztarra.
Zemendiaren 24an plazaratuko dau Kepa Junkerak disko barria: 'Kalea'
2009-11-02 12:42 Musikea
Igaz plazaratutako 'Etxea' diskoaren jarraipena da 'Kalea', euskal abesti tradizionalen trilogia baten bigarren lana. Oraingoan, Kepa Junkera Amerikara joan da hainbat artistagaz euskal kanta ederrenetako batzuk euskeraz grabetako.
‘KenZazpi Urte Zuzenean’ CD-DVDa kaleratuko dau Ken Zazpik
2009-10-30 10:27 Musikea
Pasa dan urtarrilaren 3an, Donostiako Victoria Eugenia antzokian zuzenean grabautako CD eta DVD dokumentalak osotzen dabe Ken Zazpi taldearen disko barria izango dana. Aurkezpena zemendiaren 11n izango da.
Betagarriren disko barria txistuka dator
2009-10-29 14:09 Musikea
Pasa dan mendearen erdialdean Jamaika ugartean jaiotako Ska musikea oinarri hartuta, 1993an Gasteizen jaio zan Betagarri taldeak bere zortzigarren lana plazaratu dau, 'Bizitzari txistuka' izenekoa. Hiru urtez diskorik atara barik egon ostean, hamalau kantaz osotutako lanaren izenburuak laburbiltzen dau taldeak musikeagazko eta bizitzeagazko erakusten dituan jarrerea eta konpromisoa.
Gaueko tximeletak kantari
2009-10-28 14:17 Musikea
Piztiak taldeak 'Gabeko kalapitxixak' proiektuaren lehenengo emoitzea aurkeztu dau gaur Bilbon, proiektuaren izen bereko diskoa. Diskoa autoprodukzinoa da, film laburra, bideoklipa, pintura-erakusketea eta making off bat ekarriko ditualako gero eta 'ekimen bakotxari daukan garrantzia emon gura izan deutsagu pausu guztiak geuk landuta'.
Frantzia, Txekiar Errepublika eta Lituaniako taldeak izango dira Getxoko 29. Aste Koralean
2009-10-27 11:07 Musikea
Aste Koralaren ardatza taldeen errepertorio zabala da; entzuleek konposizino klasikoez, garaikideez, herritarrez eta erlijino musikeaz gozetako aukerea izango dabe. Konbidautako taldeen kalidadea nabarmentzekoa da, nazinoartean izandako arrakastek bermatzen dabe hori. Ekimena zemendiaren 28tik 30era bitartean egingo da.
Elorrioko Arriolako XX. Jazz Blues Jaialdia Zemendiaren 12tik 22ra
2009-10-26 10:59 Musikea
Danetara, sei hitzordu izango dira zemendiaren 12tik 22ra. Bost blues talde eta bakarlari (Spikedrivers, Bluedays, Wilko Johnson + Benjamin Tehoval eta Chilis con carne) eta jazz estiloko beste hiru talde (Zemendiaren 12an jaialdiari hasierea emongo deutson Mina Agossi Trio, Miralta, Sambeat & Kamaguchi trio eta Points txekiar taldea).
Joseba Gotzonek lau kontzertu emongo ditu Argentinan
2009-10-22 15:26 Musikea
Joseba Gotzonek Argentinara egingo dauen laugarren biran lau kontzertu eskainiko ditu: lehenengoa, urriaren 23an, Paranáko '3 de febrero' antzokian; 24an, San Nicolás de los Arroyos-eko Aguiar Udal Antzokian; 27an, Buenos Aireseko Lounge Klubean eta, azken buruan, hilaren 28an, La Platako Las Malvinas Kultur Zentroan birea amaitutzat emongo dau.
'Musika Klasikoaren Saioak' Deustun
2009-10-21 15:33 Musikea
'Musika Klasikoaren Saioak' zikloa bihar eguena, hilak 22, hasiko da Impromptu taldearen eskutik Chopin konposatzaileri zuzendutako kontzertu didaktiko bategaz. Kontzertuak dobanekoak izango dira arratsaldeko 19:30ean Deustuko udal zentruan (Bidarte Jauregia).
Jazza, bluesa eta musika baltza Deba bailarako herrietan
2009-10-20 14:50 Musikea
Hasiera-hasieratik proiektu honen indarra kalidadezko musika jarduerak Deba bailarako herrietara eroatea izan da, beti be arreta berezia bertoko musikariei eskainiz eta kanpotik proposamen bereziak eskainiz, beharra birtute bihurtzearren. 2009an seigarren aldiz egingo da ekitaldia Errabal izenpean.
Potato, amaitzen ez ekian taldea
2009-10-19 15:50 Musikea
2007an iragarri eban behin betiko agurra Potatok. Horretarako, azken birea antolatu eben eta Gasteizko Udalak diru-laguntzinoa be emon eutsen. 2008ko urtarrilaren 4an emon eben 'ustezko' azken kontzertua. Eta, halan da be, Potatok joten jarraitzen dau.
Luis de Pablo musikagile bilbotarrak jasoko dau Tomas Luis de Victoria IX. Musika Sari Iberoamerikarra
2009-10-19 15:41 Musikea
Saria eremu hispanoamerikarreko eta portugaleraz berba egiten daben herrialdeetako autore bizien aintzatespenik handiena da, bai epaimahaikideen maileagaitik bai sariaren garrantziagaitik (60.000 euro). Epaimahaiak Luis de Pablo izentau dau irabazle, 16 herrialde iberoamerikarretako 54 musikagile finalisten artean.
Betagarrik urriaren 29an kaleratuko dau disko barria
2009-10-16 11:19 Musikea
'Bizitzari txistuka' izenburupean, Betagarrik 14 kanta batu ditu lan barrian, eta honezkero taldearen myspace gunean aurrerapen bat entzun daiteke.
Operea zein zarzuelea abestu gura dozu Arriaga Antzokian?
2009-10-15 18:09 Musikea
2010eko urtarrilaren 16an, Bilboko Arriaga Antzokian zarzuelea eta operea izango dira gai nagusiak, eta genero horreetako obrak kantau gura dituen edonork abesteko aukerea izango dau antzokiko eszenatokian.
'Denboraren naufrago' izeneko diskoa kaleratu dau Xabi Aburruzaga trikitilariak
2009-10-15 15:25 Musikea
Bizkaiko Trikitxa lanaren helburuari jarraipena emon guran, hau da, trikiti doinuak modernizau guran, hamabi piezaz osotutako lanean, trikitixeaz gan, hainbat musika-tresna dagoz entzungai: 'alde batetik, folk musikearen mundutik datozan instrumentuak entzungo doguz, mandolina, albokea, txalapartea...; bestetik, estandarragoak diran tresnak be erabili doguz: gitarrea, bajua, pianoa, bateria...'.
We Are Standard espainiar artista onena MTV Europe sarietan
2009-10-13 18:55 Musikea
MTVren ikusleek euskal taldea aukeratu dabe Fangoriaren, Nena Daconteren eta Russian Reden aurretik Europako Artista Onena sarian Estaduko ordezkari izateko. Getxotarrek 21 arerio izango ditue prozesuaren azken txanpan. Erabagia zemendiaren 5ean ezagutuko dogu, egun horretan izango baita sari-banaketa ekitaldia Berlinen.
'Bilbo Hiria' Pop Rock Lehiaketako 21. edizinoa eguen honetan hasiko da
2009-10-13 18:35 Musikea
'Bilbo Hiria' Pop Rock Lehiaketako 21. edizinoko kontzertuak eguen honetan hasiko dira Bilborock aretoan, 20:00etan Idealipsticks, The Killministers eta Norman taldeen saioakaz.
Gosek izenbururik bako hirugarrena aurkeztu dau
2009-10-13 15:38 Musikea
Disko barria zuzenean aurkezten urriaren 30ean hasiko dira eta gure mugetatik kanpora, hain zuzen be. Gose taldeak 5 kontzertu emongo ditu Japonian eta Euskal Herrira bueltan, Donostiako FNAC dendan izango dira zemendiaren 11n eta Bilbokoan, barriz, 13an.
Jabier Muguruzaren hamargarrena: 'Taxirik ez'
2009-10-07 15:09 Musikea
Jabier Muguruzaren izaera dotorea, sentibera eta lasaia islatzen dauen hamargarren diskoak, 'Taxirik ez', gaur goizean ikusi dau argia. Testu poetikoak eta doinu zorrotzak konbinetan ditu lan barrian eta 'ikuspuntu barriagaz nator, intimismotik urrundu egin naz eta leihoak zabaldu gura izan dodaz argia ikusi ahal izateko', azaldu dau autoreak.
Nabarmenak
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan