Trikiti-pieza gogoangarrien liburua eta CDa argitaratu dabe
2009-10-07 11:48 Musikea
Trikitixearen irakaskuntzarako materiala sortzeko bidean, Euskal Herriko Trikitixa Elkarteak 1980ko eta 1990eko hamarkadatan gehien entzundako trikiti-piezakaz osoturiko partitura-liburua kaleratu dau. Liburuagaz batera, kantu originalak batzen dituan CDa be eros daiteke.
Musika Bandearen eta Txistulari Bandearen kontzertu denporaldi barria aurkeztu dabe
2009-10-05 18:41 Musikea
Talde sinfonikoak domekatan eskainiko ditu bere emonaldiak Euskalduna Jauregiko Auditorio nagusian bi euroko sarrerearen truke eta Udal Txistularien Bandeak astean zehar (eguazten eta eguenetan), A3 Aretoan eta doban.
'Poltsiko Musika' egitarauan musika-estilo ugari buztartuko dira
2009-10-02 13:07 Musikea
Urri osoan, Barrainkuako Udaltegian, dobako bost emonaldi antolatuko dira, genero eta musika-estilo askotakoak, musika kubatarra, kolonbiarra, jazza, funka, baita Bob Dylanen klasikoak be. Kontzertu guztiak barikuetan egingo dira, 20:00etan.
'Fosbury', Inoren Ero Ni taldearen 3. diskoa zuzenean entzuteko hitzorduak
2009-10-02 12:28 Musikea
Inoren Ero Ni taldeak hirugarren diskoa dauka plazan Bidehuts-en eskutik eta aurrekoan [Gronhölm BH 004] bezela biniloa eta CDa alkarregaz banatzen dira.
Josu Bergarak 'Nora zoaz' diskoa aurkeztuko dau Bartzelonan
2009-10-01 18:31 Musikea
Josu Bergararen bigarren diskoan hamabost musikarik parte hartu dabe, eta Niñoliquido films produktoraren eskutik bideoklipa be grabau da. Kantautore bizkaitarraren bigarren proiektua Mutrikuko AME estudioetan grabau da, 2008ko iraila eta 2009ko bagila artean, Axular Arizmendi teknikariaren gidaritzapean eta eskarmentu handiko musikarien laguntzinoagaz.
EOSeko musikari-talde bat izango da Arriagako Gelatxoak egitarauaren lehenengo protagonista urriaren 4an
2009-10-01 12:10 MusikeaIzai Kamara taldeak, Euskadiko Orkestra Sinfonikoko kide diran Juan Navarro, klarinetejoleak, Sara Zufiaurre, klarineteak eta Marco Caratto, fagotak osotutako taldeak ekingo deutso Arriagako Gelatxoak egitarauaren 2009-2010 denporaldiari.
Bide Ertzeanek bere hamar urteak batu ditu 'Leidor Sessions' lanean
2009-09-30 18:10 Musikea
'Disko benetan berezia da. Lehen aldia da zuzenean grabetan doguna. Eta nahi genduan bi lengoia buztartu, guretzat oso buztargarriak diranak, musikearen lengoaia eta zinearena, eta horretarako Modus Operandi produkzino etxea aukeratu genduan, film laburretan eskarmentua daukana'.
Kubatarrak, senegaldarrak, galiziarrak eta andaluziarrak euskaldunokaz bat Pirritx eta Porrotxen lan barrian
2009-09-30 17:36 Musikea
‘Irrien lagunak’ abestia, diskoari eta ikuskizun barriari izena emoten deutsena, Kaki Arkarazok orain zortzi urte sortutakoaren bertsino ska bat da, eta geugaz batera kantauko dabe Betagarri taldeko Iñaki Ortiz de Villalbak eta Bilboko Konpartsetako lagunek.
Mikel Urdangarinek 'Zubia' izeneko zortzigarren bakarkako lana kaleratu dau
2009-09-30 15:40 Musikea
Hamar kantak osotzen dabe akaso aurrekoak baino pop ikutu gehiago daukan disko barria. Musikea Urdangarinek sortu dau baina, letrakaz, laguntzinoa izan dau: Unai Iturriaga ('Itzi geuntsan'), Karmele Jaio ('Infinitua') eta Kirmen Uribe ('Munduari begiratzeko modu bat').
Rammstein taldeak zemendiaren 14an BECeko Bizkaia Arenan eskainiko dauen kontzerturako sarrerak agortu dira
2009-09-28 18:37 Musikea
Rammsteinek urriaren 16an kaleratuko dau 'Liebe ist für alle da' izenburuko disko barria, taldearen ibilbideko zortzigarrena, baina aurretik 'Pussy' aurrerapen kantua eta bideoklipa argitaratu ditu, polemika handia sortuz, sexu esplizituko irudiak erakusten ditualako bideoklipak.
Bilboko Udal Musika Bandak kontzertu bategaz zarratuko dau VI. Zuzendaritza Ikastaroa
2009-09-25 15:54 Musikea
Bilboko Udal Musika Bandak datorren domekan, hilaren 27an, Zuzendaritza Ikastaroaren seigarren edizinoari amaierea emongo deutso eta ikastaroan parte hartu daben zuzendari nabarmenenek ikuslegoaren aurrean bilbotar bandea zuzentzeko aukerea izango dabe ikastaro amaierako ekitaldi nagusi honetan.
Gatibuk zuzeneko emonaldia grabauko dau Plateruenan
2009-09-25 15:48 Musikea
Aurkezpen bikotxa egin dau gaur Gatibuk Bilbon: 'Zeu, Zeu, Zeu!' kantearen bioklipa batetik eta zapatuan, irailak 26, Durangoko Plateruena Kafe Antzokian eskaini eta grabauko daben kontzertua, bestetik. Ekitaldia 22:00etan izango da eta sarrerak txarteldegian eskura daitekez 10 euroan (aurresalmentan, 8 euroan).
Art After Dark barriro be Guggenheim Bilbao Museoan
2009-09-25 14:12 Musikea
Gaur, hilak 25, barriro hasiko dira Art After Dark gaueko saioak Guggenheim Bilbao Museoan. Bilboko Fever klubagaz lankidetzan antolatuak, saio horreetan artea eta nazinoarteko DJ ospetsuen musikea buztartzen dira.
Dynamo getxoztarrek taldearen azken kontzertua eskainiko dabe gaur Bilbon
2009-09-24 15:14 Musikea
Dynamo taldea Getxo aldean sortutako taldea da. 2007an sortu zan lau mutilen eskutik, 5 abestiz osoturiko EP bat grabau ebenean Saul Santolariaren estudioetan. Taldeak ibilbide laburra izan dau, baina geldiunea egitea erabagi dabe. Izan be, aurrerantzean, taldeko kideak proiektu desbardinetan murgilduko dira. Azken kontzertua 20:30ean izango da gaur Kafe Antzokian.
Four Friends talde bilbotarrak zabalduko dau Santurtziko dobako jazz kontzertuen zikloa
2009-09-23 18:15 Musikea
Santurtziko (Bizkaia) Jazz & Blues 2009 jardunaldiak hasiko dira bihar, irailak 24, Four Friends talde bilbotarrak eskainiko dauen dobako emonaldiagaz. Ekimen honen barruan, Santurtziko Udaleko Kultura eta Euskera Saileko Gaztebox zerbitzuak kontzertuak antolatuko ditu eguenero urriaren 29ra arte.
'Bilbao Bilbao' Arriaga Antzokiaren produkzinoa irailaren 24tik urriaren 4ra
2009-09-23 14:43 Musikea
Arriaga Antzokiaren 2009-2010 denporaldiko lehen produkzino propioa 'Bilbao Bilbao' musikala izango da; Jose Antonio Nielfa, 'La Otxoa' goitizenez ezagunagoa dana, izango da protagonista eta irailaren 24tik urriaren 4a eskainiko dabe.
The Hot Dogs talde gipuzkoarrak 'Nothing But a Bad Day' laugarren diskoa kaleratuko dau
2009-09-23 10:53 Musikea
Urretxuko taldea 2006an barriro alkartu zanetik bigarren diskoa izango da 'Nothing But a Bad Day' eta herri gipuzkoarreko Pagoeta Antzokian grabau eben zuzenean pasa dan martian. Ahotsak Madrileko El Fono Raptor estudioetan sartu zituen eta lana martia eta garagarrila bitartean nahastau dabe. Masterizazinoa abuztuan egin eban A Coruñan Saul Patiñok.
Andres Orozco-Estrada zuzendari titular barriagaz hasiko dau Euskadiko Orkestra Sinfonikoak 2009-2010eko denporaldia
2009-09-22 15:26 Musikea
Euskadiko Orkestra Sinfonikoak, 7.000 abonatuez gan, % 92ko okupazinoa dauka bere jardueretan eta baita 600 lagun inguruko itxarote-zerrendea be. Asteon hasiko dan 28 denporaldian, hiru miloegarren ikus-entzulea hartuko dau orkestreak eta 3.000. ikuskizuna eskainiko dau.
Die Toten Hosen punk-rock talde alemaniarrak Bilboko Kafe Antzokian joko dau barikuan
2009-09-22 15:15 Musikea
Die Toten Hosen punk-rock talde alemaniar beteranoak kontzertua eskainiko dau bariku honetan, irailak 25, Bilboko Kafe Antzokian. Emonaldia 21:30ean hasiko da eta sarrerak 20 euroko prezioa dau aurretiaz erosi ezkero eta 23 eurokoa kontzertuaren egunean txarteldegian erosita, areto bilbotarreko iturriek jakinarazo dabenez.
Lendakaris Muertos taldeak hurrengo lana zuzenean grabauko dau
2009-09-22 11:56 Musikea
Lendakaris Muertos taldeak urriaren 23an eta 24an zuzeneko CD eta DVDa grabauko dau. Kontzertuotarako aukeratutako aretoa Gasteizko Jimmy Jazz aretoa (lehengo Azkena aretoa) da eta taldearen lehenengo hiru diskoetako arrakasta mordoa batuko ditue bertan. Horrezaz gan, taldeak DVDan grabauko ditu aitatu bi kontzertuak.
Nabarmenak
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan