Musikea

Fitok Shangain emongo dauen kontzertua Bilbon emitiduko dabe zuzenean

Fito eta bere Fitipaldiak Shangaiko Erakusketa Unibertsalean izango dira zuzenean abuztuaren 22an eta talde bilbotarrak ezin izango dauenez Aste Nagusian egon, modu birtualean, behintzat, berton izango dirala iragarri dau. Txinan taularatuko daben ikuskizuna Bilboko Areatzan jarriko dituen pantaila erraldoietan ikusi ahal izango da zuzen-zuzenean.

Aitor Goikoetxea bateria-jotzaileak Berri Txarrak taldea itxi dau

Gasteizko jaietan emondako zuzenekoan iragarri eban Gorka Urbizuk barria. Hain zuzen be, Urbizu da Berri Txarrak taldearen hasierako garaietatik geratzen dan taldekide bakarra. Galder Izagirrek hartuko dau lekukoa.

Limp Bizkit taldeak girotuko dau Gaztea irratiaren sorrerearen 20. urteurrenaren harian antolatutako jaia

Santana 27 aretoan egingo den 20. urteurreneko kontzertuko ateak 20:00etan zabalduko ditue. Zuzeneko horreetarako sarrerak bihar, abuztuak 10, jarriko ditue salgai 25 eta 30 euroan.

John Lennonen 'denporearen kapsulea' egingo dabe, mitoa bizirik manteniduteko ekimena

Ekimena urriaren 8an egingo dabe eta, material guztia batuta, kutxa batean sartu eta modu hermetikoan gordeko dabe. Hiru hamarkadaz izango dabe holan, horregatik jarri deutse John Lennonen denporearen kapsula izena kutxeari.

Irailaren 14an argitaratuko dau Kaliforniako taldeak disko barria Epitaph Records diskoetxe independenteagaz

Weezer taldea oso oparo dabil azken urteotan. 2008an taldearen izen bereko diskoa kaleratu eben, 2009an Ratitude atara eben eta 2010ean, barriz, Hurley lanagaz bueltauko dira. Irailaren 14an jarriko dabe salgai.

Aste Nagusia Guggenheim Bilbao Museoan: 'Artea eta Jazza: Guggenheim Bilbao gauak'

Museoko Atrioa ezohiko jazz klub bihurtu eta estatuko zein nazionarteko izen handiko musika-taldeen emonaldiak izango dira. Horrez gan, hurreratzen diranek Museoaren erakusketez gozau ahal izango dabe.

Ken Zazpi taldeak izenburua jarri deutso honezkero estudioko lan barriari: 'Ortzemugak begietan'

Errusiako musika garaikidea izango da Donostiako Musika Hamabostaldiaren 71. edizinoko protagonista nagusia

Zapatuan, hilak 7, emongo deutse hasiera eta irailaren 3an amaituko da. Lau asteotan 80 emonaldi baino gehiago izango dira eta hainbat ekitaldi izango dira Gipuzkoako herrietan.

Mixel Etxekopar eta François Rosséren disko barria abian da

Ezustekorik ezean, lan barria datorren udagoienean argitaratuko da Elkar diskoetxearen eskutik.

2010eko Aste Nagusiko Bertoko Pop Rock Erakustaldiak 25. urteurreneko taldeak aurkeztu ditu

2010eko edizino honetan, aurreko urtean baino parte-hartze maila altuagoa izan da: 71 maketa aurkeztu dira, joan dan urtean aurkeztutako 56 lanen aldean. Igoera honek emakumezkoen batezbestekoan be badauka eragina: aurten taldeen % 8,5ek dauka emakumeren bat tartean (14 talde), eta 2009an % 7,8ek (12 banda).

Amezketa, txikiegia, agian

Mikel f Krutzaga gernikarra, euskal produktore eta soinu teknikaria, Ubedako Nazinoarteko VI. Zinema Musika Jaialdian Master Class bat emon ondoren, Los Angeleserako bidean da, Castlevania, Lords of the Shadows bideojokoaren soinu bandaren azken ikutuak emoteko.

Kazetaritza musikalari buruzko ikastaroa Bilbon

Mintegiaren asmoa etorkizuneko kazetari bereziei genero horretan lan egiteko tresnak emotea da eta horretarako hainbat aditu konbidau ditue: Luis Miguel Pedreo (Salamancako Unibersidadea), Mary Ann Kennedy (BBC Scotland / BBC, Radio 3, Glasgow), Jesus Ordovas (Radio 3), Santi Carrillo (Rockdeluxe) eta Gotzon Hermosilla (Berria).

'Urdaibaiko Organoak - Joxe Mari Egileor' VII. Busturialdeko Kontzertu Zikloak Mundakako organoaren zaharbarritzea ospatuko dau aurten

Helburuen artean eskualdeko herri guztien bizitza sozio-kulturala dinamizetea eta hobetzea dauen Urremendi, Busturialdeko Landa Garapen Alkarteak antolatzen dau kontzertu zikloa, Bizkaiko Foru Aldundiko Kultura Sailaren laguntzinoagaz.

The Wailers talde mitikoa zapatuan Getxon

Getxoko Udalak antolatuta, The Wailers taldeak kontzertua eskainiko dau datorren zapatuan, hilak 17, Getxon, Algortako Portu Zaharrean, gaueko 22:00etan hasita. Bob Marley zanaren talde ospetsuak bere 40. urteurreneko biran joko dau Algortan eta sarrerea dobakoa izango da.

Delorean taldeak Urteko Artista Onenaren saria jaso dau

Taldea munduan zehar dabil Mushroom Pillow Music diskoetxeagaz argitaratutako 'Subiza' disko barria aurkezten; Londonen arrakasta handiagaz jo ostean, Kanadan eta AEBetan eskainiko ditue kontzertuak datozen egunotan.

76.000 lagunetik gora batu dira Bilbao BBK Live 2010 jaialdian

Joandako zapatuan amaitu zan aurtengo Bilbao BBK Live Jaialdia eta antolatzaileak pozik dagoz bai hurreratu dan jente kopuruagaitik eta bai aurtengo maila artistikoagaitik be, izan be, 76.000 lagun baino gehiago batu ditu aurtengo edizinoak. Danetara, 76.579 lagun izan dira Kobetamendiko kontzertuakaz gozetan.

Pirineos Sur, Munduko Kulturen XIX. Nazinoarteko Jaialdia garagarrilaren 8tik 25era

1810-2010, Latinoamerikar herrien independentziaren bigarren mendeurrena gogoan, Latinoamerikako herrialdeak ardatz hartuta egingo da aurten Huescan, Pirineos Sur Jaialdia. Mexiko, Argentina, txile, Kolonbia, Venezuela, Peru, Puerto Rico, Maroko eta Argeliako doinuak ez eze, Aragoiko bertako taldeak zein Catalunyakoak be entzuteko modua izango da.

Dana prest Bilbao BBK Live jaialdia hasteko

Garagarrilaren 8tik 10era izango dan V. Bilbao BBK Live Jaialdia hasteko oso gitxi falta da eta azken orduko kontuen artean, kontuan hartu, garagarrilaren 7ko 15:00etatik 11ko 14:00etara, Kobetamendi ingurua ibilgailu pribatuentzat zarratuta egongo da, bertako bizilagunentzat izan ezik.