Bob Dylan, zuzenean Bilbon, garagarrilaren 11n

| Ikusi handiago | Argazki originala

Bob Dylanek kontzertua emongo dau Bilbon, garagarrilaren 11n, Guggenheim museoaren zabaldegian, Last Tour International enpreseak eta Bilboko Udalak jakinarazo dabenez. Bilbao BBK Live musika jaialdiaren hasierearen bezperan joko dau, hain zuzen be.

Guggenheimen zabaldegian 5.000 lagunentzako lekua dago. Sarrerak maiatzaren 16an ipiniko ditue salgai, 45 euroan, pistan, eta 85ean, harmailetan. Prezioei banaketa gastuak gehitu behar jakiez.

Bob Dylan musikari, kantari, konpositore eta olerkari ezaguna da mundu osoan. 50 urteko ibilbidean, makina bat abesti ezagun sortu ditu, tartean, Like a Rolling Stone, Knockin' on Heaven's Door, Blowin' in the Wind eta Hurricane. Hainbat Grammy eta Urrezko Globo irabazi ditu urteotan. Espainiako Arteen Asturiaseko Printzea saria jaso eban, Frantziako Arteen eta Letren Ordenako jauna da eta Literaturako Nobel sarirako hautagaia izan da.

Sarrerak erosteko hainbat bide dagoz: BBKren zerbitzu anitzeko kutxazainetan, 944 310 310 telefonoan, Ticketmaster sarean Halcón Viajes-en bulegoetan, FNACen, Carrefourr, Servicaixa sarean eta El Corte Inglés sarean.