'Amesak gauzatu lelopean' zabalduko ditu ateak Durangoko 19. Euskal Denda artisautza azokeak
2014-12-05 10:05 Kulturea
Durangoko 19. Euskal Dendeak gaur, abenduak 5, zabalduko ditu ateak. Arbasok antolatuta edizino honetako lemea da: Amesak gauzatu eta barriro be Euskal Herriko artisautzearen erakusleihorik garrantzitsuena izango da. Gaurtik eta astelehenera arte bisitariek Euskal Herriko edozein lurraldetatik etorritako artisauen lanak ikusteko aukerea izango dabe. Aurten 50 artisauk parte hartuko dabe.
Gabriel Arestiren 'Harri eta Herri' berrargitaratu dabe, idatzi eta 50 urtera
2014-12-04 14:48 Kulturea
Harri eta Herri liburua 1964an argitaratu zan lehenengoz eta Euskaltzaindiaren eta Gabriel Aresti Kultur Alkartearen arteko hitzarmenari esker, beste edizino bat atara dabe orain. Liburuki bitan banatuta dator edizino barria: Lehenengoan, Harri eta Herri, Arestik idatzi eban moduan, topauko dogu. Bigarrenean, idazle eta euskaltzain ugarik Arestiri buruz idatzitako artikuluak batu ditue.
Bilboko Berreginen Museoak 'Animalia Artean - Historiaurretik Erdi Arora' aldi baterako erakusketea inaugurauko dau
2014-12-04 10:09 Kulturea
Bizkaiko Foru Aldundiaren eta Bilboko Udalaren menpe dagoan Artelan Berreginen Museoak Animalia Artean - Historiaurretik Erdi Arora erakusketea izango dau ikusgai eguen honetatik, abenduaren 4tik, 2015eko maiatzaren 24a arte. Bertan, iraganean gizakien eta animalien arteko hartu-emonak zelakoak izaten ziran ikusi ahal izango da.
Mila Salterain durangarrak 'Erresumaren ilunsentia' nobelea kaleratu dau
2014-12-03 13:13 Kulturea
1190. urteko Santa Katalina egun batez hasten da Erresumaren ilunsentia liburu hau, Gaztelako Alfonso VIII. erregeak Haro familiaren laguntzinoagaz, Nafarroako Antso VI. erregeari Bizkaiak kendu eutsanetik urte gitxira. Mila Salterainen lehenengo nobelea dau hauxe. Txalaparta argitaletxeak Amaiur bilduman plazaratu dau.
'Malgu da gaua' disko-liburua, Chopinen musikea eta Harkaitz Canoren berbak
2014-12-03 10:35 Kulturea
Arkaitz Mendoza pianisteak urte hasieran enkargua egin eutsan Harkaitz Cano idazleari, Chopinen nokturnoetan oinarrituta, poemak idaztea. Alkarlan horren emoitzea da Etxepare Institutuak kaleratutako Malgu da gaua lana.
Arantxa Urretabizkaiak 'Zuri-beltzeko argazkiak' nobelea kaleratu barri dau
2014-12-02 14:11 Kulturea
Idazle donostiarrak umezaroko sasoiaren kontakizuna jaso dau Zuri-beltzeko argazkiak (Pamiela) liburuan, 1947an hasi eta 1960ra arte. Urte horreen kronikea egin dau, azken batean, baina fikzinozko kronikea.
Unai Elorriagak 'Iazko hezurrak' nobelea aurkeztu dau
2014-12-01 12:40 Kulturea
Bost urte libururik argitaratu barik egon ostean, Unai Elorriaga algortarrak Iazko hezurrak nobelea plazaratu dau Susa etxeagaz. Indarkeriari buruzko gogoetea egin dau idazleak, Irene Arrias protagonistearen bizimodua kontauz. Nobelea, kronikea, historia eta saiakerea nahastau ditu oraingoan.
Ataramiñeren 2014ko uztea kalean dago
2014-11-28 14:27 Kulturea
Aurten, hiru lan argitaratu ditu Ataramiñe alkarteak, Ataramiñe14 talde-liburua, Nelson Mandelaren Urte ilunak lana, Ekaitz Sirventek euskeratua, eta Ibon Muñoaren Ainarak herrira itzuliko dira olerki liburua. Beste urte batzuetako uztekaz batera, alkartearen saltokian izango dira, Durangoko Azokan. Laster, ganera, Ataramiñek harpidetza kanpainea hasiko dau.
Getxoko 31. Eskulangintza Azokea, barikutik domekara
2014-11-28 11:18 Kulturea
Barikuan hasi eta domekara bitartean, Getxoko 31. Eskulangintza Azokea egingo dabe Areetako Geltokia plazan. Danetara, 77 artisau batuko dira astegoienean euren lanak saldu eta erakusteko. Azokea goizez eta arrastiz egongo da zabalik, 11:00etatik 14:30era eta 17:00etatik 21:00etara. Sarrerea debalde da.
Joseba Mikel Ugalde bermeotarrak 'Muakiss weblog postikatua' lana argitaratu dau
2014-11-26 11:41 Kulturea
Orain urte bi abiautako Urertzeren Uberan Collagekera bildumearen hirugarren eta azkenengo liburua kaleratu barri dau Joseba Mikel Ugalde idazle bermeotarrak, Muakiss weblog postikatua.
Raul Dominguez barakaldarraren marrazkiak ikusgai, Bilboko Rekalde aretoan
2014-11-26 10:31 Kulturea
Mueta askotako irudiak batu ditu Raul Dominguez artisteak, bai formatuari bai teknikeari jagokonez. Aurten eta igaz egindako lanen aukeraketea da Bilbok Rekalde aretoko erakusketan jaso dauena. 2015eko urtarrilaren 15era arte egongo da zabalik.
Euskal artisten 'Riding to Amarillo' erakusketea ikusi ahal izango da San Diegon (AEB)
2014-11-25 10:39 Kulturea
2015eko urtarrilaren 7ra arte egongo da ikusgai eta honako artista honeek hartuko dabe parte, horreetako batzuk Etxepare Euskal Institutuaren babesagaz: Lehior Bilbao, Julen Agirre, Unai Requejo, Usoa Fullaondo, Iranzu Antona, Jorge Nuñez, Jon Otamendi, Damaris Pan, Lorea Alfaro eta Olatz Vilariño.
Bernart Etxepareren 'Linguae Vasconum Primitiae' japonierara itzuli dabe
2014-11-24 10:46 Kulturea
Bernart Etxepareren Linguae Vasconum Primitiae, ezagutzen dan euskarazko lehen liburua, japonierara itzuli dabe, eta pasa dan barikutik dendatan dago eskuragarri, Etxepare Euskal Institutuaren laguntzaz. Itzultzaileak Sho Hagio eta Hiromi Yoshida izan dira, biak euskera irakasleak Japoniako unibersidadeetan.
Getxoko Komiki Azokeak Omenaldia egingo deutse Jordi Berneti eta Xabiroi aldizkariari
2014-11-21 09:49 Kulturea
Areetako Geltokia plazako karpan, Zemendiaren 21etik 23ra izango dan Getxoko 13. Komiki Azokeak omenaldia egingo deutso egile espainiar ospetsuenetako bati, Jordi Berneti, hain zuzen be, Torpedo sailaren ilustratzailea. Era berean, Ikastolen Alkarteak bultzatutako Xabiroi aldizkaria be omenduko dau, euskerazko istorioa zabaltzeagaitik.
245 erakusmahai, 150 ekitaldi eta 500 sortzaile aurten Durangoko Azokan
2014-11-19 14:37 Kulturea
Herrialde konbidatua Okzitania izango dauen hitzorduan, danetara, 245 erakusmahai izango dira, 150 kultur ekitaldigaz osotu da egitaraua eta horreetan 500 sortzaileren parte-hartzea izango da. 132 partaide etorriko dira aurten Durangora eta horreen alboan, beste 16 autoproduktore etorriko da aurten lehenengoz. Argizaiola Saria, bestetik, Anuntxi Aranak jasoko dau.
Garazi Kamiok 'Orube abandonatuak' nobelea aurkeztu dau
2014-11-18 11:17 Kulturea
Augustin Zubikarai bekeari esker bere lehenengo nobelea kaleratu barri dau Elkar argitaletxeagaz. Alkar lotzen diran hiru kontakizun agiri dira liburuan, bakardade gordina bizi daben hiru personaiaren istorioak. Sasoi desbardinetan jazo arren, danak orube bera dabe eszenatoki.
Hammetten 'Kristalezko giltza' euskeraz, Igelak 25 urte bete dituala ospatzeko
2014-11-17 14:19 Kulturea
Liburu bi kaleratu ditu Igela argitaletxeak, bere 25. urteurrenean: Dashiell Hammetten Kristalezko giltza eta Mohamed Xukriren Hutsegiteen garaia. Hilketa-nobela edo hard-boiled izenekoen aitzindariaren lanik nabarmenena da lehenengoa, eta hain zuzen be Igela etxearen Sail Beltza bildumako 25. liburua.
Zabalik dagoeneko 2015eko leioako Umore Azokan parte hartzeko proposamen artistikoak bialtzeko epea
2014-11-17 14:01 Kulturea
Maiatzaren 21, 22, 23 eta 24an egingo dan 2015eko Umore Azoka-Leioako Kale Artisten XVI. Azokan parte hartzeko proposamen artistikoak bialtzeko epea zabaldu dabe dagoeneko. Interesauta dagozan konpainiek 2014ko zemendiaren 17tik abenduaren 21era bitartean emon behar dabe izena www.umoreazoka.org webgunean.
Fernando Garcia de Cortazar eta Altonio Altarriba alkartuko dira Bilboko 'Eztabaidak literatureagaz' zikloan
2014-11-17 12:11 Kulturea
Zemendiko Eztabaidak literatureagaz berbaldi zikloak idazle bi batuko ditu martitzenean, Fernando Garcia de Cortazar eta Antonio Altarriba. Literaturea eta oroimen historikoa izango ditue berbagai, Bidebarrieta liburutegian, 19:30etik aurrera.
III. ArgIHIzkiak literatura-lehiaketearen erakusketea Getxon ikusgai
2014-11-17 09:50 Kulturea
ArgiHizkiak literatura-lehiaketako 10 argazki eta horreetan oinarritutako euskerazko testu labur onenak batzen dituan erakusketea zemendiaren 17tik abenduaren 4ra arte bisitau ahal izango da Algortako Villamonte kultur etxean.
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...