Nafarroako Gobernuak Durangoko Azokan parte hartuko dau 15 urte eta gero
2015-11-13 14:30 Kulturea
Hamabost urte igaro dira Nafarroako Gobernua Durangoko Azokan azken aldiz egon zanetik. 2000. urtea zan, eta Gobernu nafarrak erakuslehio bat izan eban Azokako edizino haretan. Ordutik, barriz, ez dau parte-hartzerik izan Azokan, eta hutsune hori bete guran, Gerediaga Alkarteak hainbat urtetan Nafarroako argitalpenak izeneko erakuslehioa antolatu eban, Nafarroan sortzen ziran lanak batuz.
Bilbo grabaduaren uriburu bihurtu nahi dabe FIG Arte Azokako antolatzaileek
2015-11-13 14:10 Kulturea
Zemendiaren 19tik 22ra, Euskalduna Jauregian, papel ganeko grabaduen eta artearen nazinoarteko azokea, FIG Bilbao, egingo dabe laugarrenez. Bertoko eta kanpoko 60 galersita eta banatzaile baino gehiago batuko dira. Ganera, asteotan, jarduera ugari programau ditue Bizkaiko museoetan. Horregaz guztiagaz, Bilbo eta Bizkaia grabaduaren nazinoarteko erreferentzia bihurtu nahi ditue.
Bilboko 2016ko Aratusteetarako kartela aukeratzeko lehiaketea abian da
2015-11-13 10:23 Kulturea
Egile bakotxak lan bi aurkeztu leikez gehienez. Proposamenak bertikalak izan behar dira, 70 zm. x 50 zm. neurrikoak eta luma-kartoi gainean aurkeztu behar dira. Lanak originalak izatea nahitaezkoa da eta kolorea eta teknikea, barriz, libreak dira. Kartelak aurkezteko epea 2016ko abenduaren 4an amaituko da, eguerdiko 13:00ean.
Badator 'Adarretatik zintzilik', Ane Zabala eta Galder Perezen antzezlan nostalgikoa
2015-11-13 09:29 Kulturea
40 urte bete barri dituen persona bi dira obrako protagonistak, aktore biak be edade horretara ailegau dira eta. Komedia formatuan, bizitakoaren nostalgia eta aurrera begirako zalantzak azaleratzen dira Adarretatik zintzilik antzezlanean. Gaur, barikua, estreinauko da, Beran, Giltxikaro konpainiaren produkzino barria.
Valerie Mrejen artista frantsesaren lana ezagutu ahal izango da Bilbao Arten
2015-11-12 14:28 Kulturea
Artista horrek sortutako lau bideo erakutsiko dira Bilbao Arteren egoitzan, zemendiaren 16tik 20ra. Erakusketa bideografikoa izango da, lau filmak batera proiektauko ditue pantaila banatan arratsaldero. Ganera, hilaren 19an, tailer bat gidatuko dau Valerie Mrajanek berak. Proiekzinoak doban dira baina tailerrerako izena emon behar da.
'Lurrak' euskal zirku garaikideko ikuskizunaren produkzinoa Bilbon hasi da
2015-11-11 11:39 Kulturea
Zuzeneko musikea dauen euskal zirku garaikideko ikuskizuna izango da, eta Adrian Schavarztein clown eta zirku eta antzerki zuzendari ospetsuak zuzenduko dau. Lurrak datorren udabarrian estreinauko da kaleko bersinoan Kaldearteren barruan, eta Bilboko Kalealdiko hurrengo edizinoaren programazinoaren barruan be egongo da. 2016ko udagoienean, barriz, antzokietara helduko da.
Hiru erakusketa eta zortzi berbaldi dakarz Begira Photok Durangora
2015-11-10 16:12 Kulturea
Zemendiaren 29ra arte egingo da Begira Photo argazkigintzearen jaialdiko 5. ekitaldia Durangon. Arte eta Historia Museoan, Plateruenan eta Merkadu plazan ipini ditue hitzorduak. Pensamendurako eta eztabaidarako gunea da Begira Photo, argazkilaritza garaikidearen ikuspegitik begiratuta. Argazkigintza irudikatu leloa aukeratu dabe jaialdirako.
Europako hizkuntza gitxituetako literaturea ezagutzera emoteko sortu dau 'Beste hitzak' Donostia 2016k
2015-11-10 11:04 Kulturea
Lau herrialdetan egonaldiak egin ahal izango ditue euskal idazleek eta, holan, Europako hizkuntza txikien sare literarioa sortu nahi dabe. Lehenengo txandarako izen-emote epea zabalik dago. Eslovenian izango da lehenengo egonaldia. Gure hitzak egitasmoa Donostia 2016 Kultur Uriburuak ipini dau martxan, Donostia Kultura erakundeagaz batera.
Bilboko Metroan ikusgai dago CVCEPHOTO lehiaketako sarituak batzen dituan argazki-erakusketea
2015-11-10 10:12 Kulturea
Beste urte batez, Bilbao Mendi Film Festival-ek abenduaren 11tik 20ra Bizkaiko uriburuan zortzigarren edizinoa izango dauen Mendi eta Abentura Kirolen Nazinoarteko Zinemaldiak, uriburuko erraietara ekarri ditu profesional handienek eta saritutako argazkilari amateurrek lortutako mendiaren esparruko argazki harrigarrienak.
Mendia eta literaturea buztartuko ditue martitzenean Bilboko Bidebarrieta liburutegian
2015-11-09 13:31 Kulturea
Eztabaidak literaturarekin zikloaren hurrengo hitzordua mendiagaz eta mendizaletasunagaz lotuta egongo da. Martitzenean, hilak 10, Bidebarrieta Kulturgunean alkartuko dira Juanra Madariaga eta Ramon Olasagasti. Mendizaleak dira biak, baina literaturearen munduan be badabilz. Jabi Baraiazarra moderatzaile dala, mendizaletasunaren eta literaturearen arteko zubia eregiko dabe.
Poloniako editoreak izango dira aurten Durangoko Azokan
2015-11-09 13:19 Kulturea
Aurten, 2016. urtean Europako Kultur Uriburu izango diran Donostia eta Wroclaw urien arteko loturea dala eta, Etxepare Euskal Institutuak konbidautako Poloniako editoreak izango dira Durangoko Azokan. Horrezaz gan, literaturan eta musikan adituak diran Poloniako kazetariak be etorriko dira.
'Gaming' jokerea berbagai 'Erabili eizuz zeu baliobakotu barik' jardunaldien VI. edizinoan
2015-11-09 12:40 Kulturea
Sabino Arana Fundazinoak eta Euskaltelek antolatuta, DBHn, Batxilergoan eta Lanbide Heziketan ikasten daben 500 gazte inguruk parte hartuko dabe aurten Erabili eizuz zeu baliobakotu barik. Internet + Sare Sozialak izeneko jardunaldien 6. edizinoan.
Josu Bilbao Ugalde bermeotarraren obrak ikusgai Rekalde aretoan
2015-11-06 10:29 Kulturea
'Barriek 2015' programearen barruan, Josu Bilbao Ugalderen (Bermeo, 1978) piezak egongo dira ikusgai Bilboko Rekalde aretoko Kabinete Abstraktuan, gaur hasi eta zemendiaren 29ra arte. Aijje izena emon deutso autoreak erakusketeari.
Munduko domeinu barrien artean .eus laugarren postuan dago
2015-11-05 16:35 Kulturea
PuntuEUS Fundazinoak jakinarazo duenez, munduan sortu diran domeinu barrien artean .eus laugarren postuan kokatu da kalidade eta SEO sailkapenetan, mundu osoko 783 domeinuren artean egindako neurketearen ondoren.
Gorbeiako edur-zuloak eta Jose Arrue pintorea protagonista Orozkoko Museoaren jardunaldietan
2015-11-05 13:46 Kulturea
Orozkoko Museo Etnografikoak, Udala, UNIA eta Eusko Jaurlaritzearen laguntzinoagaz, aurten barriro be, Orozkoren kultura eta ingurunea ezagutzeko jardunaldiak antolatu ditu. Aurkezpenean, Josu San Pedro, Orozkoko alkateak esan dauenez, Orozkoko ingurua museo natural bat izan arren, urtero jardunaldiak antolatzen doguz ibilbide batzuen bitartez gure herriko altxorrak ezagutzera emoteko.
Olaeta Balletak 'Itzulera' eta 'Jaietan' lanek osotutako programa bikotxa estreinauko dau Arriaga Antzokian
2015-11-05 09:47 Kulturea
Itzulera Kirmen Uribe idazlearen jatorrizko idean oinarritzen da. Koreografia Asier Zabaletarena da eta Juan Carlos Perez arduratu da musikaz. Ganera, Josu Camara antzezleak parte hartzen dau.
Jaietan, barriz, Olaeta Balleten idea da eta koreografia Mari Carmen Muñozek eta Jone Goirizelaiak atondu dabe. Pieza honetako musikea askotarikoa da, Kepa Junkera eta Jose Luis Franco lako artista ezagunen lanak eta musika herrikoiak entzuten diralako.
Eskolarteko Rafael Mikoleta ipuin lehiaketea abian da Bilbon
2015-11-05 09:27 Kulturea
Lehen eta Bigarren Hezkuntzako ikasleak euskeraz irakurri eta idaztera bultzatzea da lehiaketearen asmoa. Edadearen arabera, lau kategoriatan banatuko ditue parte-hartzaileak eta hiru sari egongo dira maila bakotxean. Urtarrilaren 29ra arte aurkeztu leitekez ipuinak. Bilboko Udalak antolatzen dau urtero Rafael Mikoleta sariketea eta, aurten, dagoeneko 27. ekitaldia beteko dau.
'Arratiako Altxorra' jokoaren aurkezpena Zeanurin
2015-11-04 14:23 Kulturea
Egileak asko izan dira, euren artean aitamen berezia merezidu dabe Zeanuriko gazte talde batek eta Manu Etxebarria zeberioztarrak. Diseinu lanak, barriz, Javier Lacalle Laka artista zornotzarrak egin ditu.
Idazle gazteentzako R.M. Azkue sariketarako deialdia egin dau Euskaltzaindiak
2015-11-04 12:03 Kulturea
Abenduaren 16ra bitartean, euskerazko narrazino eta olerkiak bialdu leikeez gaztetxuek. Euskaltzaindiak eta BBK Fundazinoak antolatzen dabe urtero R.M. Azkue sariketea, ume eta gazteen artean literatur zaletasuna bultzatzeko. Idazteko ohiturea gaztetatik lantzea garrantzitsua dala uste dabe antolatzaileek. Hainbat sari egongo dira kategoria bakotxean.
Bizkaian ia 10.000 personak parte hartu dabe Ondarearen Jardunaldietan
2015-11-04 10:15 Kulturea
Aurten 15. aldiz, Ondarearen Europako Jardunaldiakaz bat egin dau Bizkaiak. Holan, urrian, 200 jarduera inguru antolatu ditue erakunde publikoek eta eragile kulturalek. Aurtengo gai nagusia burdina izan dan ezkero, burdinolakaz, burdinaren merkataritzeaz eta metal horregaz egindako eraikinakaz lotutako ekintzak izan dira gehienak. Bizkaiko Foru Aldundiak egin dauen kalkuluaren arabera, ia 10.000 lagunek parte hartu dabe jardunaldietan.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...