Durango Folk 2010, euskal folklorea eta segoviarra bat eginik
2010-12-10 13:17 Kulturea
Zapatu honetan, abenduak 11, iluntzeko 20:00etan Durangoko Plateruena Antzokian, Durango Folk 2010 jantza-jaialdiaren edizino barri bat izango da ikusgai Kriskitin jantza-taldearen eta Segoviako La Esteva jantza-taldearen eskutik. Sarrerea dobakoa izango da.
Europako antzerki-konpainia pribadu zaharrena Arriagan egongo da asteburuan
2010-12-10 10:12 Kulturea
Els Joglarsek antzerki-lekukoa hartuko dau eszenatokian, abenduaren 9tik 12ra arte, 2036 OMENA-G lanagaz. Obra kritiko eta sarkastiko honegaz, konpainia katalanak eszenatokietan egin dauen mende erdia ospatuko dau, 2011an beteko baitau urtemuga hori. Berrogeta hamar bizitza-urte, atzera begiratu beharrean etorkizunera begiratzen dabenak, hau da, 2036. urtera.
Biopolitics-egaz, jantza garaikideari buruzko hausnarketa proiektua dator
2010-12-09 13:59 Kulturea
BilBAK Bilbao Arte eta Kulturak bere udagoieneko egitarauari amaierea emongo deutso My Private Biopolitics-egaz. Sasa Asentic koreografoaren eta Ana Vujanovic teorialariaren jantza garaikideari buruzko proposamen erreflexiboa da eta abenduaren 10etik 15era bitartean eskainiko da.
Salmenta gora-beheratsuak izan dira, bisitarien antzera, aurtengo Durangoko Azokan
2010-12-09 10:42 Kulturea
Ezaugarri eta helburu nagusiari eusten deutso Azokeak, baina aldaketak emon dira eta emoten dagozala autortzea ezinbestekoa da. Horren adibide dira Azoka barruko aurkezpenak, Haur Literatura Aretoa, Ahotsenea, Azoka TB, Internet... eta etor daitekezan beste ekimen batzuk, guztiek Azokearen funtsa indartzeko balio dabela inoiz baino argiago erakutsi dabe edizino honetan.
Musikea jarri deutso Jon Arretxek 7 kolore liburuari
2010-12-07 10:27 Kulturea
Jon Arretxe idazlearen, Francisco Ibañez konpositorearen eta Cristina Fernandez ilustratzailearen ekarpenak batzen dituan lana da 7 Kolore disko-liburua. Lan honetako testuetan idazleak egindako hamaikatxu bidaietan bizi izan dituan esperientzia berezienak batzen dira, eta sentimenduka sailkatu dira, kapitulu bakoitza kolore baten esanahiari lotuz.
Erotismoa eta Kurdistango kulturea ardatz, Durangoko 45. Euskal Liburu eta Disko Azokeak gaur zabalduko ditu ateak
2010-12-04 10:28 Kulturea
Abenduaren 4tik 84ra euskal kulturearen erdigune bihurtuko da Durango. Milaka lagun espero ditu Gerediaga Alkarte antolatzaileak eta krisiak krisi eta murrizketak murrizketa danak asetzeko moduko eskaintza izango da urtero legez. 500 nobedade inguru iragarri ditue, igaz baino 50 bat gehiago: 339 liburu barri, 85 disko. 30 aldizkari, 20 bideo, 9CD-ROM eta beste 22 produktu.
Gazteen artea protagonista X. Getxoarten
2010-12-03 10:09 Kulturea
Getxoarte Arte Sortu Barrien Aretoaren hamargarren ekitaldia hasiko da gaur, hilak3. Aurten, 62 artista gaztek parte hartuko dabe ekimenean, Euskal Herriko arte plastiko eta bisualen sorkuntza barria bultzatzeko eta sustatzeko asmoa dauena. Erakusketea Areetako Geltokia plazako karpan egongo da zabalik domekara arte eta bertan, bisitariek hainbat lan-mota izango ditue ikusgai.
Patxo Telleriaren ‘Dibertimenduak’ trilogia eta Oier Guillanen 'Herio heroi' eta 'Arra. Arraroa’ argitaratu ditue
2010-11-30 10:08 Kulturea
Liburu bi horreek, Artezblai Testu Bildumea osotzen daben beste hogei bat titulugaz batera Durangoko Liburu eta Disko Azokan aurkeztuko dira Euskal Herriko Antzerki Zaleen Alkarteak izango dauen standean.
Getxoko IX. Komiki eta Manga Azokeak 20.000 bisitari erakarri ditu
2010-11-29 14:35 Kulturea
Pasa dan barikutik, komikizaleek bederatzigarren arteaz gozetako aukerea izan dabe jarduera ugaritan eta 80 salmenta-postuetan Areetako Geltokia plazako karpan, antolatzaileek adierazo dabenez. Urtero legez, ospe handiko egileak egon dira berbaldietan eta aurkezpenetan eta hain arrakastatsuak diran sinatze ekitaldietan.
'Bilbao como has cambiao', urteen joanean Bilbo zelan aldatu dan ikusteko liburua
2010-11-25 14:36 Kulturea
Bilbao como has cambiao izeneko liburuan, Bizkaiko uriburuko argazki zaharrak eta barriak batera ikusi geinkez eta uriaren itxurea hamarkada gitxian zelan aldatu dan jakiteko lan aproposa da. Ehun irudi baino gehiago dakarz liburuak, Manu Cecilio, Begoña Zubero eta Vicente Paredes argazkilari ezagunek egindakoak.
Errautsak antzezlana BilBAKen udagoieneko programazinoan
2010-11-24 11:28 Kulturea
Artedrama (Bizkaia), Dejabu Panpin Laborategia (Gipuzkoa) eta Le Petit Theatre de Pain (Lapurdi) euskal taldeak proiektu baten inguruan batu dira: Errautsak taularatzea, hain zuzen, 70. hamarkadan jaio eta Itoiz edo Delirium Tremens-en rockagaz hazi zan belaunaldiaren erretratua.
Leioako 2011ko Umore Azokan parte hartzeko proposamen artistikoak aurkezteko epea zabalik dago
2010-11-23 13:08 Kulturea
2011ko maiatzaren 12, 13, 14 eta 15ean ospatuko dan Leioako Umore Azokan parte hartzeko proposamen artistikoak aurkezteko epea zabalik dago. Antolatzaileek 2011ko edizinoan parte hartu gura daben konpainia, artista eta alkarteek izena emoteko epea zabaldu dabe. Proposamenak aurkezteko epea 2011ko urtarrilaren 21ean amaituko da.
Mikel Martinezek 'Larria, kutsakorra, mendebaldekoa' komedia estreinauko dau abenduaren 7an Durangon
2010-11-22 14:38 Kulturea
Patxo Telleriak eta Jokin Oregik idatzitako testua dau oinarri Tartean antzerki taldearen lan barriak. Bakarrizketea izan arren, Mikel Martinezek hiru pertsonaia egingo ditu, eta pertsonaia batetik bestera salto egiten ibiliko da espiral etenbakoan.
Lyoneko Operako Balletak 'Giselle' obrearen bertsino garaikidea taularatuko dau Bilboko Arriagan
2010-11-19 13:34 Kulturea
Bilboko Arriaga Antzokiko 2010-2011 sasoiko jantza-programazinoaren barruan, zemendiaren 20an eta 21ean Giselle ballet ezagunaren bertsino garaikidea aurkeztuko dau Lyoneko Operako Balletak. Zapatuan 20:00etan hasiko da ikuskizuna, eta domekan 19:00etan.
'El Jueves' eta 'Pompas de papel' omenduko ditue Getxoko Komiki Azokan
2010-11-19 12:59 Kulturea
Komiki eta Manga Azokaren bederatzigarren edizinoak binetearen mundua eroango dau Getxora zemendiaren 26tik 28ra. Hiru egunetan, komikia protagonistea izango da Areetako Geltokia plazan. Bertan, 80 salmenta-gune baino gehiago egongo dira.
'Erotismoa' ardatz hartuta dator aurten Durangoko 45. Euskal Liburu eta Disko Azokea
2010-11-18 14:49 Kulturea
Abenduaren 4tik 8ra Durangoko Landako Gunean egingo dan Durangoko Euskal Liburu eta Disko Azokarako gero eta gitxiago falta da. Zehetasun guztiak gaur emon ditue prentsaurrekoan.
‘La espera’, Hortzmuga eta Arriaga Antzokiaren produkzino barriak Vitoria-Gasteizko Nazinoarteko XXXV Jaialdian hasiko dau bere ibilbidea
2010-11-18 10:08 Kulturea
Bilbon joan dan urrian eta ikuslego zabal baten aurrean estreinautako La espera. Nadar de noche antzezlanak Vitoria-Gasteizko Nazinoarteko Antzerki Jaialdian hasiko dau bere ibilbide barria, Jesus Ibañez de Matauko antzokian gaur, zemendiak 18, iluntzeko 20:30etan eskainiko dan emonaldiagaz hain zuzen be.
Akira Kurosawa protagonista AlhondigaBilbaon
2010-11-16 17:53 Kulturea
AlhóndigaBilbaoren eskutik, Samuraiaren begirada: Akira Kurosawaren marrazkiak erakusketan, lehenengo aldiz, bere storyboardak ikusi ahal izango dira, berak egindako pelikulen zatien proiekzinoagaz batera. Era berean, haren zinematografiako 25 kartelak ikusi ahal izango dira.
Georges Rouault artistearen atzera-begirako berezia dago ikusgai Bilboko Arte Eder Museoan
2010-11-16 13:40 Kulturea
2010eko zemendiaren 15etik 2011ko zezeilaren 13ra bitartean, Bilboko Arte Eder Museoan, Georges Rouault. Sakratua eta profanoa erakusketeak ehun lan baino gehiago erakutsiko ditu –olioak, grabatuak, eta, baita, bere beirateetako bat–, XX. mendeko artista garrantzitsuenetako bat deskubriduteko.
'Cuarenta dias de mayo' lana aurkeztu dau Mikel Alvira nafarrak
2010-11-10 16:48 Kulturea
Mikel Alvirak (Iruñea, 1969) gaur aurkeztu dau Bilbon zazpigarren nobelea dauen Cuarenta dias de mayo Ttartalo argitaletxearen eskutik. Emozinoa eta tentsinoa dira nagusi, nobela baltzetik zein historikotik asko dauen liburuan.
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...