Rineke Dijstraren 'The Krazyhouse' bideoinstalazinoa ikusgai, Bilboko Guggenheim museoan
2014-11-14 12:22 Kulturea
Martiaren 1era arte, lau proiekzinoz osotutako The Krazyhouse (Megan, Simon, Nicky, Philip, Dee) lana ikusteko aukerea izango da, Guggenheimeko 103. aretoan, Film & Video izeneko espazioan. 2010ean erakutsi eben lehenengoz Tate Liverpool museoan, eta ordutik leku askotan izan da, besteak beste, Parisen, New Yorken, Frankfurten, San Frantziskon eta Washingtonen.
Getxoko Manga Azokea astegoienean
2014-11-14 09:57 Kulturea
Zemendiaren 15ean eta 16an, Japoniako kulturea izango da protagonista Getxon, Areetako Geltokia plazan. Tarasu kultur alkarteak antolatuta, jarduera ugari eta mangaren protagonistak eurak izango dira ardatz. Hiru artista konbidatu ditute aurten: Shinichi Watanabe animazino zuzendari eta aktorea, Yui Kanan Yuimino+ musika taldeko liderra eta Yoshi Hioki margolari eta ipuin kontalaria.
'Black is beltza' nobela grafikoaren prozesu kreatiboa erakusketa baten batu dabe
2014-11-13 14:45 Kulturea
Bilboko Alondigean ipini dabe, Fermin Muguruzak gidatutako proiektua zelan gauzatu dan eta sormen prozesuan ze material erabili dan erakusteko asmoz. Era berean, berbaldiak, zinema proiekzinoak, kontzertuak eta abar egongo dira Bilbon, zezeilaren 8ra arte iraungo dauen programazino berezi baten barruan
Kulturgintzearen ganeko ardura eta gogoetak kultur plazearen erdigunera ekarriko ditu Durangoko Azokeak
2014-11-12 14:28 Kulturea
Nobedade nagusia Landakogunean kokatzen dan Areto Nagusiak izango dau. Gerediagako presidentea dan Nerea Mujikak azaldu dauenez, Euskal kulturearen plaza nagusia, euskal kultureari buruzko gogoeta gune garrantzitsu bilakatzeko erronkea hartu dabe Gerediagan. Horretarako, kultur sektorearen kezka, erronka eta gogoetak jasoko dituan espazioa egokituko dabe programazinoaren barruan.
R. M. Azkue Literatura Sarietarako lanak aurkezteko epea zabalik dago
2014-11-07 14:20 Kulturea
Euskaltzaindiak eta BBK-k idazle gazteei zuzendutako R. M. Azkue Literatura Sarietan parte hartzeko epea edegi dau. Beharrak bialtzeko azkenengo eguna abenduaren 16a da.
Ana Urkiza idazle ondarroarrak 'Mamuak' narrazino liburua aurkeztu dau
2014-11-07 10:36 Kulturea
Bildurra eta bildurrari aurre zelan egin, horrek dira Ana Urkizak idatzitako Mamuak (Elkar) liburuaren gai nagusiak. Ipuin luze eta laburrez osotu dau lana, eta danetan agiri dira mueta bateko eso besteko mamuak.
Bilboko Arte Eder Museoak japoniar arteari eskainitako areto egonkorra zababaldu dau
2014-11-07 09:44 Kulturea
Areto barrian, 89 piezako aukeraketa bat egongo da ikusgai: margolanak eta estanpak, tsuba (sablea gordetekoa), inro eta netsuke (objektuak eroateko kutxatxua eta kimonoaren gerrikotik zintzilikatzeko topea) multzo baliotsua, suzuribako (idazketarako) eta sikisibako kutxak (papelak gordeteko), eta tearen zeremoniarako zeramikak.
'Bilbon eskolatik antzerkira' programea eta Eskola Antzerki Lehiaketea abian dira
2014-11-05 10:58 Kulturea
Ikasturte honetan be, hezkuntzea eta antzerkia lotzen dituan ekimen bi atondu ditue Bilbon. Arte eszenikoetako ikus-entzule barriak preparau eta umeen artean antzerkiko sorkuntza lana bultzatzea dira aurten hogei urte beteko dituan ekimenaren helburu nagusiak. Bilbon eskolatik antzerkira programan, berbarako, 160.000 umek hartu dabe parte.
Arte Ederretako ikasleen Gradu Amaierako Lanen I. Erakusketea edegi dabe Bilbon
2014-11-04 10:38 Kulturea
2013-2014 ikasturtean EHUko Arte Ederren Fakultadean titulau diran ikasleen artelanen aukeraketea egin dabe Gradu Amaierako Lanen I. Erakusketan, Bilboko Bizkaia Aretoko lehenengo pisuan. Zemendiaren 5era arte egongo da zabalik
Chillida, Oteiza, Saura, Barceló edo Matisseren lanak Bizkaian zehar ibiliko dira BBKren ekimeari esker
2014-11-04 09:58 Kulturea
Ospe nabarmeneko artisten lanak udalerri horreetako jentearengana hurreratzea da erakusketon helburua. Holan, aukerea emoten jako jenteari doban ikusteko museo handietan edo galeria ospetsuetan ikusgai egon diran kalidade handiko piezak, horreekaz gozau deien. Programeak kultura jendartean zabaltzeko tresna izan nahi dau.
BilbaoArten Mika Murakami artista japoniarraren 'Zaindariak' erakusketea ikusgai dago
2014-11-03 14:54 Kulturea
Zaindariak - Guardianes proiekturako idea herrialde desbardinetako kultura anitzetan gaur arte iraun dauen ohitura batetik dator. Ipuin japoniarretan iratxoa agertzea normala da baita beste mitologia batzuetan be. Bere izakerea bihurria baina bihotz onekoa da. Etxeko zaindaria da, eta holan azaltzen da Mika Murakamik sortzen dituan obretan. Bere erakusketan, babeslearen irudia beti dago presente.
Mikel Peruarenak 'Su zelaiak' nobelea aurkeztu barri dau
2014-11-03 14:52 Kulturea
1914ko Mundu Gerran, Baionako Infanteriako 49. Erregimendua ardatz hartuta, Euskal Herriko makinatxu bat soldaduk bizi izandakoak jaso ditu Mikel Peruarena hernaniarrak Su zelaia (Susa) nobelan. Ipar Euskal Herrian, 6.000 lagun hil ziran, eta beste hainbat zauritu. Belaunaldi oso bat galdu zala dinoe adituek.
Euskal poeten antologia bat italieraz, sarean laster
2014-10-31 14:52 Kulturea
Zapatuan ipiniko dabe irakurgai Interneten Bernardo Atxaga, Joseba Sarrionandia, Rikardo Arregi, Miren Agur Meabe, Kirmen Uribe eta Harkaitz Canoren poemak batzen dituan Il giardino dei sensi risvegliati - Antologia di sei poeti baschi contemporanei izenburuko antologia. Danilo Manera Milango Unibersidadeko irakasleak itzuli ditu testuak, unibersidadeak berak kudeatzen dauen Tintas aldizkarian.
Euskaltzaindiak webgunean ipini barri dau 'Zaldubi: Gaineratekoen bilduma' liburua
2014-10-31 11:15 Kulturea
Zaldubi: Gaineratekoen bilduma lana Euskaltzainak sailaren 20. zenbakia da, eta Senpereko Udalaren, Euskerearen Erakunde Publikoaren eta Euskaltzaleen Biltzarraren laguntzinoagaz argitaratu zan. Egilea Gratien Adema Zaldubi da eta prestatzailea Henri Duhau.
Marco Canale eta Olga Mesa koreografoen estreinaldiak, BAD jaialdiaren azkenengo astegoienean
2014-10-31 10:56 Kulturea
BAD Antzerki eta Jantza Garaikideko Jaialdiaren 16. edizinoa amaitzear dago, domekan eskainiko ditu aurtengo azkenengo emonaldiak. Baina, estreinaldi bigaz zarratuko ditu ateak, Marco Canale argentinarraren El futuro empezó ayer eta Olga Mesa koreografo eta artistearen Carmen Shakespeare: Acto 1 beharrakaz, hain zuzen be.
Getxoartek egungo sorkuntzea eroango dau Areetara
2014-10-30 11:46 Kulturea
Ekimenaren helburuak dira artista barrien lana bultzatu eta horreen prestakuntzan lagundu, esperimentazino- eta hazkunde-gune bilakatu eta sormen garaikiderako prozesuak publikoari hurreratu. Azokea Areetako Geltokia plazako karpan kokatuko da eta bertan 30 arte-proposamen egongo dira ikusgai eta, horreen inguruan, zenbait jarduera antolatu dira.
Jabier Muguruzak 'Hilen logika ezkutua' helduentzako narrazino liburua kaleratu dau
2014-10-30 10:32 Kulturea
Eguneroko bizitzako kontuak jaso ditu Jabier Muguruzak, itxuraz jazoera normalak izan arren, azpian beste esangura bat daukienak. Hilen logika ezkutua (Erein) helduentzako hamabost urte idatzi barik egon ostean ailegau da. Kontakizun guztiek aipu bana dabe, berbarako, Natalia Ginzburg, Wislawa Szymborska, Bernardo Atxaga, Milan Kundera edo Josep Plarenak.
Liburu-denden jaia egingo dabe liburu zahar eta aukerakoen azokearen bezperan
2014-10-29 14:39 Kulturea
Urtero lez, Bilboko Arenalean liburu zaharrak, aukerakoak eta antxinako edizinoak ikusi eta erosteko aukerea egongo da, urriaren 31tik zemendiaren 16ra. Aurtengoan, ganera, urriaren 30ean Liburu-denden Jaia egingo dabe Araba, Bizkaia eta Gipuzkoan. Hiru lurraldeetako liburu-dendetan, tailerrak, musikea, liburu aurkezpenak eta idazleekaz topaketak egongo dira. Jaiaren helburua da herritarrei liburu-dendak ezagutzeko konbita egitea eta gizartean zein kulturan beteten daben zeregina azaltzea.
Jasone Osorok irabazi dau Augustin Zubikarai nobela-bekea
2014-10-28 14:17 Kulturea
Idazle elgoibartarraren nobela-proiektu batek irabazi dau Ondarroako Udalak eta Elkar argitaletxeak antolatzen daben Augustin Zubikarai saria. 26 behar aurkeztu dira, eta danen artean Jasone Osororen egitasmoa aukeratu dau Leire Bilbaok, Xabier Mendigurenek eta Ana Urkizak osotutako epaimahaiak. Saria eguen arrastian jasoko dau, Ondarroan, Literatur Amuak izeneko jardunaldien barruan
Bronte, Munro, Lispector eta Calder, 'Literatura Unibertsala' bilduman izango dira laster
2014-10-28 13:33 Kulturea
EIZIEk Literatura Unibertsala bildumako itzulpen proiektuen esleipena jakinarazo barri dau. Zazpi liburu barri aukeratu ditu epaimahaiak: Emily Bronteren Wuthering Heights, Alice Munroren Hateship, Friendship, Courtship, Loveship, Marriage, François Villonen Le testament, Norman Manearen Întoarcerea huliganului, Clarice Lispectorren Felicidade Clandestina, Pere Caldersen Aquí descansa Nevares eta Sergei Doblatoven Чемодан (Maleta).
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...