Eskultura hiperrealistak Bilboko Arte Ederren Museora helduko dira 2016ko udan, BBK/Museoa programeari esker
2015-10-16 11:13 Kulturea
BBK erakundeagaz hitzarmena barritu dau Bilboko Arte Ederren Museoak eta, holan, BBK/Museoa programeak aurrera segidu ahal izango dau. Akordio horrien barruan, eskultura hiperrealisteari buruzko erakusketa handi baten Europako lehenengo geldialdia Bilbo izango da. Udan izango da hori. Aurretik, Errenazimendu sasoiko Morales margolariaren ganeko erakusketea egongo da Arte Ederren Museoan.
Galdakaoko Andra Mari jantza taldeak musika eskaintza zabalagaz ospatuko dau 60. urteurrena
2015-10-16 10:17 Kulturea
Sei hamarkadako ibilbidea bete dau Andra Mari jantza taldeak eta musikeagaz ospatuko dau efemeridea. Urriaren 30 eta 31n, Musika Bizian jaialdia antolatuko dabe herrian eta, zemendian be, kontzertu ugari egongo dira, Benito Lertxundi tartean. Jantza jaialdia be ez da faltauko, zemendiaren 21ean. Kale-animazinoa eta jarduera edegiak be zenbatgura eratuko ditue, 60. urteurrena galdakoztar guztiek disfrutau daien.
Ana G. Lartitegui, Joseba Zulaika eta Juan Garzia be, Euskadi Sarietako irabazle
2015-10-15 13:19 Kulturea
Joan dan astean saritu batzuen barri emon eben eta, gaur, ilustrazinoaren, gaztelaniazko saiakerearen eta euskerarako itzulpenaren arloetako sarituen barri. Ana G. Lartiteguik El libro de la suerte lanean egindako irudiak, Joseba Zulaikak idatzitako Vieja luna de Bilbao eta Juan Garziak itzulitako Shakespeareren Sonetoak aukeratu ditu epaimahaiak.
Durangoko Azokan boluntario izateko aukerea eukiko dabe herritarrek
2015-10-13 17:08 Kulturea
Lehenengo aldiz, nahi daben herritarrek boluntario lan egin ahal izango dabe Durangoko Azokan. Lan administratiboa, komunikazinokoa, teknikoa eta abar egin ahal izango dira, bakotxaren ezagutzen arabera. Herritarrei Durangoko Azokea barru-barrutik ezagutzeko aukerea emon nahi jake eta, bide batez, azokearen antolakuntzeari bultzadatxua emon. Urriaren 31ra arte emon leiteke izena.
Arteak hartuko dau Bilbo asteburuan, Bilbao Art District-en eskutik
2015-10-13 14:44 Kulturea
Hirugarren urtez, Bilboko arte galeriek atea zabalduko deutsie herritar guztiei, Bilbao Art District ekimenaren bidez. Museo, unibersidade, ostalari, merkatari eta erakunde publikoen laguntzinoagaz, arteari eskainitako asteburua eratu dabe urriaren 16 eta 17rako eta udagoienean galerietan egongo diran erakusketak aurkeztuko ditue. Berbaldiak, bisitaldi gidatuak, tailerrak eta abar be antolatu ditue.
Bizkaiko zazpi museo bisitetako aukerea emoten dau Bost Txartelak
2015-10-13 10:42 Kulturea
Bizkaiko Foru Aldundiak atara dau Bost Txartela, zazpi museo eta erakusketa-areto bi nahi beste bidar erabilteko aukerea emoteko. Kanpainea orain hasi dabe eta txartelak zezeilera arte erabili ahal izango dira. Honeek dira museoak: Bilboko Arkeologi Museoa, Muskizeko El Pobal burdinolea, Balmasedako La Encartada fabrika-museoa, Gernikako Euskal Herria museoa, Bermeoko Arrantzaleen museoa, Kortezubiko Santimamiñe kobazuloa eta Bakioko Txakolingunea. Ondare eta Rekalde aretoetarako be balio dau.
Federico Leon, Cecilia Bengolea edo Txileko Teatro Errante Konpainia lako nazinoarteko artistak XVII. Bad Jaialdian
2015-10-09 15:31 Kulturea
Bilboko Udalak antolatutako jaialdia urriaren 21ean hasi eta zemendiaren 1era arte izango da, dagoeneko ohikoak diran BilbaoArte, La Merced, Errekalde Aretoa, La Fundición, Muelle 3, Bilborock eta Garabia Zawp eszenatokietan. BAD-ek hogei konpainia ingururen azken lanak ekarriko ditu Bilbora, horreen artean erabateko zortzi estreinaldi eta Euskadin lehen aldiz ikusi ahal izango diran lau lan.
Leioako Umore Azokarako proposamen artistikoak bialtzeko epea zabaldu dabe
2015-10-09 15:29 Kulturea
Maiatzean egingo da, urtero legez, Leioako Umore Azokea, kale antzerkiari eta aire zabaleko arte eszenikoei eskainitako hitzordua. 2016ko ekitaldian parte hartu nahi daben konpainiek izena emon leikee, zemendiaren 15era bitartean. Ondoren, zuzendaritzeak aukeraketea egingo dau, maiatzean Leioan izango diran obrak zeintzuk izango diran erabagiteko.
Juan Jose Alvarezek urriaren 13an jasoko dau Eusko Ikaskuntza-Laboral Kutxa saria
2015-10-09 12:53 Kulturea
Juan Jose Alvarez Euskal Herriko Unibersidadeko (EHU) Nazinoarteko Zuzenbide Pribatuko katedradunak datorren martitzenean, urriaren 13an, jasoko dau Eusko Ikaskuntza - Laboral Kutxa - Humanidade, Kultura, Arteak eta Gizarte Zientzien 2015eko saria.
Azkuna Zentroak 'Zergatik ez Judy Chicago' erakusketea aurkeztu dau
2015-10-07 17:22 Kulturea
Erakusketeak ikus-ibilbide bat proponiduten dau arte feministearen aitzindarietako baten lanean barrena, 50 urtean sortu dituan obren eta dokumentuen sailkapen baten bitartez.
Judy Chicago praktika eta teoria artistikoan sartzea lortu eban emakumeen lehenengo belaunaldiaren zati da.
Gauaren espirituari dei egingo deutsie Bilbaopoesia jaialdian, urriaren 14tik 23ra
2015-10-07 14:29 Kulturea
Ramon Saizarbitoria, Arantxa Urretabizkaia, Chantal Maillard, Antonio Colinas, Clara Janes eta beste artista ezagun asko batuko ditu aurten Bilbaopoesia jaialdiak. Urriaren 14an hasiko da eta hamar egunez kontzertuak, errezitaldiak eta berbaldiak egongo dira. Gaua izango da aurtengo gai nagusia.
'Hormako mezuak', sasoi bateko iragarkiak Bilboko Arte Eder Museoan
2015-10-07 12:05 Kulturea
Hormako mezuak. Bilboko Arte Ederren Museoaren bildumako kartelak (1886-1975) erakusketeak berrehun pieza baino gehiago emongo ditu ezagutzera, zehatz esateko 227 kartel, danak be museoaren antxinako kartelen fondo handi eta ez lar ezagunekoak. Aitatutako lanak Euskal Herriko Unibersidadeko Artearen eta Musikearen Historia Saileko irakaslea dan Mikel Bilbao Salsiduak aukeratu ditu.
Dantzaz konpainiaren 'Aureo' estreinauko dabe Arriagan, nazinoarteko bost koreograforen lanakaz
2015-10-06 15:00 Kulturea
Urriaren 9an eta 10ean egingo dabe Dantzaz konpainiaren ikuskizun barriaren estreinaldia, Bilboko Arriaga antzokian. Aureo, bost piezaz osotuta dago, bakotxa koreografo batek egina eta Adriana Pousek koordinauta. Sortzaile beteranoak eta gazteak buztartu ditue eta, euren aginduetara, Dantzazeko jantzari gazteak ipini ditue. Publikoaren eta obrearen arteko hartu-emon perfektuaren bilaketea da Aureoren abiapuntua.
Joxemiel Bidador pastorala Iruñean antzeztuko dabe zapatuan
2015-10-06 11:15 Kulturea
Gazte hil zan Joxemiel Bidador (1970-2010) baina ondare zabala eta jarrera eredugarria itxi zituan. Haren bizitzeari buruzko pastoral bategaz omenaldia egingo deutsie Nafarroako kultur munduak eta euskalzaleek zapatuan. Zuberoako tradizinoari kasu eginaz eratu dabe ikuskizuna eta, ganera, astean zehar be ekitaldi ugari egongo dira, Bidadorren lana gogora ekarteko. Sarrerak agortu egin dira.
Basque Country kamisetea aurten be New Yorkeko maratoian
2015-10-05 17:35 Kulturea
Datorren zemendiaren 1ean nazinoarteko kirol proba ospetsu horretan parte hartzeko asmoa daben euskal kirolariek Basque Countryren ordezkari lez korrika egiteko aukerea izango dabe, Eusko Jaurlaritzako Gazteria eta Kirol Zuzendaritza, Euskadiko Atletismo Federazinoa eta Euskadiren AEBetako Ordezkaritzearen arteko lankidetzeari esker.
Urriaren 16an egingo da 'Piarres Larzabal sortzearen mendeurrena (1915-2015)' jardunaldia Baionan
2015-10-05 13:35 Kulturea
Jardunaldia Euskaltzaindiaren Literatura Ikerketa batzordeak antolatu dau eta Larzabalek kulturgintzan eginiko ekarpenaz gogoetea egitea dau helburu.
Ikuspegi arkitektonikodun eskulturak Bilbao Arten, Iago Rey de la Fuenteren erakusketan
2015-10-02 15:16 Kulturea
'Matriz' izeneko erakusketea zabaldu dau Bilbao Arte fundazinoak, Bizkaiko uriburuko Urazurrutia kalean daukan egoitzan. Urriaren 23ra arte, Iago Rey de la Fuente zarauztarraren eskulturak ikusi ahal izango dira bertan. Bilbao Arteren artista egoiliarra izan zan Rey 2014an eta bere sorkuntza proiektuaren emoitzea da 'Matriz', fundazinoaren ekoizpen propioko erakusketea.
Cafe Bar Bilbao teatro laburrerako gidoi lehiaketea martxan ipini dabe
2015-10-02 14:33 Kulturea
Euskerazko eta gaztelaniazko atalak eukiko ditu lehiaketearen 13. edizino honek. Tamainu txikiko antzezlan laburretarako gidoiak aurkeztu ahal izango dira. Abenduaren 31ra arte entregau leitekez proposamenak Bilboko Cafe Bar Bilbao taberneak, Tartean Teatrok lagunduta, antolatutako lehiaketara.
Galtzagorri alkartearen 25. urteurrena ospatzeko ekitaldiak egingo ditue urrian
2015-10-02 12:31 Kulturea
Galtzagorri alkartea 1990ean sortu zan, umeen artean irakurzaletasuna bultzatu eta haur eta gazte literaturea bultzatzeko. Mende laurenaren atxakian, urte guztian ekitaldi piloa egiten dabil Galtzagorri, baina urteurren zehatza urriaren 24an danez, hile honetarako gorde ditue ospakizun nagusiak. Ipuin kontalarien maratoia, 'Ilustrazioen enkante dramatizatua' eta Umeen liburuen jaia egingo ditue.
XXXVI. Santurtziko Antzerki Jaialdia urriaren 23an hasiko da
2015-10-01 15:38 Kulturea
Aurtengo jaialdia urriaren 23tik zemendiaren 28ra bitartean egingo da eta antolatzaileek hogei ikuskizunez osotutako programazinoa atondu dabe, aurten danon eskura, izan be, Santurtziko Antzerki Jaialdiak prezio merkeen alde egindako apustuari esker, abonu bat jarriko da salgai 85 euroan antzezlan guztiak ikusteko, umeentzako ikuskizunak izan ezik.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...